ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
យុវតី ដួង ករុណា បច្ចុប្បន្នមានវ័យ២០ឆ្នាំ នាងកំពុងសិក្សាជំនាញគ្រប់គ្រងធនធានមនុស្ស នៅវិទ្យាស្ថាន PSE ។ ការចាប់យកជំនាញមួយនេះ គឺដោយសារតែនាងយល់ថា ជំនាញគ្រប់គ្រងធនធានមនុស្ស គឺស្របនឹងនិស្ស័យរបស់នាង ហើយជំនាញនេះក៏មានតម្រូវការមិនអាចខ្វះបាននៅតាមបណ្តាក្រុមហ៊ុននានានៅកម្ពុជាផងដែរ។
យុវតី ដួង ករុណា មានស្រុកកំណើតនៅខេត្តតាកែវ, ដោយសារម្តាយជាស្រ្តីមេម៉ាយ និងមានជីវភាពខ្វះខាតផង កាលពីនៅក្មេង នាងត្រូវទៅស៊ីឈ្នួលឃ្វាលគោឱ្យគេ ដើម្បីយកប្រាក់ខ្លះផ្គត់ផ្គង់គ្រួសារ ដោយមិនបានទៅសាលារៀនដូចក្មេងឯងទៀតនោះឡើយ។ ដោយសារឃើញកូនចង់រៀនសូត្រ គាប់ជួនទទួលដំណឹងថា មានអង្គការភាពញញឹមដើម្បីកុមារ (PSE) ផ្តល់ឱកាសសម្រាប់ក្មេងក្រីក្រអាចទទួលបានការសិក្សា ម្តាយរបស់ ករុណា ក៏សម្រេចចិត្តឡើងមករាជធានីភ្នំពេញ ដើម្បីផ្ញើនាងឱ្យទទួលបានការសិក្សាដូចក្មេងឯងទៀត។
ក្រោយបានចូលសាលា ករុណា បានប៉ងប្រាថ្នាថា នៅពេលរៀនចប់ នាងនឹងត្រឡប់ទៅជួយម្តាយរបស់នាងវិញ ប៉ុន្តែក្តីប៉ងប្រាថ្នានោះមិនបានសម្រេចឡើយ ដោយសារតែម្តាយរបស់នាងបានលាចាកលោកទៅហើយ ។ បើទោះជានាងមិនអាចបំពេញក្តីប៉ងប្រាថ្នាជួយគ្រួសារ និងម្តាយរបស់នាងឱ្យមានជីវភាពប្រសើរឡើងក៏ដោយក្តី តែ ករុណា បានសន្យាជាមួយខ្លួនឯងថា នាងនឹងកសាងអនាគតដ៏ល្អមួយសម្រាប់ខ្លួនឯងតាមរយៈជំនាញដែលនាងបានរៀន។
ងាកមកនិយាយអំពីការសិក្សាជំនាញបច្ចុប្បន្ននេះវិញ ករុណា ក៏ធ្លាប់មានចិត្តចង់បោះបង់ចោលដែរពេលដែលមានបញ្ហាអារម្មណ៍ម្តងៗ ប៉ុន្តែនាងគិតត្រឡប់មកវិញថា ស្ថិតនៅក្នុងស្ថានភាពលំបាកនាងត្រូវតែជំនះ គឺមិនបោះបង់ចោលនោះទេ។ ការបោះបង់អាចនឹងបង្កហានិភ័យទៅថ្ងៃអនាគតបន្ថែមមួយកម្រិតទៀតផង។ ការរគិតបែបនេះហើយទើបធ្វើឱ្យ ករុណា នៅតែអាចបន្តទៅមុខទៀតបាន។
យុវតី ដួង ករុណា
“ខ្ញុំយល់ថា ការរៀនសូត្រពិតជាសំខាន់ណាស់ បើអត់បានចូលសាលាទេ មិនដឹងជីវិតខ្ញុំពេលនេះប៉ោឡែដល់ណាទេ។ ពេលនេះសូម្បីតែគេនិយាយភាសាខុសពីភាសាកំណើត ក៏ខ្ញុំអាចស្ដាប់បាន ព្រោះបានរៀនភាសាបារាំង និងអង់គ្លេសបន្ថែមពីសាលា PSE ល្មមនឹងអាចស្ដាប់បាន និងនិយាយបាន… ក្នុងនាមជាកូនអ្នកក្រ អាចចូលរៀន មានជំនាញ អាចរកការងារមានចំណូលសមរម្យ វជាសមទ្ធិផលជោគជ័យហើយសម្រាប់ខ្ញុំ “
តើជំនាញគ្រប់គ្រងធនធានមនុស្សសិក្សាអំពីអ្វីខ្លះ?
