ឥទ្ធិពលវិជ្ជមាន នៃការប្រកាន់ភ្ជាប់របៀបរស់នៅល្អ

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត

របៀបរស់នៅល្អ ឬផាសុកភាព សំដៅលើការផ្តល់ភាពសំខាន់ចំពោះសុខភាពរាងកាយ តាមរយៈការប្រកាន់ភ្ជាប់នូវទម្លាប់ល្អៗ អាកប្បកិរិយាល្អ និងឥរិយាបថទាំងឡាយណាដែលរួមចំណែក ធ្វើឱ្យរាងកាយកាន់តែមានភាពធន់ និងកាត់បន្ថយហានិភ័យជំងឺ ជារួមគឺជាការប្រព្រឹត្តិសកម្មភាព ដែលផ្តល់ការថែទាំទៅកាន់រាងកាយ។ ដោយឡែកផ្នត់គំនិតវិជ្ជមានវិញសំដៅលើការយកចិត្តទុកដាក់អំពីសុខភាពផ្លូវចិត្ត ក៏ដូចជាសុខុមាលភាពទាំងមូល រួមមានការអភិវឌ្ឍន៍ផ្នត់គំនិត មានឥរិយាបថប្រពៃ និងការប្រើប្រាស់អារម្មណ៍ប្រកបដោយភាពឈ្លាសវៃ។

របៀបរស់នៅ ដែលគិតគួរអំពីការធ្វើសកម្មភាពនាំមកនូវសុខភាពល្អ ជាកត្តារួមចំណែកឱ្យការរស់នៅមានភាពរីកចម្រើន និងរក្សាថាមពលដែលតទល់នឹងបញ្ហាប្រឈមនានា។ យ៉ាងណាក៏ដោយ ការរក្សាទម្លាប់ល្អៗទៅបានពុំមែនជាសកម្មភាពងាយស្រួលពេកទេ គឺត្រូវការ ការរៀបចំកាលវិភាគ ផែនការសកម្មភាព ក៏ដូចជាការប្តេជ្ញាចិត្តខ្ពស់។ តាមរយៈគេហទំព័រ Usfhealth បង្ហាញជូនអំពីសកម្មភាពដែលគួរអុវត្តន៍ដូចតទៅ។

១. រាងកាយត្រូវការមានភាពសកម្មរាល់ថ្ងៃ ៖ សកម្មភាពរាងកាយ យ៉ាងហោចណាស់៣០នាទីរៀងរាល់ថ្ងៃ ក្នុងករណីចាប់ផ្តើមដំបូងៗ គួរបំបែកឱ្យទៅជាបំណែកតូចៗ ដោយអនុវត្តន៍ម្តងត្រឹមតែ១០នាទី ការបន្តធ្វើបែបនេះបន្តិចម្តងៗ រហូតសម្រេចបាននូវផែនការ។ ដោយឡែកសកម្មភាពទាំងនោះមានដូចជា ដើរជុំវិញសួនច្បារ ហាត់កីឡា រាំកម្សាន្ត ការរត់ និងហាត់យូហ្គាជាដើម។

២. តុល្យភាពនៃការទទួលទានប្រចាំថ្ងៃ ៖ ដើម្បីឱ្យមានតុល្យភាពទៅបាន ចាំបាច់កក្នុងការបែងចែកប្រភេទអាហារ ទៅតាមពេលវេលា និងតាមប្រភេទអាហារូបត្ថម្ភ ហើយការជ្រើសរើសអាហារទៀតសោធ គួរជ្រើសអាហារ ឬសាច់ត្រីណាដែលមានជាតិខ្លាញ់ទាប កូលេស្តេរ៉ុលទាប កម្រិតនៃជាតិស្ករ, អំបិល និងខ្លាញ់គួរតែត្រូវកាត់បន្ថយតាមដែលអាចធ្វើបាន ឬតាំងចិត្តធ្វើឱ្យបានតែម្តង! ក្រៅពីនោះត្រូវមានបន្លែផ្លែឈើលាយឡំប្រចាំថ្ងៃ រួមទាំងគ្រាប់ធញ្ញជាតិជាដើម។

