ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សាកលវិទ្យាល័យអន្តរជាតិ Sripatum International College ប្រកាសផ្ដល់អាហារូបករណ៍ពេញលេញ ១០០% ចំនួន ៥កន្លែង តាមរយៈកម្មវិធីអាហារូបករណ៍ Global Intelligence Scholarship (GIS) សម្រាប់សិក្សា ២០២៥។ អាហារូបករណ៍ផ្ដល់ជូនលើការសិក្សា ថ្នាក់បរិញ្ញាបត្រគ្រប់គ្រងពាណិជ្ជកម្ម បរិញ្ញាបត្រផ្នែកអាជីវកម្មអាកាសចរណ៍។
លក្ខខណ្ឌក្នុងការជ្រើសរើស ៖ បេក្ខជនទាំងពីរភេទមិនមានសញ្ជាតិថៃ មានសញ្ញាបត្រថ្នាក់មធ្យមសិក្សាទុតិយភូមិ ឬសញ្ញាបត្រសមមូល មានជំនាញក្នុងការប្រើប្រាស់ភាសាអង់គ្លេស (ស្ដាប់ និយាយ អាន និងការសរសេរ) មានឆន្ទៈក្នុងការសិក្សារហូតបញ្ចប់ថ្នាក់ មានចំណូលចិត្តក្នុងការបង្កើនការប្រាស្រ័យទាក់ទងល្អជាមួយសិស្សដទៃទៀត និងចូលចិត្តចូលរួមក្នុងសកម្មភាពរួមដូចជា សិល្បៈ កីឡា ភាពជាអ្នកដឹកនាំ ឬផ្នែកផ្សេងៗទៀត។
បេក្ខជនទទួលបានអាហារូបករណ៍តម្រូវឱ្យចុះឈ្មោះ និងអនុវត្តតាមការកំណត់របស់អាហារូបករណ៍ រក្សាពិន្ទុ GPA អប្បបរមា២.៧៥ នៅចុងឆមាសនីមួយៗ និងជៀសវាងទទួលបានចំណាត់ថ្នាក់ F ក្នុងមុខវិជ្ជាណាមួយកំឡុងឆ្នាំសិក្សា និងត្រូវចូលរួមសកម្មភាពដែលទាក់ទងនឹងសាកលវិទ្យាល័យ ឬ SPUIC ឱ្យបានយ៉ាងតិច ២០ដងក្នុងមួយឆ្នាំសិក្សា។
បេក្ខជនដែលមានចំណាប់អារម្មណ៍ក្នុងការដាក់ពាក្យ សូមចូលទៅកាន់ https://apply.spu.ac.th/register2/ ឱ្យបានមុនថ្ងៃទី១៦ ខែឧសភា ឆ្នាំ២០២៥។ សម្រាប់ព័ត៌មានបន្ថែម អាចចូលទៅកាន់ https://spuic.spu.ac.th/global-intelligence-scholarships…/ ឬអាចទំនាក់ទំនងទៅកាន់ E-Mail: intl@spu.ac.th ៕
