ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ- ខ្ញុំចង់ឃើញផលិតករជាស្រី្ដមានចំនួនច្រើននៅកម្ពុជា ក្នុងនោះមានអ្នកដឹកនាំផលិតជាស្រ្តី ក្នុងប្រព័ន្ធផ្សព្វផ្សាយ ហើយធ្វើការទៅលើការផលិតវីដេអូ និងគ្រប់គ្រងទៅលើការច្នៃប្រឌិតឱ្យបានច្រើន ។ នេះជាការលើកឡើងរបស់ កញ្ញា ថេង បញ្ញា ម្ចាស់ជ័យលាភីផ្នែកប្រព័ន្ធផ្សព្វផ្សាយនិងគមនាគមន៍ របស់ Women of the Future Awards South East Asia ឆ្នាំ២០២១ ។
កញ្ញា ថេង បញ្ញា ជាសមិ្មតិករ (Director) និងជាផលិតករ (Producer) មួយរូបនៅ BBC media action និងជាផលិតករ (Producer) នៅស្ថានីទូរទស្សន៍ SEATV ហើយបច្ចុប្បន្ន នាងជានិស្សិតបរិញ្ញាបត្រជាន់ខ្ពស់នៅសាកលវិទ្យាល័យ SciencesPo ប្រទេសបារាំង បាននិយាយថា កញ្ញាចូលរួមកម្មវិធីនេះ ដោយមានការលើកទឹកចិត្តពីអតីតជ័យលាភីរបស់ Women of the Future Awards South East Asia កាលពីឆ្នាំមុន ។
ម្ចាស់ជ័យលាភីផ្នែកប្រព័ន្ធផ្សព្វផ្សាយ និងគមនាគមន៍ រូបនេះ បន្ថែមថា បញ្ហាប្រឈមក្នុងការចូលរួមកម្មវិធីនេះ គឺទាមទារឱ្យមានភាពក្លាហានក្នុងការធ្វើបទបង្ហាញរបស់ខ្លួន និងមានសិល្បៈនិយាយបែបណាធ្វើឱ្យគេដឹងពីការងាររបស់ខ្លួន និងដឹងពីស្នាដៃដែលបានធ្វើរួច ។
ក្នុងឆ្នាំ២០១៩ បញ្ញាបានចូលរួមបង្កើត 606 Digital ដែលជាស្ថាប័នផលិតវីដេអូអប់រំ ។ នាងក៏ជាផលិតករ និងជានាយិកានៃ Digital Noodle Development Innovation ដែលជាស៊េរីនៃវីដេអូ និងកម្មវិធីផតខាសថ៍ដែលទទួលបានពានរង្វាន់ក្នុងការលើកកម្ពស់ការយល់ដឹងអំពីបច្ចេកវិទ្យា ។ លើសពីនេះ ស្នាដៃរបស់នាងត្រូវបានដាក់បង្ហាញនៅក្នុងមហោស្រពភាពយន្តពិភពលោកផងដែរ ។
ក្នុងនាមជាផលិតករមួយរូប កញ្ញា ថេង បញ្ញា បានប្រាប់អំពីបញ្ហាប្រឈមរបស់ខ្លួនថា នៅពេលខ្លួនជាផលិតករស្រី្ត ហើយក្រុមការងារភាគច្រើនជាមនុស្សប្រុស រាល់ការបញ្ចេញមតិម្ដងៗមិនសូវមានអ្នកស្ដាប់ និងមិនធ្វើតាម ។ បើទោះជួបបញ្ហាបែបនេះក៏ពិតមែន បញ្ញានៅតែបន្តធ្វើការងារនេះ ព្រោះចិត្តស្រឡាញ់ការងារនេះ ព្រមទាំងមានការគាំទ្រលើកទឹកចិត្តពីក្រុមគ្រួសារ បងប្អូន និងក្រុមការងារធ្វើការងារជាស្រ្តីដូចគ្នាបានជួបបញ្ហាដូចគ្នា ។
កញ្ញា ថេង បញ្ញា
“ស្រ្តី និងក្មេងស្រីពិតជាអាចសម្រេចក្ដីស្រមៃរបស់ខ្លួនបាន ប្រសិនបើយើងផ្ដោតអារម្មណ៍ទៅលើអ្វីដែលយើងចង់ធ្វើ និងជំនះគ្រប់ឧបសគ្គនោះនឹងអាចទៅដល់ ព្រោះបច្ចុប្បន្ន គេមិនប្រកាន់ការងារស្រ្តី ឬបុរសនោះឡើយ”
