អ្នកអប់រំ លើកទឹកចិត្តយុវជន​ប្រើប្រាស់ “ទិវានៃក្តីស្រឡាញ់” បង្ហាញ​ការស្រឡាញ់ និង​​គោរព​ទៅកាន់​ឪពុកម្តាយ លោកគ្រូអ្នកគ្រូ និងមនុស្សជុំវិញខ្លួន

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត។

ជារៀងរាល់ឆ្នាំ​នៅថ្ងៃទី១៤ កុម្ភៈ ពិភពលោក​តែងរំលឹកទៅដល់ Valentine’s Day ដែលជាទិវានៃសេចក្តីស្រឡាញ់។ ទោះបីជាមានប្រភពចេញពីប្រវត្តិសាស្ត្រនិងរឿងព្រេងនិទានក៏ដោយ ប៉ុន្តែថ្ងៃ១៤កុម្ភៈ ត្រូវ​បានមនុស្សជុំវិញពិភពលោកប្រើជាឱកាសដើម្បីបង្ហាញនូវសេចក្តីស្រឡាញ់ ចំពោះគ្នាទៅវិញទៅមក។ ​ក្នុងបរិបទប្រទេស​កម្ពុជា នៅឱកាស​ថ្ងៃនៃក្តីស្រឡាញ់ តើយុវជនគប្បីធ្វើសកម្មភាពអ្វីខ្លះ?

អ្នកគ្រូ កឹម ច័ន្ទលក្ខិណា ជាគ្រូបង្រៀន នៃសាលារៀនជំនាន់ថ្មី វិទ្យាល័យព្រែកលៀប មានប្រសាសន៍ថា ថ្ងៃនៃក្ដីស្រឡាញ់ ១៤កុម្ភៈ គឺជាវប្បធម៌បរទេសដែលគេប្រារព្ធឡើងដើម្បីបង្ហាញពីក្ដីស្រឡាញ់ទៅកាន់មនុស្សជាទីស្រឡាញ់ជុំវិញខ្លួនរបស់គេរួមទាំងគូសង្សារ ប្ដីប្រពន្ធ បងប្អូន ឪពុកម្ដាយ ក្រុមគ្រួសារ មិត្តភក្ដិ ឬមិត្តរួមការងារជាដើម។ អ្នកគ្រូបន្តថា តាមពិតវាជាវប្បធម៌ល្អមួយដែលបង្រៀនមនុស្សឱ្យចេះឱ្យ​តម្លៃ ថែរក្សា និងចែករំលែកក្ដីស្រលាញ់ក្ដីស្រលាញ់ទៅកាន់មនុស្សជុំវិញខ្លួន។

អ្នកគ្រូ កឹម ច័ន្ទលក្ខិណា ជាគ្រូបង្រៀនភាសាអង់គ្លេស នៃសាលារៀនជំនាន់ថ្មី វិទ្យាល័យព្រែកលៀប

បើតាម​អ្នកគ្រូ ច័ន្ទលក្ខិណា អត្ថន័យរបស់ ថ្ងៃនៃក្ដីស្រឡាញ់ ១៤កុម្ភៈ ត្រូវគេយល់ច្រឡំថាជាទិវាបុណ្យសម្រាប់តែគូសង្សារប៉ុណ្ណោះ ជាពិសេសនៅក្នុងប្រទេសកម្ពុជារបស់យើង ដែលការយល់ច្រឡំនេះបណ្ដាលឱ្យកើតមានជាភាពឥតសណ្ដាប់ធ្នាប់ និងប្រព្រឹត្តខុសឆ្គងប្រាសចាកពីសីលធម៌ និងប្រពៃណីខ្មែរទៅវិញ។

