ក្រសួងអប់រំ នឹងបន្តវិនិយោគជំរុញឱ្យមានសាលារៀនជំនាន់ថ្មីនៅក្នុងស្រុកកងមាស

សាលារៀនទាំង៣ នៅក្នុងស្រុកកងមាស នៃខេត្តកំពង់ចាម រួមមាន វិទ្យាល័យហ៊ុនសែន កងតាណឹង, វិទ្យាល័យហ៊ុនសែន ពាមជីកង និងអនុវិទ្យាល័យអន្លង់អក ដែលបានក្លាយជាវិទ្យាល័យគំរូ នឹងត្រូវ​បន្តវិនិយោគជំរុញឱ្យមានសាលារៀនជំនាន់ថ្មី។

ក្នុងពិធីសំណេះសំណាល និងបំពាក់គ្រឿងឥស្សរិយយសការងារ ជូនបុគ្គលិកអប់រំ ក្នុងស្រុកកងមាស ខេត្តកំពង់ចាម ចំនួន១៨៨នាក់ កាលពីពេលកន្លងទៅ ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា មានប្រសាសន៍ថា ក្រសួងអប់រំ បាននិងកំពុងយកចិត្តទុកដាក់យ៉ាងខ្លាំងក្នុងការជំរុញនូវកំណែទម្រង់សាលារៀន។ ឯកឧត្តមបណ្ឌិតសភាចារ្យ ក៏បានអបអរសាទរវិទ្យាល័យទាំង៣ ក្នុងស្រុកកងមាស ដែលបានក្លាយជាវិទ្យាល័យគំរូ ដោយថា ក្រសួងនឹងបន្តវិនិយោគជំរុញឱ្យមានសាលារៀនជំនាន់ថ្មីនៅក្នុងស្រុកកងមាសនេះបន្ថែមទៀត ខណៈអត្រាសិស្សប្រឡងជាប់ក្នុងស្រុកកងមាសមានដល់ទៅ ៩៩ភាគរយ។

ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា

រដ្ឋមន្ត្រីក្រសួងអប់រំ បានកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់លោកគ្រូ អ្នកគ្រូ និងបុគ្គលិកអប់រំទាំងអស់ក្នុងការចូលរួមចំណែកអនុវត្តកំណែទម្រង់វិស័យអប់រំឱ្យរីកចម្រើនឡើងជាលំដាប់ ហើយ​ស្នើ​ឱ្យ​បន្តសហការគ្នាខិតខំប្រឹងប្រែងបន្ថែមទៀត ដើម្បីបន្តកែលម្អបរិស្ថានសិក្សាសំដៅលើកកម្ពស់លទ្ធផលសិក្សាសិស្ស។

ឯកឧត្តមបណ្ឌិតសភាចារ្យ ហង់ជួន ណារ៉ុន បញ្ជាក់ថា ធនធានមនុស្សរឹងមាំ និងមានគុណភាព នឹងជំរុញឱ្យកម្ពុជាបោះជំហានឆ្ពោះទៅមុខកាន់តែលឿនក្នុងការអភិវឌ្ឍសេដ្ឋកិច្ចសង្គមជាតិឱ្យរីកចម្រើនប្រកបដោយចីរភាព។

លោកជំទាវបណ្ឌិត ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា មានប្រសាសន៍ថា​ កម្មវិធីសាលាជំនាន់ថ្មី ត្រូវបានរៀបចំឡើងក្នុងទិសដៅលើកកម្ពស់គុណភាពអប់រំស្របតាមបរិបទសតវត្សរ៍ទី២១។ ការប្រែក្លាយសាលារៀនជាសាលារៀនជំនាន់ថ្មី គឺទាមទារឱ្យមានការស្ម័គ្រចិត្តពីគណៈគ្រប់គ្រង និងបុគ្គលិកសាលា និងឆន្ទៈក្នុងការប្រែក្លាយជាសាលាជំនាន់ថ្មី។

