លិខិតអនុសាសន៍ ឬ Recommendation letter ជាឯកសារចាំបាច់មួយក្នុងចំណោមឯកសារចាំបាច់ផ្សេងទៀត ដែលអាហារូបករណ៍តម្រូវឱ្យបេក្ខជនសរសេរឡើងរៀបរាប់ដោយសង្ខេបអំពីបទពិសោធន៍របស់អ្នកដែលសរសេរដោយលោកគ្រូ អ្នកគ្រូ សាស្ត្រាចារ្យ ឬថ្នាក់ដឹកនាំដើម្បីរៀបរាប់ពីបុគ្គលិកលក្ខណៈ ការអនុវត្តការសិក្សា ឬការងាររួមទាំងគុណសម្បត្តិរបស់បេក្ខជន ។​ លិខិតអនុសាសន៍ក៏ជាឯកសារមួយដែលជាអំណះអំណាងរឹងមាំដើម្បីឱ្យនិស្សិតអាចទទួលបានជោគជ័យក្នុងការដាក់ពាក្យអាហារូបករណ៍ផងដែរ ។

ដើម្បីធ្វើឱ្យ​ការសរសេរលិខិតអនុសាសន៍អាហារូបករណ៍បានល្អ បេក្ខជនត្រូវដឹងពីសំខាន់ចំនួន៦ដូចជា ៖

១.ស្គាល់អ្វីជាលិខិតអនុសាសន៍អាហារូបករណ៍ ៖ ការសិក្សានៅសាកលវិទ្យាល័យជាពេលវេលាដែលតម្រូវឱ្យនិស្សិតត្រូវចំណាយថវិការច្រើនដើម្បីអាចសិក្សាបាន ប៉ុន្តែនិស្សិតអាចស្នើពាក្យអាហារូបករណ៍ដើម្បីស្វែងរកទុនសិក្សា និងកាត់បន្ថយការចំណាយផ្សេងៗ ។ ក្នុងការស្នើពាក្យអាហារូបករណ៍ បេក្ខជនត្រូវមានលិខិតអនុសាសន៍ដែលបង្កើតឡើងដោយនរណាម្នាក់ដែលមានតួនាទីជាសាស្ត្រចារ្យ ថ្នាក់ដឹកនាំរបស់បេក្ខជនដើម្បីបញ្ជាក់ពីសមត្ថភាព និងភាពបត់បែនរបស់បេក្ខជនដែលអាចបង្ហាញពីមូលហេតុដែលសិស្សសមនឹងទទួលអាហារូបករណ៍ ។

២. ដឹងពីគោលបំណងរបស់លិខិតអនុសាសន៍ ៖ បេក្ខជនដែលជានិស្សិតមហាវិទ្យាល័យ ឬសិស្សវិទ្យាល័យត្រូវសុំឱ្យលោកគ្រូ អ្នកគ្រូ ឬទីប្រឹក្សាក្លឹបជាអ្នកសរសេរណែនាំពន្យល់ឱ្យបានជាក់លាក់ពីហេតុផលអ្វីដែលសិស្សគួរតែទទួលបានអាហារូបករណ៍នេះ ។ ជាមួយគ្នា បេក្ខជនត្រូវរកប្រភពដែលផ្ដល់លិខិតអនុសាសន៍អាចឱ្យភាគីអាហារូបករណ៍ទុកចិត្តបាន និងផ្តោតលើគុណភាពរបស់សិស្សដែលសាកសមនឹងទទួលបានអាហារូបករណ៍ ។

៣. ទម្រង់លិខិតអនុសាសន៍​ ៖ លិខិតអនុសាសន៍ជាឯកសារយោងជួយឱ្យនិស្សិតអាចទទួលបានអាហារូបករណ៍ដូចនេះ ការសរសេរលិខិតអនុសាសន៍ឱ្យត្រូវទម្រង់ជាអ្វីដែលនិស្សិតត្រូវដឹងដោយមានដូចជា៖ 

