ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
នៅក្នុងយុគសម័យឌីជីថល ការចូលលេងកម្សាន្តនៅតាមបណ្តាញសង្គម គឺជារឿងធម្មតា ប៉ុន្តែត្រូវចងចាំថា អ្នកត្រូវប្រុងប្រយ័ត្នចំពោះអ្វីដែលអ្នកចែកចាយនៅលើអនឡាញ ឬបណ្តាញសង្គមទាំងនោះ។ តាមរយៈយុទ្ធនាការការពារកុមារ និងក្មេងជំទង់តាមប្រព័ន្ធអ៊ីនធឺណេត អង្គការ UNICEF Cambodia បានបង្ហាញគន្លឹះ ៥ ដែលអាចជួយក្មេងជំទង់ យុវជន ក៏ដូចជាប្រជាពលរដ្ឋទូទៅ ក្នុងការពារខ្លួននៅលើអនឡាញ។
១. គិតមុនពេលបង្ហោះអ្វីមួយ ៖ សូមចាំថា នៅពេលអ្នកបង្ហោះអ្វីមួយ អ្នកមានលទ្ធភាពតិចតួចបំផុតក្នុងការគ្រប់គ្រងទៅលើអ្វីដែលអ្នកផ្សេងនឹងយកព័ត៌មាននោះទៅប្រើប្រាស់បន្ទាប់។
២. កំណត់ឯកជនភាព (privacy setting) ៖ កំណត់មុខងារឯកជនភាព នៅលើគណនីរបស់អ្នកទាំងអស់។ ការធ្វើបែបនេះ អ្នកអាចកំណត់ថា អ្នកណាខ្លះអាចមើលឃើញប្រវត្តិរូប រូបភាព វីដេអូ និងខ្លឹមសារដែលអ្នកបង្ហោះ។
៣. គ្រោះថ្នាក់បង្កដោយជនមិនស្គាលគ្នា ៖ មុនពេលអ្នកយល់ព្រមទទួលយកនរណាម្នាក់ជាមិត្ត ឬឆ្លើយតបសាររបស់ពួកគេ សូមគិតម្តងហើយម្តងទៀតថា អ្នកពិតជាចង់អនុញ្ញាតឱ្យមនុស្សនេះដឹងពីជីវិតរបស់អ្នកមែន ឬ។ សូមចាំថា ពួកគេនឹងអាចមើលឃើញអ្វីៗទាំងអស់ដែលអ្នកបង្ហោះ និងព័ត៌មានលម្អិតជាច្រើនអំពីជីវិតរបស់អ្នក។
៤. បញ្ឈប់ការរករឿងឈ្លោះ ៖ ក្នុងករណីដែលអ្នកមិនយល់ស្របជាមួយអ្នកណាម្នាក់ សូមផ្តល់មតិត្រឡប់បែបស្ថាបនាប្រកបដោយការគោរព ជំនួសឱ្យការគំរាមកំហែង ឬប្រាប់ពួកគេពីអ្វីដែលអ្នកមិនពេញចិត្ត។
៥. រាយការណ៍សកម្មភាពដែលគួរឱ្យសង្ស័យ ៖ ប្រសិនបើអ្នកគ្មានអារម្មណ៍សុវត្ថិភាព ឬឃើញអ្វីដែលធ្វើឱ្យអ្នកគ្មានអារម្មណ៍ស្រណុកចិត្ត សូមបិទគេហទំព័រនោះភ្លាម ឬប្លុក ហើយនិយាយជាមួយមនុស្សពេញវ័យដែលអ្នកទុកចិត្ត៕
