លោក ភាព សុភ័ក សរសេរសៀវភៅ «សិស្សឆ្នើមនិទ្ទេសA» ជាបំណិនក្នុងការ​សិក្សា​សម្រាប់សិស្សត្រៀមប្រឡងបាក់ឌុប

លោក ភាព សុភ័ក ដែលជាអតីតសិស្សនិទ្ទេស A ឆ្នាំ២០១៨ ហើយ​បច្ចុប្បន្នលោកគឺជាគ្រូបង្រៀនភាសាអង់គ្លេស និងជាអ្នកបង្កើតមាតិកាអប់រំនៅលើបណ្តាញសង្គម បានសម្រេច​ចិត្ត​និពន្ធសៀវភៅ «សិស្សឆ្នើមនិទ្ទេសA» ក្នុង​គោលបំណងជួយដល់សិស្សានុសិស្ស​ដែល​កំពុង​ត្រៀមប្រឡងបាក់ឌុបឱ្យទទួលបានលទ្ធផលល្អ។

បើក្រឡេកមើលប្រវត្តិសិក្សាវិញ លោក ភាព សុភ័ក គឺជាសិស្សឆ្នើមចាប់តាំងពីរៀននៅថ្នាក់អនុវិទ្យាល័យ ហើយលោកក៏មានឱកាសទទួលបានអាហា​រូបករណ៍សិក្សាថ្នាក់បរិញ្ញាបត្រជំនាញអក្សរសាស្រ្តអង់គ្លេស និងជំនាញគ្រប់គ្រងពាណិជ្ជកម្មនៅថ្នាក់សាកលវិទ្យាល័យ។ លោកក៏ជានិស្សិតធ្លាប់ផ្លាស់ប្តូរការសិក្សាទៅរៀននៅសហរដ្ឋអាមេរិក និងធ្លាប់ជាយុវជនតំណាងកម្ពុជានៅក្នុងកម្មវិធីកិច្ចប្រជុំយុវជនអាស៊ាននៅប្រទេសឥណ្ឌូនេស៊ីផងដែរ កាលពីឆ្នាំ២០២៣។

ពាក់ព័ន្ធជាមួយការនិពន្ធសៀវភៅ​ កម្រាស់ជាង២០០ទំព័រ មានចំណងជើងថា «សិស្សឆ្នើមនិទ្ទេសA» លោក ភាព សុភ័ក បានឱ្យដឹងថា ព្រោះតែលោកជាអតីតសិស្សនិទ្ទេស A និងជាអ្នកបង្កើតវីដេអូអប់រំផងនោះ ទើបមានចំណង់ចំណូលចិត្ត និងស្រឡាញ់ការចែករំលែកតាំងពីដើមមក ។ លោកថា ការចាប់ផ្តើមសរសេរសៀវភៅនេះឡើង គឺលោកមានគោលបំណងចង់ជួយបង្ហាញផ្លូវដល់សិស្សត្រៀមខ្លួនឱ្យ​បានល្អសម្រាប់ការប្រឡងបាក់ឌុប ហើយអ្វីកាន់តែពិសេស គឺការត្រៀមលក្ខណៈចូលរៀននៅសាកលវិទ្យាល័យ ព្រមទាំងការជ្រើសរើសជំនាញរៀនឱ្យបានត្រឹមត្រូវ។

ខ្ញុំសង្ឃឹមថានឹងមានការគាំទ្រស្នាដៃដំបូងរបស់ខ្ញុំពីសំណាក់អ្នកសិក្សារៀនសូត្រ ក៏ដូចជារំពឹងថាសៀវភៅមួយក្បាលនេះនឹងជាផ្នែកមួយជួយឱ្យសិស្សវិទ្យាល័យទាំងអស់ទទួលបាននូវភាពជោគជ័យ តាមរយៈការផ្តល់ជាគន្លឹះ វិធីសាស្រ្ត ឬជាការជំរុញទឹកចិត្ត ឆន្ទៈឱ្យកាន់តែខ្លាំងក្លាក្នុងការសម្រេចក្តីស្រមៃរបស់ពួកគេ។

លោក ភាព សុភ័ក  អ្នកនិពន្ធសៀវភៅ «សិស្សឆ្នើមនិទ្ទេសA»

អ្នកនិពន្ធជំនាន់ថ្មីវ័យ២៤ឆ្នាំរូបនេះ បន្ថែមថា ការពិតលោកមានគម្រោងសរសេរសៀវភៅនេះយូរណាស់មកហើយ ពោល​គឺតាំងពីពេលលោកចាប់ផ្តើមផលិតវីដេអូចែករំលែកដំបូងមកម៉្លេះ ប៉ុន្តែការសរសេរសៀវភៅមិនមែនជារឿងងាយស្រួលនោះទេ។ លោកថា ដោយការប្តេជ្ញាចិត្តសម្រេចនូវអ្វីដែលខ្លួនចង់ធ្វើ លោកបានចំណាយពេលវេលា៤ខែ ដើម្បីផ្តោតលើការរៀបចំ និងសរសេរសៀវភៅនេះឱ្យចេញជារូបរាង។

ទោះបីជាការសរសេរសៀវភៅនេះជួបបញ្ហាខ្លះៗ ប៉ុន្តែលោក ភាព សុភ័ក អាចដោះស្រាយបានតាមរយៈការសុំជំនួយ និងការប្រឹក្សាយោបល់ពីរៀមច្បងអ្នកនិពន្ធឱ្យជួយចែករំលែកបទពិសោធន៍។ លោក ភាព សុភ័ក បានបង្ហាញអារម្មណ៍រីករាយ និងមោទនភាពចំពោះស្នាដៃមួយនេះ ហើយអរគុណដល់អ្នកដែលបានជួយជ្រោមជ្រែងលោកកន្លងមករហូតសម្រេចបាននូវសមិទ្ធផលមួយនេះ។

ភាពជាសិស្សឆ្នើម ឬសិស្សនិទ្ទេស A គឺជាអ្វីដែលសិស្សគ្រប់គ្នាអាចធ្វើបានឱ្យតែពួកគេមានក្តីស្រមៃ ហើយមានការតាំងចិត្តសម្រេចក្តីស្រមៃនោះ។ លោក ភាព សុភ័ក ក៏បានលើកទឹកចិត្តឱ្យយុវជនទាំងអស់ខិតខំរៀនសូត្រដើម្បីអភិវឌ្ឍសមត្ថភាពខ្លួនឯង ដើម្បីគ្រួសារ និងដើម្បីក្លាយជាធនធានមនុស្សសម្រាប់សង្គមជាតិរបស់យើង។

គួរជម្រាបជូនថា កន្លងមក លោក ភាព សុភ័ក បានបង្កើតវីដេអូពាក់ព័ន្ធនឹងការសិក្សាជាច្រើន រួមទាំងវីដេអូដែលពាក់ព័ន្ធជាមួយការត្រៀមប្រឡងបាក់ឌុបផងដែរ។ លោកក៏មានបទពិសោធន៍ជាច្រើនក្នុងការចូលរួមជាវាគ្មិន ជាអ្នកនិយាយជាសាធារណៈ ជាពិធីករ និងជាអ្នកចែករំលែកនៅក្នុងកម្មវិធីនិងវេទិការសាធារណៈផ្សេងៗ ក្នុងគោលបំណងតម្រង់ទិស និងជំរុញទឹកចិត្តឱ្យយុវជនស្រឡាញ់ការរៀនសូត្រ ជឿជាក់លើខ្លួនឯងក្នុងការតាមចាប់ក្តីស្រមៃរបស់ខ្លួន៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់ឧត្ដមសិក្សាពីរដ្ឋាភិបាលរុស្ស៉ី ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 04/06/2025

កម្មវិធីអាហារូបករណ៍រដ្ឋាភិបាលរុស្ស៉ី ប្រកាសបើកទទួលពាក្យអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅក្នុងប្រទេសរុស្ស៉ី សម្រាប់ឆ្នាំសិក្សា២០២៥-២០២៦។

អាហារូបករណ៍​ជំនាញវិជ្ជាជីវៈ នៅវិទ្យាស្ថានអភិវឌ្ឍន៍មុខជំនាញកម្ពុជា-ថៃ ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 06/02/2025

វិទ្យាស្ថានអភិវឌ្ឍន៍មុខជំនាញកម្ពុជា-ថៃ ប្រកាសជ្រើសរើស សិក្ខាកាម សិស្សានុសិស្ស និងសាធារណជន ចូលសិក្សាជំនាញវិជ្ជាជីវៈ និងបច្ចេកទេស ជាច្រើនកន្លែងសម្រាប់ការសិក្សាថ្នាក់បរិញ្ញាបត្របច្ចេកទេស (វិស្វករ) ថ្នាក់សញ្ញាបត្រជាន់ខ្ពស់បច្ចេកទេស...

ឱកាសហាត់ការជំនាញព័ត៌មានវិទ្យា ចំនួន២០នាក់ នៅអគ្គនាយកដ្ឋានបច្ចេកវិទ្យាឌីជីថល ក្រសួងមហាផ្ទៃ

ព័ត៌មានអាហារូបករណ៍, ព្រឹត្តិការណ៍

• 16/03/2026

ការងារអាហារូបករណ៍អភិសន្តិបណ្ឌិត ស សុខា សហការជាមួយអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ក្រសួងមហាផ្ទៃ នឹងជ្រើសរើសនិស្សិតចូលបម្រើការជាមន្ត្រីហាត់ការ...

អាហារូបករណ៍ថ្នាក់បរិញ្ញាបត្រជាន់ខ្ពស់ និង​បណ្ឌិត ១២១កន្លែង ពីកម្មវិធីអាហារូបករណ៍ Thailand Scholarship Year 2025

ព័ត៌មានអាហារូបករណ៍, ព្រឹត្តិការណ៍

• 06/03/2025

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យជាច្រើនក្នុងប្រទេសថៃ ក្រោមកម្មវិធីអាហារូបករណ៍ Thailand Scholarship Year 2025, THe Ministry of Higer Education, Science...

អាហារូបករណ៍សិក្សាជំនាញវិជ្ជាជីវៈនៅវិទ្យាស្ថានពហុបច្ចេកទេសខេត្តព្រៃវែង ចំនួន៤២០កន្លែង

ព័ត៌មានអាហារូបករណ៍, ព្រឹត្តិការណ៍

• 07/03/2024

ឱកាសអាហារូបករណ៍សិក្សាជំនាញវិជ្ជាជីវៈចំនួន៤២០កន្លែងនៅវិទ្យាស្ថានពហុបច្ចេកទេសខេត្តព្រៃវែង សម្រាប់ជំហានទី២។ វិទ្យាស្ថានផ្ដល់ជូនវគ្គសិក្សាដល់យុវជន យុវនារីដែលមកពីគ្រួសារក្រីក្រ គ្រួសារ...

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យឌីជីថលកម្ពុជាចំនួន៣០០នាក់ពី ស.ស.យ.ក រាជធានីភ្នំពេញ

ព័ត៌មានអាហារូបករណ៍, ព្រឹត្តិការណ៍

• 11/01/2024

ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យឌីជីថលកម្ពុជាចំនួន៣០០កន្លែង ពីសហភាពសហព័ន្ធយុវជនកម្ពុជារាជធានីភ្នំពេញសម្រាប់ឆ្នាំសិក្សា២០២៣-២០២៤។...

អាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍រដ្ឋាភិបាល Hubei

ព័ត៌មានអាហារូបករណ៍, ព្រឹត្តិការណ៍

• 12/05/2025

កម្មវិធីអាហារូបករណ៍រដ្ឋាភិបាល Hubei ប្រកាសផ្ដល់អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Hubei សាកលវិទ្យាល័យវិទ្យាសាស្ត្រ និងបច្ចេកវិទ្យា Huazhong និង សាកលវិទ្យាល័យភូមិសាស្ត្រចិន បានប្រកាស​ផ្តល់អាហារូបករណ៍...

អាហារូបករណ៍ថ្នាក់បរិញ្ញាបត្រជាន់ខ្ពស់ជំនាញបច្ចេកវិទ្យាឌីជីថលចំនួន១០០កន្លែងសម្រាប់ឆ្នាំសិក្សា២០២៥

ព័ត៌មានអាហារូបករណ៍, ព្រឹត្តិការណ៍

• 02/12/2024

តាមរយៈក្រសួងប្រៃសណីយ និងទូរគមនាគមន៍ (ក.ប.ទ) ប្រកាសជ្រើសរើសសិស្សនិស្សិត និងសាធារណជនចូលសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ចំនួន១០០នាក់ ដើម្បីសិក្សាលើជំនាញបច្ចេកវិទ្យាឌីជីថល នៅបណ្ឌិត្យសភាបច្ចេកវិទ្យាឌីជីថលកម្ពុជា...

អាហារូបករណ៍ថ្នាក់បរិញ្ញាបត្រចំនួន១៥កន្លែងនៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច

ព័ត៌មានអាហារូបករណ៍, ព្រឹត្តិការណ៍

• 26/09/2025

ឱកាសសិក្សាអាហារូបករណ៍ថ្នាក់បរិញ្ញាបត្រចំនួន១៥កន្លែង នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិ សម្រាប់ឆ្នាំសិក្សា២០២៥-២០២៦