យុវតី វុទ្ធី វ៉ារី ចាប់យកជំនាញសាឡនដោយសារចូលចិត្តបង្កើតភាពស្រស់

យុវតី វុទ្ធី វ៉ារី បច្ចុប្បន្នកំពុងរៀនជំនាញសាឡន ឬក៏សំអាងការ នៅមជ្ឈមណ្ឌលបណ្តុះបណ្តាលរបស់អង្គការដើម្បីភាពញញឹម នៃកុមារ (PSE)។ វ៉ារី និយាយថា នាងចូលចិត្តជំនាញមួយនេះណាស់ ព្រោះតែជំនាញនេះ ធ្វើឱ្យរូបនាងទទួលបានអារម្មណ៍ល្អក្រោយពេលនាងជួយឱ្យអ្នកដទៃមានភាពស្រស់ស្អាត ។

បើនិយាយអំពីការសិក្សាវិញ យុវតី វុទ្ធី វ៉ារី នាងបានបញ្ចប់ការសិក្សាចំណេះទូទៅត្រឹមកម្រិតថ្នាក់ទី៩ប៉ុណ្ណោះ ដោយសារតែបញ្ហាជីវភាព។ ទោះជា វ៉ារី មិនអាចបន្តការសិក្សាចំណេះទូទៅបន្តទៀតក្តី ប៉ុន្តែត្រឹមការសិក្សាថ្នាក់ទី៩នេះ ក៏អាចចូលសិក្សាជំនាញបច្ចេកទេសវិជ្ជាជីវៈបានហើយ ។ សម្រាប់ការសិក្សាជំនាញសាឡននៅអង្គការ PSE យុវតី វុទ្ធី វ៉ារី ត្រូវប្រើរយៈពេលសិក្សាចំនួន៣ឆ្នាំ ហើយពេលនេះ នាងក៏ជិតបញ្ចប់ការសិក្សាផងដែរ។

យុវតី វុទ្ធី វ៉ារី

“ខ្ញុំសប្បាយចិត្តដែលទទួលបានឱកាសរៀនជំនាញសាឡន ព្រោះធ្វើឱ្យខ្ញុំបានយល់ពីអាជីពសាឡនច្រើនជាងមុន និងក្លាយជាបំណែកមួយជួយសម្រាលបន្ទុកគ្រួសារតាមរយៈការមានមានជំនាញច្បាស់លាល់ ដែលអាចរកចំណូលបានទៅថ្ងៃអនាគត និងស្របតាមក្ដីស្រមៃរបស់ខ្ញុំទៀត”

យុវតីមកពីខេត្តត្បូងឃ្មុំរូបនេះបន្តថា ត្បិតថានាងចាប់ជំនាញសាឡន តែមិនមែនមានន័យថា នាងចូលចិត្តតែងខ្លួននោះទេ ប៉ុន្តែនាងមានចំណង់ចំណូលចិត្តតែងខ្លួនឱ្យអ្នកដទៃ និងចូលចិត្តបង្កើតភាពស្រស់ស្អាត ច្នៃប្រតិដ្ឋ ហើយនាងតែងចង់ឃើញភាពស្រស់ស្អាតរបស់អ្នកដទៃដោយ ស្នាដៃនាងផ្ទាល់ ដែលទាំងនេះជាមូលហេតុដែល វ៉ារី ជ្រើសរើសជំនាញមួយនេះ ខណៈនៅក្នុងសាលាមានជំនាញរហូតដល់ទៅ១៨សម្រាប់សិស្សជ្រើសរើស។

យុវតី វុទ្ធី វ៉ារី

“ភាពស្រស់ស្អាតរបស់អ្នកដទៃ ដែលរៀបចំចេញពីស្នាដៃខ្ញុំ គឺជាចំណុចមួយបង្កើននូវភាពរីករាយ និងសេចក្ដីសុខផ្លូវចិត្តដល់ខ្ញុំ នេះជាមូលហេតុមួយក្នុងចំណោមមូលហេតុជាច្រើនដែលខ្ញុំសម្រេចចិត្តរៀនសាឡន”

យ៉ាងណាក៏ដោយ សម្រាប់ការជ្រើសរើសជំនាញសាឡនរបស់ វ៉ារី ក៏ធ្លាប់ត្រូវបានរិះគន់ពីអ្នកភូមិនៅឯស្រុកកំណើតផងដែរ ដោយវាក៏បានបង្អាក់ទឹកចិត្តរបស់នាង ហើយពេលខ្លះ វ៉ារី ក៏ចង់ផ្លាស់ប្តូរជំនាញសិក្សាទៀតផង ប៉ុន្តែបន្ទាប់ពីនឹកដល់ក្ដីស្រមៃរបស់ខ្លួនឡើងវិញ ទើបធ្វើឱ្យ វ៉ារី កាន់តែមានចំណង់ចំណូលចិត្តចំពោះជំនាញថែមទៀត ហើយបច្ចុប្បន្ននាងក៏បានរៀនបន្ថែមនូវជំនាញភាសាអង់គ្លេស កុំព្យូទ័រ និងមានវគ្គជំនាញទន់(Soft skill) ផងដែរ ដើម្បីជាទុនសម្រាប់ការអភិវឌ្ឍន៍ជំនាញសាឡនទៅថ្ងៃអនាគត។

បន្ទាប់ពីចប់ការសិក្សានៅរយៈពេលដ៏ខ្លីខាងមុខនេះ វ៉ារី មានបំណងសន្សំបទពិសោធន៍បន្ថែមតាមរយៈការធ្វើការនៅតាមហាងសាឡននានា និងការងារស្ម័គ្រចិត្ត ។ ហើយនៅថ្ងៃអនាគតនាងចង់មានទីតាំងសាឡនផ្ទាល់ខ្លួន និងចង់ក្លាយជាអ្នកដែលជំនាញផ្នែកសាឡននេះ៕

