ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅប្រទេសបារាំងចំនួន១០កន្លែងពីរដ្ឋាភិបាលបារាំងសម្រាប់ឆ្នាំសិក្សា២០២៤-២០២៥។ អាហារូបករណ៍ជាការផ្ដល់ជូនពីបណ្ឌិតសភាបច្ចេកវិទ្យាឌីជីថលកម្ពុជា (CADT) ដែលមានការសហការផ្ដល់ហិរញ្ញាប្បទានដោយស្ថានទូតបារាំងប្រចាំកម្ពុជា។
ជំនាញដែលអាហារូបករណ៍ផ្ដល់ជូនការសិក្សាមានដូចជា សេដ្ឋកិច្ច, ភាសាវិទ្យា, ប្រវត្តិវិទ្យា, បុរាណវិទ្យា, នរវិទ្យា, ទេសចរណ៍, បរិស្ថានវិទ្យា។ លើសពីនេះផ្នែកវិទ្យាសាស្រ្តវិស្វកម្មរួមមាន មេកានិច, ទូរគមនាគមន៍ និងបណ្ដាញ, វិស្វកម្មថាមពល, វិស្វកម្មឧស្សាហកម្ម, វិស្វកម្មអាហារ, វិស្វកម្មទឹក និងបរិស្ថាន។ ផ្នែកសិល្បៈមាន សិល្បៈ, រចនាម៉ូដ, តន្ត្រី, ស្ថាបត្យកម្ម និង 3D ។
អាហារូបករណ៍ផ្ដល់ជូនសម្រាប់និស្សិត និងអ្នកស្រាវជ្រាវវ័យក្មេងទាំងអស់ដែលមានសញ្ជាតិខ្មែរ និងមានបំណងបន្តការសិក្សា ឬស្រាវជ្រាវនៅក្នុងគ្រឹះស្ថានឧត្ដមសិក្សានៅប្រទេសបារាំង។
ទម្រង់បែបបទ និងឯកសាររបស់បេក្ខជនដែលបំពេញរួចត្រូវតែផ្ញើតាមអ៊ីមែលទៅកាន់អាសយដ្ឋាន៖ campusfrance@institutfrancais-camboodge.com ។ ជាមួយគ្នានេះ បេក្ខជនត្រូវបំពេញព័ត៌មានទាំងអស់ និងចុះឈ្មោះនៅ៖ https://pastel.diplomatie.gouv.fr/etudesenfrance/dyn/public/AUTH/login.html ។
សម្រាប់ព័ត៌មានបន្ថែមអាចចូលទៅកាន់ https://bit.ly/3RWA4VX ឬអាចទំនាក់ទំនងតាមរយៈ rottana.ly@cadt.edu.kh ។
ចាប់ទទួលពាក្យពីថ្ងៃទីផ្សាយដំណឹងនេះរហូតដល់ថ្ងៃទី២២ ខែមករា ឆ្នាំ២០២៤៕
