ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
អង្គភាពប្រឆាំងអំពើពុករលួយ (ACU) បានប្រកាសថា ខ្លួននឹងបន្តចូលរួមសង្កេតការណ៍ នៅក្នុងការប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុប សម័យប្រឡងថ្ងៃទី១០ សីហា ឆ្នាំ២០២៦។ សម្រាប់ការប្រឡងនេះ ACU ក៏ប្រកាសជ្រើសរើសអ្នកសង្កេតការណ៍ស្ម័គ្រចិត្តសរុបចំនួន ៤១៥០នាក់ ដើម្បីចូលរួមសង្កេតការណ៍តាមមណ្ឌលប្រឡងរាជធានី-ខេត្ត។
ចំណោមអ្នកស្ម័គ្រចិត្តទាំងជាង ៤ពាន់នាក់ ក្នុងនោះបន្ទាយមានជ័យ ជ្រើសរើសចំនួន ១៦៨នាក់, ព្រៃវែង ២៧៣នាក់, បាត់ដំបង ២៥២នាក់, ពោធិ៍សាត់ ១០១នាក់, កំពង់ចាម ២៦៥នាក់, រតនគិរី ៥៣នាក់, កំពង់ឆ្នាំង ១៣៦នាក់, សៀមរាប ៣០៤នាក់, កំពង់ស្ពឺ ១៨០នាក់, ព្រះសីហនុ ៧០នាក់, កំពង់ធំ ១៧៥នាក់, ស្ទឹងត្រែង ៣៨នាក់, កំពត ១៤៨នាក់, ស្វាយរៀង ១៣៩នាក់, កណ្តាល ៣៦៣នាក់, តាកែវ ២៧០នាក់, កោះកុង ៣៨នាក់, កែប ១៥នាក់, ក្រចេះ ៧៦នាក់, ប៉ៃលិន ២២នាក់, មណ្ឌលគិរី ២៥នាក់, ឧត្តរមានជ័យ ៤៨នាក់, ភ្នំពេញ ៧៦៧នាក់, ត្បូងឃ្មុំ ១៦៧នាក់ និងព្រះវិហារ៥៧នាក់។
បើតាម ACU អ្នកដែលអាចចុះឈ្មោះធ្វើជាអ្នកសង្កេតការណ៍ស្ម័គ្រចិត្ត ត្រូវមានអាយុចាប់ពី ២១ឆ្នាំឡើងទៅ, ជានិស្សិត ឬបុគ្គលផ្សេងទៀតក្រៅពីព្រះសង្ឃ (កំពុងគង់ចាំព្រះវស្សា) គ្រូបង្រៀន មន្រ្តីរាជការសាធារណៈ និងអ្នកសារព័ត៌មាន, មិនត្រូវចូលរួមសង្កេតការណ៍ក្នុងមណ្ឌលប្រឡងដែលមានបងប្អូន សាច់ញាតិ ឬមិត្តភក្តិជាបេក្ខជនប្រឡង ដែលនេះជាទំនាស់ផលប្រយោជន៍, ត្រូវ ឬធ្លាប់ បានចូលរួមវគ្គបណ្តុះបណ្តាល និងកិច្ចប្រជុំផ្សព្វផ្សាយស្តីពីការងារសង្កេតការណ៍ការប្រឡងសញ្ញាបត្រមធ្យមសិក្សាទុតិយភូមិ, ត្រូវទាញយកកម្មវិធី Angkor Life មកប្រើប្រាស់សម្រាប់ការជូនដំណឹង និង Telegram សម្រាប់ទំនាក់ទំនងការងារសង្កេតការណ៍, មានមធ្យោបាយ ធនធាន ពេលវេលាគ្រប់គ្រាន់ សម្រាប់បំពេញការងារសង្កេតការណ៍ស្ម័គ្រចិត្តដោយខ្លួនឯង រួមទាំងមធ្យោបាយធ្វើដំណើរ, គោរពតាមច្បាប់ បទប្បញ្ញត្តិ លិខិតបទដ្ឋានគតិយុត្តជាធរមាន ការចាត់តាំង ដឹកនាំ ប្រគល់ភារកិច្ចរបស់ក្រុមដឹកនាំសង្កេតការណ៍ថ្នាក់កណ្តាល ថ្នាក់រាជធានី-ខេត្ត និងថ្នាក់មណ្ឌល ជាពិសេសគោរពបានយ៉ាងខ្ជាប់ខ្ជួនបទប្បញ្ញត្តិ សេចក្តីណែនាំ យល់ពីតួនាទីភារកិច្ចសង្កេតការណ៍ស្ម័គ្រចិត្ត។
សម្រាប់ការចុះឈ្មោះធ្វើជាអ្នកសង្កេតការណ៍ស្ម័គ្រចិត្តចាប់ពីថ្ងៃជូនដំណឹងនេះ រហូតដល់ថ្ងៃទី២២ ខែកក្កដា ឆ្នាំ២០២៦ វេលាម៉ោង ២៤:០០នាទី។
ដើម្បីងាយស្រួលដាក់ពាក្យសុំធ្វើជាអ្នកសង្កេតការណ៍ស្ម័គ្រចិត្តនេះ បេក្ខជនសូមបំពេញពាក្យសុំដោយភ្ជាប់មកជាមួយនូវអត្តសញ្ញាណច្បាស់លាស់ ដូចជា អត្តសញ្ញាណបណ្ណ ឬបណ្ណសម្គាល់ខ្លួន (និស្សិត បុគ្គលិកឯកជន) និង រូបថត (4x6) ផ្ទៃពណ៌ស ឬផ្ទៃមេឃ ថត៦ខែចុងក្រោយ តាមរយៈ [តំណភ្ជាប់] នេះ៕
