ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
នៅក្នុងឆ្នាំសិក្សា២០២៦-២០២៧ ក្រសួងអប់រំ យុវជន និងកីឡា នឹងធ្វើការជ្រើសរើសនិស្សិតសរុបចំនួន ៨០រូប សម្រាប់ថ្នាក់បរិញ្ញាបត្រជាន់ខ្ពស់អប់រំ ឯកទេសគ្រប់គ្រងអប់រំ ជំនាន់ទី១៥ តាមប្រព័ន្ធបណ្តុះបណ្តាលរយៈពេល២ឆ្នាំ ក្នុងនោះមានការផ្តល់ជូនអាហារូបករណ៍សរុបចំនួន ២០កន្លែង។
លក្ខខណ្ឌ នៃការជ្រើសរើស
សម្រាប់ថ្នាក់អាហារូបករណ៍ ៖ ជាបុគ្គលិកអប់រំក្របខណ្ឌក្រសួងអប់រំ យុវជន និងកីឡា, មានបទពិសោធការងារចាប់ពីតាំងស៊ប់ក្នុងក្របខណ្ឌរដ្ឋ, មានវិញ្ញាបនបត្ររដ្ឋបាលចេញដោយប្រធានអង្គភាព, មានសញ្ញាបត្របរិញ្ញាបត្រ ឬសញ្ញាបត្រសមមូលឡើងទៅ។
សម្រាប់ថ្នាក់បង់ថ្លៃ ៖ ជាបេក្ខជនទូទៅ, មានសញ្ញាបត្របរិញ្ញាបត្រ ឬសញ្ញាបត្រសមមូលឡើងទៅ។
ការប្រឡងជ្រើសរើស
កាលបរិច្ឆេទនៃការទទួលពាក្យសុំចុះឈ្មោះប្រឡងចាប់ពីថ្ងៃប្រកាសផ្សាយដំណឹងនេះ រហូតដល់ថ្ងៃទី៤ ខែកញ្ញា ឆ្នាំ២០២៦ វេលាម៉ោង ១៧:០០។ បេក្ខជនត្រូវបំពេញសំណុំលិខិតសុំចុះឈ្មោះប្រឡងរួមមាន ៖
១. ពាក្យសុំចុះឈ្មោះប្រឡង ចំនួន ១ច្បាប់
២. សញ្ញាបត្របរិញ្ញាបត្រ ឬសញ្ញាបត្រសមមូល (ថតចម្លងបញ្ជាក់ពីអាជ្ញាធរ) ១ច្បាប់
៣. ប្រវត្តិរូបសង្ខេបមានបិទរូបថតថ្មីទំហំ ៤x៦ ចំនួន ១ច្បាប់
៤. សលាកបត្រឯកត្តជនមានបិទរូបថតថ្មីទំហំ ៤x៦ ចំនួន ២ច្បាប់
៥. លិខិតតាំងស៊ប់ក្នុងក្របខណ្ឌរដ្ឋ (សម្រាប់ថ្នាក់អាហារូបករណ៍) ចំនួន ១ច្បាប់
៦. វិញ្ញាបនបត្ររដ្ឋបាលចេញដោយប្រធានអង្គភាព (សម្រាប់ថ្នាក់អាហារូបករណ៍) ចំនួន ១ច្បាប់
៧. រូបថតថ្មីថតពីមុខ គ្មានពាក់មួក គ្មានពាក់វែនតា ទំហំ ៤x៦ ចំនួន ២សន្លឹក
ចំពោះព័ត៌មានលម្អិត បេក្ខជនអាចទំនាក់ទំនងផ្ទាល់នៅការិយាល័យសិក្សា នៃវិទ្យាស្ថានជាតិអប់រំ រៀងរាល់ម៉ោងធ្វើការ ឬតាមរយៈទូរស័ព្ទលេខ 088 9899 162 ឬតាមរយៈតេឡេក្រាម https://t.me/masterpro15 ៕