យ៉ាងណាក៏ដោយ អ្នកគ្រូ កឹម ច័ន្ទលក្ខិណា មានប្រសាសន៍ថា សម្រាប់ថ្ងៃនៃក្តីស្រឡាញ់ យុវជន ឬសិស្សានុសិស្សដែលចង់ចូលរួម អាចចូលរួមបង្ហាញពីការស្រលាញ់ និងការគោរពទៅកាន់ឪពុកម្ដាយ ឬលោកគ្រូអ្នកគ្រូរបស់ពួកគេដូចជា ការសរសេរសំបុត្រថ្លែងអំណរគុណជាដើម ឬពួកគេក៏អាចចូលរួមតាមវិធីវិជ្ជមានផ្សេងទៀតដូចជា ការចូលរួមសកម្មភាពល្អៗក្នុងសាលា រៀបចំសំអាតបរិស្ថាន ឬធ្វើកម្មវិធីសប្បុរសធម៌ជាដើម។ ចំណែកសកម្មភាពដែលមិនគួរធ្វើ គឺមិនត្រូវគេចសាលា ដើម្បីទៅធ្វើរឿងខុសឆ្គងនានាដែលអាចនាំឱ្យមានវិបត្តិ និងការស្ដាយក្រោយខូចអនាគត។

ជាមួយគ្នានេះ អ្នកគ្រូ ច័ន្ទលក្ខិណា ក៏សំណូមពរដល់យុវជនទាំងអស់ សូមកុំមានការយល់ច្រឡំពីអត្ថន័យនៃទិវានៃក្ដីស្រលាញ់ ហើយត្រូវខិតខំរៀនសូត្រ ព្រោះការខិតខំរៀនសូត្រ គឺជាទម្រង់ដ៏ល្អមួយសម្រាប់បង្ហាញពីការស្រលាញ់ចំពោះ ខ្លួនឯង គ្រួសារ ក៏ដូចជាប្រទេសជាតិដែរ។

លោក វ៉ាត ដាលី គ្រូបង្រៀននៃសាលារៀនបែលធី អន្តរជាតិ យល់ឃើញដែរថា ថ្ងៃនៃក្ដីស្រឡាញ់ ១៤ កុម្ភៈ គឺជាថ្ងៃពិសេសមួយដែលប្រារព្ធឡើងសម្រាប់ឱ្យមនុស្សគ្រប់រូបបង្ហាញក្ដីស្រឡាញ់ចំពោះគ្នាទៅវិញទៅមក ដោយ​មិនមែនសម្រាប់តែគូស្នេហ៍នោះទេ ប៉ុន្តែយើងអាចបង្ហាញក្ដីស្រឡាញ់ចំពោះមនុស្សនៅជុំវិញខ្លួនដូចជា ឪពុកម្ដាយ បងប្អូន សាច់ញាតិ លោកគ្រូអ្នកគ្រូ និងមិត្តភក្តិជាដើម ។

លោក វ៉ាត ដាលី គ្រូបង្រៀននៃសាលារៀនបែលធី អន្តរជាតិ

បើតាម លោក ដាលី នៅ​ក្នុង​ឱកាស​ថ្ងៃនៃក្ដីស្រឡាញ់ យុវជន ឬសិស្សានុសិស្សគួរតែបង្ហាញក្ដីស្រឡាញ់ទៅកាន់មនុស្សនៅជុំវិញខ្លួនដូចជា ឪពុកម្ដាយ បងប្អូន មិត្តភក្តិ លោកគ្រូអ្នកគ្រូ ដោយសរសេរជាសារបង្ហាញពីទឹកចិត្តស្រឡាញ់ និងការជូនពរទៅពួកគាត់ ឬអាចទិញផ្កា កាដូរ ឬវត្ថុផ្សេងៗដើម្បីទុកជាវត្ថុអនុស្សាវរីយ៍។ ហើយ​ជាមួយ​គ្នានេះ ក៏​មាន​សកម្មភាពដែល​យុវជន​មិនគួរធ្វើដែរ ដូចជាមិនត្រូវប្រព្រឹត្តទង្វើផ្សេងៗដែលប្រាសចាកពីសីលធម៌សង្គម ដូចជា ការឱបថើប ឬការប្រគល់ខ្លួនប្រាណ ដើម្បីបញ្ជាក់ពីក្ដីស្រឡាញ់នោះឡើយ។

