ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ៖ នៅក្នុងសិក្ខាសាលាអនឡាញស្តីពីគន្លឹះក្នុងការសម្រេចចិត្តជ្រើសរើសការងារក្នុងវិស័យរដ្ឋ ឬឯកជន រៀបចំឡើងដោយក្រុមយុវជនស្ម័គ្រចិត្តដើម្បីអភិវឌ្ឍន៍សង្គម (YVSD) អ្នកជំនាញអភិវឌ្ឍធនធានមនុស្សបីរូបបានចែករំលែកគន្លឹះសម្រេចចិត្តជ្រើសរើសការងារឱ្យចំគោលដៅដល់យុវជន។ អ្នកជំនាញបានលើកឡើងថា យុវជនជ្រើសរើសអាជីពមួយបានត្រឹមត្រូវ អាស្រ័យលើជំនាញ សមត្ថភាព ចំណង់ចំណូលចិត្ត និងអត្តចរិតបុគ្គល។
ឯកឧត្តម ហឿន សំនៀង នាយកវិទ្យាស្ថានតេជោ សែន សាធារណការនិងដឹកជញ្ជូន មានប្រសាសន៍ថា ប្រសិនយុវជនចង់ក្លាយខ្លួនទៅជាអ្នកមានទ្រព្យសម្បត្តិស្ដុកស្ដម្ភមានលុយកាក់ច្រើន ត្រូវទៅធ្វើការងារស្ថាប័នឯកជន ប៉ុន្តែបើចង់បានកិត្តិយសបម្រើព្រះរាជា បម្រើប្រជាពលរដ្ឋ និងធ្វើឱ្យប្រទេសជាតិរុងរឿងថ្លៃថ្នូរឧត្តុង្គឧត្តម ត្រូវចូលរួមការងាររាជការ។ លោកបន្តថាគ្មានការងារណាដែលមានតម្លៃខ្លាំងជាងការបម្រើសេចក្ដីល្អជូនសង្គមជាតិឡើយ។
“បើចង់ក្លាយជាអ្នកមានគួរទៅរកស៊ីនៅវិស័យឯកជន បើចង់បានកិត្តិយសធ្វើមន្រ្តីរាជការជីវភាពអាស្រ័យលើស្ថានភាពសេដ្ឋកិច្ចសង្គម”
ឯកឧត្តម ហឿន សំនៀង នាយកវិទ្យាស្ថានតេជោ សែន សាធារណការនិងដឹកជញ្ជូន
ឯកឧត្តម ហឿន សំនៀង បានបន្ថែមទៀតថា ការត្រៀមខ្លួនប្រឡងចូលប្រើការងារក្នុងក្របខណ្ឌរដ្ឋយុវជនត្រូវដឹងច្បាស់ពីវិញ្ញាសារជំនាញ ពង្រឹងសមត្ថភាពផ្ទាល់ខ្លួនឱ្យខ្លាំង មានចំណេះដឹងទូទៅទូលំទូលាយ ចេះភាសាបរទេសណាមួយ និងត្រូវត្រៀមខ្លួនឱ្យបានល្អរួចជាស្រេច។ យុវជនមិនត្រូវគិតថា ចូលធ្វើការងាររដ្ឋព្រោះចង់បានដំណែងហើយប្រព្រឹត្តអំពើពុករលួយ ចង់បានបុណ្យសក្ដិឋានៈខ្ពស់ខ្ពស់ប្រព្រឹត្តអំពើអាក្រក់នោះឡើយ។
ចំណែក លោក ស៊ាង សុបញ្ញា អគ្គនាយកវិទ្យាសា្ថនអន្តរជាតិកម្ពុជាអាស៊ាន និងជាប្រធានសមាគមសហគ្រិនវ័យក្មេងកម្ពុជា បានមានប្រសាសន៍ថា យុវជនមិនត្រូវចំណាយពេលម្ភៃឆ្នាំរបស់ខ្លួនដើរផ្លូវវែងឆ្ងាយខុសហើយត្រូវកែនោះទេ។ យុវជនត្រូវជ្រើសរើសផ្លូវដើរមួយដែលត្រឹមត្រូវទើបឆាប់ទៅដល់គោលដៅទាំង រីករាយ និងសុភមង្គលក្នុងជីវិត។
“ឱកាសការងារទាំងអស់មានសម្រាប់តែយុវជនដែលបានត្រៀមទុកជាមុន អ្នកខិតខំប្រឹងប្រែង និងអ្នកមានវិន័យខ្ពស់សម្រាប់ខ្លួនឯង”
លោក ស៊ាង សុបញ្ញា អង្គនាយកវិទ្យាសា្ថនអន្តរជាតិកម្ពុជាអាស៊ាន
