ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – សកម្មភាពទប់ស្កាត់អំពើហិង្សាលើកុមារជាភារកិច្ចរួមរបស់បុគ្គលគ្រប់រូប និងគ្រប់ស្ថាប័នការងារពាក់ព័ន្ធ ។ អំពើហិង្សាលើកុមារជារូបភាពមួយដែលបង្កផលប៉ះពាល់យ៉ាងខ្លាំង ដោយផ្ទាល់និងប្រយោលដល់ការអភិវឌ្ឍធនធានមនុស្ស និងសេដ្ឋកិច្ចសង្គម។ ទន្ទឹមគ្នានេះអំពើហិង្សាលើកុមារ អាចក្លាយជាគំរូហិង្សាតជំនាន់ ប្រសិនបើបញ្ហាទាំងនោះមិនបានទប់ស្កាត់ ឬបញ្ចប់ឱ្យទាន់ពេលវេលា។អង្គការសហប្រជាជាតិបានកំណត់និយមន័យ នៃអំពើហិង្សាលើកុមារ ដោយចែងនៅក្នុងមាត្រា១៩ នៃអនុសញ្ញាស្តីពីសិទ្ធិកុមារថា គ្រប់ទម្រង់នៃអំពើហិង្សាផ្លូវកាយ ឬអំពើហិង្សាផ្លូវចិត្ត ការធ្វើឱ្យមានរបួស ឬការរំលោភបំពាន ការទុកចោល ការមិនអើពើ ការធ្វើបាប ឬការកេងប្រវ័ញ្ច រួមទាំងការរំលោភបំពានផ្លូវភេទ។ ខាងក្រោមនេះ ជាភារកិច្ចទាំង ៥ចំណុចដែលបុគ្គលគ្រប់រូប និងគ្រប់ស្ថាប័នការងារពាក់ព័ន្ធ ចូលរួមបញ្ចប់អំពើហិង្សាលើកុមារនៅត្រឹមឆ្នាំ២០៣០ ។
១. បញ្ឈប់រាល់ទម្រង់នៃអំពើហិង្សាលើកុមារ ៖ ការបញ្ចប់អំពើហិង្សាលើកុមារជាភារកិច្ចទាំងអស់គ្នា រាប់ទាំងសមាជិកគ្រួសារ បរិស្ថាន សាលារៀន និងសហគមន៍។ បញ្ចប់អំពើហិង្សាលើកុមារត្រូវជំនួសដោយការអប់រំជាវិជ្ជមានទៅកាន់កុមារដោយអហិង្សា។ កុមារនឹងមិនរងទារុណកម្មផ្លូវចិត្ត ផ្លូវកាយ និងការគំរាមកំហែងផ្សេងៗឡើយ នៅពេលដែលម្តាយឪពុក ឬអាណាព្យាបាល និងអ្នកថែទាំងកុមារយកចិត្តទុកដាក់។ បញ្ចប់ទម្រង់ នៃអំពើលើកុមារចាប់ផ្តើមពីមនុស្សធំផ្តល់ចូលរួមលើកកម្ពស់សិទ្ធិកុមារ។
២. ការពង្រឹងទិន្នន័យ និងការតាមដានត្រួតពិនិត្យលើកិច្ចការពារកុមារ ៖ រាល់ពេលឃើញរូបភាពផ្សេងៗដែលបំពានលើកុមារ ឬប្រព្រឹត្តអំពើហិង្សាលើកុមារត្រូវរាយការណ៍ទៅកាន់អ្នកពាក់ព័ន្ធ អាជ្ញាធរមូលដ្ឋាន ឬធ្វើខ្លួនជាដំណោះស្រាយសម្រាប់បញ្ហាដែលកុមារបានជួប។ កិច្ចការពារកុមារចាប់ផ្តើមពីការចូលរួមតាមដានត្រួតពិនិត្យលើកិច្ចការពារកុមារ។
