ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – បច្ចុប្បន្ននេះ ពិភពលោកបានងាកទៅរកនិន្នាការកាត់បន្ថយផលប៉ះពាល់បរិស្ថាន ក្នុងនោះបណ្តាប្រទេសជឿនលឿនមួយចំនួន ក៏បានកំពុងសម្លឹងមើលលទ្ធភាពក្នុងការប្រើប្រាស់ថាមពលស្អាត ឬថាមពលកកើតឡើងវិញ ដូចជាបង្កើតនូវរថយន្តអគ្គិសនី ចំការសូឡា ឬរហាត់ខ្យល់ដើម្បីទាញយកថាមពលអគ្គិសនីជាដើម ។
ដោយមើលឃើញនូវនិន្នាការនេះ លោក លីម ម៉េងស៊ាង បានសម្រេចចិត្តធ្វើដំណើរឆ្លងប្រទេសទៅបន្តការសិក្សាថ្នាក់អនុបណ្ឌិតផ្នែកបច្ចេកវិទ្យាថាមពល នៅប្រទេសកូរ៉េខាងត្បូង ហើយបច្ចុប្បន្នលោកបានត្រឡប់មកវិញ និងបានចូលរួមបណ្តុះបណ្តាលកូនខ្មែរពីជំនាញមួយនេះ នៅវិទ្យាស្ថានជាតិពហុបច្ចេកទេសកម្ពុជា។
បើតាមលោក ម៉េងស៊ាង ជំនាញបច្ចេកវិទ្យាថាមពល គឺជាការសិក្សាទៅលើការបង្កើតថាមពលពីប្រភពថាមពលកកើតឡើងវិញ និងមិនកកើតឡើងវិញ ។ ជំនាញនេះមានសារៈសំខាន់ណាស់សម្រាប់ជីវភាពប្រចាំថ្ងៃរបស់មនុស្ស ដោយយើងអាចបង្កើតថាមពលស្អាត ដូជាថាមពលជីវម៉ាស់ ថាមពលតួប៊ីនខ្យល់ ថាមពលផ្ទាំងសូឡា ដែលជាថាមពលអគ្គិសនីមានប្រភពថាមពលមិនប៉ះពាល់ដល់បរិស្ថាន។
លោក លីម ម៉េងស៊ាង បានបញ្ជាក់ថា ត្បិតតែជំនាញមួយនេះមានសារៈសំខាន់នៅពេលអនាគត និងមានតម្រូវការកើនឡើង ប៉ុន្តែសិស្សនិស្សិតដែលចូលរៀនជំនាញបច្ចេកវិទ្យាថាមពល មិនសូវមានច្រើនឡើយ ដោយក្នុងវិទ្យាស្ថានដែលលោកកំពុងធ្វើការបង្រៀន គឺមានមិនដល់១រយនាក់ទេដែលចាប់អារម្មណ៍រៀនជំនាញមួយនេះ។
តាមការលើកឡើងរបស់លោកសាស្រ្តាចារ្យ សិស្សនិស្សិតដែលរៀនជំនាញបច្ចេកវិទ្យាថាមពល ក្រោយបញ្ចប់ការសិក្សា ពួកគេអាចទទួលបានការងារដ៏ប្រសើរមួយ ដូចជាទៅបម្រើការងារនៅតាមក្រុមហ៊ុន វារីអគ្គិសនី រោងចក្រអគ្គិសនីដើរដោយថាមពលធ្យូងថ្ម រោងចក្រផលិតភេសជ្ជៈ ជាដើម ដែលបច្ចុប្បន្នក្រុមហ៊ុន ឬរោងចក្រទាំងនោះកំពុងខ្វះខាតអ្នកបច្ចេកទេសក្នុងស្រុកជាច្រើន។
តើត្រូវមានលក្ខណៈសម្បត្តិអ្វីខ្លះ ទើបអាចរៀនជំនាញនេះបាន?