បើតាមយុវតី ដួង ករុណា ជំនាញមួយនេះ គេសិក្សាអំពីរបៀបគ្រប់គ្រងបុគ្គលិក និងការរក្សាទំនាក់ទំនងជាមួយមនុស្សជុំវិញខ្លួន, ការចេះស្គាល់ពីតួនាទី និងតម្រូវការនៃមុនដំណែងនីមួយៗ, ការចេះជ្រើសរើសបុគ្គលិក, យល់ពីច្បាប់ការងារ ឬឯកសារដែលពាក់ព័ន្ធ, ការរៀបចំកិច្ចសន្យាការងារ និងភារកិច្ចនានាបន្ថែមទៀត។
ក្រៅតែពីការសិក្សា ករុណា ក៏បានប្រឡូកជាមួយការងារផងដែរ ដោយរៀនឆ្នាំទី២ ករុណាបានចុះកម្មសិក្សានៅក្នុងវិទ្យាស្ថានដែលនាងកំពុងតែរៀនផ្ទាល់តែម្តង នៅក្នុងផ្នែកធនធានមនុស្ស ។
យ៉ាងណាក៏ដោយ នៅថ្ងៃអនាគត ករុណា ចង់ធ្វើការនៅក្នុងក្រុមហ៊ុនអន្តរជាតិមួយក្នុងប្រទេសកម្ពុជា ដោយកាន់ផ្នែកគ្រប់គ្រងធនធានមនុស្ស។ ហើយនាងចង់ឃើញខ្លួនឯងក្លាយទៅជាអ្នកឯកទេសទៅលើជំនាញដែលនាងកំពុងតែចាប់យក។ ហើយជាមួយគ្នា នាងក៏ចង់ក្លាយជាអ្នកចែករំលែកចំណេះដឹងទូទៅ ទៅកាន់អ្នកជំនាន់ក្រោយផងដែរ៕
ថានិត រាយការណ៍ព័ត៌មាន និងប្រែសម្រួលអត្ថបទនៅ AMS-Education ទាក់ទងអំពី ការអប់រំកុមារតូចនិងការចិញ្ចឹមកូនបែបវិជ្ជមាន បំណិនជីវិត បុគ្គលិកលក្ខណៈរបស់មនុស្ស ប្រវត្តិរបស់យុវជនឆ្នើមឬបុគ្គលគំរូ ការជ្រើសជំនាញសិក្សា និងព្រឹត្តិការណ៍ព័ត៌មានក្នុងកម្មវិធីចំណេះដឹងទូទៅតាមរយៈវេទិកាសាធារណៈនិងនៅតាមសហគមន៍នានា៕
របាយការណ៍ថ្មី
មើលទាំងអស់ ➧
ព័ត៌មានទូទៅ
មើលទាំងអស់ ➧
អាហារូបករណ៍ថ្នាក់បរិញ្ញាបត្រជាន់ខ្ពស់១០កន្លែងនៅសាកលវិទ្យាល័យ MGIMO ប្រទេសរុស្ស៊ីឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 12/07/2023
សាកលវិទ្យាល័យ MGIMO នៃប្រទេសរុស្ស៊ី ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ដល់សារណជនទាំងអស់នៅបណ្ដាប្រទេសសមាជិកអាស៊ាន រួមទាំងកម្ពុជា ។...
អាហារូបករណ៍ថ្នាក់ភាសាចិននៅសាកលវិទ្យាល័យសៀងហៃឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 02/04/2024
ឱកាសសិក្សាអាហារូបករណ៍ថ្នាក់ភាសាចិននៅសាកលវិទ្យាល័យសៀងហៃឆ្នាំសិក្សា២០២៤-២០២៥។ អាហារូបករណ៍សិក្សាមាន ថ្នាក់...
អាហារូបករណ៍ថ្នាក់បរិញ្ញាបត្ររងនៅវិទ្យាស្ថានជាតិសហគ្រិនភាព និងនវានុវត្តន៍ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 07/02/2025
តាមរយៈគម្រោងជំនាញសម្រាប់ការប្រកួតប្រជែង (S4C) វិទ្យាស្ថានជាតិសហគ្រិនភាព និងនវានុវត្តន៍ (NIEI) ប្រកាសជ្រើសរើសសិស្សចូលរៀនអាហារូបករណ៍កម្រិតសញ្ញាបត្រជាន់ខ្ពស់បច្ចេកទេស (បរិញ្ញាបត្ររង) សម្រាប់ជំនាញវិស្វកម្មអគ្គិសនី...
