ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – បច្ចុប្បន្ននៅប្រទេសកម្ពុជា មានមនុស្សរហូតដល់ទៅ១៧លាននាក់ កំពុងប្រើប្រាស់សេវាអ៊ីនធឺណេត និងសេវាទូរគមនាគមន៍ ។ ការផ្លាស់ប្តូរទម្លាប់ប្រជាជន មកប្រើប្រាស់ប្រព័ន្ធអ៊ីនធឺណេត ជាហេតុធ្វើឱ្យស្ថាប័ន ឬក្រុមហ៊ុន ក្នុងស្រុកមួយចំនួន បានផ្លាស់ប្តូររបៀបធ្វើការងារ របស់ខ្លួន ដោយប្រើប្រាស់នូវបច្ចេកវិទ្យា ដើម្បីដើរឱ្យទាន់ នូវសម័យកាលឌីជីថល។
បើងាកមកមើលរាជរដ្ឋាភិបាលវិញ ការអភិវឌ្ឍវិស័យបច្ចេកវិទ្យា ក៏ស្ថិតនៅក្នុងគោលនយោបាយ របស់រាជរដ្ឋាភិបាលផងដែរ ក្នុងការប្រែក្លាយប្រទេសកម្ពុជាទៅជាប្រទេសឌីជីថល ដើម្បីចាប់យកឱកាសសេដ្ឋកិច្ចបែបថ្មី និងការប្រកួតប្រជែងជាមួយប្រទេសក្នុងតំបន់ ក៏ដូចជាពិភពលោក។ ដូច្នេះយើងឃើញថា ទាំងផ្នែករដ្ឋ ក៏ដូចជាឯកជន សុទ្ធសឹងតែមានតម្រូវការធនធានមនុស្សផ្នែកបច្ចេកវិទ្យាកាន់តែច្រើន ។
លោក សុត រតនៈ នាយកប្រតិបត្តិក្រុមហ៊ុន Proseth Solution បានលើកឡើងនៅក្នុងកម្មវិធីសិក្ខាសាលា IT Professional Career II ថា បច្ចេកវិទ្យាបានរីកចម្រើនជាលំដាប់ពីមួយជំនាន់ទៅមួយជំនាន់ ហើយក្នុងពេលបច្ចុប្បន្ន ក៏ដូចជាទៅថ្ងៃអនាគត ផ្នែក AI និង Cyber Security នឹងមានតម្រូវការធនធានមនុស្សកាន់តែច្រើន ដើម្បីធ្វើឱ្យការងារកាន់តែមានភាពងាយស្រួល និងទំនើប ។
ជំនាញបច្ចេកវិទ្យា Cyber security គឺជាជំនាញក្នុងការរក្សាសន្តិសុខ នៃប្រព័ន្ធបណ្តាញ (network/system) របស់ក្រុមហ៊ុន។ អ្នកដែលមានជំនាញនេះ ពួកគេនឹងត្រូវពិនិត្យមើលថា តើមានសកម្មភាពណាមួយចម្លែកកើតឡើង ឬ Protocols Initiated, Incident Detected, search, Risk identify ជាដើម។
ជាការផ្តល់ដំបូន្មានរបស់ លោក សុត រតនៈ យុវជន សិស្សានុសិស្សទាំងអស់ បើទោះបីជាបានចាប់ផ្នែកណាមួយ នៃជំនាញ IT ក៏សូមខិតខំរៀនបន្ថែមខាងក្រៅ បង្កើតទំនាក់ទំនងល្អជាមួយសិស្សច្បង ដើម្បីបន្ថែមសមត្ថភាពខ្លួនឯងជានិច្ច ព្រោះថា បច្ចេកវិទ្យាមិនអាចចេះនៅត្រឹមតែមួយកន្លែងទេ នឹងមានការរីកចម្រើន និងផ្លាស់ប្ដូរអ្វីដែលថ្មីជារឿយៗ ។
សូមបញ្ជាក់ថា កម្មវិធីសិក្ខាសាលា IT Professional Career II គឺជាកម្មវិធីនៃការចែករំលែកចំណេះដឹងពាក់ព័ន្ធជំនាញបច្ចេកវិទ្យា ជាពិសេស Cybersecurity។ សិក្ខាសាលាមានការចូលរួមពីវាគ្មិននៅក្នុងប្រទេស និងក្រៅប្រទេសដែលបានផ្ដល់បទពិសោធន៍ថ្មីៗ និងចំណេះដឹងផ្សេងៗទាក់ទងនឹងការរៀបចំគោលដៅការងារក្រោយសិក្សា និងចាប់យកជំនាញការងារ ។
