ស្វែងយល់អំពីកីឡាឧបសគ្គ (Obstacle Sport)

កីឡាឧបសគ្គ (Obstacle Sport) គឺជាប្រភេទកីឡាមួយ ដែលទាមទារឱ្យអត្តពលិកមានការស៊ូទ្រាំខ្ពស់ កម្លាំងខ្លាំង ល្បឿនលឿន និងជំនាញច្បាស់លាស់។ កីឡានេះ ក៏ត្រូវបានដាក់បញ្ចូលឱ្យប្រកួតក្នុងព្រឹត្តិការស៊ីហ្គេមលើកទី ៣២ នៅប្រទេសកម្ពុជាផងដែរ ដែលនឹងដំណើរការប្រកួតជាផ្លូវការចាប់ពីថ្ងៃទី ០៣ ដល់ទី ០៧ខែ ឧសភា ឆ្នាំ ២០២៣ នៅទីលានក្រៅសាលនៃមជ្ឈមណ្ឌលសន្និបាត និងពិព័រណ៍អន្តរជាតិជ្រោយចង្វារ (OCIC) (Chroy Changvar Convention Centre) ជិតរង្វង់មូលនាងមច្ឆា ស្ថិតនៅសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

កីឡាឧបសគ្គ មានវិញ្ញាសាសំខាន់ៗចំនួន៣ រួមមាន វិញ្ញាសានិនចា (Ninja) Obstacle Course Racing (OCR) និងការប្រកួតបែបផ្សងព្រេង។ ឧបសគ្គ ដែលរៀបចំឡើងអាចជាការឡើងជញ្ជាំង ការលើកវត្ថុធ្ងន់ៗ លោតឆ្លងអាងទឹក លូនក្រោមបន្លាលួស និងលោតកាត់ភ្លើងជាដើម។ ឧបសគ្គទាំងអស់មានលក្ខណៈស្រដៀងទៅនឹងការហ្វឹកហ្វឺនទាហានដែរ ប៉ុន្តែវិញ្ញាសាខ្លះ មានលក្ខណៈពិសេស ដោយបង្កើតឡើងដើម្បីប្រកួតប្រជែងសម្រាប់កីឡានេះតែម្ដង។ កីឡានេះ គឺជាកីឡាមួយក្នុងចំណោមកីឡា ដែលមានការពេញនិយមខ្លាំងបំផុតក្នុងពិភពលោក ដោយមានអ្នកចូលរួមលើសពី ២០លាននាក់ បើគិតត្រឹមបច្ចុប្បន្ន។ 

វិញ្ញាសា និនចា (Ninja)

វិញ្ញាសានេះ អត្តពលិកអាចចូលរួមប្រកួតជាលក្ខណៈឯកត្តជន ឬក្រុម ដោយប្រកួតជាលក្ខណៈអ្នកប្រយុទ្ធនិនចា (Ninja Warrior)។ អ្នកចូលរួមអាចប្រកួតដោយប្រណាំងគ្នា ឬប្រកួតដោយវ៉ាស់ឋេរវេលា។ វិញ្ញាសានិនចា (Ninja) ត​ម្រូវ​ឱ្យអត្តពលិក ឆ្លងកាត់ឧបករណ៍ ដែលមានលក្ខណៈបច្ចេកទេសជាងវិញ្ញាសា ២ប្រភេទផ្សេងទៀត ដោយត្រូវឆ្លងកាត់ឧបសគ្គ ដែលមានចម្ងាយចាប់ពី ៥០ម៉ែត្រ ទៅ២០០ម៉ែត្រ។

វិញ្ញាសា Obstacle Course Racing (OCR)

វិញ្ញាសានេះ គឺជាការប្រកួត ជាលក្ខណៈទ្រង់ទ្រាយធំ ដែលមានអ្នកចូលរួមច្រើន និងអាចធ្វើឡើងនៅ ឧទ្យាន ទីរហោដ្ឋាន ទីជនបទ ទីប្រជុំជន ជាយក្រុង ឬរមណីយដ្ឋានផ្សេងៗ ដោយកីឡាករទាំងអស់ត្រូវឆ្លងកាត់ឧបសគ្គជាច្រើនដូចជា រត់ឡើងភ្នំ ឆ្លងកាត់ផ្លូវរាប បឹង ទន្លេ និងស្ទឹងជាដើម។ ចំនួនអ្នកចូលរួមប្រកួតអាចមានរហូតដល់ ៣ម៉ឺននាក់ និងតម្រូវឱ្យឆ្លងកាត់ឧបសគ្គចម្ងាយចាប់ពី ៣គីឡូ(កម្រិតធម្មតា), ៥គីឡូម៉ែត្រ(កម្រិតអន្តរជាតិ), ១២ ទៅ ១៥គីឡូម៉ែត្រ(កម្រិតស្ដង់ដា) និង ៥០គីឡូម៉ែត្រ (កម្រិតអាជីព)។