ផលិតករស្រ្តីវ័យ ២៧ឆ្នាំរូបនេះ បន្តថា ភាពក្លាហ៊ានរបស់មនុស្ស គឺកើតចេញពីកាតស៊ូ អត់ធ្មត់ និងការជួបប្រទះនូវបញ្ហាលំបាក ប្រសិនបើជីវិតយើងងាយស្រួលក៏យើងមិនអាចមានភាពក្លាហានទៅធ្វើរឿងអ្វីមួយបានដែរ ។ ប្រសិនពេលនេះ យើងជួបការលំបាក ឬជួបបរាជ័យច្រើនដង ត្រូវប្រាប់ខ្លួនឯងថា គ្រាន់តែជាដំណាក់កាលមួយដែលយើងបានឆ្លងកាត់ ជាបទពិសោធន៍ និងធ្វើឱ្យយើងជំនះតទៅមុខទៀត ។
គួររំលឹកថា កាលពីសប្ដាហ៍ទីមួយ ក្នុងខែមករា ឆ្នាំ២០២២ កន្លងទៅ លោកជំទាវឯកអគ្គរាជទូត Tina Redshaw បានរៀបចំពិធីជប់លៀងអាហារពេលល្ងាចជាកិត្តិយសដល់កញ្ញា ថេង បញ្ញា ដែលជាម្ចាស់ជ័យលាភីផ្នែកប្រព័ន្ធផ្សព្វផ្សាយ និងគមនាគមន៍ នៃពានរង្វាន់ Women of the Future South East Asia Awards រួមជាមួយនឹងភ្ញៀវកិត្តិយសផ្សេងទៀតដែលជាបេក្ខនារី និងអតីតជ័យលាភីរបស់ Women of the Future Awards South East Asia ផងដែរ ៕
កញ្ញា វ៉ាន គីមសល់ ជាអ្នកសរសេរព័ត៌មានអប់រំ នៅ AMS Education។ កញ្ញាមានចំណូលចិត្តសរសេរមាតិកាព័ត៌មានអប់រំទាក់ទងនឹង ព្រឹត្តិការណ៍ ព័ត៌មានជាតិ ការអប់រំយុវជន និងកុមារតូច ព្រមទាំងស្រាវជ្រាវលើការវិវឌ្ឍន៍ថ្មីៗក្នុងវិស័យអប់រំ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាអាហារូបករណ៍សម្រាប់វគ្គសិក្សារដូវក្ដៅនៅប្រទេសអាល្លឺម៉ង់ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 04/11/2024
ឱកាសសិក្សាអាហារូបករណ៍សម្រាប់វគ្គសិក្សានារដូវក្ដៅក្នុងប្រទេស អាល្លឺម៉ង់ឆ្នាំសិក្សា២០២៥ ពីកម្មវិធី DAAD University Summer Courses 2025 ។ អាហារូបករណ៍ផ្ដល់ជូនសម្រាប់ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ដោយការសិក្សា...
អាហារូបករណ៍សិក្សាភាសាអង់គ្លេសនៅ ACE ចំនួន ៣២កន្លែង
ព័ត៌មានអាហារូបករណ៍, ព្រឹត្តិការណ៍
• 02/07/2024
ក្នុងឱកាសអបអរសាទរខួបទី៣២ឆ្នាំ នៅកម្ពុជា មជ្ឈមណ្ឌលអូស្រ្តាលីសម្រាប់ការបណ្តុះបណ្តាល បានប្រកាសផ្តល់អាហារូបករណ៍ដល់សិស្សនិស្សិតចំនួន៣២នាក់។
អាហារូបករណ៍មូលនិធិ Matsumae International ថ្នាក់ស្រាវជ្រាវនៅប្រទេសជប៉ុនឆ្នាំ២០២៣
ព័ត៌មានអាហារូបករណ៍, ព្រឹត្តិការណ៍
• 14/03/2023
កម្មវិធីអាហារូបករណ៍ Matsumae International នៃប្រទេសជប៉ុនប្រកាសផ្ដល់អាហារូបករណ៍សិក្សាថ្នាក់ស្រាវជ្រាវតាមរយៈកម្មវិធីមូលនិធី...