លោកគ្រូ វ៉ាត ដាលី មានប្រសាសន៍ថា ចំពោះក្ដីស្រឡាញ់យើងគួរតែបង្ហាញទៅកាន់មនុស្សជុំវិញខ្លួនជារៀងរាល់ថ្ងៃមិនចាំបាច់តែថ្ងៃ១៤ កុម្ភៈ ទេ ។ លោកក៏សំណូមពរឱ្យយុវជន ឬសិស្សានុសិស្សទាំងអស់ ខិតខំរៀនសូត្រ មានសីលធម៌ក្នុងការរស់នៅ ចេះគោរពច្បាប់ និងគោរពប្រពៃណី ហើយសូមកុំយល់ច្រឡំថាថ្ងៃ១៤ កុម្ភៈ ជាថ្ងៃបុណ្យសង្សារ ជាថ្ងៃដែលប្រគល់ខ្លួនប្រាណឱ្យសង្សារដើម្បីបញ្ជាក់ពីការស្រឡាញ់ ។

សម្រាប់យុវតី ឡាំ សុជាតា និស្សិតឆ្នាំទី២ ជំនាញទំនាក់ទំនងអន្តរជាតិ នៃសាកលវិទ្យាល័យផារ៉ាហ្គន លើកឡើងថា ថ្ងៃនៃក្ដីស្រឡាញ់ ១៤កុម្ភៈ ជាទិវាសកលមួយដែលមនុស្សទូទាំងពិភពលោកប្រារព្ធពិធីនេះឡើង ដើម្បីចែករំលែកសេចក្ដីស្រឡាញ់តាមរយៈការឱ្យជាកាដូ បាច់ផ្កា ឬការសរសេរសំបុត្រ។ ហើយមនុស្សមួយចំនួនទៀត យកថ្ងៃនេះ ដើម្បីសារភាពក្ដីស្រឡាញ់ទៅកាន់មនុស្សជាទីស្រឡាញ់។

យុវតី ឡាំ សុជាតា ជានិស្សិតឆ្នាំទី២ ជំនាញទំនាក់ទំនងអន្តរជាតិ នៃសាកលវិទ្យាល័យផារ៉ាហ្គន

ប៉ុន្មានឆ្នាំចុងក្រោយនេះ នៅថ្ងៃនៃក្ដីស្រឡាញ់ សម្រាប់ សុជាតា តែងតែចូលរួមកម្មវិធីនៅសាលា ដោយមានសកម្មភាពសរសេរសំបុត្របង្ហាញក្ដីស្រឡាញ់ទៅកាន់មិត្តភក្ដិជាដើម។ លើសពីនេះ សុជាតា ក៏បានទិញកាដូបន្តិចបន្តួចជូនមិត្តភក្ដិ និងផ្ញើសារបង្ហាញក្ដីស្រឡាញ់ទៅកាន់ឪពុកម្ដាយ ដោយសារនៅឆ្ងាយគ្នា។

“រីករាយថ្ងៃនៃក្ដីស្រឡាញ់ ខ្ញុំចង់ផ្ញើក្ដីស្រឡាញ់ទៅកាន់មនុស្សជុំវិញខ្លួន ប៉ាម៉ាក់ លោកគ្រូ អ្នកគ្រូ និងប្រជាជនខ្មែរទាំងអស់!”