៣. ជួយជំរុញដល់ឪពុកម្ដាយ ឬអាណាព្យាបាល និងអ្នកថែទាំធ្វើឱ្យកុមារមានសុវត្ថិភាព ៖ ផ្តល់ព័ត៌មានពីរបៀបអប់រំកូនដោយវិជ្ជមានទៅកាន់ម្តាយឪពុក ឬអាណាព្យាបាល និងអ្នកថែទាំកុមារ។ មានវិធីសាស្ត្រជាច្រើនដែលអាចជួយឱ្យម្តាយឪពុករបស់ពួកគេផ្លាស់ប្តូរឥរិយាបថវិជ្ជមានចំពោះការអប់រំកុមារ។ ការអប់រំនេះ អាចរៀបចំសម្រាប់ម្តាយឪពុក និងអ្នកថែទាំជាក្រុម ឬអប់រំជាលក្ខណៈសហគមន៍។ បើតាមអ្នកជំនាញអប់រំកុមារតូចបានបញ្ជាក់ថា គំរូអហិង្សា ជាការអប់រំកូនដ៏ល្អបំផុតសមស្របសម្រាប់ការអប់រំសម័យទំនើប។
៤. ចូលរួមធ្វើឱ្យបណ្ដាញអ៊ិនធឺណិតមានសុវត្ថិភាពសម្រាប់កុមារ ៖ សុវត្ថិភាពអ៊ីនធឺណេតសម្រាប់កុមារជាចំណុចសំខាន់ដែលអាចបញ្ជៀសកុមារពីការបៀតបៀន ឬការរំលោភបំពានផ្សេងៗ ពិសេសការបៀតបៀនផ្លូវភេទដល់កុមារ។ ការរំលោភបំពានផ្លូវភេទលើកុមារអាចកើតឡើងគ្រប់ពេល ប្រសិនបើម្តាយឪពុក ឬអាណាព្យាបាលធ្វេសប្រហែសចំពោះការប្រើប្រាស់អ៊ីនធឺណេតរបស់កូន។
ជាក់ស្តែងកន្លងទៅ ឯកឧត្តម នឹម ថូត រដ្ឋលេខាធិការប្រចាំការ នៃក្រសួងសង្គមកិច្ច អតីតយុទ្ធជន និងយុវនីតិសម្បទា បានមានប្រសាសន៍ថា ទន្ទឹមនឹងការអភិវឌ្ឍសកលភាវូបនីយកម្ម និងបច្ចេកវិទ្យា ប្រទេសអភិវឌ្ឍន៍ និងប្រទេសកំពុងអភិវឌ្ឍន៍កំពុងជួបប្រទះបញ្ហាប្រឈមជាច្រើនក្នុងការបញ្ចប់អំពើហិង្សាលើកុមារ។ អំពើហិង្សាលើកុមារទោះក្នុងទម្រង់ណាមួយក៏ដោយ សុទ្ធសឹងជាសកម្មភាពដែលមិនអាចអត់ឱនបាន ព្រោះអំពើហិង្សានេះបានបង្កជាផលប៉ះពាល់យ៉ាងអន្តរាយដល់ការអភិវឌ្ឍរបស់កុមារ សីលធម៌សង្គម សេចក្តីថ្លៃថ្នូរ និងការអភិវឌ្ឍធនធានមនុស្សនាពេលអនាគត។
៥. ចូលរួមធ្វើឱ្យសាលារៀនមានសុវត្ថិភាព គ្មានអំពើហិង្សា និងប្រកបដោយបរិយាប័ន្ន៖ ការអប់រំកុមារដោយបរិយាប័ន្នជាចំណុចសំខាន់មួយនៅក្នុងការអប់រំសម័យទំនើប ដោយសារការអប់រំរបៀបនេះបានដាក់បញ្ចូលភាពចម្រុះ និងការចូលរួមរបស់កុមារបានពេញលេញ។ គ្មានរូបភាពរើសអើងលើកុមារគ្រប់ទម្រង់ នោះនឹងផ្តល់លទ្ធភាពឱ្យកុមារបានបញ្ចេញសក្តានុពលរបស់ពួកគេបានពេញលេញ សុវត្ថិភាព កុមារមានសីលធម៌ ព្រមទាំងបង្កើតក្តីស្រឡាញ់ដ៏ស្រស់បំព្រងនៅក្នុងដំណើរជីវិតរបស់ពួកគេ។
