ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យុវតី វុទ្ធី វ៉ារី បច្ចុប្បន្នកំពុងរៀនជំនាញសាឡន ឬក៏សំអាងការ នៅមជ្ឈមណ្ឌលបណ្តុះបណ្តាលរបស់អង្គការដើម្បីភាពញញឹម នៃកុមារ (PSE)។ វ៉ារី និយាយថា នាងចូលចិត្តជំនាញមួយនេះណាស់ ព្រោះតែជំនាញនេះ ធ្វើឱ្យរូបនាងទទួលបានអារម្មណ៍ល្អក្រោយពេលនាងជួយឱ្យអ្នកដទៃមានភាពស្រស់ស្អាត ។
បើនិយាយអំពីការសិក្សាវិញ យុវតី វុទ្ធី វ៉ារី នាងបានបញ្ចប់ការសិក្សាចំណេះទូទៅត្រឹមកម្រិតថ្នាក់ទី៩ប៉ុណ្ណោះ ដោយសារតែបញ្ហាជីវភាព។ ទោះជា វ៉ារី មិនអាចបន្តការសិក្សាចំណេះទូទៅបន្តទៀតក្តី ប៉ុន្តែត្រឹមការសិក្សាថ្នាក់ទី៩នេះ ក៏អាចចូលសិក្សាជំនាញបច្ចេកទេសវិជ្ជាជីវៈបានហើយ ។ សម្រាប់ការសិក្សាជំនាញសាឡននៅអង្គការ PSE យុវតី វុទ្ធី វ៉ារី ត្រូវប្រើរយៈពេលសិក្សាចំនួន៣ឆ្នាំ ហើយពេលនេះ នាងក៏ជិតបញ្ចប់ការសិក្សាផងដែរ។
យុវតី វុទ្ធី វ៉ារី
“ខ្ញុំសប្បាយចិត្តដែលទទួលបានឱកាសរៀនជំនាញសាឡន ព្រោះធ្វើឱ្យខ្ញុំបានយល់ពីអាជីពសាឡនច្រើនជាងមុន និងក្លាយជាបំណែកមួយជួយសម្រាលបន្ទុកគ្រួសារតាមរយៈការមានមានជំនាញច្បាស់លាល់ ដែលអាចរកចំណូលបានទៅថ្ងៃអនាគត និងស្របតាមក្ដីស្រមៃរបស់ខ្ញុំទៀត”
យុវតីមកពីខេត្តត្បូងឃ្មុំរូបនេះបន្តថា ត្បិតថានាងចាប់ជំនាញសាឡន តែមិនមែនមានន័យថា នាងចូលចិត្តតែងខ្លួននោះទេ ប៉ុន្តែនាងមានចំណង់ចំណូលចិត្តតែងខ្លួនឱ្យអ្នកដទៃ និងចូលចិត្តបង្កើតភាពស្រស់ស្អាត ច្នៃប្រតិដ្ឋ ហើយនាងតែងចង់ឃើញភាពស្រស់ស្អាតរបស់អ្នកដទៃដោយ ស្នាដៃនាងផ្ទាល់ ដែលទាំងនេះជាមូលហេតុដែល វ៉ារី ជ្រើសរើសជំនាញមួយនេះ ខណៈនៅក្នុងសាលាមានជំនាញរហូតដល់ទៅ១៨សម្រាប់សិស្សជ្រើសរើស។
យុវតី វុទ្ធី វ៉ារី
“ភាពស្រស់ស្អាតរបស់អ្នកដទៃ ដែលរៀបចំចេញពីស្នាដៃខ្ញុំ គឺជាចំណុចមួយបង្កើននូវភាពរីករាយ និងសេចក្ដីសុខផ្លូវចិត្តដល់ខ្ញុំ នេះជាមូលហេតុមួយក្នុងចំណោមមូលហេតុជាច្រើនដែលខ្ញុំសម្រេចចិត្តរៀនសាឡន”
យ៉ាងណាក៏ដោយ សម្រាប់ការជ្រើសរើសជំនាញសាឡនរបស់ វ៉ារី ក៏ធ្លាប់ត្រូវបានរិះគន់ពីអ្នកភូមិនៅឯស្រុកកំណើតផងដែរ ដោយវាក៏បានបង្អាក់ទឹកចិត្តរបស់នាង ហើយពេលខ្លះ វ៉ារី ក៏ចង់ផ្លាស់ប្តូរជំនាញសិក្សាទៀតផង ប៉ុន្តែបន្ទាប់ពីនឹកដល់ក្ដីស្រមៃរបស់ខ្លួនឡើងវិញ ទើបធ្វើឱ្យ វ៉ារី កាន់តែមានចំណង់ចំណូលចិត្តចំពោះជំនាញថែមទៀត ហើយបច្ចុប្បន្ននាងក៏បានរៀនបន្ថែមនូវជំនាញភាសាអង់គ្លេស កុំព្យូទ័រ និងមានវគ្គជំនាញទន់(Soft skill) ផងដែរ ដើម្បីជាទុនសម្រាប់ការអភិវឌ្ឍន៍ជំនាញសាឡនទៅថ្ងៃអនាគត។
បន្ទាប់ពីចប់ការសិក្សានៅរយៈពេលដ៏ខ្លីខាងមុខនេះ វ៉ារី មានបំណងសន្សំបទពិសោធន៍បន្ថែមតាមរយៈការធ្វើការនៅតាមហាងសាឡននានា និងការងារស្ម័គ្រចិត្ត ។ ហើយនៅថ្ងៃអនាគតនាងចង់មានទីតាំងសាឡនផ្ទាល់ខ្លួន និងចង់ក្លាយជាអ្នកដែលជំនាញផ្នែកសាឡននេះ៕
