ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – កម្មវិធីអាហារូបករណ៍៣ប្រភេទកំពុងបើកផ្ដល់អាហារូបករណ៍ថ្នាក់ឧត្តមសិក្សានៅសាកលវិទ្យាល័យជាច្រើនដែលជាសាកលវិទ្យាល័យដៃគូក្នុងប្រទេស និងទទួលបានការឧបត្ថម្ភពីរដ្ឋាភិបាលតួគី ។ ខាងក្រោមជាអាហារូបករណ៍ដែលកំពុងបើកផ្ដល់និស្សិតអន្តរជាតិជាច្រើន ។
១. កម្មវិធីអាហារូបករណ៍ Türkiye Scholarships For International Students ជាអាហារូបករណ៍សម្រាប់ថ្នាក់ឧត្ដមសិក្សាដូចជា ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ ថ្នាក់បណ្ឌិត និងថ្នាក់ស្រាវជ្រាវ ។
លក្ខខណ្ឌសម្រាប់និស្សិតក្នុងការដាក់ពាក្យស្នើសុំរួមមាន ជានិស្សិតមកពីគ្រប់ជាតិសាសន៍ មានអាយុក្រោម២១ឆ្នាំសម្រាប់ថ្នាក់បរិញ្ញាបត្រ មានអាយុក្រោម៣០ឆ្នាំសម្រាប់ថ្នាក់បរិញ្ញាបត្រជាន់ខ្ពស់ មានអាយុក្រោម៣៥ឆ្នាំសម្រាប់ថ្នាក់បណ្ឌិត និងអាយុក្រោម៤៥ឆ្នាំសម្រាប់ថ្នាក់ស្រាវជ្រាវ ។
ជាមួយគ្នានេះ ភាគីអាហារូបករណ៍នឹងផ្ដល់ការគាំទ្រដល់បេក្ខជនជ័យលាភីរួមមាន ផ្ដល់កន្លែងស្នាក់នៅ ប្រាក់ប្រចាំខែ(មានទៅតាមកម្រិតសិក្សារបស់បេក្ខជន) ថ្លៃសិក្សា ធានារ៉ាប់រងសុខភាព ថ្លៃសិក្សាភាសាតួគី១ឆ្នាំ និងសំបុត្រយន្ដហោះ ។ លើសពីនេះ អាហារូបករណ៍នឹងផ្ដល់ឱ្យរយៈពេល១ឆ្នាំសិក្សាភាសាតួគី និង៤ ឬ៦ឆ្នាំសម្រាប់ថ្នាក់បរិញ្ញាបត្រ ។ សម្រាប់ថ្នាក់បរិញ្ញាបត្រជាន់ខ្ពស់ការសិក្សា២ឆ្នាំ និងការសិក្សាភាសាតួគី១ឆ្នាំ ។ សម្រាប់ថ្នាក់បណ្ឌិតការសិក្សា៤ឆ្នាំ និងការសិក្សាភាសាតួគី១ឆ្នាំ ។
សម្រាប់ព័ត៌មានលម្អិតនិងការដាក់ពាក្យសូមចូលទៅតាមតំណភ្ជាប់ https://www.turkiyeburslari.gov.tr/scholarshipsprograms ។
២. កម្មវិធីអាហារូបករណ៍ Eastern Mediterranean University (EMU) Scholarships ផ្ដល់ជូនការសិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ។
លក្ខខណ្ឌសម្រាប់និស្សិតក្នុងការដាក់ពាក្យស្នើសុំអាហារូបករណ៍រួមមាន វិញ្ញាបនបត្រមធ្យមសិក្សាទុតិយភូមិថតចម្លង និងប្រតិចារិក រូបថតទំហំលិខិតឆ្លងដែន១សន្លឹក ច្បាប់ចម្លងលិខិតឆ្លងដែន ឬសំបុត្រកំណើត ច្បាប់ចម្លងនៃលិខិតបញ្ជាក់ភាសាអង់គ្លេស ។
អាហារូបករណ៍នឹងផ្ដល់ការគាំទ្រដល់បេក្ខភាពអាហារូបករណ៍ដូចជា ថ្លៃសិក្សារហូតចប់កម្មវិធីសិក្សា ការស្នាក់នៅដោយឥតគិតថ្លៃ និងអាហារ៣ពេលក្នុងមួយថ្ងៃសម្រាប់និស្សិត ។
សម្រាប់ព័ត៌មានលម្អិតនិងការដាក់ពាក្យសូមចូលទៅតាមតំណភ្ជាប់ https://io.emu.edu.tr/en/students/prospective-students/scholarships ។
៣. កម្មវិធីអាហារូបករណ៍ KHAS Scholarship Programs ផ្ដល់ជូនការសិក្សាថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ។
លក្ខខណ្ឌសម្រាប់បេក្ខជនក្នុងការដាក់ពាក្យ ជាសិស្សដែលមានប្រវត្តិការសិក្សាល្អ មានជំនាញផ្នែកសង្គមនិងសមត្ថភាពជាអ្នកដឹកនាំ និងជានិស្សិតថ្នាក់បរិញ្ញាបត្រពេញម៉ោង ។ ជាមួយគ្នានេះ រយៈពេលនៃការសិក្សានឹងទៅតាមកម្មវិធីអាហារូបករណ៍ដែលផ្ដល់ឱ្យ ។
សម្រាប់ព័ត៌មានលម្អិតចូលទៅកាន់ https://international.khas.edu.tr/tuition-fees ។ គួរបញ្ជាក់ដែរថា ការផុតកំណត់នៃអាហារូបករណ៍នីមួយៗនឹងផុតកំណត់ទៅតាមកម្មវិធីអាហារូបករណ៍ផ្សេងៗគ្នា ៕
