ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្រសួងអប់រំ យុវជន និងកីឡា បានឱ្យដឹងថា គិតត្រឹមថ្ងៃទី១៦ ខែធ្នូ សិស្សភៀសសឹកបានចុះឈ្មោះចូលរៀនបណ្តោះអាសន្នចំនួន៦៣៨៨នាក់ហើយ ពួកគេបានចុះឈ្មោះនៅគ្រឹះស្ថានសិក្សា ១១៦៣ សាលា ក្នុង រាជធានីខេត្តចំនួន២០។
ក្រសួងអប់រំមិនបានបង្ហាញរបាយការណ៍លម្អិតពីស្ថានភាពនៃការចុះឈ្មោះរបស់សិស្សភៀសសឹកនោះទេ ប៉ុន្តែបើតាមមន្ទីរអប់រំ យុវជន និងកីឡា រាជធានីភ្នំពេញ គិតត្រឹមថ្ងៃទី១៦ ខែធ្នូ ឆ្នាំ២០២៥ មានទិន្នន័យសិស្សានុសិស្សភៀសសឹកដែលបានមកចុះឈ្មោះរៀនតាមគ្រឹះស្ថានសិក្សានានាក្នុងភូមិសាស្រ្តរាជធានីភ្នំពេញ សរុបចំនួន ១៧៩នាក់ ក្នុងនោះសិស្សបឋមសិក្សាមានចំនួន ១១៨នាក់, សិស្សអនុវិទ្យាល័យចំនួន ១៤នាក់ និងសិស្សវិទ្យាល័យចំនួន ៦២នាក់។
ដោយឡែកមន្ទីរអប់រំ យុវជន និងកីឡា ខេត្តបន្ទាយមានជ័យ បានរាយការណ៍ថា មានសិស្សានុសិស្សភៀសសឹកសរុបចំនួន ១០០៧នាក់ កំពុងស្នាក់នៅ និងរៀនតាមបណ្តុំសុវត្ថិភាព ដែលរៀបចំដោយអាជ្ញាធរ សហការជាមួយមន្ទីរអប់រំ ដោយក្នុងនោះ មត្តេយ្យសិក្សាមានចំនួន ៣នាក់, បឋមសិក្សា ចំនួន ៥៧៩នាក់, មធ្យមសិក្សា ចំនួន ៤២៥នាក់។
យ៉ាងណាក៏ដោយ ខេត្តបន្ទាយមានជ័យ ក៏ជាខេត្តដែលត្រូវរងផលប៉ះពាល់ពីជម្លោះព្រំដែន កម្ពុជា-ថៃ ដែរ ដោយមកដល់បច្ចុប្បន្នមានសាលារៀនបិទទ្វា ចំនួន ៣២៩កន្លែង ធ្វើឱ្យរងផលប៉ះពាល់ដល់សិស្ស ចំនួន ៩៨៤៤៤នាក់។
ជាម្លោះព្រំដែនរវាងប្រទេសកម្ពុជា និងថៃ ដែលផ្តើមកាលពីថ្ងៃទី៧ ខែធ្នូ ឆ្នាំ២០២៥ គិតមកទល់នឹងពេលនេះ បានធ្វើឱ្យ សាលារៀនសរុបចំនួន ១០៣៩ ស្ថិតនៅក្នុងខេត្តចំនួន៦ ត្រូវបិទទ្វារជាបណ្ដោះអាសន្ន ដែលបណ្តាលឱ្យសិស្សចំនួន ២៤២៨៨១ នាក់ និងគ្រូចំនួន ៩៧៩៧ នាក់ អាក់ខានការសិក្សា និងការបង្រៀន៕