ថានិត រាយការណ៍ព័ត៌មាន និងប្រែសម្រួលអត្ថបទនៅ AMS-Education ទាក់ទងអំពី ការអប់រំកុមារតូចនិងការចិញ្ចឹមកូនបែបវិជ្ជមាន បំណិនជីវិត បុគ្គលិកលក្ខណៈរបស់មនុស្ស ប្រវត្តិរបស់យុវជនឆ្នើមឬបុគ្គលគំរូ ការជ្រើសជំនាញសិក្សា និងព្រឹត្តិការណ៍ព័ត៌មានក្នុងកម្មវិធីចំណេះដឹងទូទៅតាមរយៈវេទិកាសាធារណៈនិងនៅតាមសហគមន៍នានា៕
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាជំនាញវិជ្ជាជីវៈចំនួន២១០កន្លែងនៅវិទ្យាស្ថានពហុបច្ចេកទេសខេត្តព្រះវិហារ
ព័ត៌មានអាហារូបករណ៍, ព្រឹត្តិការណ៍
• 11/03/2024
ឱកាសសិក្សាជំនាញវិជ្ជាជីវៈចំនួន២១០កន្លែងនៅវិទ្យាស្ថានពហុបច្ចេកទេសខេត្តព្រះវិហារឆ្នាំសិក្សា២០២៣-២០២៤។ អាហារូបករណ៍ផ្ដល់ជូនការសិក្សាថ្នាក់សញ្ញាបត្របច្ចេកទេស និងវិជ្ជាជីវៈ១ កម្រិត២ សិក្សារយៈពេល៤ខែ។
ឱកាសសិក្សាអាហារូបករណ៍តាមរយៈ Online សម្រាប់គ្រូបង្រៀនភាសាអង់គ្លេសជនជាតិខ្មែរ
ព័ត៌មានអាហារូបករណ៍, ព្រឹត្តិការណ៍
• 21/06/2024
ឱកាសសិក្សាភាសាអង់គ្លេសសម្រាប់គ្រូបង្រៀនភាសាអង់គ្លេសជាជនជាតិខ្មែរដែលសិក្សាតាមរយៈ Online ពីផ្នែកកិច្ចការសាធារណៈ នៃស្ថានទូត...
សម្តេចធិបតីផ្តល់អាហារូបករណ៍ ១០០% សម្រាប់ថ្នាក់វិស្វករ នៅសាលាតិចណូ
ព័ត៌មានអាហារូបករណ៍, ព្រឹត្តិការណ៍
• 01/10/2025
សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ផ្តល់អាហារូបករណ៍ដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) នៅវិទ្យាស្ថានបច្ចេកវិទ្យាកម្ពុជា(ITC) កម្រិតវិស្វករ...
អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Lincoln ប្រទេសនូវែលសេឡង់ ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 19/08/2025
ឱកាសសិក្សាអាហារូបករណ៍ពេញលេញថ្នាក់ឧត្ដមសិក្សានៅសាកលវិទ្យាល័យ LinColn នៃប្រទេសនូវែលសេឡង់ ឆ្នាំសិក្សា២០២៥ ដោយអាហារូបករណ៍ផ្ដល់ឱ្យនិស្សិតអន្តរជាតិជាច្រើនប្រទេស រួមទាំងនិស្សិតកម្ពុជាផង។
អាហារូបករណ៍ថ្នាក់បរិញ្ញាបត្រនៅសាកលវិទ្យាល័យឌីជីថលកម្ពុជាចំនួន៣០០នាក់ពី ស.ស.យ.ក រាជធានីភ្នំពេញ
ព័ត៌មានអាហារូបករណ៍, ព្រឹត្តិការណ៍
• 11/01/2024
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យឌីជីថលកម្ពុជាចំនួន៣០០កន្លែង ពីសហភាពសហព័ន្ធយុវជនកម្ពុជារាជធានីភ្នំពេញសម្រាប់ឆ្នាំសិក្សា២០២៣-២០២៤។...
អាហារូបករណ៍សាកលវិទ្យាល័យពីមូលនិធិ Child’s Dream សិក្សានៅប្រទេសថៃ ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 19/12/2024
មូលនិធិ Child’s Dream ប្រកាសជ្រើសរើសសិស្ស-និស្សិត ទៅសិក្សាថ្នាក់បរិញ្ញាបត្រសិក្សានៅសាកលវិទ្យាល័យនានានៅប្រទេសថៃសម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូនការ និងជ្រើសរើសសម្រាប់សិស្ស-និស្សិត...
Monash University ប្រកាសផ្តល់អាហារូបករណ៍ពេញលេញថ្នាក់បរិញ្ញាបត្រដល់និស្សិតកម្ពុជាសម្រាប់ឆ្នាំ២០២៧
ព័ត៌មានអាហារូបករណ៍, ព្រឹត្តិការណ៍
• 10/06/2026
Monash University ប្រកាសផ្តល់អាហារូបករណ៍ពេញថ្លៃថ្នាក់បរិញ្ញាបត្រដល់និស្សិតកម្ពុជា
កម្មវិធីពិសេសរបស់ AMS EDUCATION
ព័ត៌មានសង្ខេប