Ms. Thay Thanit | កញ្ញា ថី ថានិត

ថានិត រាយការណ៍ព័ត៌មាន និងប្រែសម្រួលអត្ថបទនៅ AMS-Education ទាក់ទងអំពី ការអប់រំកុមារតូចនិងការចិញ្ចឹមកូនបែបវិជ្ជមាន បំណិនជីវិត បុគ្គលិកលក្ខណៈរបស់មនុស្ស ប្រវត្តិរបស់យុវជនឆ្នើមឬបុគ្គលគំរូ ការជ្រើសជំនាញសិក្សា និងព្រឹត្តិការណ៍ព័ត៌មានក្នុងកម្មវិធីចំណេះដឹងទូទៅតាមរយៈវេទិកាសាធារណៈនិងនៅតាមសហគមន៍នានា៕

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

ឱកាសសិក្សាថ្នាក់ឧត្ដមសិក្សាពីកម្មវិធីអាហារូបករណ៍ MEXT ប្រទេសជប៉ុនឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 16/06/2023

កម្មវីធីអាហារូបករណ៍ MEXT ប្រកាសផ្ដល់អាហារូបករណ៍ថ្នាក់ឧត្ដមសិក្សានៅប្រទេសជប៉ុនសម្រាប់និស្សិតបរទេសឆ្នាំសិក្សា២០២៤ ។ អាហារូបករណ៍ជាការឧបត្ថម្ភគាំទ្ររ...

ឱកាសសិក្សាអាហារូបករណ៍ KOICA-GIST ប្រទេសកូរ៉េ ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 31/03/2023

កម្មវិធីអាហារូបករណ៍ពេញលេញ KOICA-GIST កំពុងផ្ដល់អាហារូបករណ៍ថ្នាក់ឧត្ដមសិក្សានៅវិទ្យាស្ថានបច្ចេកវិទ្យា Gwanju នៃប្រទេសកូរ៉េ ...

ឱកាសសិក្សាតាមរយៈ Online ឥតគិតថ្លៃពីកម្មវិធី UNICEF Online Course

ព័ត៌មានអាហារូបករណ៍, ព្រឹត្តិការណ៍

• 21/05/2024

ឱកាសសិក្សាអាហារូបករណ៍តាមរយៈOnlineពីកម្មវិធី UNICEF Online Course ឆ្នាំសិក្សា២០២៤។ កម្មវិធីសិក្សាអាចផ្ដល់ភាពងាយស្រួលឱ្យអ្នកសិក្សា...

អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យវិទ្យាសាស្ត្រ និងបច្ចេកវិទ្យាប៉េកាំងឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 27/02/2024

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យវិទ្យាសាស្ត្រ និងបច្ចេកវិទ្យាប៉េកាំងសម្រាប់ឆ្នាំសិក្សា២០២៤។ អាហារូបករណ៍ ...

មជ្ឈមណ្ឌលបណ្តុះបណ្តាលវិជ្ជាជីវៈខេត្តកោះកុង ផ្តល់អាហារូបករណ៍១០០ភាគរយជាច្រើនកន្លែង

ព័ត៌មានអាហារូបករណ៍, ព្រឹត្តិការណ៍

• 16/01/2023

ជាឱកាសល្អសម្រាប់យុវជនរស់នៅក្នុងខេត្តកោះកុង ពេលនេះ មជ្ឈមណ្ឌលបណ្តុះបណ្តាលវិជ្ជាជីវៈខេត្តកោះកុង បានប្រកាសផ្តល់អាហារូបករណ៍១០០%...

អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យកាតាឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 12/09/2023

ឱកាសសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យកាតា ពីកម្មវិធីអាហារូបករណ៍ Qatar University Scholarship ឆ្នាំសិក្សា២០២៤ ។ អាហារូបករណ៍ផ្ដល់...

អាហារូបករណ៍ថ្នាក់បរិញ្ញាបត្ររងចំនួន១០០កន្លែងនៅវិទ្យាស្ថានអភិវឌ្ឍន៍មុខជំនាញកម្ពុជា-ថៃ

ព័ត៌មានអាហារូបករណ៍, ព្រឹត្តិការណ៍

• 17/12/2024

ឱកាសសិក្សាអាហារូបករណ៍ថ្នាក់បរិញ្ញាបត្ររងនៅវិទ្យាស្ថានអភិវឌ្ឍន៍មុខជំនាញកម្ពុជា-ថៃសម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនចំនួន១០០កន្លែង តាមរយៈគណៈកម្មាធិការអាហារូបករណ៍សិស្ស-និស្សិតក្រីក្រ សម្ដេចអគ្គមហា...

ក្រសួងអប់រំ ជ្រើសរើសគ្រូបង្រៀនទៅផ្លាស់ប្ដូរការបង្រៀននៅសាធារណរដ្ឋកូរ៉េ

ព័ត៌មានអាហារូបករណ៍, ព្រឹត្តិការណ៍

• 19/02/2025

ឱកាសផ្លាស់ប្ដូរបទពិសោធន៍ការបង្រៀនសម្រាប់គ្រូកម្ពុជា ទៅបង្រៀននៅសាធារណរដ្ឋកូរ៉េចំនួន៨៩ថ្ងៃ ក្រោមការសហការរបស់ ក្រសួងអប់រំ យុវជន និងកីឡា និង អង្គការអាស៊ី-ប៉ាស៊ីហ្វិក នៃការអប់រំសម្រាប់ការយល់ដឹងសកល នៃសាធារណរដ្ឋកូរ៉េ...