ជាអ្នកខេត្តបាត់ដំបង យុវតី ឡាំ សុជាតា ក៏បានលើកទឹកចិត្តឱ្យយុវជនទាំងអស់ ត្រឡប់មកគិតថា ថ្ងៃនៃក្ដីស្រឡាញ់ យើងអាចចែករំលែកក្ដីស្រឡាញ់ទៅកាន់មនុស្សគ្រប់គ្នា។ ចំពោះការបង្ហាញក្ដីស្រឡាញ់ ក្នុងថ្ងៃនៃក្ដីស្រឡាញ់ មិនចំពោះតែគូស្នេហ៍ ឬសង្សារនោះឡើយ ប៉ុន្តែក៏ជាការបង្ហាញក្ដីស្រឡាញ់ទៅកាន់ឪពុកម្ដាយ លោកគ្រូ អ្នកគ្រូ មិត្តភក្ដិ ប្ដីប្រពន្ធជាដើម។ ហើយអ្វីដែលមិនគួរធ្វើ គឺការធ្វើរឿងដែលប៉ះពាល់ដល់ខ្លួនឯង និងគ្រួសារ មានការសោកស្ដាយទៅថ្ងៃក្រោយ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Illinois Wesleyan នៃសហរដ្ឋអាមេរិក ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 19/10/2023

ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Illinois Wesleyan នៃសហរដ្ឋអាមេរិកឆ្នាំសិក្សា២០២៣-២០២៤។ អាហារូបករណ៍ផ្ដល់ជូនការសិក្សាដល់និស្សិតទូទាំង....

នូវែលសេឡង់ ជ្រើសរើសមន្ត្រីរាជការកម្ពុជា ៤ រូប សិក្សាវគ្គបណ្ដុះបណ្ដាលខ្លី ក្រោមប្រធានបទ “Public Health Management ASEAN Online 2026”

ព័ត៌មានអាហារូបករណ៍, ព្រឹត្តិការណ៍, អាហារូបករណ៍

• 07/07/2026

នូវែលសេឡង់ នឹងជ្រើសរើសមន្ត្រីរាជការកម្ពុជា ៤ រូប សិក្សាវគ្គបណ្ដុះបណ្ដាលរយៈពេលខ្លី ក្រោមប្រធានបទ "Public Health Management ASEAN Online 2026"

អាហារូបករណ៍វគ្គបណ្ដុះបណ្ដាលភាសាអង់គ្លេសពីមជ្ឈមណ្ឌលស៊ីមេអូ RELC នៅប្រទេសសឹង្ហបុរី សម្រាប់ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 17/07/2023

មជ្ឈមណ្ឌលស៊ីមេអូ RELC ប្រកាសផ្ដល់អាហារូបករណ៍សិក្សាវគ្គបណ្ដុះបណ្ដាលភាសាអង់គ្លេសតាមរយៈការសិក្សាផ្ទាល់នៅប្រទេសសឹង្ហបុរី និងតាមបែបចម្រុះសម្រាប់ឆ្នាំសិក្សា២០២៤ ។ អាហារូបករណ៍ផ្ដល់ជូនការសិក្សាចំនួន១៦កន្លែងដល់បេក្ខជនដែលជាគ្រូបង្រៀនឯកទេសភាសាអង់គ្លេស ។

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពី Chulabhorn Postgraduate Scholarship ប្រទេសថៃ

ព័ត៌មានអាហារូបករណ៍, ព្រឹត្តិការណ៍

• 06/07/2023

កម្មវិធីអាហារូបករណ៍ Chulabhorn Postgraduate Scholarship in Thailand ប្រកាសផ្ដល់អាហារូបករណ៍ថ្នាក់បរិញ្ញាបត្រជាន់ខ្ពស់នៅប្រទេសថៃ ។...