សូមជម្រាបថា ដើម្បីលើកកម្ពស់កិច្ចការពារកុមារ និងសុខុមាភាពកុមារ រាជរដ្ឋាភិបាលកម្ពុជាកំពុងអនុវត្តច្បាប់គតិយុត្តិ គោលនយោបាយ និងផែនការសកម្មភាពជាតិមួយចំនួនដូចជា ក្របខ័ណ្ឌគោលនយោបាយជាតិគាំពារសង្គម (ឆ្នាំ២០១៦-២០២៥), គោលនយោបាយជាតិស្តីពីប្រព័ន្ធកិច្ចការពារកុមារ (ឆ្នាំ២០១៩-២០២៩), ច្បាប់ស្តីពីយុត្តិធម៌សម្រាប់អនីតិជន, ច្បាប់ស្តីពីស្មុំកូនអន្តរប្រទេស, សេចក្តីព្រាងច្បាប់ស្តីពីកិច្ចការពារកុមារ និងលិខិតបទដ្ឋានគតិយុត្តពាក់ព័ន្ធផ្សេងៗទៀត។ ការការពារកុមារ និងយុវជនពីអំពើហិង្សា គឺជាការចាំបាច់ មិនត្រឹមតែដើម្បីសុខុមាលភាព និងការអភិវឌ្ឍរយៈពេលវែងរបស់ពួកគេប៉ុណ្ណោះទេ ប៉ុន្តែវាក៏ចាំបាច់សម្រាប់ការអភិវឌ្ឍរបស់ប្រទេសជាតិផងដែរ៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសអាហារូបករណ៍ ៥០កន្លែងសម្រាប់និស្សិតកម្ពុជា ទៅបន្តការសិក្សានៅប្រទេសចិន តាមរយៈកម្មវិធី 2025-Skilk Road Program
ព័ត៌មានអាហារូបករណ៍, ព្រឹត្តិការណ៍
• 13/05/2025
ក្រោមកិច្ចសហការរវាងសមាគមនិស្សិតកម្ពុជាប្រចាំសាធារណរដ្ឋប្រជាមានិតចិន និងសាកលវិទ្យាល័យមួយចំនួននៅប្រទេសចិន សមាគមបានប្រកាសពីការផ្តល់អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ចំនួន៥០កន្លែង ដែលជាប្រភេទអាហារូបករណ៍...
តើអ្នកណាខ្លះអាចស្នើពាក្យប្រឡងអាហារូបករណ៍ Chevening ?
ព័ត៌មានអាហារូបករណ៍, ព្រឹត្តិការណ៍
• 03/08/2023
កម្មវិធីអាហារូបករណ៍Chevening ជាមូលនិធិសិក្សាឥតគិតថ្លៃនៅចក្រភពអង់គ្លេស ថ្នាក់បរិញ្ញាបត្រជាន់ខ្ពស់សម្រាប់និស្សិតអន្តរជាតិ ។ តើបេក្ខជនត្រូវមានលក្ខខណ្ឌមស្រប់អ្វីខ្លះអាចស្នើ...
អាហារូបករណ៍ថ្នាក់បរិញ្ញាបត្រចក្ខុគិលានុបដ្ឋាក នៅសាកលវិទ្យាល័យវិទ្យាសាស្ត្រសុខាភិបាល ឆ្នាំសិក្សា២០២៤-២០២៥
ព័ត៌មានអាហារូបករណ៍, ព្រឹត្តិការណ៍
• 19/02/2025
សាកលលវិទ្យាល័យវិទ្យាសាស្ត្រសុខាភិបាល នឹងធ្វើការជ្រើសរើសនិស្សិតចូលសិក្សាថ្នាក់បរិញ្ញាបត្រចក្ខុគិលានុបដ្ឋាក ជំនាន់ទី៩ ចំនួន៥០នាក់ ដោយក្នុងនោះនឹងផ្ដល់អាហារូបករណ៍ចំនួន៥កន្លែងពីកម្មវិធីអាហារូបករណ៍ The Fred Hollows Foundation...
ឱកាសសិក្សាអាហារូបករណ៍ថ្នាក់បរិញ្ញាបត្រនៅប្រទេសថៃ ពីកម្មវិធីអាហារូបករណ៍ Child’s Dream University Scholarship ឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 15/01/2024
ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យជាច្រើននៅក្នុងប្រទេសថៃពីកម្មវិធីអាហារូបករណ៍ Child’s Dream University Scholarship ...
អាហារូបករណ៍ថ្នាក់បរិញ្ញាបត្រជាន់ខ្ពស់ជំនាញសុរិយោដី និងអភិរក្ស ១០០% និង៥០% នៅសាកលវិទ្យាល័យអន្តរជាតិ
ព័ត៌មានអាហារូបករណ៍, ព្រឹត្តិការណ៍
• 09/02/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យអន្តរជាតិ(IU) ចំនួន២៧កន្លែងសម្រាប់ឆ្នាំសិក្សា២០២៤។ អាហារូបករណ៍ផ្ដល់ជូន...
ឱកាសអាហារូបករណ៍សិក្សាថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យ Mae Fah Luang ប្រទេសថៃ
ព័ត៌មានអាហារូបករណ៍, ព្រឹត្តិការណ៍
• 19/04/2023
ក្រោមកម្មវិធី Boon Rawd Scholarship 2023 សាកលវិទ្យាល័យ Mae Fah Luang ខេត្តឈៀងរ៉ៃ នៃព្រះរាជាណាចក្រថៃ បានប្រកាសជ្រើសរើសនិស្សិតកម្ពុជាចំនួន ២រូប...
ឱកាសសិក្សាថ្នាក់ឧត្ដមសិក្សាពីកម្មវិធីអាហារូបករណ៍ MEXT ប្រទេសជប៉ុនឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 16/06/2023
កម្មវីធីអាហារូបករណ៍ MEXT ប្រកាសផ្ដល់អាហារូបករណ៍ថ្នាក់ឧត្ដមសិក្សានៅប្រទេសជប៉ុនសម្រាប់និស្សិតបរទេសឆ្នាំសិក្សា២០២៤ ។ អាហារូបករណ៍ជាការឧបត្ថម្ភគាំទ្ររ...
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតពីកម្មវិធី Melbourne Graduate Research
ព័ត៌មានអាហារូបករណ៍, ព្រឹត្តិការណ៍
• 11/07/2024
ឱកាសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតនៅសាកលវិទ្យាល័យ Melbourne ពីកម្មវិធី Melbourne Graduate ...
ឱកាសអាហារូបករណ៍ទៅសិក្សានៅប្រទេសរុស្ស៊ីចំនួន៤០កន្លែង សម្រាប់ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 23/01/2023
សមាគមនិស្សិតខ្មែរប្រចាំសហព័ន្ធរុស្ស៊ីបានជូនដំណឹងថា ក្នុងឆ្នាំសិក្សា២០២៣នេះ រដ្ឋាភិបាល នៃសហព័ន្ធរុស្ស៊ី នឹងផ្តល់អាហារូបករណ៍ចំនួន ៤០កន្លែងដល់សិស្ស និស្សិត ...
កម្មវិធីពិសេសរបស់ AMS EDUCATION
ព័ត៌មានសង្ខេប
