ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
វិទ្យាស្ថានបច្ចេកវិទ្យាកម្ពុជា (រាជធានីភ្នំពេញ) ប្រកាសជ្រើសរើសនិស្សិតចូលថ្នាក់ឆ្នាំសិក្សាមូលដ្ឋានកម្រិតវិស្វករចំនួន១៣០០កន្លែង ក្នុងនោះក៏មានផ្ដល់អាហារូបករណ៍១០០% ចំនួន៨០កន្លែង រយៈពេល៥ឆ្នាំ, អាហារូបករណ៍ (ការបញ្ចុះថ្លៃសិក្សា) សម្រាប់និស្សិតនារីគ្រប់រូប និងអាហារូបករណ៍ពីដៃគូនានា។
លក្ខខណ្ឌនៃការជ្រើសរើស បេក្ខជនត្រូវមានសញ្ញាបត្រមធ្យមសិក្សាទុតិយភូមិ ឬសញ្ញាបត្រសមមូលដោយអាចផ្ដល់សញ្ញាបត្រថតចម្លងនៅពេលដាក់ពាក្យចូលរៀន។ បេក្ខជនដែលបានដាក់ពាក្យសុំធ្វើការប្រឡងជ្រើសរើសនិស្សិតអាហារូបករណ៍ពីវិទ្យាល័យតាមនីតិវិធីកំណត់ដោយក្រសួងអប់រំ យុវជន និងកីឡា ត្រូវបង្ហាញខ្លួននៅវិទ្យាស្ថានបច្ចេកវិទ្យាកម្ពុជាចាប់ពីថ្ងៃទី២៩ ខែវិច្ឆិកា ឆ្នាំ២០២៣ ដល់ថ្ងៃទី១៨ ខែធ្នូ ឆ្នាំ២០២៣ ដោយភ្ជាប់ជាមួយ សលាកប័ត្រឯកត្តជន ចេញដោយវិទ្យាល័យដើម្បីផ្ទៀងផ្ទាត់ និងប្រាក់ចំនួន២ម៉ឺនរៀលដើម្បីបង់សិទ្ធប្រឡង។ ករណីដែលបេក្ខជនមិនបានបង្ហាញខ្លួន និងប្រគល់សលាកប័ត្រឯកត្តជនតាមការកំណត់ខាងលើ នឹងចាត់ទុកថាបេក្ខជនបោះបង់សិទ្ធប្រឡងរបស់ខ្លួន។
ការប្រឡងនឹងប្រព្រឹត្តិទៅនៅថ្ងៃទី២០ ខែធ្នូ ឆ្នាំ២០២៣ ចាប់ពីម៉ោង៧:០០ព្រឹក នៅវិទ្យាស្ថានបច្ចេកវិទ្យាកម្ពុជាក្រោមវិញ្ញាសាជាភាសាខ្មែរ ៣ គឺ គណិតវិទ្យា រយៈពេល២ម៉ោង តក្តវិទ្យារយៈពេល១ម៉ោង និងរូបវិទ្យា គីមីវិទ្យា រយៈពេល២ម៉ោង។
បញ្ជីឈ្មោះបេក្ខជនប្រឡងនឹងបិទផ្សាយនៅថ្ងៃទី១៩ ខែធ្នូ ឆ្នាំ២០២៣ វេលាម៉ោង១៦:០០ នៅវិទ្យាស្ថានបច្ចេកវិទ្យាកម្ពុជា និងការផ្សាយតាមPage Facebook ផ្លូវការរបស់វិទ្យាស្ថាន Institute of Technology of Cambodia – សាលាតិចណូ ។ លទ្ធផលប្រឡងនឹងប្រកាសនៅថ្ងៃទី២៣ ខែធ្នូ ឆ្នាំ២០២៣ វេលាម៉ោង១៦:០០ នៅវិទ្យាស្ថានផ្ទាល់ និងតាមរយៈPage Facebook ផ្លូវការដដែល។
ក្រោយទទួលបានលទ្ធផលប្រឡង បេក្ខជនអាចធ្វើការដាក់ពាក្យចូលរៀនពីថ្ងៃទី២៦ ខែធ្នូ ឆ្នាំ២០២៣ រហូតគ្រប់ចំនួននិស្សិតដែលបានគ្រោងទុក។
សម្រាប់ព័ត៌មានលម្អិតអាចទាក់ទងទៅកាន់ទីចាត់ការសិក្សានៃវិទ្យាស្ថានបច្ចេកវិទ្យាកម្ពុជា បន្ទប់លេខA-201 អគារA ឬតាមទូរស័ព្ទលេខ ០១២ ៦៨៣ ៤៨៣ ឬ ០១៦ ៦៥៩ ៥៣៥ ឬ ០៧១ ៨៥៤ ៤៤៣២៕