វគ្គបណ្តុះបណ្តាលខ្លី​តាម​ប្រព័ន្ធអនឡាញ “Good Governance” របស់ប្រទេស​នូវែលសេឡង់ ដល់មន្រ្តីកម្ពុជា ឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 22/12/2025

រដ្ឋាភិបាល​នូវែល​សេឡង់ នឹង​រៀបចំ​វគ្គ​បណ្តុះបណ្តាល​រយៈពេលខ្លី ក្រោម​ប្រធានបទ "Good Governance" តាមប្រព័ន្ធ​អនឡាញ រយៈពេល​សិក្សា​ចាប់ពីថ្ងៃទី១ ដល់ថ្ងៃទី៣០ ខែមេសា ឆ្នាំ២០២៦ ដល់​មន្រ្តីរាជការ​កម្ពុជា។

អាហារូបករណ៍សម្រាប់ជំនាញសិល្បៈ និងតន្រ្តី នៅសាកលវិទ្យាល័យ Edith Cowan ប្រទេសអូស្រ្តាលី

ព័ត៌មានអាហារូបករណ៍, ព្រឹត្តិការណ៍

• 30/07/2024

កម្មវិធីអាហារូបករណ៍ Greg Benjamin WAAPA Music Entrance បានប្រកាស​ផ្តល់អាហារូបករណ៍ដែលមាន​តម្លៃរហូត​ដល់ ១ម៉ឺនដុល្លារ សម្រាប់និស្សិតភ្លេងព្យាណូ ...

ឱកាសសម្រាប់យុវជនកម្ពុជា ស្វែងយល់ពីវិស័យការទូតក្នុងតំបន់ នៅប្រទេសឥណ្ឌូនេស៊ី

ព័ត៌មានអាហារូបករណ៍, ព្រឹត្តិការណ៍

• 28/10/2026

កម្មវិធី ASEAN Foundation Model East Asia Summit 2026 កំពុងប្រកាសជ្រើសរើសនិស្សិតឆ្នើមចំនួន ៦០ រូប ដើម្បីចូលរួមសិក្សាស្វែងយល់ពីសន្តិសុខ សន្តិភាព

អាហារូបករណ៍ទឹកប្រាក់ សម្រាប់និស្សិតក្រោយឧត្តមសិក្សា ជំនាញភូគព្ភសាស្ត្រ នៅ​ប្រទេសណូវ៉េលហ្សេឡង់

ព័ត៌មានអាហារូបករណ៍, ព្រឹត្តិការណ៍

• 25/07/2024

អាហារូបករណ៍ទឹកប្រាក់រហូតដល់ ៥ពាន់ដុល្លារ ដើម្បីជួយដល់និស្សិតស្រាវជ្រាវក្រោយឧត្តមសិក្សា ដើម្បីសិក្សាអំពីភូគព្ភសាស្ត្រ (geological research) ដែលមានមូលដ្ឋាននៅ ណូវ៉ែលហ្សេឡង់...

វិទ្យាស្ថាន​បច្ចេកវិទ្យា​កម្ពុជា​ខេត្ត​កែប ​ផ្តល់​អាហារូបករណ៍​ កម្រិត​វិស្វករ ​និង​បរិញ្ញាបត្រ​រង ​ចំនួន​២១០​កន្លែង​

ព័ត៌មានអាហារូបករណ៍, ព្រឹត្តិការណ៍

• 10/07/2026

​ជា​ឱកាស​សម្រាប់​សិស្សានុសិស្ស​ដែល​នឹង​បញ្ចប់​ថ្នាក់​ទី​១២​នៅពេល​ខាងមុខ​នេះ​ ​ហើយ​ចង់​បន្ត​ការ​សិក្សា​នៅ​ឧត្តម​សិក្សា​ ​ពេលនេះ​ វិទ្យាស្ថាន​បច្ចេកវិទ្យា​កម្ពុជា​ ​មណ្ឌល ​តេជោ ​ហ៊ុន ​សែន ​ចំការ​ដូង​ (​ខេត្ត​កែប​) ​កំពុង​ជ្រើសរើស...



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។វាល​ដែល​ត្រូវ​ការ​ត្រូវ​បាន​គូស *