លោក ស គីណាល់ អង្គនាយកក្រុមហ៊ុន Aplus Consulting ក៏បានលើកឡើងដែរថា ការសម្រេចចិត្តនិងការត្រៀមខ្លួនបានល្អក្នុងអាជីពទាល់តែយុវជនដឹងពីអ្វីដែលខ្លួនចង់បាន យុវជនត្រូវដឹងពីលក្ខណៈសម្បត្តិនៃអាជីព ស្គាល់សមត្ថភាពខ្លួនឯង មានជំនឿលើអាជីព មានក្ដីស្រឡាញ់ មិនរារែក មិនស្ទាក់ស្ទើ និងមានទំនួលខុសត្រូវខ្ពស់គ្រប់កិច្ចការ។
អ្នកជំនាញអភិវឌ្ឍន៍ធនធានមនុស្សរូបនេះ បានបញ្ជាក់ថា យុវជនកម្ពុជាត្រូវជឿជាក់លើខ្លួនឯង ត្រូវមានព័ត៌មានក្នុងដៃឱ្យបានគ្រប់គ្រាន់មុននឹងសម្រេចចិត្ត និងមិនត្រូវបន្ទោសអ្នកដទៃដាច់ខាត។ លោកថា ពេលចាប់ផ្ដើមធ្វើអ្វីមួយយុវជនត្រូវមានទំនួលខុសត្រូវចេញពីបេះដូង និងមិនត្រូវស្ដាប់ពាក្យអវិជ្ជមានរបស់អ្នកដទៃច្រើនពេកនោះទេ។
គួរបញ្ជាក់ថា សិក្ខាសាលាអនឡាញស្តីពីគន្លឹះសម្រេចចិត្តជ្រើសរើសអាជីពការងារក្នុងវិស័យរដ្ឋនិងឯកជនកាលពីថ្ងៃអាទិត្យ ទី២០ ខែមិថុនា ឆ្នាំ២០២១ គោលបំណងកំណត់គោលដៅអាជីពការងារ ស្វែងយល់ពីអាជីពការងារក្នុងវិស័យរដ្ឋ និងឯកជន ព្រមទាំងបណ្តុះទម្លាប់ឱ្យយុវជនចេះត្រៀមខ្លួនក្នុងអាជីពការងារនាថ្ងៃអនាគតឱ្យបានត្រឹមត្រូវ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អង្គការ ACE ផ្ដល់អាហារូបករណ៍ជាកន្លែងស្នាក់នៅសម្រាប់សិស្ស-និស្សិត
ព័ត៌មានអាហារូបករណ៍, ព្រឹត្តិការណ៍
• 25/06/2024
ឱកាសទទួលបានកន្លែងស្នាក់នៅសម្រាប់សិស្ស និងនិស្សិតពីអង្គការ Advanced Centre for Empowerment(ACE) សម្រាប់ឆ្នាំសិក្សាឆ្នាំ២០២៤...
អាហារូបករណ៍ TVET ចំនួន ១២០៥កន្លែង នៅវិទ្យាស្ថានពហុបច្ចេកទេសខេត្តបន្ទាយមានជ័យ
ព័ត៌មានអាហារូបករណ៍, ព្រឹត្តិការណ៍
• 02/10/2025
សម្រាប់ឆ្នាំសិក្សា២០២៥-២០២៦ វិទ្យាស្ថានពហុបច្ចេកទេសខេត្តបន្ទាយមានជ័យ នឹងជ្រើសរើសសិស្សនិស្សិតរហូតដល់ចំនួន ១២០៥នាក់ សម្រាប់ទទួលអាហារូបករណ៍ទៅតាមមុខជំនាញ និងកម្រិតសញ្ញាបត្រ។
វិទ្យាស្ថានពហុបច្ចេកទេសខេត្តកំពង់ឆ្នាំង ផ្តល់អាហារូបករណ៍រៀនជំនាញបច្ចេកទេស ៦៥៥នាក់ សម្រាប់ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 28/11/2024
ជាឱកាសសម្រាប់សិស្សដែលទើបប្រឡងបាក់ឌុបរួច ក៏ដូចជាយុវជនចង់ស្វែងរកជំនាញប្រចាំជីវិត សម្រាប់ឆ្នាំសិក្សា២០២៤-២០២៥នេះ វិទ្យាស្ថានពហុបច្ចេកទេសខេត្តកំពង់ឆ្នាំង បានប្រកាសពីការផ្តល់អាហារូបករណ៍សិក្សាជំនាញបច្ចេកទេស និងវិជ្ជាជីវៈឥតគិតថ្លៃ...