សាកលវិទ្យាល័យភូមិន្ទភ្នំពេញជ្រើសរើសនិស្សិតអាហារូបករណ៍ថ្នាក់បរិញ្ញាបត្រជាន់ខ្ពស់ផ្នែកគីមី
ព័ត៌មានអាហារូបករណ៍, ព្រឹត្តិការណ៍
• 25/01/2023
សាកលវិទ្យាល័យភូមិន្ទភ្នំពេញប្រកាសប្រឡងជ្រើសរើសនិស្សិតអាហារូបករណ៍ថ្នាក់បរិញ្ញាបត្រជាន់ខ្ពស់ផ្នែកគីមីជំនាន់ទី៣ សម្រាប់ឆ្នាំសិក្សា២០២២-២០២៣ ។...
ឱកាសសិក្សាជំនាញវិជ្ជាជីវៈចំនួន៤០កន្លែងនៅវិទ្យាស្ថានពហុបច្ចេកទេសខេត្តបន្ទាយមានជ័យ
ព័ត៌មានអាហារូបករណ៍, ព្រឹត្តិការណ៍
• 08/09/2023
វិទ្យាស្ថានពហុបច្ចេកទេសខេត្តបន្ទាយមានជ័យផ្ដល់ការសិក្សាឥតគិតថ្លៃជំនាញវិជ្ជាជីវៈចំនួន៤០កន្លែង នៅខេត្តបន្ទាយមានជ័យ ។ ការសិក្សាវគ្គបណ្ដុះបណ្ដាលនឹងចាប់ផ្ដើមចំនួន២វគ្គ ...
អាហារូបករណ៍ថ្នាក់ឧត្ដមសិក្សាពីរដ្ឋាភិបាលអូទ្រីសសម្រាប់ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 11/07/2025
កម្មវិធីអាហារូបករណ៍រដ្ឋាភិបាលអូទ្រីស ប្រកាសបើកទទួលពាក្យស្នើសុំអាហារូបករណ៍សិក្សាថ្នាក់ឧត្ដមសិក្សានៅសាកលវិទ្យាល័យជាច្រើនក្នុងប្រទេសអូទ្រីស សម្រាប់ឆ្នាំសិក្សា២០២៦។
ឱកាសសិក្សាអាហារូបករណ៍ចំនួន២១០កន្លែងនៅវិទ្យាស្ថានបច្ចេកវិទ្យាកម្ពុជា មណ្ឌលតេជោ ហ៊ុន សែន ចំការដូងខេត្តកែប
ព័ត៌មានអាហារូបករណ៍, ព្រឹត្តិការណ៍
• 11/10/2024
វិទ្យាស្ថានបច្ចេកវិទ្យាកម្ពុជា ប្រកាសជ្រើសរើសនិស្សិតចូលសិក្សាថ្នាក់កម្រិតវិស្វករ និងកម្រិតបរិញ្ញាបត្ររងវិស្វកម្ម នៅមណ្ឌល តេជោ ហ៊ុន សែន ចំការដូង (ខេត្តកែប) ជាច្រើននាក់។ ក្នុងនោះវិទ្យាស្ថាននឹងផ្ដល់ឱកាសសិក្សាអាហារូបករណ៍ចំនួន២១០កន្លែង។
អាហារូបករណ៍ថ្នាក់បរិញ្ញាបត្រចំនួន៥កន្លែងនៅសាកលវិទ្យាល័យភ្នំពេញអន្តរជាតិ ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 05/12/2023
ឱកាសសិក្សាអាហារូបករណ៍ថ្នាក់បរិញ្ញាបត្រចំនួន០៥កន្លែងពីកម្មវិធីអាហារូបករណ៍អភិសន្តិបណ្ឌិត ស សុខា ថ្នាក់ជាតិសម្រាប់សិស្ស-និស្សិតទូទាំងប្រទេសឱ្យសិក្សាថ្នាក់បរិញ្ញាបត្រ សិក្សានៅសាកលវិទ្យាល័យភ្នំពេញអន្តរ...
អាហារូបករណ៍ថ្នាក់បរិញ្ញាបត្រ និងបរិញ្ញាបត្ររងនៅវិទ្យាស្ថានអលណេសិនចំនួន១៧០នាក់សម្រាប់ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 26/11/2024
អាហារូបករណ៍អភិសន្តិបណ្ឌិត ស សុខា ថ្នាក់ជាតិ ផ្ដល់ជូនការសិក្សាអាហារូបករណ៍ថ្នាក់បរិញ្ញាបត្រ និងថ្នាក់បរិញ្ញាបត្ររង នៅវិទ្យាស្ថានអលណេសិន ចំនួន១៧០កន្លែងសម្រាប់ឆ្នាំសិក្សា២០២៤-២០២៥។
កម្មវិធីពិសេសរបស់ AMS EDUCATION
ព័ត៌មានសង្ខេប