បណ្ឌិត្យសភានគរបាលកម្ពុជា ផ្តល់អាហារូបករណ៍៤០០កន្លែង សម្រាប់សិស្សនិស្សិតដែលចង់ក្លាយជាមន្រ្តីនគរបាល
ព័ត៌មានអាហារូបករណ៍, ព្រឹត្តិការណ៍
• 19/11/2024
ក្រសួងមហាផ្ទៃកាលពីពេលថ្មីៗនេះបានប្រកាសដល់សាធារណជន ក៏ដូចជាសិស្ស និស្សិត ដែលមានបំណងក្លាយជានាយនគរបាល និងនាយនគរបាលរងបន្តវេន ក្នុងក្របខ័ណ្ឌមន្រ្តីនគរបាលជាតិ សូមត្រៀមខ្លួនក្នុងការដាក់ពាក្យប្រឡងប្រជែងទទួលយកអាហារូបករណ៍...
អាហារូបករណ៍ ៥០ភាគរយ សម្រាប់មន្រ្តីរាជការបម្រើការនៅក្រសួងមហាផ្ទៃ
ព័ត៌មានអាហារូបករណ៍, ព្រឹត្តិការណ៍
• 03/11/2025
អាហារូបករណ៍អភិសន្តិបណ្ឌិត ស សុខា បានប្រកាសផ្តល់អាហារូបករណ៍ ៥០% សម្រាប់ការសិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ (អនុបណ្ឌិត) និងថ្នាក់បណ្ឌិត សិក្សានៅសាកលវិទ្យាល័យអាស៊ីអឺរ៉ុប...
អាហារូបករណ៍ថ្នាក់បរិញ្ញាបត្រ និងថ្នាក់បរិញ្ញាបត្រជាន់ខ្ពស់ ៤០កន្លែង នៅសាលាជាតិផែនការ និងស្ថិតិ (NSPS)
ព័ត៌មានអាហារូបករណ៍, ព្រឹត្តិការណ៍
• 04/01/2024
គណៈកម្មាធិការអាហារូបករណ៍សិស្ស-និស្សិតក្រីក្រ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប្រកាសផ្តល់អាហារូបករណ៍ សិក្សានៅសាលាជាតិផែនការ និងស្ថិតិ ថ្នាក់បរិញ្ញាបត្រ...
ឱកាសសិក្សាថ្នាក់បរិញ្ញាបត្រជាន់ខ្ពស់អប់រំឯកទេសការអប់រំបឋមសិក្សា ចំនួន២០នាក់ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 08/01/2025
ក្រសួងអប់រំ យុវជន និងកីឡា និង អង្គការយូណេស្កូ ប្រកាសជ្រើសរើសបុគ្គលិកអប់រំ ចូលសិក្សាថ្នាក់បរិញ្ញាបត្រជាន់ខ្ពស់អប់រំឯកទេសការអប់រំបឋមសិក្សា នៅវិទ្យាស្ថានគរុកោសល្យរាជធានីភ្នំពេញ ក្រោមកម្មពីធីពង្រឹងការអប់រំគ្រូបង្រៀននៅកម្ពុជា...
អាហារូបករណ៍ស្រាវជ្រាវថ្នាក់បណ្ឌិត និងថ្នាក់ក្រោយបណ្ឌិត ទៅសិក្សានៅរ៉ូម៉ានី ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 09/12/2024
ក្រោមកម្មវិធីអាហារូបករណ៍ Eugen Ionescu Programme របស់រដ្ឋាភិបាល នៃប្រទេសរ៉ូម៉ានី សម្របសម្រួលដោយទីភ្នាក់ងារឧត្តមសិក្សាហ្រ្វង់កូហ្វូនី (AUF) នឹងផ្តល់អាហារូបករណ៍ស្រាវជ្រាវថ្នាក់បណ្ឌិត និងថ្នាក់ក្រោយបណ្ឌិត សិក្សារយៈពេល៣ខែ...
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Beijing Normal ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 17/01/2025
សាកលវិទ្យាល័យភូមិន្ទភ្នំពេញ បានប្រកាសដំណឹងអំពីការជ្រើសរើសនិស្សិតទៅសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យប៉េកាំង (Beijing Normal Universty) នាសាខា Zhuhai នៃសាធារណរដ្ឋប្រជាមានិតចិន ឆ្នាំសិក្សា២០២៥។
កម្មវិធីពិសេសរបស់ AMS EDUCATION
ព័ត៌មានសង្ខេប