ឆ្លើយតបនឹងសំណួរនេះ លោក លីម ម៉េងស៊ាង មានប្រសាសន៍ថា សិស្សនិស្សិតដែលរៀនចប់ថ្នាក់ទី១២ ឬមានសញ្ញាបត្រមធ្យមសិក្សាទុតិយភូមិ គឺអាចសិក្សាជំនាញនេះបាន តែក៏ត្រូវមានចំណង់ចំណូលចិត្តស្រឡាញ់ជំនាញផ្នែកវិទ្យាសាស្រ្ត ឬ STEM ផងដែរ។
ដើម្បីសិក្សាជំនាញបច្ចេកវិទ្យាថាមពល សិស្សត្រូវប្រើរយៈពេលសិក្សា៤ឆ្នាំសម្រាប់កម្រិតវិស្វករ ។ ក្នុងរយៈពេល៤ឆ្នាំនេះ សិស្សត្រូវបានបង្ហាត់ឱ្យស្គាល់ និងចេះអំពី វារីអគ្គីសនី ប្រព័ន្ធផ្ទាំងសូឡា ថាមពលជីវម៉ាស់ ប្រព័ន្ធ SCADA ប្រព័ន្ធ PLC និងប្រព័ន្ធគ្រប់គ្រងថាមពល ជាដើម។
ជាអនុសាសន៍សម្រាប់សិស្សដែលទើបប្រឡងជាប់សញ្ញាបត្រមធ្យមសិក្សាទុតិយភូមិ ឬបាក់ឌុប លោក លីម ម៉េងស៊ាង បានលើកឡើងថា បច្ចុប្បន្នកម្ពុជានៅខ្វះខាតអ្នកបច្ចេកទេសលើជំនាញបច្ចេកវិទ្យាថាមពលជាច្រើន ដូច្នេះលោកផ្តាំផ្ញើដល់សិស្សដែលទើបប្រឡងជាប់ថ្នាក់ទី១២ថ្មីៗនេះ សូមជ្រើសរើសយកជំនាញបច្ចេកទេសឱ្យបានច្រើន ព្រោះថា ប្រទេសយើងត្រូវការអ្នកបច្ចេកទេសច្រើន ដើម្បីកសាងប្រទេសជាតិឱ្យកាន់តែរឹងមាំ និងជឿនលឿន ដូចប្រទេសនៅលោកខាងលិច៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍ជំនាញវិជ្ជាជីវៈ នៅវិទ្យាស្ថានអភិវឌ្ឍន៍មុខជំនាញកម្ពុជា-ថៃ ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 06/02/2025
វិទ្យាស្ថានអភិវឌ្ឍន៍មុខជំនាញកម្ពុជា-ថៃ ប្រកាសជ្រើសរើស សិក្ខាកាម សិស្សានុសិស្ស និងសាធារណជន ចូលសិក្សាជំនាញវិជ្ជាជីវៈ និងបច្ចេកទេស ជាច្រើនកន្លែងសម្រាប់ការសិក្សាថ្នាក់បរិញ្ញាបត្របច្ចេកទេស (វិស្វករ) ថ្នាក់សញ្ញាបត្រជាន់ខ្ពស់បច្ចេកទេស...
នូវែលសេឡង់ ជ្រើសរើសមន្ត្រីរាជការកម្ពុជា ៤ រូប សិក្សាវគ្គបណ្ដុះបណ្ដាលខ្លី ក្រោមប្រធានបទ “Public Health Management ASEAN Online 2026”
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 07/07/2026
នូវែលសេឡង់ នឹងជ្រើសរើសមន្ត្រីរាជការកម្ពុជា ៤ រូប សិក្សាវគ្គបណ្ដុះបណ្ដាលរយៈពេលខ្លី ក្រោមប្រធានបទ "Public Health Management ASEAN Online 2026"
ឱកាសអាហារូបករណ៍ថ្នាក់ភាសាចិនរយៈពេល ១ ឆ្នាំ នៅសាកលវិទ្យាល័យ YUNNAN NORMAL UNIVERSITY ចំនួន ៣០ កន្លែង
ព័ត៌មានអាហារូបករណ៍, ព្រឹត្តិការណ៍
• 28/02/2025
ជាឱកាសសម្រាប់សិស្សនិស្សិត ជាពិសេសគ្រូបង្រៀនភាសាចិន ពេលនេះតាមរយៈសមាគមនិស្សិតកម្ពុជាប្រចាំសាធាំរណរដ្ឋប្រជាមានិតចិន បានប្រកាសពីការផ្តល់អាហារូបករណ៍ថ្នាក់ភាសាចិនរយៈពេល១ឆ្នាំ...
