ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ក្នុងពិធីប្រគល់សញ្ញាបត្រជូនដល់និស្សិតជ័យលាភី នៃសាកលវិទ្យាល័យភូមិន្ទកសិកម្ម នាព្រឹកថ្ងៃទី១៥ ខែឧសភា ឆ្នាំ២០២៣ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានលើកឡើងថា កីឡារបស់យើងមិនដែលឈានមកដល់ដំណាក់កាលដូចស៊ីហ្គេមលើកទី៣២ នៅកម្ពុជានេះទេ ដែលកម្ពុជាកំពុងទទួលមេដាយសរុបជាង២០០ និងឈរនៅចំណាត់ថ្នាក់លេខ៤ បន្ទាប់ពី វៀតណាម ថៃ និងឥណ្ឌូនេស៊ី។
សម្ដេចតេជោនាយករដ្ឋមន្ត្រីក៏បានបង្ហាញក្តីមោទនភាពចំពោះការខិតខំរបស់អត្តិពលិកកម្ពុជា ដែលបានប្រឹងប្រែងដើម្បីទទួលបាននូវមេដាយមាសជាច្រើនជូនជាតិ។ ជាពិសេស នេះជាលើកដំបូងសម្រាប់កម្ពុជា ដែលកីឡាកម្រិតអូឡាំពិកបានទទួលមេដាយមាសជាប្រវត្តិសាស្ត្រក្នុងឱកាស នៃការចូលរួមព្រឹត្តិការណ៍ស៊ីហ្គេម ក្នុងនោះគឺ កីឡាហែលទឹក និងកីឡារត់ប្រណាំង។
សម្ដេចតេជោ ហ៊ុន សែន បានថ្លែងថា
“រឿងឈ្នះ រឿងចាញ់ បានប៉ុន្មាន ប៉ុណ្ណេះខ្ញុំចាត់ទុកថា វាជាមោទនភាពមួយក្នុងដំណើរការនៃការឈានឡើងនៃវិស័យកីឡារបស់កម្ពុជា។”
សម្ដេចតេជោ ហ៊ុន សែន ក៏បានប្រកាសអរគុណដល់ថ្នាក់ដឹកនាំតាមបណ្ដាប្រទេសអាស៊ានទាំងអស់ ដែលបានបញ្ជូនកីឡាករ កីឡាការិនី ប្រតិភូកីឡាមកចូលរួមគាំទ្រព្រឹត្តិការណ៍ស៊ីហ្គេមនៅកម្ពុជា ក្នុងឱកាសដែលកម្ពុជាធ្វើជាម្ចាស់ផ្ទះ៕