លោកជំទាវបណ្ឌិត ឃួន វិច្ឆិកា អ្នកនាំពាក្យក្រសួងអប់រំ យុវជន និងកីឡា

អ្នកនាំពាក្យក្រសួងអប់រំ បញ្ជាក់ថា កន្លងមកវិទ្យាល័យមួយចំនួននៅក្នុងស្រុកកងមាស បានបង្ហាញពីលទ្ធផលសិក្សាល្អរបស់សិស្ស និងមានអត្រាប្រឡងជាប់បាក់ឌុបលើស ៩០ភាគរយ ដែលនេះបង្ហាញពីសក្តានុពលរបស់សាលានៅស្រុកកងមាស។

លោកជំទាវបណ្ឌិត ឃួន វិច្ឆិកា បញ្ជាក់បន្ថែមថា ក្នុងផែនការជាក់ស្តែង ក្រសួងនឹងប្រែក្លាយសាលារៀនចំនួន៨ ទៀតនៅឆ្នាំសិក្សា២០២៦-២០២៧ បន្ថែមលើសាលាចំនួន ១៤ ដែលកំពុងអនុវត្តស្រាប់ទៅជាសាលារៀនជំនាន់ថ្មី។

គួរជំរាបជូនថា តាមរយៈការធ្វើកំណែទម្រង់វិស័យអប់រំ បានផ្ដល់ឱកាស កាន់តែច្រើនសម្បូរបែបដល់យុវជនកម្ពុជាជំនាន់ក្រោយ ក្នុងការសិក្សារៀនសូត្រចាប់យកចំណេះវិជ្ជា ដើម្បីសម្រេចបាននូវគោលដៅនៃការអប់រំ គឺការទទួលបាននូវ វិជ្ជាសម្បទា បំណិនសម្បទា និងចរិយាសម្បទា ឆ្លើយតបនឹងអនុសាសន៍ដ៏ខ្ពង់ខ្ពស់របស់ សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានដាក់ចេញយុទ្ធសាស្ត្របញ្ចកោណ-ដំណាក់កាលទី១ ផ្តោតអាទិភាពលើការអភិវឌ្ឍធនធានមនុស្ស ជាគន្លឹះយ៉ាងសំខាន់ក្នុងការជំរុញកម្ពុជាឆ្ពោះទៅសម្រេចចក្ខុវិស័យកម្ពុជាឆ្នាំ២០៣០ និង ឆ្នាំ២០៥០៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍កម្រិតសញ្ញាបត្រ​ជាន់ខ្ពស់​បច្ចេកទេស នៅ​ប្រទេស​វៀតណាម សម្រាប់សិស្ស​ជាប់បាក់ឌុប​ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 08/09/2025

សាលា Thai Nguyen College នៃប្រទេស​វៀតណាម នឹងផ្តល់អាហារូបករណ៍​កម្រិត​សញ្ញាបត្រ​ជាន់ខ្ពស់​បច្ចេកទេស សិក្សា​រយៈពេល៤ឆ្នាំ ដល់​សិស្ស​កម្ពុជា​ចំនួន ៧២កន្លែង។

អាហារូបករណ៍កន្លែងស្នាក់នៅក្នុងទីក្រុងភ្នំពេញសម្រាប់ជនជាតិដើមភាគតិចឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 22/07/2025

សមាគមយុវជនជនជាតិដើមភាគតិចកម្ពុជា កំពុងប្រកាសផ្ដល់កន្លែងស្នាក់នៅសម្រាប់បេក្ខជនចំនួន២០រូប ដែលមិនមានលទ្ធភាពក្នុងអំឡុងពេលបន្តការសិក្សានៅទីក្រុងភ្នំពេញ តាមបណ្ដាវិទ្យាស្ថាន និងសាកលវិទ្យាល័យនានា សម្រាប់ឆ្នាំសិក្សា២០២៥-២០២៦។

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់៧០កន្លែងពីកម្មវិធីអាហារូបករណ៍ CP ALL ឆ្នាំសិក្សា២០២៣

ព័ត៌មានអាហារូបករណ៍, ព្រឹត្តិការណ៍

• 25/04/2023

កម្មវីធីអាហារូបករណ៍ CP ALL បើកផ្ដល់អាហារូបករណ៍ដល់និស្សិតកម្ពុជា និងឡាវ សម្រាប់​ការ​សិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅប្រទេសថៃឆ្នាំសិក្សា២០២៣ ។...

ឱកាស​ទទួលបានអាហារូបករណ៍ ១០០% សម្រាប់ការសិក្សាថ្នាក់បរិញ្ញាបត្រ​នៅ​សហរដ្ឋអាមេរិក

ព័ត៌មានអាហារូបករណ៍, ព្រឹត្តិការណ៍

• 12/08/2024

ជាឱកា​សសម្រាប់សិស្ស​និស្សិត​ដែលមានបំណងចង់បន្តការសិក្សា​ថ្នាក់បរិញ្ញាបត្រ​នៅសហរដ្ឋអាមេរិក ពីកម្មវិធីអាហារូបករណ៍ American University Global Leader Scholarship 2025 ។

ឱកាស​សិក្សា​អាហារូបករណ៍​ចំនួន​២០កន្លែង​នៅ​សាកលវិទ្យាល័យ​ក្រចេះ​ឆ្នាំ​សិក្សា​២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 07/11/2024

ឱកាស​ទទួល​បានការសិក្សា​ថ្នាក់​បរិញ្ញាបត្រ​ចំនួន២០​កន្លែង​នៅ​សាកលវិទ្យាល័យ​ក្រចេះ សម្រាប់​ឆ្នាំសិក្សា​២០២៤-២០២៥។ អាហារូបករណ៍​ផ្ដល់​ជូន​ការ​សិក្សា​ពី​គម្រោង...

ឱកាសសិក្សាថ្នាក់ស្រាវជ្រាវ១២សប្ដាហ៍ពីកម្មវិធី Mitas Globalink Research Intership 2024

ព័ត៌មានអាហារូបករណ៍, ព្រឹត្តិការណ៍

• 25/08/2023

ឱកាសសិក្សាថ្នាក់ស្រាវជ្រាវចំនួន១២សប្ដាហ៍ពីកម្មវីធីMitas Globalink Research Intership 2024 នៅប្រទេសកាណាដាក្នុងឆ្នាំសិក្សា២០២៤ ។ អាហារូបករណ៍ផ្ដល់ឱ្យ...

អាហារូបករណ៍រដ្ឋាភិបាលចិន CSC Type B ឆ្នាំសិក្សា ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 31/03/2026

សាកលវិទ្យាល័យ China University of Geosciences, Beijing នៅរដ្ឋធានីប៉េកាំង តាមរយៈ​សមាគមនិស្សិតកម្ពុជា​ប្រចាំ​សាធារណរដ្ឋប្រជាមានិតចិន នឹង​ជ្រើសរើស​និស្សិត​កម្ពុជាឆ្នើម​ចំនួន ៥ សម្រាប់អាហារូបករណ៍...

អាហារូបករណ៍ថ្នាក់បរិញ្ញាបត្រនៅវិទ្យាស្ថានជាតិកសិកម្មព្រែកលៀប ១០កន្លែងសម្រាប់​ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 26/12/2023

ឱកាសសិក្សាអាហារូបករណ៍ថ្នាក់បរិញ្ញាបត្រនៅវិទ្យាស្ថានជាតិកសិកម្មព្រែកលៀបចំនួន១០កន្លែងតាមរយៈសហភាពសហព័ន្ធយុវជនកម្ពុជា រាជធានីភ្នំពេញសម្រាប់ឆ្នាំ...

ឱកាសកម្មសិក្សានៅផ្ទះយុវជន ដើម្បីមិត្តភាពកម្ពុជា-ចិន

ព័ត៌មានអាហារូបករណ៍, ព្រឹត្តិការណ៍

• 13/08/2025

ផ្ទះយុវជនដើម្បីមិត្តភាពកម្ពុជា-ចិន (YHCCF) កំពុងប្រកាសជ្រើសរើស និស្សិតសាកលវិទ្យាល័យដែលកំពុងសិក្សាផ្នែកសេដ្ឋកិច្ច សហគ្រាលឬអាជីវកម្ម ការគ្រប់គ្រងផ្នែកគ្រោង ឬផ្នែកដែលពាក់ព័ន្ធ