ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – កម្មវិធីអាហារូបករណ៍ TIPP ប្រកាសជ្រើសរើសមន្ត្រីរាជការកម្ពុជាទៅសិក្សាថ្នាក់បរិញ្ញាបត្រជាន់ខ្ពស់នៅប្រទេសថៃសម្រាប់ឆ្នាំសិក្សា២០២៣ ។ អាហារូបករណ៍ផ្ដល់ជូនក្រោមកម្មវិធី Thailand International Postgraduate Program នៅប្រទេសថៃ ។
ជំនាញដែលអាហារូបករណ៍ផ្ដល់ជូនរួមមាន៖ Suffciency Economy Philosophy(SEP), Climate Change and Environmental Issues, Agriculture and Food Security, Public Health, Bio-Circular-Green Economy Model (BCG) and other topics related to Sustainable Development Goals (or SDGs) ។
លក្ខខណ្ឌសម្រាប់បេក្ខជនទាំង២ភេទក្នុងការចុះឈ្មោះរួមមាន មានសញ្ជាតិខ្មែរ មានអាយុមិនលើសពី៤៥ឆ្នាំ ជាមន្ត្រីរាជការ ចេះភាសាអង់គ្លេសបានល្អ មានសុខភាពល្អបរិបូរណ៍ទាំងកម្លាំងកាយសម្បទា និងសតិបញ្ញា និងមានសញ្ញាបត្របរិញ្ញាបត្រដែលទាក់ទងនឹងជំនាញខាងលើ ។
ជាមួយគ្នានេះសូមបេក្ខជនភ្ជាប់ជាមួយឯកសារចាំបាច់មួយចំនួនដូចជា ពាក្យសុំអាហារូបករណ៍៣ច្បាប់, លិខិតបញ្ជាក់កម្រិតចំណេះដឹងភាសាអង់គ្លេស TOEFL, IELTS, ព្រឹត្តិបត្តិពិន្ទុ, សញ្ញាបត្របរិញ្ញាបត្រ, លិខិតគាំទ្រពីលោកគ្រូអ្នកគ្រូ២ច្បាប់, គម្រោងស្រាវជ្រាវ និងសំបុត្រពេទ្យពិនិត្យសុខភាព ។
បេក្ខជនដែលមានបំណងដាក់ពាក្យសូមធ្វើការចូលទៅកាន់ https://forms.gle/Ft6swBZsav5wpxTK6 ដើម្បីបំពេញពាក្យជាមុនសិន ។ ជំហានបន្ទាប់បេក្ខជនផ្ញើពាក្យសុំអាហារូបករណ៍ និងលិខិតចាំបាច់ខាងលើជា Hard copy ចំនួន៣ច្បាប់ទៅកាន់ការិយាល័យអាហារូបករណ៍ និងកម្មសិក្សា នៃនាយកដ្ឋានទំនាក់ទំនងវប្បធម៌ និងអាហារូបករណ៍ដែលមានអាសយដ្ឋាន អគារលេខ២៣ ផ្លូវលេខ៣៦០ សង្កាត់បឹងកេងកង១ ខណ្ឌបឹងកេងកង រាជធានីភ្នំពេញ(ខាងកើតស្ថានីយទូរទស្សន៍អប្សរាប្រហែល៥០ម៉ែត្រ )។
និស្សិតត្រូវធ្វើបំពេញ និងដាក់ពាក្យឱ្យបានមុនថ្ងៃទី២០ ខែកក្កដា ឆ្នាំ២០២៣ វេលាម៉ោង៤:០០នាទីល្ងាច ។ សម្រាប់ព័ត៌មានអាចចូឡទៅកាន់គេហទំព័រផ្លូវការរបស់ TICA តាមរយៈ https://tica-thaigov.mfa.go.th ឬ Email: tipp@mfa.go.th ឬទំនាក់ទំនងទៅកាន់មន្ត្រីទទួលបន្ទុកនៃក្រសួងអប់រំ យុវជន និងកីឡា តាមរយៈ ០៩៥ ៦២៤ ៨៩៥ ៕
