សាកលវិទ្យាល័យ Harvard បានផ្ដល់ការសិក្សាវគ្គខ្លីតាមរយៈ Online ក្រោមកម្មវិធី Harvard Online ដើម្បីផ្ដល់ឱកាសសិក្សាដោយឥតគិតថ្លៃសម្រាប់និស្សិត និងអ្នកដែលចង់សិក្សាវគ្គខ្លីមកពីទូទាំងពិភពលោក។ 

ខាងក្រោមជាវគ្គសិក្សាខ្លី Online ទាំង៦នៅសាកលវិទ្យាល័យ Harvard ៖

១. វិទ្យាសាស្ត្រទិន្នន័យសម្រាប់អាជីវកម្ម ឬ Data Science for Business ៖ កម្មវិធី Harvard Online ផ្ដល់ការសិក្សាវគ្គ Data Science for Business ចំនួន៤សប្ដាហ៍តាមរយៈ online ដោយបេក្ខជននឹងសិក្សាអំពី ការប្រើប្រាស់ទិន្នន័យប្រកបដោយប្រសិទ្ធភាពនៅក្នុងអាជីវកម្ម ដោយសិក្សាអំពីកម្មវិធីសិក្សាថ្មីៗ និងបង្កើនប្រសិទ្ធភាពក្នុងការគ្រប់គ្រងអាជីវកម្ម។ សម្រាប់បេក្ខជនដែលមានចំណាប់អារម្មណ៍រៀន និងព័ត៌មានបន្ថែមអាចចូលទៅកាន់ https://www.harvardonline.harvard.edu/course/data-science-business ។

២. ការណែនាំអំពីវិទ្យាសាស្ត្រកុំព្យូទ័រ ឬIntroduction to Computer Science ៖ ការណែនាំអំពីវិទ្យាសាស្ត្រកុំព្យូទ័រ ជាវគ្គសិក្សា Online ឥតគិតថ្លៃរបស់ Harvard Online ដែលផ្ដល់ការសិក្សាអំពីរបៀបគិតក្បួនដោះស្រាយ និងដោះស្រាយបញ្ហាប្រកបដោយប្រសិទ្ធភាពលើប្រធានបទជាច្រើនដូចជា abstraction, algorithms, data structures, encapsulation, resource management, security, software engineering និង web development ដោយការសិក្សាវគ្គនេះមានរយៈពេល១១សប្ដាហ៍។ សម្រាប់បេក្ខជនដែលមានចំណាប់អារម្មណ៍រៀន និងព័ត៌មានបន្ថែមអាចចូលទៅកាន់ https://www.harvardonline.harvard.edu/course/cs50-introduction-computer-science ។

៣. Entrepreneurship in Emerging Economies ៖ ជាវគ្គសិក្សាផ្នែកធុរកិច្ច និងការគ្រប់គ្រងដែលបង្រៀនដោយសាស្ត្រាចារ្យ Tarun Khanna នៃសាលាពាណិជ្ជកម្ម Harvard និងផ្ដោតការសិក្សាលើ ការដោះស្រាយលើវិស័យពាណិជ្ជកម្ម និងសិក្សាអំពីបញ្ហាដែលកើតមានដោយចៃដន្យ ដោះស្រាយបញ្ហាពាណិជ្ជកម្មក្នុងសង្គមនៃប្រទេសដែលមានសេដ្ឋកិច្ចកំពុងរីកចម្រើន។ សម្រាប់បេក្ខជនដែលមានចំណាប់អារម្មណ៍រៀន និងព័ត៌មានបន្ថែមអាចចូលទៅកាន់ https://www.edx.org/ ។

៤. The Art of Persuasive Writing and Public Speaking ៖ ជាការសិក្សាអំពីសិល្បៈក្នុងការនិយាយជាសាធារណៈ អំពីរបៀបទំនាក់ទំនង ជំនាញក្នុងការសរសេរ ការនិយាយជាសាធារណៈ របៀបបែងចែករវាងអំណះអំណាង និងការវិភាគវោហាសាស្ត្រ។ ការសិក្សានេះនឹងជួយឱ្យអ្នកសិក្សាកាន់តែមានភាពក្លាហានក្នុងការនិយាយ ការផ្លាស់ប្ដូររបៀប នៃការនិយាយប្រកបដោយប្រសិទ្ធភាព ហើយការសិក្សាមានរយៈពេល៨សប្ដាហ៍។ សម្រាប់បេក្ខជនដែលមានចំណាប់អារម្មណ៍រៀន និងព័ត៌មានបន្ថែមអាចចូលទៅកាន់ http://harvardonline.harvard.edu/course/rhetoric-art-persuasive-writing-public-speaking ។

៥. ការអនុវត្តគោលការណ៍គ្រឹះនៃភាពជាអ្នកដឹកនាំ ឬExercising Leadership Foundational Principles ៖ ជាវគ្គសិក្សាដែលមានរយៈពេល៤សប្ដាហ៍ និងសិក្សាអំពីយុទ្ធសាស្ត្រផ្សេងៗគ្នានៃការក្លាយជាអ្នកនាំមុខគេក្នុងការដោះស្រាយបញ្ហាប្រឈមដែលកើតមានក្នុងសកលលោក។ វគ្គសិក្សានេះនឹងផ្ដល់របៀបវីរៈមួយចំនួនដូចជា របៀបកំណត់ និងដោះស្រាយបញ្ហាប្រឈមស្មុគស្មាញ, របៀបស្វែងយល់អំពីតួនាទីរបស់អាជ្ញាធរផ្លូវការ និងក្រៅផ្លូវការ, របៀបកំណត់ទស្សនៈសំខាន់ៗរបស់អ្នកពាក់ព័ន្ធ, របៀបបង្កើត និងបន្តទំនាក់ទំនងដោយទំនុកចិត្ត, វិធីដោះស្រាយជម្លោះ និង របៀបអនុវត្តយុទ្ធសាស្រ្តផ្ទាល់ខ្លួនសម្រាប់ការរស់រានមានជីវិត និងរីកចម្រើនចំពេលមានការផ្លាស់ប្តូរ។ សម្រាប់បេក្ខជនដែលមានចំណាប់អារម្មណ៍រៀន និងព័ត៌មានបន្ថែមអាចចូលទៅកាន់ https://www.harvardonline.harvard.edu/course/exercising-leadership-foundational-principles ។

៦. សុខភាពឌីជីថល ឬ Digital Health ៖ វគ្គនេះមានរយៈពេល៤សប្ដាហ៍ នឹងផ្ដល់ការសិក្សាលើការអនុវត្ត ការថែទាំសុខភាពតាមប្រព័ន្ធឌីជីថលក្នុងក្របខណ្ឌប្រកបដោយភាពច្នៃប្រឌិត ការអនុវត្តការផ្លាស់ប្ដូរឌីជីថល ការកែលម្អការថែទាំសុខភាពបែបឌីជីថល។ សម្រាប់បេក្ខជនដែលមានចំណាប់អារម្មណ៍រៀន និងព័ត៌មានបន្ថែមអាចចូលទៅកាន់ https://www.harvardonline.harvard.edu/course/digital-health ៕