ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សម្រាប់ឆ្នាំសិក្សា២០២៦-២០២៧ ក្រោមកម្មវិធីអាហារូបករណ៍ Stipendium Hungaricum Programme របស់រដ្ឋាភិបាល នៃប្រទេសហុងគ្រី នឹងផ្តល់អាហារូបករណ៍ ចំនួន ៣០កន្លែង ដល់និស្សិតកម្ពុជា ដើម្បីទៅបន្តការសិក្សា នៅតាមសាកលវិទ្យាល័យនានាក្នុងប្រទេសហុងគ្រី ចាប់ពីខែសីហា ឆ្នាំ២០២៦តទៅ។
និស្សិតដែលជាប់អាហារូបករណ៍ នឹងត្រូវបានរ៉ាប់រងថ្លៃសិក្សា ប្រាក់អាហារូបករណ៍ប្រចាំខែ សម្រាប់ផ្គត់ផ្គង់ការរស់នៅ ផ្តល់កន្លែងស្នាក់នៅ រ៉ាប់រងសុខភាព និងអត្ថប្រយោជន៍ផ្សេងៗទៀត ហើយសំបុត្រយន្តហោះពេលចេញទៅសិក្សានៅប្រទេសហុងគ្រី (តែម្តងគត់) ជាបន្ទុករបស់រាជរដ្ឋាភិបាលកម្ពុជា។
ប្រភេទ នៃអាហារូបករណ៍
– ថ្នាក់បណ្ឌិត (PhD/DLA) ចំនួន៤កន្លែង លើមុខជំនាញណាក៏បាន និងសិក្សាជាភាសាហុងគ្រី ឬអង់គ្លេស។
– ថ្នាក់បរិញ្ញាបត្រជាន់ខ្ពស់ (MA/MSc) ចំនួន ៧កន្លែង លើមុខជំនាញ Agricultural Science, Arts and Humanity, Social Science, Computer Science and Information Technology, Legal Science, Economic Science, Engineering Science, Medical and Health Science, Sport Science, Natural Science, Arts, Art Education, Political Science and Public Governance។
– អាហារូបករណ៍ ចំនួន ៧កន្លែង សម្រាប់ការសិក្សាពេញមួយចប់ថ្នាក់បរិញ្ញាបត្រ ដល់បរិញ្ញាបត្រជាន់ខ្ពស់ (one tier-Master’s “OTM”) លើមុខជំនាញ Agricultural Science, Engineering Science, Medical and Health Science, Teacher Training and Arts។
– ថ្នាក់ឧត្តមសិក្សា (BA/BSc) ចំនួន ១២កន្លែង លើមុខជំនាញ Agricultural Science, Arts and Humanities, Social Science, Computer Science and Information Technology, Legal Science, Economic Science, Engineering Science, Health Science, Political Science and Public Governance, Sport Science, Natural Science, Arts and Art Education។
បេក្ខជន ដែលមានបំណងចូលរួមក្នុងកម្មវិធីអាហារូបករណ៍នេះ ត្រូវដាក់ពាក្យតាមរយៈគេហទំព័រ apply.stipendiumhungaricum.hu ឬ www.stipendiumhungaricum.hu ឱ្យបានត្រឹមថ្ងៃទី១៥ ខែមករា ឆ្នាំ២០២៦។ ទន្ទឹមនឹងនេះ បេក្ខជនក៏តម្រូវឱ្យមកចុះឈ្មោះនៅនាយកដ្ឋានសហប្រតិបត្តិការអន្តរជាតិ និងកិច្ចការ អាស៊ាន អគារលេខ៨០ មហាវិថីព្រះនរោត្តម (ស្ថិតក្នុងទីស្តីការក្រសួងអប់រំ យុវជន និងកីឡា) ចាប់ពីថ្ងៃផ្សាយ ដំណឹងនេះ រហូតដល់ថ្ងៃទី២៣ ខែមករា ឆ្នាំ២០២៦ វេលាម៉ោង១៦:០០នាទី។
ផ្អែកលើបញ្ជីឈ្មោះបេក្ខជន (Eligible candidates) ដែលកម្មវិធីអាហារូបករណ៍នឹងផ្ញើជូនមកក្រសួងអប់រំ ក្រោយកាលបរិច្ឆេទឈប់ទទួលពាក្យតាមអនឡាញ (១៥ មករា ២០២៦) ក្រសួងនឹងរៀបចំការប្រឡងក្នុងចំណោមបេក្ខជន ទាំងនោះលើ វិញ្ញាសាភាសាអង់គ្លេស និងវប្បធម៌ទូទៅ សម្រាប់បេក្ខជនថ្នាក់ក្រោយឧត្តមសិក្សា “PhD/DLA, MA/MSC” និង ភាសាអង់គ្លេស និងគណិតវិទ្យា សម្រាប់បេក្ខជនថ្នាក់ឧត្តមសិក្សា “BA/BSc & OTM” ដើម្បីជ្រើសរើស និង បញ្ជូនឈ្មោះបេក្ខជន (តាមចំនួនកំណត់ជាក់ស្តែង) ទៅឱ្យភាគីហុងគ្រី ពិនិត្យ និងសម្រេចជាស្ថាពរ ចុងក្រោយ។ ចំពោះពេលវេលា និងទីកន្លែងជាក់លាក់នៃការប្រឡង ក្រសួងនឹងជម្រាបជូននៅពេលក្រោយ។
សម្រាប់ព័ត៌មានទាក់ទងនឹងលក្ខខណ្ឌ នៃការចូលរួមជាបេក្ខភាព និងការបំពេញសំណុំឯកសារផ្សេងៗ សូមមើលនៅក្នុងគេហទំព័រខាងលើ។ ព័ត៌មានបន្ថែមផ្សេងទៀត សូមទាក់ទងសាកសួរតាមរយៈទូរស័ព្ទលេខ ០១២ ៣២៨ ៨០៦ និង ០៩៥ ៦២៤ ៨៩៥ រៀងរាល់ម៉ោងធ្វើការ៕
