ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – យុវសិស្ស ស៊ី តុង ជាសិស្សថ្នាក់ទី១១ និងជាសមាជិកនៃក្រុមប្រឹក្សាយុវជន នៃសាលារៀនជំនាន់ថ្មី វិទ្យាល័យព្រែកលៀប និងក៏ជាតំណាងកម្ពុជាចូលរួមកិច្ចប្រជុំនិម្មិតក្នុងកម្មវិធីអ្នកដឹកនាំយុវជនអាស៊ីវ័យក្មេង ២០២២ ក្រោមប្រធានបទ “អនាគតរបស់អាហារ ផ្តើមចេញពីផ្នត់គំនិតនៃការប្រើប្រាស់អាហារប្រកបដោយចីរភាព” កាលពីពេលកន្លងទៅថ្មីៗនេះ។ ក្នុងចំណោមយុវជនតំណាងកម្ពុជាទាំង៧រូប យុវសិស្ស ស៊ី តុង សម្តែងការយល់ឃើញថា ការចាប់ផ្ដើមផ្លាស់ប្ដូរទម្លាប់បរិភោគអាហារដែលគិតគូរដល់សុខភាព និងបរិស្ថាន គឺជារបបអាហារដ៏ប្រសើរ។
បើតាមយុវសិស្ស ស៊ី តុង ការបរិភោគអាហារខ្ជះខ្ជាយមិនត្រឹមតែធ្វើឱ្យខាតបង់ថវិកានោះទេ ប៉ុន្តែគឺប៉ះពាល់ដល់សេដ្ឋកិច្ច បរិស្ថាន និងជះឥទ្ធិពលដល់ប្រព័ន្ធអាហាររបស់យើងនៅក្នុងអានាគតផងដែរ។
យុវសិស្សវ័យ១៧ឆ្នាំរូបនេះ បញ្ជាក់បន្ថែមថា យុវជនអាចរួមចំណែកដោះស្រាយបញ្ហានេះ តាមរយៈការបណ្ដុះគំនិតយល់ដឹងអំពីរបៀបប្រើប្រាស់អាហារប្រកបដោយភាពឆ្លាតវៃ មានន័យថា ប្រសិនបើយើងបរិភោគអាហារ ហើយនៅសល់ច្រើន យើងអាចយកអាហារទាំងនោះទៅកែច្នៃ និងវេចខ្ចប់សម្រាប់បរិភោគនៅពេលក្រោយបានគឺកាន់តែប្រសើរ។ លើសពីនេះ យើងត្រូវចេះកែប្រែទម្លាប់ថ្មីក្នុងការប្រើប្រាស់អាហារប្រចាំថ្ងៃ តើយើងគួរបរិភោគកម្រិតណាទើបល្អ?
ស៊ី តុង ក៏បានឱ្យដឹងដែរថា នៅក្នុងការពិភាក្សាយុវជនអាស៊ីវ័យក្មេងនៅក្នុងឆ្នាំនេះ ក៏មានការលើកមកនិយាយពីអាហារនាថ្ងៃអនាគតដែលគេអាចប្រើប្រាស់ច្រើនទាក់ទងទៅនឹងសត្វល្អិត តាមរយៈការច្នៃជាប្រភេទម៉្សៅ គ្រឿងផ្សេងៗ និងបរិភោគដោយផ្ទាល់។ ឧទាហរណ៍ នៅប្រទេសខ្មែរក៏មានការបរិភោគសត្វល្អិតដូចជា កណ្ដូប ចង្រិត ដុកឌឿ ជាដើមប៉ុន្តែមិនទាន់ពេញនិយមខ្លាំង។ លើសពីនេះ ការច្នៃបន្លែដែលមានរស់ជាតិដូចជាសាច់ ក៏អាចចូលរួមជួយបរិស្ថានរបស់យើង និងផ្ដល់សុខភាពល្អដល់មនុស្សផងដែរ។
យុវសិស្ស ស៊ី តុង
“កម្មវិធីនេះបានបណ្ដុះគំនិតឱ្យយើងចូលរួមថែរក្សា ការពារបរិស្ថាន ជាពិសេសបានអប់រំឱ្យយើងជួយថែរក្សាស្ថេរភាព សុវត្ថិភាពសន្តិសុខស្បៀងនៅថ្ងៃអនាគតផងដែរ។ ដូចនេះ យើងទាំងអស់គ្នាគួរតែចូលរួមយ៉ាងសកម្មដើម្បីការពារបញ្ហាមកពីចំណីអាហារ កុំឱ្យកើតមានឡើងទៅថ្ងៃអនាគត”
