ក្រសួងអប់រំ យុវជន និងកីឡា ប្រកាសជ្រើសរើសនិស្សិតថ្នាក់បណ្ឌិតគ្រប់គ្រងអប់រំ ជំនាន់ទី៤ និងថ្នាក់បណ្ឌិតអប់រំឯកទេសកម្មវិធីសិក្សា និងវិធីសាស្ត្របង្រៀនជំនាន់ទី២ នៅវិទ្យាស្ថានជាតិអប់រំឆ្នាំសិក្សា២០២៣-២០២៤ សរុបចំនួន៣៥កន្លែង ក្នុងនោះសម្រាប់កម្មវិធីអាហារូបករណ៍ជ្រើសរើសនិស្សិតសិក្សាអាហារូបរកណ៍១៥កន្លែង និងបង់ថ្លៃសិក្សា២០កន្លែង ។

លក្ខខណ្ឌជ្រើសរើសបេក្ខជនសិក្សារួមមាន សម្រាប់ថ្នាក់អាហារូបករណ៍ ជាបុគ្គលិកអប់រំដែលកំពុងបម្រើការងារនៅអង្គភាពនានាក្រោមឱវាទទីស្ដីការក្រសួងអប់រំ យុវជន និងកីឡា ឬមន្ទីរអប់រំ យុវជន និងកីឡារាជធានី-ខេត្ត, មានបទពិសោធន៍ការងារក្នុងវិស័យអប់រំចាប់ពីការតាំងស៊ុបក្នុងក្របខណ្ឌឡើងទៅ, មានសញ្ញាបត្របរិញ្ញាបត្រជាន់ខ្ពស់តាមរយៈការសរសេរនិក្ខេបបទស្រាវជ្រាវ មានសំណើរស្រាវជ្រាវសម្រាប់ថ្នាក់បណ្ឌិត ។ សម្រាប់ថ្នាក់សិក្សាបង់ថ្លៃ ជាបេក្ខជនទូទៅ មានសញ្ញាបត្របរិញ្ញាបត្រជាន់ខ្ពស់តាមរយៈការសរសេរនិក្ខេបបទស្រាវជ្រាវ, មានសំណើស្រាវជ្រាវសម្រាប់ថ្នាក់បណ្ឌិត ។

បេក្ខជនដែលដាក់ពាក្យប្រឡងត្រូវបំពេញសំណុំលិខិតចុះឈ្មោះប្រឡងដោយផ្ទាល់ និងភ្ជាប់ជាមួយឯកសារចាំបាច់មួយចំនួនដូចជា ពាក្យសុំចុះឈ្មោះប្រឡង (មានគម្រូ ១ច្បាប់) សញ្ញាបត្របរិញ្ញាបត្រជាន់ខ្ពស់ ឬសញ្ញាបត្រមានតម្លៃសមមូល (១ច្បាប់) ប្រវត្តិរូបសង្ខេបមានបិទរូបថតថ្មីទំហំ៤x៦ (មានគំរូភ្ជាប់ ១ច្បាប់) សលាកបត្រឯកត្តជនមានបិទរូបថតថ្មីទំហំ៤x៦ (មានគំរូភ្ជាប់១ច្បាប់) និក្ខេបបទស្រាវជ្រាវថ្នាក់បរិញ្ញាបត្រជាន់ខ្ពស់ (១ច្បាប់) តារាងពិន្ទុថ្នាក់បរិញ្ញាបត្រជាន់ខ្ពស់(១ច្បាប់) រូបថតថ្មីថតពីមុខ មិនមានពាក់មួក មិនមានវែនតា​ (ទំហំ៤x៦ មួយច្បាប់) លិខិតវាយតម្លៃសកម្មភាពការងារពីប្រធានអង្គភាព និង លិខិតតាំងស៊ប់ក្នុងក្របខ័ណ្ឌរដ្ឋ (សម្រាប់អាហារូបករណ៍ មួយច្បាប់) សំណើស្រាវជ្រាវសម្រាប់ថ្នាក់បណ្ឌិត(១ច្បាប់) ។

ការប្រឡងជ្រើសរើសនឹងប្រព្រឹត្តិទៅនៅថ្ងៃទី១២ ខែធ្នូ ឆ្នាំ២០២៣ដែលមានវិញ្ញាសាសរសេរ និងវិញ្ញាសាសម្ភាសន៍ និងអនុវត្តកុំព្យូទ័រ ។ ការប្រឡងនៅមណ្ឌល វិទ្យាស្ថានជាតិអប់រំ ដោយវិញ្ញាសាសរសេរមាន ការប្រឡងឯកទេស និងស្រាវជ្រាវ រយៈពេល៣ម៉ោង (មេគុណ២) និងការប្រឡងភាសាអង់គ្លេស រយៈពេល១ម៉ោង៣០នាទី(មេគុណ១) និងវិញ្ញាសាសម្ភាសន៍ និងអនុវត្តន៍កុំព្យូទ័រ ផ្ដោតទៅលើសំណើស្រាវជ្រាវរបស់បេក្ខជន និងការអនុវត្តន៍កុំព្យូទ័រសម្រាប់តែបេក្ខជនប្រឡងជាប់វិញ្ញាសាសរសេរ ។

បេក្ខជនត្រូវទាញយកពាក្យសុំប្រលងជ្រើសរើសតាមតំណភ្ជាប់ https://rb.gy/pa0xb រួចព្រីនសខ្មៅ ឬពណ៌ និងបង់ប្រាក់សិទ្ធប្រឡងចំនួន២០០០រៀលនៅការិយាល័យគណនេយ្យ នៃវិទ្យាស្ថានជាតិអប់រំ ។ 

សម្រាប់ព័ត៌មានបន្ថែម បេក្ខជនអាចធ្វើការទំនាក់ទំនងទៅកាន់ការិយាល័យសិក្សាវិទ្យាស្ថានជាអប់រំ ឬតាមលេខទូរស័ព្ទ ០៨៨ ៩៨ ៩៩ ១៦២/ ០៨៩ ៩៣ ៨៣ ៤៩/ ០១៦ ៩៥ ៩៦ ២៤ ឬគេហទំព័រវិទ្យាស្ថានជាតិអប់រំ ។ ចាប់ទទួលពាក្យពីថ្ងៃផ្សាយដំណឹងនេះរហូតដល់ថ្ងៃទី២៤ ខែវិច្ឆិកា ឆ្នាំ២០២៣ ម៉ោង១៧:០០នាទី ៕