យុវជន វ៉ន សារ៉ាន់ និស្សិតឆ្នាំទី២ ជំនាញព័ត៌មានវិទ្យានៅសាកលវិទ្យាល័យមួយក្នុងរាជធានីភ្នំពេញលើកឡើងថា ក្រោយពីចូលរួមកម្មវិធីសិក្ខាសាលានេះលោកទទួលបានចំណេះដឹងថ្មីៗជាច្រើនដូចជា យល់កាន់តែច្បាស់ពីទីផ្សារ និងតម្រូវការជំនាញបច្ចេកវិទ្យានៅកម្ពុជាជាពិសេសផ្នែក Cybersecurity ដែលជាជំនាញមួយពេញនិយម មានតម្រូវការខ្ពស់ និងមានទីផ្សារការងារទូលំទូលាយ ។ ក្នុងនោះដែរយុវជន វ៉ន សារ៉ាន់ ក៏ចង់ឱ្យយុវជនទាំងអស់បានចូលរួមជាមួយកម្មវិធីសិក្ខាសាលានានា ក៏ដូចជាសិក្ខាសាលានេះ ព្រោះវាបានផ្ដល់សារៈប្រយោជន៍ជាច្រើនដល់យុវជន ដូចជាបង្កើតមិត្តភាពជាមនុស្សថ្មីៗកាន់តែច្រើន មានឱកាសបញ្ចេញសមត្ថភាព និងរៀនសូត្រពីបរិយាកាសជុំវិញខ្លួនកាន់តែច្រើន ៕
ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
វេសឡាញសហការជាមួយសាកលវិទ្យាល័យ DPU ប្រទេសថៃ ផ្តល់ឱកាសសិក្សា និងអាហារូបករណ៍ដល់សិស្សានុសិស្សកម្ពុជា
ព័ត៌មានអាហារូបករណ៍, ព្រឹត្តិការណ៍
• 29/11/2024
បណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប និងសាកលវិទ្យាល័យ Dhurakij Pundit (DPU) ប្រទេសថៃ កាលពីពេលថ្មីៗនេះ បានចុះ MoU ជាមួយគ្នា ក្នុងការផ្តល់ឱកាសសិក្សា និងអាហារូបករណ៍ដល់សិស្សានុសិស្សកម្ពុជា ដែលមានបំណង...
មូលនិធិព្រីនស៍ ផ្តល់ជូនអាហារូបករណ៍ ចេន ហ្ស៊ី ជំនាន់ទី៣ ដល់និសិ្សតចំនួន ១០០នាក់ ជាសសរទ្រូងនៃការរីកចម្រើនរបស់កម្ពុជា
ព័ត៌មានអាហារូបករណ៍, ព្រឹត្តិការណ៍
• 20/03/2024
នៅក្នុងដំណើរឆ្ពោះទៅរកការពង្រឹងវិស័យអប់រំ ថ្មីៗនេះ មូលនិធិព្រីនស៍ ជាមូលនិធិមនុស្សធម៌នៃសម្ព័ន្ធក្រុមហ៊ុន ព្រីនស៍ ហូលឌីង គ្រុប បានរៀបចំពិធីប្រគល់ អាហារូបករណ៍ ចេន ហ្ស៊ី ជំនាន់ទី៣ ជូនដល់សិស្សនិស្សិត។
រដ្ឋាភិបាលសឹង្ហបុរីផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិត សម្រាប់និស្សិតអន្តរជាតិចំនួន២៤០កន្លែង
ព័ត៌មានអាហារូបករណ៍, ព្រឹត្តិការណ៍
• 21/08/2023
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍រដ្ឋាភិបាលសឹង្ហបុរីឆ្នាំសិក្សា២០២៤ ។ អាហារូបកណរ៍ផ្ដល់ជូនការសិក្សាដល់និស្សិតអន្តរជាតិ...