ឱកាសយុវជនកម្ពុជាបង្ហាញសមត្ថភាពផ្នែកបច្ចេកវិទ្យា តាមរយៈការប្រកួតសរសេរកូដបញ្ជារ៉ូបូតនៅលើស្ថានីយលំហអាកាសអន្តរជាតិ
ព័ត៌មានអាហារូបករណ៍, ព្រឹត្តិការណ៍
• 24/07/2026
ដើម្បីលើកកម្ពស់ការសិក្សា និងការអភិវឌ្ឍជំនាញផ្នែកវិទ្យាសាស្រ្ត បច្ចេកវិទ្យាឌីជីថល វិស្វកម្ម រូបវិទ្យា និងគណិតវិទ្យា ព្រមទាំងបង្កើនកិច្ចសហប្រតិបត្តិការអន្តរជាតិផ្នែកលំហអាកាស...
ឱកាសអាហារូបករណ៍សម្រាប់យុវជនដែលមកពីគ្រួសារក្រីក្រ និងងាយរងហានិភ័យនៅក្នុងខេត្តសៀមរាប នៅវិទ្យាស្ថាន NPIA
ព័ត៌មានអាហារូបករណ៍, ព្រឹត្តិការណ៍
• 31/07/2026
វិទ្យាស្ថានជាតិពហុបច្ចេកទេសអង្គរ (NPIA) នៃក្រសួងការងារ និងបណ្ដុះបណ្ដាលជំនាញវិជ្ជាជីវៈ ផ្ដល់ជូនអាហារូបករណ៍សម្រាប់យុវជន និងពលរដ្ឋនៅក្នុងខេត្តសៀមរាបសរុបជាង១ពាន់នាក់ ផ្ដោតលើជំនាញចំនួន...
អាហារូបករណ៍១០០% នៅមហាវិទ្យាល័យ Guangxi Transport Vocational
ព័ត៌មានអាហារូបករណ៍, ព្រឹត្តិការណ៍
• 17/07/2024
ឱកាសសិក្សាអាហារូបករណ៍ថ្នាក់បរិញ្ញាបត្រនៅមហាវិទ្យាល័យGuangxi Transport Vocational and Technical សម្រាប់ឆ្នាំសិក្សា២០២៤-២០២៥។ ...
ឱកាសសិក្សាថ្នាក់បរិញ្ញាបត្រជាន់ខ្ពស់ជំនាញគ្រប់គ្រងទីក្រុងពីកម្មវិធីអាហារូបករណ៍ ADB-JS នៅសាកលវិទ្យាល័យហុងកុង
ព័ត៌មានអាហារូបករណ៍, ព្រឹត្តិការណ៍
• 12/11/2024
កម្មវិធីអាហារូបករណ៍ ADB កំពុងបើកទទួលសិស្សសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យហុងកុង សម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនការសិក្សាដល់និស្សិតអន្តរជាតិជាច្រើនប្រទេស រួមទាំងកម្ពុជាផងដែរ។
ក្រសួងអប់រំប្រកាសពីអាហារូបករណ៍ថ្នាក់វេជ្ជសាស្រ្តទូទៅ និងថ្នាក់ Medical Residency នៅសាធារណរដ្ឋអាស៊ែបៃហ្សង់
ព័ត៌មានអាហារូបករណ៍, ព្រឹត្តិការណ៍
• 06/05/2025
ក្រសួងអប់រំ យុវជន និងកីឡា កាលពីថ្ងៃទី៥ ឧសភា បានជូនដំណឹងថា សាធារណរដ្ឋ អាស៊ែបៃហ្សង់ នឹងផ្តល់អាហារូបករណ៍ដល់និស្សិតកម្ពុជា ចំនួន ៣កន្លែង ក្រោមកម្មវិធីអាហារូបករណ៍ "Heydar Aliyev-International Education Grand Program”
អាហារូបករណ៍ចូលសិក្សាវគ្គបណ្តុះបណ្តាលជំនាញអប់រំភាសាកូរ៉េ នៅសាកលវិទ្យាល័យភូមិន្ទភ្នំពេញ
ព័ត៌មានអាហារូបករណ៍, ព្រឹត្តិការណ៍
• 24/07/2025
សាកលវិទ្យាល័យភូមិន្ទភ្នំពេញ បានប្រកាសដល់និស្សិតដែលកំពុងសិក្សាថ្នាក់បរិញ្ញាបត្រ ឬបញ្ចប់ការសិក្សាថ្នាក់បរិញ្ញាបត្រភាសាកូរ៉េ នៅសាកលវិទ្យាល័យភូមិន្ទភ្នំពេញ និងគ្រប់ស្ថាប័នទាំងអស់ថា សាកលវិទ្យាល័យនឹងផ្តល់អាហារូបករណ៍ចំនួន១៥កន្លែង...
កម្មវិធីពិសេសរបស់ AMS EDUCATION
ព័ត៌មានសង្ខេប