វិញ្ញាសា ប្រកួតបែបផ្សងព្រេង (Adventure race)

ចំពោះវិញ្ញាសានេះ រួមបញ្ចូលការរត់ពីរទៅបីម៉ោង ឆ្លងកាត់ឧបសគ្គធម្មជាតិលំបាកៗជាច្រើន។ ឧបសគ្គធម្មជាតិទាំងនោះមានដូចជា ភ្នំ វាលខ្សាច់ ទន្លេ និងសមុទ្រ។ ក្រុមជាច្រើន ដែលមានសមាជិកចាប់ពី ២, ៣ ទៅ ៤នាក់ ត្រូវទទួលខុសត្រូវលើអីវ៉ាន់របស់ខ្លួន និងត្រូវធ្វើដំណើរដោយមិនប្រើម៉ូតូក្នុងចម្ងាយ រហូតដល់ ១,០០០គីឡូម៉ែត្រឯណោះ។ ការប្រកួតប្រជែងនេះ មានភាពពេញនិយមខ្លាំងក្នុងទស្សវត្សរ៍ឆ្នាំ១៩៨០ និង១៩៩០ ដែលមានចម្ងាយជិតជាងបច្ចុប្បន្ន ហើយច្បាប់ និងសម្ភារតិចផងដែរ។

គួរជម្រាបជូនថា នៅក្នុងព្រឹត្តិការណ៍ស៊ីហ្គេមនៅកម្ពុជា គេបានជ្រើសរើសវិញ្ញាសា និនចា(Ninja) ដើម្បីប្រកួត ដោយមានចំនួន ១២វិញ្ញាសា រួមមានវិញ្ញាសាឯកត្តជនបុរស ២ និងនារី ២ វិញ្ញាសាបណ្ដាក់បុរស ៤ និងនារី៤។ ចំពោះអត្តពលិកអាស៊ានត្រៀមចូលរួមប្រជែងមេដាយលើវិញ្ញាសាសរុបចំនួន១២នេះ រួមមានម្ចាស់ផ្ទះកម្ពុជា ព្រុយណេ ហ្វីលីពីន ម៉ាឡេស៊ី ឥណ្ឌូណេស៊ី ឡាវ ដោយកីឡាករ កីឡាការិនីទាំង៦ប្រទេសនេះមានចំនួន១២នាក់បុរស-នារីដូចៗគ្នា៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

ឱកាសអាហារូបករណ៍ទៅ​សិក្សានៅប្រទេសហូឡង់ សម្រាប់ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 23/08/2023

ឱកាសសិក្សាអាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Leiden ពីកម្មវិធីអាហារូបករណ៍ Minerva Scholarship Funds Foundation នៅប្រទេសហូឡង់...

អង្គការជឿជាក់លើសិស្សជនបទកម្ពុជា ជ្រើសរើសសិស្ស-និស្សិតសិក្សាអាហារូបករណ៍ចំនួន២០កន្លែងសម្រាប់ឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 04/06/2024

អង្គការជឿជាក់លើសិស្សជនបទកម្ពុជាប្រកាសជ្រើសរើស សិស្ស-និស្សិតចំនួន២០នាក់ដើម្បីសិក្សាអាហារូបករណ៍នៅថ្នាក់វិទ្យាល័យ សាកលវិទ្យាល័យ...

ប្រទេសព្រុយណេផ្តល់អាហារូបករណ៍​រយៈពេលខ្លី សម្រាប់​បេក្ខជន​មក​ពី​បណ្តា​ប្រទេស​សមាជិកអាស៊ាន

ព័ត៌មានអាហារូបករណ៍, ព្រឹត្តិការណ៍

• 06/01/2023

ក្រសួងអប់រំ យុវជន និង​កីឡា បានជូនដំណឹងថា នៅ​ក្នុង​ឆ្នាំ​២០២៣នេះ កម្មវិធី​អាហារូបករណ៍ "Brunei Darussaiam Scholarship on Enhancing Professional...

អាហារូបករណ៍ថ្នាក់បរិញ្ញាបត្រជាន់ខ្ពស់ពីមជ្ឈមណ្ឌលសហប្រតិបត្តិការអន្តរជាតិកូរ៉េ សម្រាប់មន្រ្តីក្រសួងយុត្តិធម៌

ព័ត៌មានអាហារូបករណ៍, ព្រឹត្តិការណ៍

• 18/11/2025

ក្រសួងយុត្តិធម៌ កំពុងប្រកាសជ្រើសរើសមន្រ្តីចំណុះក្រសួង​ចំនួន ៥នាក់ ឱ្យ​ទទួលអាហារូបករណ៍ថ្នាក់បរិញ្ញាបត្រជាន់ខ្ពស់ ទៅ​សិក្សា​នៅ​ប្រទេសកូរ៉េ ក្រោម​កម្មវិធីរបស់មជ្ឈមណ្ឌលសហប្រតិបត្តិការអន្តរជាតិកូរ៉េ (KOICA) ឆ្នាំសិក្សា២០២៦។

ឱកាសអាហារូបករណ៍ថ្នាក់បរិញ្ញាបត្រ ១៥កន្លែង នៅសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE)

ព័ត៌មានអាហារូបករណ៍, ព្រឹត្តិការណ៍

• 28/09/2026

សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE) ផ្ដល់ជូនអាហារូបករណ៍សរុបចំនួន ១៥កន្លែង លើកម្រិតថ្នាក់បរិញ្ញាបត្រ សម្រាប់ឆ្នាំសិក្សា២០២៦-២០២៧។

ឱកាសសិក្សា​ថ្នាក់បរិញ្ញាបត្រ និង​បរិញ្ញាបត្រជាន់ខ្ពស់ នៅ​សាកលវិទ្យាល័យលីមកុកវីង ពីកម្មវិធីអាហារូបករណ៍ អ.ម.ត.

ព័ត៌មានអាហារូបករណ៍, ព្រឹត្តិការណ៍

• 10/12/2025

គណៈកម្មាធិការ​អាហារូបករណ៍​សិស្ស-និស្សិត​ក្រីក្រ សម្តេចអគ្គមហាសេនាបតីតេជោ ហ៊ុន សែន និង​សម្តេចកិត្តិព្រឹទ្ធបណ្ឌិត បានប្រកាស​ផ្តល់អាហារូបករណ៍តាមរយៈ​សម្តេចមហាបវរធិបតី ហ៊ុន ម៉ាណែត និង​លោកជំទាវ​បណ្ឌិត ពេជ ចន្ទមុន្នី សិក្សា​នៅ...

ACE ផ្តល់អាហារូបករណ៍​ដល់សិស្សនិស្សិតចំនួន ៣១កន្លែង

ព័ត៌មានអាហារូបករណ៍, ព្រឹត្តិការណ៍

• 25/08/2023

មជ្ឈមណ្ឌលអូស្រ្តាលី​សម្រាប់ការបណ្តុះបណ្តាល ប្រកាស​ផ្តល់អាហារូបករណ៍​ដល់​សិស្ស​និស្សិតចំនួន៣១កន្លែង ដោយ​ម្នាក់ៗ​នឹង​ទទួល​បាន​អាហារូបករណ៍​រយៈពេល​១ឆ្នាំ។

អាហារូបករណ៍ពេញថ្លៃផ្នែក «វេជ្ជសាស្ត្រ និងសុខាភិបាល» សិក្សា​នៅសហព័ន្ធរុស្ស៊ី ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 20/10/2026

អាហារូបករណ៍ផ្នែកវេជ្ជសាស្ត្រ និងសុខាភិបាលសិក្សានៅសហព័ន្ធរុស្ស៊ី សម្រាប់ឆ្នាំ២០២៦–២០២៧

ឱ​កាស​អាហារូបករណ៍​ ​Lester​ ​B​.​ ​Pearson​ ​ទៅ​សិក្សា​នៅ​ ​University​ ​of​ ​Toronto​ ​សម្រាប់​ឆ្នាំ​២០២៧​

ព័ត៌មានអាហារូបករណ៍, ព្រឹត្តិការណ៍

• 14/07/2026

​ឱកាស​សម្រាប់​សិស្សានុសិស្ស​កម្ពុជា​ដែល​បញ្ចប់​ថ្នាក់​ទី​១២​ ​ហើយ​មាន​បំណង​ចង់​បន្ត​ការ​សិក្សា​ថ្នាក់​បរិញ្ញាបត្រ​នៅ​ប្រទេស​កាណាដា​បាន​មកដល់​ហើយ​។ ​ពេលនេះ​អាហារូបករណ៍​ ​Lester​ ​B​.​ ​Pearson​ ​International​ ​Scholarship​ ​2027​