• ការចាប់ផ្ដើមអត្ថបទ ឬក្បាលអត្ថបទ ៖ ក្នុងចំណុចនេះអ្នកផ្ដល់អនុសាសន៍គួរតែបញ្ចូលព័ត៌មាន កាលបរិច្ឆេទ ចំណងជើង ឈ្មោះវិទ្យាស្ថាន អាសយដ្ឋានផ្លូវការ ទីក្រុង រដ្ឋ និងលេខកូដតំបន់ និងព័ត៌មានទំនាក់ទំនងដែលពេញចិត្ត ។
• សេចក្ដីចាប់ផ្ដើម ៖ ជាការណែនាំខ្លួនខ្លីៗអំពីសិស្សរបស់អ្នកផ្ដល់អនុសាសន៍ ហើយបញ្ជាក់ពីអាហារូបករណ៍ដែលសិស្សបានជ្រើសរើស រួមបញ្ជូលព័ត៌មានលម្អិត លក្ខណៈសម្បត្តិ និងរយៈពេលនៃទំនាក់ទំនងរបស់សិស្ស ។
• ទិដ្ឋភាពទូទៅ ៖ តួសេចក្ដីនៃលិខិតអនុសាសន៍នឹងត្រូវរៀបរាប់ពីចំណុចខ្លាំងរបស់សិស្ស និងរបៀបដែលបេក្ខជនបំពេញតម្រូវការអាហារូបករណ៍ ។ ការសរសេរអំពីបទពិសោធន៍សិក្សាដូចជា ពិន្ទុតេស្ត និងសមិទ្ធិផលសិក្សាដែលបង្ហាញថា សិស្សជាបុគ្គលដែលមានការលើកទឹកចិត្ត និងមានក្រមសីលធម៌ដើម្បីជួយឱ្យសិស្សមានភាពលេចធ្លោ ។
• សេចក្ដីសន្និដ្ឋាន ៖ នៅក្នុងការបញ្ចប់លិខិតអនុសាសន៍ត្រូវមានសេចក្ដីថ្លែងការណ៍រឹងមាំមួយដើម្បីសង្កត់ធ្ងន់លើការយល់ព្រមរបស់អ្នកចំពោះសិស្ស និងការរំលឹកឡើងវិញនូវអនុសាន៍របស់អ្នកចំពោះសិស្ស ។
• ហត្ថលេខា ៖ ការបញ្ចប់ដោយប្រើហត្ថលេខាសរសេរដោយដៃ ជាការល្អបំផុតរួមជាមួយការផ្ទៀងផ្ទាត់លិខិតអនុសាសន៍ផងដែរ ។

៤. គន្លឹះក្នុងការសរសេរលិខិតអនុសាសន៍ ៖ អ្នក​ផ្ដល់អនុសាសន៍ត្រូវដឹងពីគន្លឹះមួយចំនួនដូចជា ប្រាកដថាអ្នកស្គាល់ពីសិស្សរបស់អ្នកបានល្អគ្រប់គ្រាន់ក្នុងការសរសេរឱ្យពួកគេ ដោយបង្ហាញពីសក្ដានុពល ទេពកោសល្យ ជំនាញរបស់សិស្ស និងពិនិត្យការសរសេរឱ្យបានច្រើនដង ។ ជាមួយគ្នានេះ អ្នកផ្ដល់អនុសាសន៍ដែលជាលោកគ្រូ អ្នកគ្រូ ឬសាស្ត្រាចារ្យអាចបដិសេធក្នុងការសរសេរលិខិតអនុសាស​ន៍ប្រសិនបើអ្នកមិនចង់ផ្ដល់លិខិតណែនាំ ។

៥. តើនរណាជាអ្នកសរសេរលិខិតអនុសាសន៍បាន? ៖ លិខិតណែនាំអំពីអាហារូបករណ៍ដែលមានប្រសិទ្ធភាពនឹងត្រូវបានសរសេរដោយគ្រូបង្រៀន ឬសាស្រ្តាចារ្យដែលអាចនិយាយអំពីចំណុចខ្លាំង និងលទ្ធផលសិក្សារបស់សិស្ស បន្ថែមពីលើចរិតលក្ខណៈរបស់សិស្ស ។

៦. តើលិខិតអនុសាសន៍គួរមានរយៈពេលប៉ុន្មាន? ៖ លិខិតណែនាំអំពីអាហារូបករណ៍គួរតែបំពេញទំព័រទាំងមូលជាមួយនឹងទម្រង់ត្រឹមត្រូវ ហើយមានប្រហែល ៣០០ ទៅ ៥០០ ពាក្យ និងមិនលើសពីពីរទំព័រ។ សូមចំណាំថា ការសរសេរចាប់ពី៣ទំព័រជាទូទៅវែងពេក ហើយការសរសេរខ្លីពេកក៏ជាគុណវិបត្តិផងដែរ ។

នេះជាការចុះផ្សាយតាមរយៈគេហទំព័រផ្លូវការរបស់ bold.org ៕