សម្តេចនាយករដ្ឋមន្រ្តី ៖ បើមិនហ៊ានវិនិយោគធនធាន​មនុស្ស គឺមិនចាំបាច់និយាយដល់ការ​អភិវឌ្ឍនោះទេ

ភ្នំពេញ – ប្រទេស​ជាតិ​មួយ​អាចមានការអភិវឌ្ឍទៅបាន គឺអាស្រ័យ​ទៅ​លើ​ការ​មានធនធាន​មនុស្ស​គ្រប់គ្រាន់ ដូច្នេះ​ប្រសិន​បើ​គ្មានធនធាន​មនុស្ស​នោះទេ នោះ​គេមិន​អាច​ដល់ការ​អភិវឌ្ឍបាន​ឡើយ។

នៅក្នុងពិធីប្រគល់សញ្ញាបត្រជូនដល់​គរុសិស្ស គរុនិស្សិត និស្សិត និង​បុគ្គលិកអប់រំ​ជាង​២ពាន់​នាក់​នៅ​វិទ្យាស្ថានជាតិអប់រំ នាថ្ងៃទី២៥ ខែមេសា ឆ្នាំ​២០២៣ សម្តេចតេជោ ហ៊ុន សែន នាយករដ្ឋមន្រ្តី បាន​លើក​ឡើងថា ការដាំដើមឈើ និង​ដាំ​មនុស្ស គឺខុសគ្នាឆ្ងាយណាស់, ការដាំដើមឈើ គឺប្រើរយៈពេល៥ ទៅ​៦ឆ្នាំ នឹង​ទទួលបានផ្លែផ្កា ប៉ុន្តែ​ការ​ដាំ​មនុស្ស​ត្រូវ​ប្រើរយៈពេល​វែង រហូត​ដល់ទៅ​ជាង​២០ឆ្នាំប្រសិនបើរៀន​ដល់ថ្នាក់បណ្ឌិត។ សម្តេចតេជោបញ្ជាក់ថា យើងត្រូវ​តែហ៊ានវិនិយោគ ដោយ​បើ​មិន​ហ៊ានវិនិយោគ​ទៅ​លើ​ការ​បណ្តុះបណ្តាលធនធាន​មនុស្សនេះទេ គឺមិន​ចាំបាច់​និយាយ​ដល់ការ​អភិវឌ្ឍនោះឡើយ ដោយថា គ្មានធនធាន​មនុស្ស គឺមិន​អាចធ្វើអ្វីបាន​នោះទេ។

“ដាំដើមឈើ យើង​ដាំ៥ ទៅ​៦ឆ្នាំបានផ្លែ ប៉ុន្តែដាំមនុស្ស​ត្រឹមថ្នាក់បរិញ្ញាបត្រ យើង​ប្រើរយៈពេល​១៦ឆ្នាំ ដើម្បីបានបរិញ្ញាជាន់ខ្ពស់ យើង​ប្រើ​ពេល​១៨ឆ្នាំ ដើម្បីបានថ្នាក់បណ្ឌិត​យើងប្រើពេលជាង​២០ឆ្នាំ ហើយ​យើងត្រូវហ៊ានវិនិយោគ បើមិន​ហ៊ានវិនិយោគបញ្ហាហ្នឹងទេ គឺមិនចាំបាច់និយាយ​ដល់ការ​អភិវឌ្ឍនោះទេ…”

សម្តេចតេជោមានប្រសាសន៍បន្តថា មកដល់បច្ចុប្បន្នរាជរដ្ឋាភិបាល បានខិតខំប្រឹងប្រែងណាស់ ដើម្បីធ្វើយ៉ាងឱ្យ​ប្រទេសកម្ពុជា មានធនធានមនុស្សគ្រប់គ្រាន់។ សម្តេចសង្កត់ធ្ងន់ថា កាលពីសម័យឆ្នាំ១៩៧៩ អ្នកជាប់បរិញ្ញាបត្រសម្តេចអាចរាប់បាន ប៉ុន្តែពេលនេះ មិនអាចរាប់បានទេ គឺមានចំនួនច្រើនណាស់។

សម្តេចតេជោនាយករដ្ឋមន្ត្រីក៏​បានលើក​ឡើងដែរថា នៅពេលនេះ កម្ពុជាបានដើរដល់ចំណុចមួយ ដែលទាមទារឲ្យមានការជំរុញទៅមុខបន្ថែមទៀត លើការធ្វើកម្រែទម្រង់វិស័យអប់រំ ដោយមិនអាចស្កប់ស្កល់ត្រឹមនេះទេ ធ្វើយ៉ាងណាឲ្យគុណភាពនៃការអប់រំ ក្នុងប្រទេសទទួលបានផលលើសពីពេលនេះ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍សិក្សា​ជំនាញ​វិស្វកម្មឧស្សាហកម្ម នៅវិទ្យាស្ថានពហុបច្ចេកទេស​ខេត្តកំពង់ស្ពឺ

ព័ត៌មានអាហារូបករណ៍, ព្រឹត្តិការណ៍

• 28/11/2025

ដោយ​មានការ​គាំទ្រពីគម្រោង​អភិវឌ្ឍន៍ជំនាញសម្រាប់សេដ្ឋកិច្ចនាពេលអនាគត (SFESDP) របស់ក្រសួងការងារ និង​បណ្តុះបណ្តាលវិជ្ជាជីវៈ, វិទ្យាស្ថានពហុបច្ចេកទេស​ខេត្តកំពង់ស្ពឺ បានប្រកាស​ពីការ​បណ្តុះបណ្តាល​ឥតគិតថ្លៃ​ទៅលើ...

