ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ជាឱកាសសម្រាប់យុវជន ក៏ដូចជាបងប្អូនប្រជាពលរដ្ឋរស់នៅខេត្តកែប ដែលមានបំណងចង់ទទួលបានជំនាញពិតប្រាកដមួយសម្រាប់ជីវិត ពេលនេះមជ្ឈមណ្ឌលបណ្តុះបណ្តាលវិជ្ជាជីវៈខេត្តកែប ប្រកាសជ្រើសរើសសិក្ខាកាមឱ្យចូលរៀនដោយឥតគិតថ្លៃ ទៅលើជំនាញចំនួន១១។
ជំនាញដែលផ្តល់ជូនសម្រាប់ការបណ្តុះបណ្តាលរួមមាន ៖ ការងារកំបោរ, សេវាកម្មសម្អាងកាយ, ការដំឡើងបណ្តាញអគ្គិសនីក្នុងអគារ, ការរចនាក្រាហ្វិកដោយកុំព្យូទ័រ, សេវាកម្មកុំព្យូទ័រ, ការថែទាំ និងជួសជុលអគ្គិសនីរថយន្ត, សេវាកម្មបរិក្ខាត្រជាក់ក្នុងគេហដ្ឋាន, សេវាកម្មកាត់សក់បុរស, ការដំឡើង និងថែទាំការមេរ៉ាសុវត្ថិភាព, ការងារគេហកិច្ច និង ការកែច្នៃបន្លែផ្លែឈើ។
វេនសិក្សាត្រូវបានបត់បែន ដោយរួមមាន វេនថ្ងៃចន្ទ-សុក្រ ពេលព្រឹក និងរសៀល សិក្សារយៈពេល៤ខែ, វេនថ្ងៃចន្ទ-សុក្រ វេនយប់ (៥-៨យប់) សិក្សារយៈពេល៨ខែ, វេនថ្ងៃសៅ-អាទិត្យ (ព្រឹក-រសៀល) សិក្សារយៈពេល៨ខែ និង វេនថ្ងៃចន្ទ-សុក្រ (ព្រឹក ឬរសៀល) សិក្សារយៈពេល៦ខែ។
ការចែក និងទទួលពាក្យចូលរៀន គឺចាប់ផ្តើមពីថ្ងៃជូនដំណឹងនេះតទៅ រហូតដល់ថ្ងៃទី៣០ ខែកញ្ញា ឆ្នាំ២០២៤។ ហើយកាលបរិច្ឆេទចូលរៀន គឺនៅថ្ងៃទី០១ ខែតុលា ឆ្នាំ២០២៤។
សម្រាប់ព័ត៌មានបន្ថែម និងការដាក់ពាក្យ សូមទៅកាន់មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប ដែលមានអាស័យដ្ឋាននៅភូមិថ្មី សង្កាត់ព្រៃធំ ក្រុងកែប ខាងត្បូងជាប់អនុវិទ្យាល័យសង្គមរាស្រ្តនិយម។
សិស្សដែលមកពីគ្រួសារក្រីក្រ ១ ឬ២ និងគ្រួសារងាយរងហានិភ័យ នឹងទទួលបានប្រាក់ឧបត្ថម្ភប្រចាំខែចំនួន ២៨ម៉ឺនរៀលក្នុងមួយខែ៕
