កំហឹងតែងតែកើតមកលើមនុស្សជារឿងធម្មតា ប៉ុន្តែការឆ្លើយតបនឹងកំហឹងប្រកបដោយភាពវិជ្ជមាន មិនមែនជារឿងសាមញ្ញពេកទេ! ប៉ុន្តែមនុស្សនៅតែអាចគ្រប់គ្រងបានក្នុងរូបភាពណាមួយ ប្រសិនបើមានការហ្វឹកហាត់ព្រមជាមួយគន្លឹះដែលមានប្រសិទ្ធភាព ។ ដើម្បីបំប្លែងកំហឹងឱ្យមានភាពវិជ្ជមានបាន បើតាមគេហទំព័រ bestlifeonline ចែករំលែកគន្លឹះចំនួន៥ ខាងក្រោមនេះ ៖​

១. បញ្ចេញកំហឹងដោយវិធីច្នៃប្រតិដ្ឋ  ៖ ការបញ្ចេញកំហឹង តាមរយៈវិធីសាស្រ្តមួយ ដែលមានភាពច្នៃប្រតិដ្ឋ គឺជួយឱ្យអ្នកអាចដោះស្រាយបញ្ហាបាន រួមទាំងមានផលជះជាវិជ្ជមានផងដែរ ។ បើតាមការសិក្សាបែបចិត្តវិទ្យា ការសរសេរកំណត់ត្រាប្រចាំថ្ងៃ ជាវិធីដ៏មានឥទ្ធិពលមួយ សម្រាប់អ្នកដែលមានអារម្មណ៍មិនល្អ ឬបុគ្គលកំពុងមានកំហឹង ដើម្បីបញ្ចេញមកក្រៅដោយវិធីច្នៃប្រតិដ្ឋ ។ ដោយហេតុថា ការសរសេរកំណត់ត្រា គឺនាំមកនូវ វិធីឆ្លុះបញ្ចាំងមួយដែលមាន ផាសុកភាព ​និងសុវត្ថិភាព ហើយមិនប៉ះពាល់អ្នកដទៃ។

២. បំបែកកិច្ចសន្ទនា ៖ គឺមានន័យថា បើកឱកាសក្នុងការជជែក​ ជាពិសេសពេលដែលមិនទាន់ស្គាល់គ្នាច្បាស់។ កិច្ចសន្ទនាអាចធ្វើឡើង តាមរយៈការបំផុសនូវសំណួរបើក ស្វែររកចំណុចរួមឬដូចគ្នា បង្ហាញពីភាព​​​​​​​ត្រង់ និងការចាប់អារម្មណ៍ទៅលើភាភីម្ខាងទៀត។ ពេលខ្លះកំហឹង គឺត្រូវការផ្លាស់ប្តូរមួយនាំឱ្យមានភាពប្រសើរជាងមុនដោយការយល់ពីគ្នា ជាជាងការគេចវេស។ ដូច្នេះហើយ ការ​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​បំប្លែងកំហឹង ​​​​​​​​​​​​​​​​​​​​​​​​​​ឱ្យទៅជាកិច្ចសន្ទនាមួយ ដែលមានប្រសិទ្ធភាព វាក៏ជួយឱ្យលោកអ្នកអាចយល់ពីអារម្មណ៍ខ្លួនឯងច្រើនជាងមុន ហើយជាធ្លុងមួយក្នុងការសម្រេចចិត្តនៅកិច្ចការបន្ទាប់។

៣. ទុកពេលគិតដើម្បីរកដំណោះស្រាយ ៖ ព្យាយាមប្រើប្រាស់សមត្ថភាព ឬបទពិសោធន៍ដើម្បីយកទៅដោះស្រាយ និងអាចឆ្លើយតបរាល់បញ្ហាដែលកំពុងកើតមាន។ ជារឿយៗ កំហឹងតែងតែបង្ហាញប្រាប់អំពីភាពខុសឆ្គងណាមួយ ហេតុដូចនេះហើយ ត្រូវរកឱ្យឃើញថា តើកំហឹងវាកំពុងតែផ្តល់ឱ្យអ្នកនូវមេរៀនអ្វីខ្លះ? និងធ្វើយ៉ាងណាទុកចន្លោះ ស្វែងរកដំណោះស្រាយជាមុនសិន។

៤. ធ្វើសកម្មភាពសប្បាយៗ ៖ សកម្មភាព ដែលបង្កនូវភាពសប្បាយរីករាយ មានច្រើនប្រភេទ។ ដូច្នេះហើយជ្រើសអ្វីដែលលោកអ្នកចូលចិត្ត ហើយនឹងផ្តល់ផលវិជ្ជមានទៅកាន់ខ្លួនឯង។ កំហឹងជាអារម្មណ៍ដែលកើតមានភ្លាមៗ ទន្ទឹមគ្នានោះក៏ត្រូវស្វែងរកអ្វីដែលនាំឱ្យអ្នកសប្បាយចិត្តក្នុងរយៈពេលលឿនតាមដែលអាចធ្វើបាន តាមរយៈសកម្មភាពដូចជា ច្រៀង ស្រែកឮៗនៅក្នុងឡាន  ហាត់កីឡាប្រដាល់ និងសកម្មភាពនានាទៀត។

៥. ប្រើប្រាស់ចម្រៀង ៖ ជ្រើសរើសចម្រៀងណា ដែលស្របនឹងស្ថានភាពបច្ចុប្បន្ន ព្រោះវាជួយឱ្យលោកអ្នក ទទួលបានអារម្មណ៍ថា អ្នកមិនមែនតែឯងនោះទេ ពីព្រោះកំហឹងខ្លះកើតពីអារម្មណ៍ឯកជន ដូច្នេះក៏ត្រូវតែមានវិធីដោះស្រាយតាមរបៀបបុគ្គលដែរ៕