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Bristol ចក្រភពអង់គ្លេស ឆ្នាំសិក្សា២០២៤

ព័ត៌មានអាហារូបករណ៍, ព្រឹត្តិការណ៍

• 07/06/2024

ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Bristol នៃចក្រភពអង់គ្លេស សម្រាប់និស្សិតអន្តរជាតិឆ្នាំសិក្សា២០២៤។...

ឱកាសសិក្សាជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តកំពង់ឆ្នាំងចំនួន៥៤០កន្លែង

ព័ត៌មានអាហារូបករណ៍, ព្រឹត្តិការណ៍

• 21/08/2024

​វិទ្យាស្ថានពហុច្ចេកទេសខេត្តកំពង់ឆ្នាំងប្រកាសជ្រើសរើសយុវជន យុវនារីដែលបោះបង់ការសិក្សាព្រោះកត្តាផ្សេងៗឱ្យសិក្សាជំនាញវគ្គខ្លីចំណួ៥៤០កន្លែង...

វិទ្យាស្ថានពហុបច្ចេកទេសខេត្តកំពង់ស្ពឺ ជ្រើសរើសយុវជន៥៧០នាក់ ចូលរៀនជំនាញបច្ចេកទេស និង​វិជ្ជាជីវៈ

ព័ត៌មានអាហារូបករណ៍, ព្រឹត្តិការណ៍

• 26/04/2024

វិទ្យាស្ថានពហុបច្ចេកទេស​ខេត្តកំពង់ស្ពឺ បានប្រកាស​ពីការ​ជ្រើសរើស​យុវជន​រហូត​ដល់​ចំនួន ៥៧០នាក់ ដើម្បីចូលរៀន​ជំនាញបច្ចេកទេស និង​វិជ្ជាជីវៈ១ កម្មវិធី ១.៥លាននាក់ជំហានទី២ ដែលនឹងចាប់ផ្តើម​នៅពាក់កណ្តាល...

អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និង​ថ្នាក់បណ្ឌិត ទៅសិក្សា​នៅប្រទេស​រូម៉ានី

ព័ត៌មានអាហារូបករណ៍, ព្រឹត្តិការណ៍

• 20/03/2026

ក្រសួងការបរទេស​រូម៉ានី នឹង​ចាប់ផ្តើម​បើក​ការ​ទទួលពាក្យ​ស្នើ​សុំ​អាហារូបករណ៍​ថ្នាក់បរិញ្ញាបត្រ បរិញ្ញាបត្រជាន់ខ្ពស់ និង​ថ្នាក់បណ្ឌិត របស់និស្សិតបរទេស រួមទាំង​និស្សិត​កម្ពុជា​ផង ដើម្បីទៅសិក្សានៅប្រទេស​រ៉ូម៉ានី។

អាហារូបករណ៍ថ្នាក់បរិញ្ញាបត្រជាន់ខ្ពស់ចំនួន១០កន្លែង​ នៅវិទ្យាស្ថានបច្ចេកវិទ្យាកម្ពុជា

ព័ត៌មានអាហារូបករណ៍, ព្រឹត្តិការណ៍

• 10/08/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅវិទ្យាស្ថានបច្ចេកវិទ្យាកម្ពុជាចំនួន១០កន្លែង​ ពីកម្មវិធីអាហារូបករណ៍ EDC-AFD-EU ។​ អាហារូបករណ៍ផ្ដល់ជូនការសិក្សារយៈពេល ២ឆ្នាំ ឬ៣ឆ្នាំតាមមុនជំនាញ ...

អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Prince of Songkla ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 29/04/2025

មហាវិទ្យាល័យវិទ្យាសាស្ត្រ នៃសាកលវិទ្យាល័យ Prince of Songkla ប្រកាសជ្រើសរើសនិស្សិតនិស្សិតបរទេស​ក្នុងការ​សិក្សាតាមរយៈអាហារូបករណ៍ថ្នាក់ឧត្ដមសិក្សាឆ្នាំ២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់...

ក្រសួងអប់រំប្រឡងជ្រើសរើសគ្រូបង្រៀនទៅសិក្សាអាហារូបករណ៍ Teacher Training Students នៅប្រទេសជប៉ុនឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 22/01/2024

ក្រសួងអប់រំ យុវជន និងកីឡា ប្រកាសប្រឡងជ្រើសរើសគ្រូបង្រៀនដែលកំពុងបង្រៀននៅតាមសាលាបឋមសិក្សា មធ្យមសិក្សា និងសាលាគរុកោសល្យទៅសិក្សាអាហារូបករណ៍នៃកម្មវិធី Teacher...

អាហារូបករណ៍សិក្សាភាសាចិនរយៈពេល ១ ឆ្នាំ នៅសាកលវិទ្យាល័យ Yunnan Normal University

ព័ត៌មានអាហារូបករណ៍, ព្រឹត្តិការណ៍

• 26/01/2026

សាកលវិទ្យាល័យ Yunnan Normal University កំពុងផ្តល់អាហារូបករណ៍សម្រាប់វគ្គបណ្តុះបណ្តាលភាសាចិន ចំនួន ៣០ កន្លែង ដែលជាអាហារូបករណ៍បានចុះ MoU រវាងសាកលវិទ្យាល័យ និងសមាគមនិស្សិតកម្ពុជា​ប្រចាំ​...