ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Lausanne ប្រទេសស្វីសឆ្នាំសិក្សា២០២៤ ។ អាហារូបរកណ៍បើកផ្ដល់សម្រាប់និស្សិតជុំវិញពិភពលោករួមទាំងនិស្សិតកម្ពុជាផងដែរ ដែលមានបំណងទៅសិក្សានៅប្រទេសស្វីស ។
ជំនាញសម្រាប់សិក្សារួមមាន ៖ ជីវវិទ្យា និងវេជ្ជសាស្ត្រ, រដ្ឋបាលសាធារណៈ, ច្បាប់ និងយុត្តិធម៌ព្រហ្មទណ្ឌ, ភូមិសាស្ត្រ និងបរិស្ថាន, ពាណិជ្ជកម្ម និងសេដ្ឋកិច្ច, សិល្បៈ, វិទ្យាសាស្ត្រសង្គម និងនយោបាយ, ទ្រឹស្ដី និងវិទ្យាសាស្ត្រនៃសាសនា, និង កម្មវិធីសិក្សាអន្តរមហាវិទ្យាល័យ ។
លក្ខណៈវិនិច្ឆ័យសិទ្ធិបេក្ខជនទទួលបានអាហារូបករណ៍បេក្ខជនត្រូវមាន សញ្ញាបត្រថ្នាក់បរិញ្ញាបត្រ, មានកម្រិតភាសាបារាំង B2 ឬ ជាភាសាអង់គ្លេស C1 មានសុខភាពល្អ និងបានបំពេញលក្ខខណ្ឌផ្សេងៗដែលUNIL តម្រូវ ។ ជាមួយគ្នានេះ បេក្ខជនត្រូវបង់ថ្លៃចូលរៀនប្រមាណ CHF200 និងមិនតម្រូវឱ្យចុះឈ្មោះជាមួយ UNIL ទេ ។
បេក្ខជនស្នើពាក្យអាហារូបករណ៍ត្រូវភ្ជាប់ជាមួយឯកសារចាំបាច់មួយចំនួនដូចជា ប្រវត្តិរូបសង្ខេប, ច្បាប់ចម្លងសញ្ញាបត្រមធ្យមសិក្សាទុតិយភូមិបញ្ជាក់ (បកប្រែជាភាសាអង់គ្លេស ឬបារាំង), រូបថតបេក្ខជនដែលមានទំហំស្មើរលិខិតឆ្លងដែន, ច្បាប់ចម្លងនៃប្រតិចារិកសិក្សា, លិខិតអនុសាសន៍ចំនួនពីររបស់សាស្ត្រាចារ្យ, ព័ត៌មានលម្អិតអំពីលិខិតឆ្លងដែន ឬអត្តសញ្ញាណប័ណ្ណ ។
ដើម្បីធ្វើការដាក់ពាក្យស្នើអាហារូបករណ៍ និងព័ត៌មានបន្ថែមបេក្ខជនអាចចូលទៅកាន់តំណភ្ជាប់ https://www.unil.ch/international/en/home/menuinst/etudiants-internationaux/etudiantes-internationaux-reguliers/bourses-master-de-lunil.html ។ ផុតកំណត់ទទួលពាក្យថ្ងៃទី០១ ខែវិច្ឆិកា ឆ្នាំ២០២៣ ៕