សាកលវិទ្យាល័យអន្តរជាតិ ផារ៉ាហ្គន ផ្តល់អាហារូបករណ៍សាកលវិទ្យាធិការដល់សិស្សឆ្នើម និងមានស្នាដៃក្នុងសង្គម
ព័ត៌មានអាហារូបករណ៍, ព្រឹត្តិការណ៍
• 16/10/2025
នៅឆ្នាំ២០២៥នេះ សាកលវិទ្យាល័យអន្តរជាតិ ផារ៉ាហ្គន បន្តផ្តល់អាហារួបករណ៍សាកលវិទ្យាធិកា ជាចំណែកផ្តល់ឱកាសដល់សិស្សានុសិស្សដែលមានទេពកោស្យខ្ពស់ មានស្នាដៃឆ្នើម តាមរយៈការងារសង្គម និងការប្រកួតប្រជែងនានា ទទួលបានអាហារូបករណ៍...
ក្រសួងអប់រំជ្រើសរើសសិក្ខាកាមចូលរួមវគ្គបណ្តុះបណ្តាលនវានុវត្តន៍បច្ចេកវិទ្យាអប់រំឌីជីថល ជំនួយលើវិធីសាស្រ្តបង្រៀន និងរៀនក្នុងបរិបទថ្មី
ព័ត៌មានអាហារូបករណ៍, ព្រឹត្តិការណ៍
• 15/07/2025
ក្រសួងអប់រំ យុវជន និងកីឡា បានប្រកាសជ្រើសរើសសិក្ខាកាមចូលរួមវគ្គបណ្ដុះបណ្ដាល ស្ដីពី នវានុវត្តន៍បច្ចេកវិទ្យាអប់រំឌីជីថល ជំនួយលើវិធីសាស្រ្តបង្រៀន និងរៀនក្នុងបរិបទថ្មី រៀបចំដោយនាយកដ្ឋានបរិវត្តកម្មឌីជីថល...
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីអាហារូបករណ៍ Tianjin
ព័ត៌មានអាហារូបករណ៍, ព្រឹត្តិការណ៍
• 08/05/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យធានជីន ពីកម្មវិធីអាហារូបករណ៍រដ្ឋាភិបាលធានជីននៃ...
អាហារូបករណ៍ថ្នាក់ភាសាចិនរយៈពេល១ឆ្នាំ នៅសាកលវិទ្យាល័យ Yunnan Normal
ព័ត៌មានអាហារូបករណ៍, ព្រឹត្តិការណ៍
• 18/03/2026
សមាគមនិស្សិតកម្ពុជាប្រចាំសាធារណរដ្ឋប្រជាមានិតចិន ប្រកាសពីការផ្តល់អាហារូបករណ៍ដល់និស្សិតចំនួន ៣០នាក់ សម្រាប់ការបណ្តុះបណ្តាលភាសាចិនរយៈពេល១ឆ្នាំ នៅសាកលវិទ្យាល័យ Yunnan Normal ស្ថិតនៅទីក្រុងគុនមីង
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីសាកលវិទ្យាល័យភាសា និងវប្បធម៌ប៉េកាំងឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 05/01/2024
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍រដ្ឋាភិបាលចិនប្រភេទB នៅសាកលវិទ្យាល័យភាសា និងវប្បធម៌ប៉េកាំងសម្រាប់ឆ្នាំសិក្សា២០២៤។...
កម្មវិធីពិសេសរបស់ AMS EDUCATION
ព័ត៌មានសង្ខេប
