ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការចម្អិនម្ហូបអាហារនៅផ្ទះសម្រាប់បរិភោគខ្លួនឯង ឬសមាជិកគ្រួសារ បានរួមចំណែកពង្រឹងទៅដល់សុខភាពរាងកាយនិងផ្លូវចិត្ត។ មួយវិញទៀត ការចម្អិនជួយឱ្យទម្លាប់នៃការប្រើប្រាស់ជីវិតប្រចាំថ្ងៃកាន់តែមានភាពចម្រុះ កាត់បន្ថយអារម្មណ៍ឯកា និងការរក្សាសកម្មភាពប្រចាំថ្ងៃឱ្យភាពរស់រវើក ក៏ដូចជាភាពធន់ចំពោះរាងកាយ។ តាមរយៈគេហទំព័រ Lifeconnect បានបង្ហាញអត្ថប្រយោជន៍៥ចំណុច នៃការចម្អិនម្ហូបនៅផ្ទះ។
១.អាហារមានសារធាតុចិញ្ចឹម ៖ អាហារដែលលោកអ្នកប្រើប្រាស់ក្នុងការចម្អិនម្ហូប មិនត្រឹមតែស្របទៅតាមរស់ជាតិនិងចំណង់ចំណូលចិត្តផ្ទាល់ខ្លួនប៉ុណ្ណោះទេ ប៉ុន្តែបានរួមចំណែកជួយឱ្យខ្លួនឯងមានឱកាសក្នុងការជ្រើសរើសប្រភេទអាហារដែលផ្តល់នូវជីវជាតិ និងសារធាតុចិញ្ចឹម ដែលមានតួនាទីជួយឱ្យសុខភាពរឹងមាំ។ ក្រៅពីនោះ អាចកំណត់អំពីប្រភេទគ្រឿងផ្សំ ដែលអាហ្លែកហ្សីជាមួយស្បែក ឬក៏សុខភាពទូទៅ។
២.សុភមង្គល ៖ ការចម្អិនអាហារនៅក្នុងបរិយាកាសទូលាយ និងអនាម័យ ធ្វើឱ្យសកម្មភាពនៃការចម្អិនកាន់តែបង្កើនបាននូវភាពរីករាយ តាមរយៈក្លិនអាហារដែលបង្ហើរចេញមក និងការកែច្នៃភោជនីយសោភ័ណនៃមុខម្ហូបនីមួយៗ។ តាមរយៈការសិក្សាមួយចំនួនក៏បានបង្ហាញដែរថា ការចម្អិនម្ហូបជាផ្នែកមួយក្នុងការថែរក្សាផ្លូវចិត្ត។
៣.ការប្រមូលផ្តុំសមាជិកគ្រួសារឱ្យជុំគ្នា ៖ ការចម្អិនអាហារសម្រាប់បរិភោគនៅផ្ទះ ជាឱកាសក្នុងការប្រមូលផ្តុំសមាជិកគ្រួសារឱ្យជុំគ្នា ចែករំលែកកិច្ចការជាមួយគ្នា ហើយបង្កើតបាននូវបរិយាកាសមួយយ៉ាងអ៊ូអរ សាមគ្គីភាព ក៏ដូចជាការសន្ទនាទៅវិញទៅមក និងរក្សាបានបទពិសោធន៍ល្អៗរួមគ្នា។
៤.បង្កើនវិសាលភាពនៃចំណេះ និងបំណិនជីវិត ៖ ការចម្អិនម្ហូបយូរៗម្តង ឬនៅពេលទំនេរ អ្នកនឹងចាប់ផ្តើមស្វែងយល់បន្ថែមអំពីឈ្មោះមុខម្ហូប របៀបនៃការដើរផ្សារ រួមទាំងការស្រាវជ្រាវបន្ថែមអំពីរបៀបធ្វើ តាមរយៈការចង់ដឹង ចង់ឮ។ សកម្មភាពទាំងនេះ បានជំរុញឱ្យមនុស្សចាប់ផ្តើមមានឆន្ទៈក្នុងការអាន ក៏ដូចជាមើលព័ត៌មានថ្មីៗជុំវិញពិភពលោកបន្ថែម ហើយចងចាំពីបទពិសោធន៍ចម្រុះក៏ដូចជាភាពខុសប្លែកគ្នានៃវប្បធម៌ពីជាតិសាសន៍ដទៃ ក្នុងការបង្កើនភាពច្នៃប្រតិដ្ឋទៅក្នុងម្ហូបអាហារ។
៥.ការសន្សំសំចៃ ៖ បច្ចុប្បន្នតម្លៃអាហារនៅតាមភោជនាហារមានការកើនឡើង ព្រោះការទៅខាងក្រៅដើម្បីទទួលបានអាហារដែលល្អមានគុណភាព ជាពិសេសនៅពេលដែលត្រូវកុម្ម៉ង់ភេសជ្ជៈបន្ថែម នោះនឹងមើលឃើញថា ការធ្វើអាហារនៅផ្ទះបានរួមចំណែកដល់ការសន្សំសំចៃ៕