៣. ជៀសវាងទម្លាប់ដែលបង្កការរបួស ៖ ដោយសារតែ បែបបទនៃការរស់នៅខុសគ្នា ដំណើរផ្សងព្រេងក៏ខុសគ្នា! ដូចនេះរបៀបនៃការការពារក៏មានភាពខុសប្លែកគ្នាដែរ។ ប៉ុន្តែសកម្មភាពជាទូទៅ ដែលអាចអធិប្បាយបាននោះគឺរៀងរាល់ពេលធ្វើដំណើរគួរពាក់ខ្សែក្រវ៉ាត់ ជាពិសេសពេលជិះរថយន្ត ឬពាក់មួកសុវត្ថិភាពពេលជិះកង់ឬម៉ូតូ បន្ថែមពីនោះប្រើប្រាស់ឧបករណ៍ឆ្លាតវៃតាមដងផ្លូវនៅពេលធ្វើដំណើរតែម្នាក់ឯង ដូចជានាឡិកាមានជីភីអេស(GPS) ជារួមការពារពីការរងរបួស ជាជាងបារម្ភអំពីបញ្ហាគ្រោះថ្នាក់ដែលកើតមាន។

៤. ផ្តាច់បារីប្រសិនបើមានទម្លាប់ជក់ ៖ ផលប៉ះពាល់អំពីការជក់បារី ត្រូវបានផ្សាយជាសាធារណៈសូម្បីតែនៅលើកញ្ចប់សម្បកផលិតផលបារី។ តែយ៉ាងណាក៏ត្រូវមានការរំឮកជាប្រចាំផងដែរ ហើយដើម្បីឱ្យបែបបទ នៃការរស់នៅល្អទៅបាន ការផ្តាច់ ឬជៀសវាងពីការសាកល្បងបារី សុទ្ធសឹងតែជាកត្តាសំខាន់ដើម្បីឈានឱ្យដល់គោលដៅនៃការចង់បាន ការរស់នៅមួយមានផាសុកភាព។

៥. កុំពិសាជាតិអាកុលឱ្យលើសពីកម្រិតដែលអាចគ្រប់គ្រងបាន ៖ ពិសាគ្រឿងស្រវឹង ឬជាតិអាកុល ពិតណាស់ គឺជាជម្រើសរបស់មនុស្សម្នាក់ៗ តែយ៉ាងណាប្រសិនបើលោកអ្នកជ្រើសរើស សូមព្យាយាមកំណត់ពីបរិមាណដែលខ្លួនឯងអាចទទួលទានបាន ដើម្បីជៀសវាងពីការរំខានចំពោះខ្លួនឯង និងអ្នកជុំវិញខ្លួន។ ជាឧទាហរណ៍មិនគួរផឹកស្រានៅពេលដែលដឹងថាខ្លួនត្រូវបើកបរ ហើយជាពិសេសមួយទៀតនោះគឺស្រ្តីមានផ្ទៃពោះមិនអាចទទួលទានសោះឡើយដើម្បីភាពល្អប្រសើរចំពោះសុខភាពខ្លួនឯងនិងកូន។

៦. ការពារខ្លួនពីការបំផ្លាញដោយពន្លឺព្រះអាទិត្យ ៖ រក្សារាងកាយ ឬស្បែក​ឱ្យនៅ​ឆ្ងាយ​ពីពន្លឺ​ព្រះអាទិត្យ ជាពិសេស​នៅ​ចន្លោះ​ម៉ោង ១០ព្រឹក ដល់ ៣រសៀល។ ដោយប្រើប្រាស់ក្រណាត់ដែលមិនស្រូបកម្តៅដើម្បីដណ្តប់លើរាងកាយ ឬប្រើប្រាស់ឡេការពារកម្តៅថ្ងៃជាដើម៕



About WordPress

របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ Fulbright បញ្ចប់ការចុះឈ្មោះចុងខែមេសានេះ

ព័ត៌មានអាហារូបករណ៍, ព្រឹត្តិការណ៍

• 08/04/2026

នៅសល់មិនដល់មួយខែទៀតទេ ពោលគឺនៅចុងខែមេសានេះ កម្មវិធីអាហារូបករណ៍ Fulbright Foreign Student Program សម្រាប់ការសិក្សាកម្រិតក្រោយឧត្តមសិក្សា (ថ្នាក់បរិញ្ញាបត្រជាន់ខ្ពស់ ឬថ្នាក់បណ្ឌិត) នៅសហរដ្ឋអាមេរិក ឆ្នាំសិក្សា ២០២៧-២០២៨

អាហារូបករណ៍ France Excellence សិក្សាថ្នាក់បណ្ឌិតនៅប្រទេសបារាំង ឆ្នាំ២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 25/03/2026

ជាឱកាសសម្រាប់និស្សិតកម្ពុជាដែលមានបំណងចង់បន្តការសិក្សានៅប្រទេសបារាំង។ ស្ថានទូតបារាំងប្រចាំកម្ពុជា បានប្រកាសបើកទទួលពាក្យសុំអាហារូបករណ៍ France Excellence (BFE) ថ្នាក់បណ្ឌិត...