អាហារូបករណ៍ ស សុខា ១០០កន្លែងនៅសាកលវិទ្យាល័យអាយអាយស៊ី នៃបច្ចេកទេស ឆ្នាំ២០២២-២០២៣
ព័ត៌មានអាហារូបករណ៍, ព្រឹត្តិការណ៍
• 18/01/2023
ឱកាសទទួលបានអាហារូបករណ៍សម្រាប់សិក្សាថ្នាក់បរិញ្ញាបត្រនៅសាកលវិទ្យាល័យអាយអាយស៊ី នៃបច្ចេកទេស ចំនួន១០០កន្លែង សម្រាប់ឆ្នាំសិក្សា២០២២-២០២៣...
អាហារូបករណ៍ ១៥០កន្លែង ពីវិទ្យាស្ថានវីឌីស៊ី សម្រាប់ឆ្នាំសិក្សា ២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 21/10/2025
វិទ្យាស្ថានវីឌីស៊ី បានប្រកាសផ្តល់អាហារូបករណ៍ដល់សិស្សនិស្សិតចំនួន ១៥០កន្លែង សម្រាប់ការសិក្សាថ្នាក់បរិញ្ញាបត្ររង និងថ្នាក់បរិញ្ញាបត្រ តាមរយៈកម្មវិធីអាហារូបករណ៍អភិសន្តិបណ្ឌិត
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Newcastle នៃចក្រភពអង់គ្លេសឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 02/01/2025
សាកលវិទ្យាល័យ Newcastle នៃចក្រភពអង់គ្លេស ប្រកាសជ្រើសរើសនិស្សិតសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ចំនួន៣០កន្លែង សម្រាប់ឆ្នាំសិក្សា២០២៥។ អាហារូបករណ៍ផ្ដល់ជូន៥០% និង ១០០%ទៅតាមលទ្ធភាពជាក់ស្ដែង...
អាហារូបករណ៍ ថ្នាក់បរិញ្ញាបត្ររង និងថ្នាក់បរិញ្ញាបត្រ ២១០កន្លែង នៅវិទ្យាស្ថានបច្ចេកវិទ្យាកំពង់ស្ពឺ
ព័ត៌មានអាហារូបករណ៍, ព្រឹត្តិការណ៍
• 12/08/2026
វិទ្យាស្ថានបច្ចេកវិទ្យាកំពង់ស្ពឺ ដែលជាគ្រឹះស្ថានឧត្តមសិក្សាសាធារណៈ ស្ថិតក្រោមអាណាព្យាបាលរបស់ក្រសួងអប់រំ កំពុងប្រកាសដល់សិស្សានុសិស្សទាំងអស់ ដែលបានប្រឡងជាប់ ឬធ្លាក់សញ្ញាបត្រ...
អាហារូបករណ៍សិក្សាថ្នាក់បរិញ្ញាបត្រជាន់ខ្ពស់ បច្ចេកវិទ្យាឌីជីថល ចំនួន៥០កន្លែង នៅ CADT
ព័ត៌មានអាហារូបករណ៍, ព្រឹត្តិការណ៍
• 20/02/2026
ក្រសួងប្រៃសណីយ៍និងទូរគមនាគមន៍ (ក.ប.ទ.) បានប្រកាសពីការផ្តល់អាហារូបករណ៍ចំនួន ៥០កន្លែង សម្រាប់ការសិក្សាថ្នាក់បរិញ្ញាបត្រជាន់ខ្ពស់ ឯកទេសបច្ចេកវិទ្យាឌីជីថល នៅបណ្ឌិត្យសភាបច្ចេកវិទ្យាឌីជីថលកម្ពុជា (CADT)។
សាលារៀនសុវណ្ណភូមិផ្ដល់ជូនអាហារូបករណ៍១០០% ជូនដល់កូនៗរបស់យុទ្ធជនពលីជីវិតដើម្បីបុព្វហេតុការពារជាតិ
ព័ត៌មានអាហារូបករណ៍, ព្រឹត្តិការណ៍
• 31/07/2025
ដើម្បីចូលរួមចំណែកជាមួយរាជរដ្ឋាភិបាលកម្ពុជា និងដើម្បីសម្រាលបន្ទុកហិរញ្ញវត្ថុក្នុងគ្រួសារយុទ្ធជនពលីក្នុងបុព្វហេតុការពារជាតិ សាលារៀនសុវណ្ណភូមិ ប្រកាសផ្ដល់អាហារូបករណ៍១០០% រហូតដល់ចប់ថ្នាក់ទី១២...
កម្មវិធីពិសេសរបស់ AMS EDUCATION
ព័ត៌មានសង្ខេប
