ក្រសួងអប់រំ ស្នើឱ្យ​ភាគី​ពាក់ព័ន្ធ​​ប្រើប្រាស់​សំណេរ និង​អក្ខរាវិរុទ្ធ​ភាសាខ្មែរ​ឱ្យបាន​ត្រឹមត្រូវ​ទាំងនៅ​លើ​បណ្តាញសង្គម និង​តាម​ទីសាធារណៈ

តាមរយៈសេចក្តីជូន​ដំណឹង​មួយ​កាលពីពេលថ្មីៗនេះ ក្រសួងអប់រំ យុវជន និងកីឡា បាន​ស្នើ​ដល់ភាគី​ពាក់ព័ន្ធទាំងអស់ ជាពិសេស​អ្នក​ប្រើប្រាស់​បណ្តាញ​សង្គម​សូម​ប្រើប្រាស់​សំណេរ និង​អក្ខរាវិរុទ្ធ​ភាសាខ្មែរ​ឱ្យ​បាន​ត្រឹមត្រូវ ក្នុង​បំណង​លើក​កម្ពស់​ការ​ប្រើប្រាស់​សំណេរ និង​អក្ខរាវិរុទ្ធ​ភាសាខ្មែរ នៅ​លើ​បណ្តាញ​ផ្សព្វផ្សាយ បណ្តាញ​ទំនាក់ទំនង​សង្គម និង​នៅ​តាម​ទីសាធារណៈ ទាំង​ក្បួន​សរសេរ អក្ខរាវិរុទ្ធ និង​វេយ្យាករណ៍ ព្រមទាំង​បណ្តុះស្មារតី​ស្រឡាញ់ និង​ថែ​រក្សា​អក្សរ និង​ភាសាជាតិ​ឱ្យបាន​គង់វង្ស និង​រីកចម្រើន​ថែមទៀត។

ជាមួយ​គ្នានេះ ក្រសួង​អប់រំ យុវជន និងកីឡា ក៏បាន​ណែនាំ​ដល់​សិស្សានុសិស្ស និង​យុវជន​ទាំងអស់​ត្រូវ​យក​ចិត្តទុកដាក់ និង​ខិតខំ​រៀន​ភាសាខ្មែរ ទាំង​លើ​ការអាន និង​ការ​សរសេរ ឱ្យបាន​ត្រឹមត្រូវ​តាម​អក្ខរាវិរុទ្ធ និង​វេយ្យាករណ៍​ភាសាខ្មែរ។ សិស្សានុសិស្ស យុវជន និង​ពលរដ្ឋ​ទាំងអស់ ត្រូវ​យកចិត្ត​ទុកដាក់​ក្នុងការ​ប្រើប្រាស់​ភាសាខ្មែរ ទាំង​ការ​និយាយ ទាំង​ការ​សរសេរ ឱ្យបាន​ត្រឹមត្រូវ​តាម​ក្បួន​វេយ្យាករណ៍ និង​អក្ខរាវិរុទ្ធ​ភាសាខ្មែរ ក្នុង​គ្រប់​ស្ថានភាព ទោះក្នុង​បណ្តាញ​ទំនាក់ទំនង​សង្គម ឬ​ទំនាក់ទំនង​ផ្ទាល់ ការ​ផ្សព្វផ្សាយ ឬការ​ចែករំលែក​ព័ត៌មាន និង​ការ​កម្សាន្ត​ណាមួយក្តី។

លើកកម្ពស់ការប្រើប្រាស់សំណេរ និងអក្ខរាវិរុទ្ធភាសាខ្មែរ

គ្រប់​គ្រឹះស្ថាន​សិក្សាសាធារណៈ និង​ឯកជន​ទាំងអស់ ត្រូវ​ត្រួតពិនិត្យ និង​កែលម្អ​គ្រប់​សំណេរ​ទាំងឡាយ​ដែល​ប្រើប្រាស់ ដាក់តាំង និង​ផ្សព្វផ្សាយ​ជា​សាធារណៈ​នៅ​ក្នុង​បរិវេណគ្រឹះស្ថានសាម៉ី ជាពិសេស​អក្ខរាវិរុទ្ធ និង​ក្បួន​វេយ្យាករណ៍​ភាសាខ្មែរ។

គ្រូ​បង្រៀន​គ្រប់​ភូមិសិក្សា គ្រប់​កម្រិត​ថ្នាក់ និង​គ្រប់មុខវិជ្ជា ត្រូវ​ជំរុញ និង​លើក​ទឹកចិត្ត សិស្ស និង​និស្សិតឱ្យ​យក​ចិត្តទុកដាក់​លើ​ការអាន និង​ការសរសេរ​ភាសាខ្មែរ ឱ្យ​បាន​ត្រឹមត្រូវ និង​ផុលផុស។

ក្នុងនោះដែរ គណៈគ្រប់គ្រង គ្រប់គ្រឹះស្ថាន​សិក្សាសាធារណៈ និង​ឯកជន​ទាំងអស់ ត្រូវ​ជំរុញឱ្យ​មាន​ការប្រឡង​ប្រជែង​អាន និង​សរសេរ ដើម្បី​លើក​កម្ពស់​ប្រសិទ្ធភាព នៃ​ការ​អាន និង​ការ​សរសេរ​ភាសាខ្មែរ។ គ្រប់​អង្គភាព​អប់រំ​ទាំង​ថ្នាក់ជាតិ ថ្នាក់​ក្រោម​ជាតិ និង​សាលារៀន ត្រូវ​ពង្រឹង យក​ចិត្តទុក​ដាក់​ក្នុង​ការ​ប្រើប្រាស់​អក្ខរាវិរុទ្ធ និង​ក្បួន​វេយ្យាករណ៍​ភាសាខ្មែរ​ឱ្យបាន​ត្រឹមត្រូវ នៅ​ក្នុង​លិខិត​រដ្ឋបាល ឬ​លិខិត​បទដ្ឋាន​គតិយុត្តិ​ទាំងឡាយ។

លើកទឹកចិត្តកូនចៅក្នុងការអាន ការសរសេរ និងការស្រាវជ្រាវ

ដោយឡែក​មាតាបិតា និង​អាណាព្យាបាល​សិស្ស ត្រូវ​ជួយ​ជំរុញ បង្កលក្ខណៈ​ងាយស្រួល និង​លើក​ទឹកចិត្ត​កូនចៅ​ក្នុង​ការអាន ការសរសេរ និង​ការស្រាវជ្រាវ ដោយ​ប្រើប្រាស់​ភាសាខ្មែរ​ឱ្យ​បានត្រឹមត្រូវ ដោយ​ជាមួយ​គ្នានេះ មាតាបិតា អាណាព្យាបាលសិស្ស និងគ្រូបង្រៀន ត្រូវ​លើកទឹកចិត្ត​កូនចៅ និង​សិស្សានុសិស្ស​ឱ្យប្រកាន់​ទម្លាប់​ប្រើប្រាស់​អក្សរខ្មែរ សម្រាប់​កត់ត្រា និង​សរសេរ​ភាសាខ្មែរ និង​គួរ​ចៀសវាង​ការប្រើ​អក្សរ​នៃ​ភាសា​ដទៃ​ជំនួស​តួអក្សរខ្មែរ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍រដ្ឋាភិបាលចក្រភពអង់គ្លេស Chevening ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 07/08/2025

កម្មវិធីអាហារូបករណ៍រដ្ឋាភិបាលចក្រភពអង់គ្លេស Chevening ឆ្នាំ២០២៦ ប្រកាសបើកទទួលពាក្យជាផ្លូវការ ចាប់ពីថ្ងៃទី០៥ ខែសីហា ដល់ថ្ងៃទី៧ ខែតុលា ឆ្នាំ២០២៥។ អាហារូបករណ៍ផ្ដល់ជូនការសិក្សាថ្នាក់បរិញ្ញាបត្រជាន់ខ្ពស់...

ឱកាសសិក្សាជំនាញវិជ្ជាជីវៈចំនួន២១០កន្លែងនៅវិទ្យាស្ថានពហុបច្ចេកទេសខេត្តព្រះវិហារ

ព័ត៌មានអាហារូបករណ៍, ព្រឹត្តិការណ៍

• 11/03/2024

ឱកាសសិក្សាជំនាញវិជ្ជាជីវៈចំនួន២១០កន្លែងនៅវិទ្យាស្ថានពហុបច្ចេកទេសខេត្តព្រះវិហារឆ្នាំសិក្សា២០២៣-២០២៤។ អាហារូបករណ៍ផ្ដល់ជូនការសិក្សាថ្នាក់សញ្ញាបត្របច្ចេកទេស និងវិជ្ជាជីវៈ១ កម្រិត២ សិក្សារយៈពេល៤ខែ។

វិទ្យាស្ថានបច្ចេកវិទ្យាកម្ពុជា (ITC) មណ្ឌលវិមានឈ្នះ-ឈ្នះ ផ្តល់អាហារូបករណ៍ ១០០% ចំនួន ៤០កន្លែង

ព័ត៌មានអាហារូបករណ៍, ព្រឹត្តិការណ៍

• 11/09/2026

វិទ្យាស្ថានបច្ចេកវិទ្យាកម្ពុជា (សាលាតិចណូ - ITC) នឹងប្រឡងជ្រើសរើសនិស្សិតកម្រិតវិស្វករ នៅ មណ្ឌលវិមានឈ្នះ-ឈ្នះ ដោយផ្តល់ជូននូវអាហារូបករណ៍ពេញ ១០០% ចំនួន ៤០កន្លែង។

ឱកាសសិក្សាអាហារូបករណ៍ថ្នាក់ឧត្ដមសិក្សានៅប្រទេសឥណ្ឌាឆ្នាំសិក្សា ២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 19/02/2024

ឱកាសសិក្សាអាហារូបករណ៍ថ្នាក់ឧត្ដមសិក្សានៅសាកលវិទ្យាល័យល្បីៗចំនួន១២៦ប្រទេសពីអាហារូបករណ៍រដ្ឋាភិបាលឥណ្ឌានៃកម្មវិធីអាហារូបករណ៍ ICCR ឆ្នាំសិក្សា២០២៤...

អាហារូបករណ៍ថ្នាក់ឧត្ដមសិក្សាពីអាហារូបករណ៍រដ្ឋាភិបាលចិនប្រភេទ B នៅសាកលវិទ្យាល័យ Shanghai ឆ្នាំ២០២៥

ព័ត៌មានអាហារូបករណ៍, ព្រឹត្តិការណ៍

• 10/01/2025

កម្មវិធីអាហារូបករណ៍រដ្ឋាភិបាលចិនប្រភេទ B ប្រកាសផ្ដល់អាហារូបករណ៍ថ្នាក់ឧត្ដមសិក្សា សិក្សា​នៅសាកលវិទ្យាល័យ Shanghai សម្រាប់ឆ្នាំសិក្សា២០២៥ ដល់និស្សិតអន្តរជាតិជាច្រើននាក់។ អាហារូបករណ៍ផ្ដល់ការសិក្សា ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់...

វិទ្យាស្ថាន NTTI ជ្រើសរើស​យុវជន​ចូលរៀនជំនាញបច្ចេកទេស និង​វិជ្ជាជីវៈ ឥតគិតថ្លៃ ក្រោមគម្រោង TVET 1.5M

ព័ត៌មានអាហារូបករណ៍, ព្រឹត្តិការណ៍

• 11/03/2026

វិទ្យាស្ថានជាតិបណ្តុះបណ្តាលបច្ចេកទេស (NTTI) បានប្រកាស​ចុះឈ្មោះ​យុវជនមកពីគ្រួសារក្រីក្រ/គ្រួសារងាយរងហានិភ័យ កម្មករនិយោជិត នៃសេដ្ឋកិច្ចក្នុងនិងក្រៅប្រព័ន្ធ និងសារធារណៈជនឱ្យចូលរៀនវគ្គបណ្តុះបណ្តាលជំនាញវិជ្ជាជីវៈ...

សាកលវិទ្យាល័យ Mae Fah Lung ប្រទេសថៃ ផ្តល់អាហារូបករណ៍ថ្នាក់បរិញ្ញាបត្រ​សម្រាប់ឆ្នាំ២០២៣

ព័ត៌មានអាហារូបករណ៍, ព្រឹត្តិការណ៍

• 22/03/2023

ភ្នំពេញ - សាកលវិទ្យាល័យ Mae Fah Lung នៃប្រទេសថៃ បានប្រកាសផ្ដល់អាហារូបករណ៍ថ្នាក់បរិញ្ញាបត្រចំនួន២កន្លែងសម្រាប់ឆ្នាំសិក្សា២០២៣ ។ អាហារូបករណ៍ផ្ដល់ជូន...

រៀនជំនាញសេវាកម្មម្ហូបអាហារ និងភេសជ្ជៈ ឥតគិតថ្លៃ សម្រាប់អ្នកសេដ្ឋកិច្ចក្រៅប្រព័ន្ធ

ព័ត៌មានអាហារូបករណ៍, ព្រឹត្តិការណ៍

• 09/02/2026

ដើម្បីពង្រឹងសមត្ថភាព និងបង្កើនឱកាសក្នុងអាជីពផ្នែកបដិសណ្ឋារកិច្ច សមាគមមិត្តយើង (MYA) សហការជាមួយ វិទ្យាស្ថានបច្ចេកវិទ្យា និងកសិកម្មកម្ពុជា (CITA) ក្រុមហ៊ុន ខូហ្វី (KOFI Co., Ltd) និង សមាគមភោជនីយដ្ឋានកម្ពុជា (CRA)

ឱកាស​ចូលរួមវគ្គសិក្សាជាស៊េរី “មេរៀនអតីតកាល មាគ៌ា​ឆ្ពោះទៅអនាគត” ពី អ.វ.ត.ក.

ព័ត៌មានអាហារូបករណ៍, ព្រឹត្តិការណ៍

• 08/12/2025

ជាឱកាស​សម្រាប់គ្រូបង្រៀន សាស្រ្តាចារ្យបង្រៀន​លើ​មុខ​វិជ្ជាមនុស្សសាស្រ្ត ព្រមទាំ​ងអ្នក​ដឹកនាំ​ជំនាន់ក្រោយ​ទាំងអស់! ពេលនេះ អង្គជំនុំជម្រះវិសាមញ្ញ​ ក្នុង​តុលាការ​កម្ពុជា (អ.វ.ត.ក.) ប្រកាស​បើក​ដាក់ពាក្យ សម្រាប់ការ​ចូលរួម​វគ្គ​សិក្សា​...



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *