ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
តាមរយៈការគាំទ្រ និងលើកទឹកចិត្តដល់វិស័យអប់រំ ក្រសួងអប់រំ យុវជន និងកីឡា ប្រកាសជ្រើសរើសនិស្សិតនារីចំនួន១០៤នាក់ឱ្យទទួលបានកន្លែងស្នាក់នៅបណ្ដោះអាសន្ននៃអន្តេវាសិកនិស្សិតនារី ក្នុងឆ្នាំសិក្សា២០២៤-២០២៥។
លក្ខខណ្ឌក្នុងការជ្រើសរើស ជានិស្សិតនារីក្រីក្រអាហារូបករណ៍ ឬបង់ថ្លៃសិក្សាដែលកំពុងសិក្សាឆ្នាំទី១ នៅតាមគ្រឹះស្ថានឧត្ដមសិក្សាសាធារណៈក្នុងរាជធានីភ្នំពេញ ជានិស្សិតនារីក្រីក្រ និងនិស្សិតនារីដែលមានពិការភាពមកពីខេត្តនានា (សូមភ្ជាប់លិខិតបញ្ជាក់មេភូមិ មេឃុំ) ជានិស្សិតនារីនៅលីវ មានវិន័យ និងសីលធម៌ល្អ។
ដើម្បីធ្វើការដាក់ពាក្យ បេក្ខជនត្រូវយកពាក្យស្នើសុំមកដាក់ដោយខ្លួនឯងនៅតាមគ្រឹះស្ថានឧត្ដមសិក្សារបស់ខ្លួនចាប់ពីថ្ងៃជូនដំណឹងរហូតដល់ថ្ងៃ២៥ ខែវិច្ឆិកា ឆ្នាំ២០២៤។
ឯកសារដែលបេក្ខជនត្រូវភ្ជាប់រួមមាន ពាក្យសុំចូលស្នាក់នៅក្នុងមជ្ឈមណ្ឌលអន្តេវាសិកនិស្សិតនារី (មានគំរូ) និងជីវប្រវត្តិសង្ខេប មានបិទរូបថត(៤x៦) ១ច្បាប់ កិច្ចសន្យាសាមីជន១ច្បាប់ លិខិតធានាពីឪពុកម្ដាយ ឬអាណាព្យាបាល១ច្បាប់ លិខិតបញ្ជាក់ពីស្ថានភាពជីវភាពរស់នៅ ភូមិ និងមេឃុំ១ច្បាប់ និងរូបថតពណ៌ថ្មី(៤x៦)១ច្បាប់។
ការប្រកាសលទ្ធផលនឹងត្រូវបិទផ្សាយនៅមជ្ឈមណ្ឌលអន្តេវាសិកនិស្សិតនារី និងតាមគេហទំព័រផ្លូវការរបស់ក្រសួងអប់រំ យុវជន និងកីឡា ក្រោយពីការសម្រេចរបស់គណៈកម្មការជ្រើសរើសនៃក្រសួងអប់រំ យុវជន និងកីឡា នៅថ្ងៃទី០៥ ខែធ្នូ ឆ្នាំ២០២៤។
សម្រាប់ព័ត៌មានបន្ថែមអាចទំនាក់ទំនងទៅកាន់ ០១២ ៦៧៥ ៥៩០៕
