ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានពហុបច្ចេកទេសខេត្តកំពង់ឆ្នាំង ប្រកាសជ្រើសរើសសិស្សទាំងពីរភេទឱ្យចូលរៀនជំនាញបច្ចេកទេស និងវិជ្ជាជីវៈ ដោយឥតគិតថ្លៃសរុបចំនួន ៣១៥នាក់។
ជំនាញដែលត្រូវផ្តល់ជូនរួមមាន ៖ សម្រាប់ការសិក្សារយៈពេល៤ខែ សិក្សាថ្ងៃចន្ទ-សុក្រ (ព្រឹក-រសៀល) មាន ការថែទាំ និងជួសជុលអគ្គិសនីរថយន្ត ៣៥នាក់, សេវាកម្មបរិក្ខាត្រជាក់ក្នុងគេហដ្ឋាន ៣៥នាក់, ការដំឡើង និងអនុវត្តបច្ចេកវិទ្យាឌីជីថល (ជំនាញកុំព្យូទ័រ) ៣៥នាក់, ការថែទាំ និងជួសជុលម៉ូទ័រអគ្គិសនី ៣៥នាក់, ការដំឡើងបណ្តាញអគ្គិសនីក្នុងអគារ ៣៥នាក់។
សម្រាប់ការសិក្សារយៈពេល ៨ខែ វេនសិក្សាពេលយប់ រួមមានជំនាញ សេវាកម្មបរិក្ខាត្រជាក់ក្នុងគេហដ្ឋាន ចំនួន៣៥នាក់, ការថែទាំ និងជួសជុលម៉ូទ័រអគ្គិសនី ចំនួន៣៥នាក់ និង ការកែច្នៃបន្លែ និងផ្លែឈើ ចំនួន ៣៥នាក់។
លក្ខខណ្ឌក្នុងការចុះឈ្មោះ ៖ មានអាយុចាប់ពី១៥ឆ្នាំឡើងទៅ, មកពីគ្រួសារដែលមានបណ្ណក្រីក្រ១ និង២ និងគ្រួសារដែលមានបណ្ណសម្គាល់ជនងាយរងហានិភ័យ ទួលបានការសិក្សាដោយមិនបង់ថ្លៃ និងបានប្រាក់ឧបត្ថម្ភ ២៨ម៉ឺនរៀលក្នុង១ខែ, សម្រាប់យុវជនទូទៅដែលមិនមែនជានិស្សិតកំពុងសិក្សានៅគ្រឹះស្ថានសិក្សា ទទួលបានការសិក្សាដោយឥតគិតថ្លៃ។
ចាប់ទទួលពាក្យពីថ្ងៃផ្សាយដំណឹងនេះតទៅ ហើយកាលបរិច្ឆេទចូលរៀន គឺនៅថ្ងៃទី១ ខែមេសា ឆ្នាំ២០២៥។
សម្រាប់ព័ត៌មានលម្អិត សូមទំនាក់ទំនងទៅកាន់វិទ្យាស្ថានពហុបច្ចេកទេសខេត្តកំពង់ឆ្នាំ ដែលមានទីតាំងនៅភូមិទួលក្រឡាញ់ សង្កាត់កំពង់ឆ្នាំង ក្រុងកំពង់ឆ្នាំង ជាប់មន្ទីរអប់រំ យុវជន និងកីឡាខេត្តកំពង់ឆ្នាំង ឬទំនាក់ទំនងតាមទូរស័ព្ទលេខ 012 474 341៕
