ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងអប់រំ យុវជន និងកីឡា បានប្រកាសផ្តល់អាហារូបករណ៍ចំនួន ១០កន្លែង សម្រាប់ការសិក្សាថ្នាក់បរិញ្ញាបត្រជាន់ខ្ពស់អប់រំ ឯកទេស «វិធីសាស្ត្របង្រៀនភាសាបារាំង» ជំនាន់ទី៨ ឆ្នាំសិក្សា២០២៦-២០២៧ នៅវិទ្យាស្ថានជាតិអប់រំ (NIE)។
កម្មវិធីសិក្សានេះ មានរយៈពេល ២ ឆ្នាំ ដោយតម្រូវឱ្យសិក្សានៅរៀងរាល់ថ្ងៃសៅរ៍ និងថ្ងៃអាទិត្យ។ ក្នុងនោះក៏មានថ្នាក់បង់ថ្លៃសម្រាប់បេក្ខជនទូទៅចំនួន ២០កន្លែងផងដែរ។
លក្ខខណ្ឌដាក់ពាក្យ សម្រាប់ថ្នាក់អាហារូបករណ៍ (១០ នាក់) ៖ ជាបុគ្គលិកអប់រំស្ថិតក្នុងក្របខ័ណ្ឌក្រសួងអប់រំ យុវជន និងកីឡា និងបានតាំងស៊ប់ក្នុងក្របខ័ណ្ឌរដ្ឋ, មានវិញ្ញាបនបត្ររដ្ឋបាលចេញដោយប្រធានអង្គភាពសាម៉ី, មានបរិញ្ញាបត្រភាសាបារាំង (ឬសញ្ញាបត្រសមមូល) ឬ មានបរិញ្ញាបត្រជំនាញផ្សេងទៀត ប៉ុន្តែមានសញ្ញាបត្រភាសាបារាំងចាប់ពីកម្រិត DELF B2 ឡើងទៅ។ ចំពោះគ្រូបង្រៀនភាសាបារាំងដែលមានបរិញ្ញាបត្រជំនាញផ្សេង ត្រូវមានសញ្ញាបត្រភាសាបារាំងចាប់ពីកម្រិត DELF B1 ឡើងទៅ។
សម្រាប់ថ្នាក់បង់ថ្លៃសេវាសិក្សា (២០ នាក់)៖ បើកទូលាយសម្រាប់បេក្ខជនទូទៅ (ទាំងពីរភេទ), មានបរិញ្ញាបត្រភាសាបារាំង វិញ្ញាបនបត្របណ្តោះអាសន្ន ឬសញ្ញាបត្រសមមូល ឬ មានបរិញ្ញាបត្រជំនាញផ្សេងទៀត ប៉ុន្តែមានសញ្ញាបត្រភាសាបារាំងចាប់ពីកម្រិត DELF B2 ឡើងទៅ (ឬកម្រិត DELF B1 សម្រាប់គ្រូបង្រៀនភាសាបារាំងស្រាប់)។
សំណុំឯកសារតម្រូវសម្រាប់ការចុះឈ្មោះ
បេក្ខជនត្រូវបំពេញសំណុំលិខិតសុំចុះឈ្មោះប្រឡងដោយផ្ទាល់ដៃ រួមមាន៖
1. ពាក្យសុំចុះឈ្មោះប្រឡង (គំរូរបស់វិទ្យាស្ថាន) ចំនួន ០១ ច្បាប់
2. សញ្ញាបត្របរិញ្ញាបត្រ/វិញ្ញាបនបត្របណ្តោះអាសន្ន (ថតចម្លងបញ្ជាក់ពីអាជ្ញាធរ) និងសញ្ញាបត្រ DELF B1-B2 (ថតចម្លង) ចំនួន ០១ ច្បាប់
3. ប្រវត្តិរូបសង្ខេប មានបិទរូបថតទំហំ 4x6 ចំនួន ០១ ច្បាប់
4. សលាកបត្រឯកត្តជន មានបិទរូបថតទំហំ 4x6 ចំនួន ០២ ច្បាប់
5. រូបថតថ្មី (ផ្ទៃមុខត្រង់ គ្មានមួក គ្មានវ៉ែនតា) ទំហំ 4x6 ចំនួន ០២ សន្លឹក
6. សម្រាប់ថ្នាក់អាហារូបករណ៍បន្ថែម ៖ លិខិតតាំងស៊ប់ក្នុងក្របខ័ណ្ឌ និងវិញ្ញាបនបត្ររដ្ឋបាលចេញដោយប្រធានអង្គភាព ០១ ច្បាប់
ចំណាំ ៖ បេក្ខជនដែលប្រឡងថ្នាក់អាហារូបករណ៍ ហើយទទួលបានចំណាត់ថ្នាក់ចាប់ពីលេខ ១១ ឡើងទៅ អាចស្ម័គ្រចិត្តដាក់ពាក្យចូលរៀនក្នុងថ្នាក់បង់ថ្លៃសិក្សាបាន។
កាលបរិច្ឆេទសំខាន់ៗ
- ចាប់ទទួលពាក្យពីថ្ងៃប្រកាសនេះ រហូតដល់ ថ្ងៃទី១៨ ខែកញ្ញា ឆ្នាំ២០២៦។
- ថ្ងៃប្រឡងជ្រើសរើស ៖ថ្ងៃទី០៣ ខែតុលា ឆ្នាំ២០២៦ នៅមណ្ឌលប្រឡងវិទ្យាស្ថានជាតិអប់រំ។
វិញ្ញាសាប្រឡងរួមមាន៖
1. វិញ្ញាសាភាសាបារាំង និងវិធីសាស្ត្របង្រៀន៖ រយៈពេល ៣ ម៉ោង (មេគុណ ២)
2. វិញ្ញាសាវប្បធម៌ទូទៅ៖ រយៈពេល ១ ម៉ោង ៣០នាទី (មេគុណ ១)
បេក្ខជនអាចទាញយក (Download) ទម្រង់ពាក្យសុំប្រឡងតាមរយៈតំណភ្ជាប់ https://shorturl.at/I26lA ឬទាក់ទងដោយផ្ទាល់នៅ ការិយាល័យសិក្សានៃវិទ្យាស្ថានជាតិអប់រំ រៀងរាល់ម៉ោងធ្វើការ៕