ក្រសួងអប់រំ ជ្រើសរើសនិស្សិតអាហារូបករណ៍​សិក្សាថ្នាក់បណ្ឌិតគ្រប់គ្រងអប់រំ និង​ឯកទេសកម្មវិធីសិក្សា ចំនួន១៥កន្លែង

ព័ត៌មានអាហារូបករណ៍, ព្រឹត្តិការណ៍

• 22/08/2023

ក្រសួងអប់រំ យុវជន និងកីឡា ប្រកាសជ្រើសរើសនិស្សិតសិក្សាអាហារូបករណ៍ថ្នាក់បណ្ឌិតគ្រប់គ្រងអប់រំ ជំនាន់ទី៤ និងថ្នាក់បណ្ឌិតអប់រំឯកទេសកម្មវិធីសិក្សា និងវិធីសាស្ត្របង្រៀនជំនាន់ទី...

អាហារូបករណ៍ថ្នាក់ឧត្ដមសិក្សាពីរដ្ឋាភិបាលអូទ្រីសសម្រាប់ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 11/07/2025

កម្មវិធីអាហារូបករណ៍រដ្ឋាភិបាលអូទ្រីស ប្រកាសបើកទទួលពាក្យស្នើសុំអាហារូបករណ៍សិក្សាថ្នាក់ឧត្ដមសិក្សានៅសាកលវិទ្យាល័យជាច្រើនក្នុងប្រទេសអូទ្រីស សម្រាប់ឆ្នាំសិក្សា២០២៦។

ក្រសួងអប់រំប្រឡងជ្រើសរើសគ្រូបង្រៀនទៅសិក្សាអាហារូបករណ៍ Teacher Training Students នៅប្រទេសជប៉ុនឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 22/01/2024

ក្រសួងអប់រំ យុវជន និងកីឡា ប្រកាសប្រឡងជ្រើសរើសគ្រូបង្រៀនដែលកំពុងបង្រៀននៅតាមសាលាបឋមសិក្សា មធ្យមសិក្សា និងសាលាគរុកោសល្យទៅសិក្សាអាហារូបករណ៍នៃកម្មវិធី Teacher...

ស.ស.យ.ក. រាជធានីភ្នំពេញ ផ្តល់​ការ​ចុះឈ្មោះ​ប្រឡង​គណិតវិទ្យាសិង្ហបុរី ចំនួន២៥០កន្លែង ដោយ​ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 06/08/2025

ដើម្បីបន្ត​ចូលរួម​ចំណែកជា​មួយ​រាជរដ្ឋាភិបាល​ក្នុង​ការ​លើក​កម្ពស់​ធនធាន​មនុស្ស នៃព្រះរាជាណាចក្រ​កម្ពុជា សហភាព​សហព័ន្ធ​យុវជន​កម្ពុជា រាជធានីភ្នំពេញ ក្រោម​កិច្ច​សហប្រតិបត្តិការ​ជាមួយ​មជ្ឈមណ្ឌល​រៀបចំ​ការ​ប្រឡង​អូឡាំព្យាដ​សិង្ហបុរី (SIMCC)

អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យ Salford ឆ្នាំសិក្សា២០២៥-២០២៦

ព័ត៌មានអាហារូបករណ៍, ព្រឹត្តិការណ៍

• 19/05/2025

ឱកាសសម្រាប់សិស្ស និស្សិត​កម្ពុជា​ដែល​ចង់បន្តការសិក្សា​នៅ​ចក្រភពអង់គ្លេស ពេលនេះ កម្មវិធី Salford International Excellence Scholarship បានប្រកាសផ្តល់អាហារូបករណ៍ថ្នាក់បរិញ្ញាបត្រ និងបរិញ្ញាបត្រជាន់ខ្ពស់...

ឱកាសអាហារូបករណ៍ថ្នាក់បរិញ្ញាបត្រ និងថ្នាក់ក្រោយ​ឧត្តមសិក្សា​ចំនួន១២០កន្លែងនៅ​សាធារណរដ្ឋសង្គមនិយម​វៀតណាម ឆ្នាំ​សិក្សា​២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 04/04/2023

រសួងអប់រំយុវជន និង​កីឡា កាលពីពេលថ្មីៗនេះ បានប្រកាសជ្រើសរើស​និស្សិត​អាហារូបករណ៍​ថ្នាក់​ក្រោយ​ឧត្តមសិក្សា និង​ប្រឡង​ជ្រើសរើស​និស្សិត​អាហារូបករណ៍...



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *