ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍រដ្ឋាភិបាលសឹង្ហបុរីឆ្នាំសិក្សា២០២៤ ។ អាហារូបកណរ៍ផ្ដល់ជូនការសិក្សាដល់និស្សិតអន្តរជាតិចំនួន២៤០កន្លែងក្នុងមួយឆ្នាំ ។
កម្មវិធីអាហារូបករណ៍ផ្ដល់ជូនការសិក្សានៅសាកលវិទ្យាល័យធំៗ៤ក្នុងប្រទេសដូចជា សាកលវិទ្យាល័យបច្ចេកវិទ្យាណានយ៉ាង (NTU) សាកលវិទ្យាល័យជាតិសឹង្ហបុរី (NUS) សាកលវិទ្យាល័យបច្ចេកវិទ្យា និងរចនាសិង្ហបុរី (SUTD) និងសាកលវិទ្យាល័យគ្រប់គ្រងសឹង្ហបុរី (SMU) ។
បេក្ខជនដែលមានបំណងក្នុងការដាក់ពាក្យស្នើអាហារូបករណ៍ ត្រូវមានបរិញ្ញសញ្ញាបត្រថ្នាក់បរិញ្ញាបត្រ ឬបរិញ្ញាបត្រជាន់ខ្ពស់ដែលទាក់ទងនឹង ជីវវិទ្យា, វិទ្យាសាស្ត្រកុំព្យូទ័រ និងព័ត៌មានវិទ្យា, វិស្វកម្ម និងបច្ចេកវិទ្យា, និង វិទ្យាសាស្ត្ររូបវិទ្យា ។ ជំនាញរបស់បេក្ខជននឹងត្រូវបានវាយតម្លៃនៅក្នុងវគ្គសម្ភាសន៍តាម Online ។
អត្ថប្រយោជន៍ដែលជ័យលាភីអាហារូបករណ៍ទទួលបានរួមមាន ថ្លៃសិក្សាពេញលេញ ប្រាក់ឧបត្ថម្ភប្រចាំខែចាប់ពី២២០០ដុល្លារសឹង្ហបុរីរហូតដល់២៧០០ដុល្លារសឹង្ហបុរី និងថ្លៃសំបុត្រយន្តហោះធ្វើដំណើរ ១៥០០ដុល្លារសឹង្ហបុរី ។
បេក្ខជនស្នើពាក្យអាហារូបករណ៍ត្រូវភ្ជាប់ជាមួយឯកសារចាំបាច់មួយចំនួនដូចជា លិខិតឆ្លងដែនថតចម្លង, សញ្ញាបត្រថ្នាក់បរិញ្ញាបត្រ និងសញ្ញាបត្រថ្នាក់បរិញ្ញាបត្រជាន់ខ្ពស់, លិខិតណែនាំ២ច្បាប់ និងលិខិតលើកទឹកចិត្តសម្រាប់អាហារូបករណ៍ចំនួន២ច្បាប់ (Motivation Letter for Scholarship) ។
លក្ខខណ្ឌជ្រើសរើស ៖ បេក្ខជនជានិស្សិតអន្តរជាតិគ្រប់ជាតិសាសន៍, មានជំនាញផ្នែកភាសាអង់គ្លេសទាំងសរសេរ និងការនិយាយ, មិនមានកំណត់អាយុបេក្ខជន, មានលិខិតឆ្លងដែនដែលមានសុពលភាព ។ ជាមួយគ្នានេះ បេក្ខជនមិនចាំបាច់មានលិខិតបញ្ជាក់តេស្តភាសាអង់គ្លេស IELTS, TOEFL, FRE, GMAT, PTE ឡើយ ។
សម្រាប់ព័ត៌មានលម្អិតអាចចូលទៅកានើតំណភ្ជាប់ https://opportunitiescorners.com/singapore-government-scholarship-2024/ ។ ចាប់ទទួលពាក្យពីថ្ងៃផ្សាយដំណឹងនេះរហូតដល់ថ្ងៃទី០១ ខែធ្នូ ឆ្នាំ២០២៣ ៕