សម្រាប់យុវសិស្ស ស៊ី តុង ទាក់ទងនឹងការប្រើប្រាស់អាហារប្រកបដោយភាពឆ្លាតវៃ គឺមុននឹងចង់បរិភោគអាហារអ្វី ត្រូវគិតថា គួរតែទិញនៅក្នុងបរិមាណមួយកំណត់ ជៀសជាងការទិញច្រើនមុខ ហើយសល់ចោលនាំឱ្យប៉ះពាល់ដល់បរិស្ថាន។ លើសពីនេះ ត្រូវបង្កើតជាកន្លែងដាំដុះបន្លែផ្សេងៗជាលក្ខណៈគ្រួសារ មិនប្រើប្រាស់សារធាតុគីមី ដើម្បីទទួលបានអាហារត្រឹមត្រូវ និងឈប់ខ្ជះខ្ជាយអាហារដូចពេលមុនទៀត ។
យុវសិស្សតំណាងកម្ពុជារូបនេះ ក៏បានសូមណូមពរដល់យុវជនគួរចូលរួមឱ្យបានសកម្មក្នុងការថែរក្សាសន្តិសុខស្បៀង ចំពោះអាហារ និងបរិស្ថាន គឺទី១.ការប្រើប្រាស់របបអាហារត្រឹមត្រូវចូលរួមសន្សំសំចៃដល់ជីវភាពគ្រួសារបានមួយកម្រិត ។ ទី២.កែច្នៃអាហារឱ្យអស់ពីលទ្ធភាព បន្ទាប់ពីយើងបរិភោគអាហារសល់ អាចកែច្នៃទៅឱ្យអ្នកដែលខ្វះខាតក្នុងករណីបរិភោគបាន ប៉ុន្តែបើបរិភោគមិនបានក៏អាចយកកាកសំណល់ផ្សេងៗធ្វើជាជីសម្រាប់ការដាំដុះ។ ទី៣. លើកទឹកចិត្តប្រើប្រាស់ជម្រើសអាហារប្រភេទថ្មីៗ ព្រោះមិនត្រឹមតែផ្ដល់ផលល្អដល់បរិស្ថានប៉ុណ្ណោះទេ គឺថែមទាំងជួយដល់សុខភាព ដូចជា ការបរិភោគសត្វល្អិត ព្រោះបើតាមអ្នកជំនាញបានបង្ហាញថា សត្វល្អិត គឺល្អសម្រាប់សុខភាពមនុស្ស ព្រោះវាមានផ្ទុកប្រូតេអ៊ីន វីតាមីន និងសារធាតុចិញ្ចឹមជាច្រើន។ លើសពីនេះ ការបរិភោគអាហារដែលកែច្នៃចេញពីបន្លែក៏ផ្ដល់ផលល្អដល់សុខភាពមនុស្សបានច្រើនផងដែរ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសចូលរួមកម្មវិធីទស្សនកិច្ចសិក្សានៅសាកលវិទ្យាល័យ CHUO ទីក្រុងតូក្យូ ប្រទេសជប៉ុន
ព័ត៌មានអាហារូបករណ៍, ព្រឹត្តិការណ៍
• 21/07/2025
សាកលវិទ្យាល័យភូមិន្ទនីតិសាស្រ្ត និងវិទ្យាសាស្រ្តសេដ្ឋកិច្ច បានប្រកាសជ្រើសរើសនិស្សិតចំនួន១០រូប ដើម្បីទៅចូលរួមទស្សនកិច្ចសិក្សានៅសាកលវិទ្យាល័យ CHUO ទីក្រុងតូក្យូ ប្រទេសជប៉ុន ដែលនឹងប្រព្រឹត្តទៅពីថ្ងៃទី១៧-២៣ ខែវិច្ឆិកា ឆ្នាំ២០២៥។
អាហារូបករណ៍សិក្សាភាសាចិននៅសាធារណរដ្ឋប្រជាមានិតចិនរយៈពេលមួយឆ្នាំ
ព័ត៌មានអាហារូបករណ៍, ព្រឹត្តិការណ៍
• 27/06/2023
ឱកាសសិក្សាអាហារូបករណ៍ថ្នាក់ភាសាចិនរយៈពេល១ឆ្នាំនៅសាធារណរដ្ឋប្រជាមានិតចិនពីសមាគមន៍សិស្ស-និស្សិតអាហារូបករណ៍សម្ដេចអគ្គមហាសេនាបតីតេជោ ហ៊ុន សែន...
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីសាកលវិទ្យាល័យភាសា និងវប្បធម៌ប៉េកាំងឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 05/01/2024
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍រដ្ឋាភិបាលចិនប្រភេទB នៅសាកលវិទ្យាល័យភាសា និងវប្បធម៌ប៉េកាំងសម្រាប់ឆ្នាំសិក្សា២០២៤។...
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិត ១២១កន្លែង ពីកម្មវិធីអាហារូបករណ៍ Thailand Scholarship Year 2025
ព័ត៌មានអាហារូបករណ៍, ព្រឹត្តិការណ៍
• 06/03/2025
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យជាច្រើនក្នុងប្រទេសថៃ ក្រោមកម្មវិធីអាហារូបករណ៍ Thailand Scholarship Year 2025, THe Ministry of Higer Education, Science...
អាហារូបករណ៍ថ្នាក់បរិញ្ញាបត្រជាន់ខ្ពស់ ពី ADB-KFP ឆ្នាំ២០២៦ ទៅសិក្សានៅប្រទេសកូរ៉េខាងត្បូង
ព័ត៌មានអាហារូបករណ៍, ព្រឹត្តិការណ៍
• 13/01/2026
ឱកាសសម្រាប់មន្ត្រីរាជការ បុគ្គលិកអង្គការ និងនិស្សិតកម្ពុជា ដែលមានបំណងចង់ពង្រឹងសមត្ថភាពលើជំនាញគោលនយោបាយ និងការគ្រប់គ្រង ពេលនេះសាលាគោលនយោបាយសាធារណៈ និងការគ្រប់គ្រង KDI (KDI School)
ឱកាសសិក្សាអាហារូបករណ៍សិក្សាវគ្គខ្លីពី World Health Organization តាមរយៈ Online
ព័ត៌មានអាហារូបករណ៍, ព្រឹត្តិការណ៍
• 05/06/2024
តាមរយៈ OpenWHO អង្គការសុខភាពពិភពលោកផ្ដល់វគ្គសិក្សាតាម Internet ដោយឥតគិតថ្លៃសម្រាប់សិស្សនិស្សិតអន្តរជាតិទូទាំងពិភពលោក។ វគ្គ...
អាហារូបករណ៍សិក្សានៅសាកលវិទ្យាល័យជាតិសេអ៊ូលប្រទេសកូរ៉េខាងត្បូងឆ្នាំសិក្សា២០២៤
ព័ត៌មានអាហារូបករណ៍, ព្រឹត្តិការណ៍
• 04/07/2023
សាកលវិទ្យាល័យជាតិសេអ៊ូល នៃប្រទេសកូរ៉េខាងត្បូង បានប្រកាសផ្តល់អាហារូបករណ៍សម្រាប់និស្សិតបរទេសដែលមកពីប្រទេសកំពុងអភិវឌ្ឍន៍ ដែលរួមមានទាំងកម្ពុជាផង...
ឱកាសផ្លាស់ប្ដូរការសិក្សានៅសាលា Tourism Schools Salzburg ពី ADC ឆ្នាំ២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 24/12/2024
ឱកាសផ្លាស់ប្ដូរការសិក្សារយៈពេលខ្លីនៅសាលាទេសចរណ៍ SALZBURG នៃវិទ្យាស្ថានទេសចរណ៍ និងគ្រប់គ្រងសណ្ឋាគារ សម្រាប់ឆ្នាំសិក្សា២០២៥-២០២៦។ អាហារូបករណ៍ផ្ដល់ជូន ជារៀងរាល់ឆ្នាំដែលផ្ដល់ដោយកិច្ចសហប្រតិបត្តិការ...
អាហារូបករណ៍ថ្នាក់ឧត្ដមសិក្សាពីកម្មវិធីអាហារូបករណ៍រដ្ឋាភិបាល Hubei
ព័ត៌មានអាហារូបករណ៍, ព្រឹត្តិការណ៍
• 12/05/2025
កម្មវិធីអាហារូបករណ៍រដ្ឋាភិបាល Hubei ប្រកាសផ្ដល់អាហារូបករណ៍ថ្នាក់ឧត្ដមសិក្សានៅសាកលវិទ្យាល័យ Hubei សាកលវិទ្យាល័យវិទ្យាសាស្ត្រ និងបច្ចេកវិទ្យា Huazhong និង សាកលវិទ្យាល័យភូមិសាស្ត្រចិន បានប្រកាសផ្តល់អាហារូបករណ៍...
កម្មវិធីពិសេសរបស់ AMS EDUCATION
ព័ត៌មានសង្ខេប
ព័ត៌មានផ្សេងៗទៀត
តើការដើរ និងការជិះកង់ មួយណាផ្ដល់ផលល្អជាងសម្រាប់សុខភាព?
ឱកាសសម្រាប់សិស្សនារី ! មូលនិធិហាប់ស្វែល ប្រកាសផ្តល់អាហារូបករណ៍ស្នាក់នៅ និងបណ្តុះបណ្តាលភាពជាអ្នកដឹកនាំ ឆ្នាំសិក្សា២០២៦-២០២៧
