ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ក្នុងកិច្ចការប្រចាំថ្ងៃ មនុស្សមានឱកាសប្រាស្រ័យទាក់ទងជាមួយគ្នាតាមរយៈរូបភាពច្រើនទម្រង់ជាងមុន ដោយសារមានកម្មវិធីប្រជុំ ត្រូវការផ្ញើសារ និងការសន្ទនាជាដើម ទោះសកម្មភាពទាំងនេះជាការឆ្លើយឆ្លងគ្នាទៅមកក៏ពិតមែន ប៉ុន្តែពុំមែនបានន័យថា ក្លាយជាអ្នកស្តាប់ដែលមានប្រសិទ្ធភាពនោះទេ។
ផលវិបាកដែលពុំបានចាប់អារម្មណ៍ទៅលើជំនាញស្តាប់ បានរុញច្រានមនុស្សឱ្យធ្លាក់ចូលស្ថានភាពជម្លោះ បង្កើតការយល់ច្រឡំ ការវិភាគខុស និងការផ្តោតលើភាពចាញ់ឈ្នះ ជាជាងដំណោះស្រាយរួម។ តាមរយៈ Mindbodygreen បានបង្ហាញគន្លឹះមួយចំនួនដែល ជួយទាញស្មារតីអ្នកឱ្យក្លាយជាអ្នកស្តាប់ និងស្តាប់ឱ្យកាន់តែមានប្រសិទ្ធភាពបន្ថែម។
ឥទ្ធិពល នៃការស្តាប់ ៖ ការស្តាប់ជាតម្រូវការចាំបាច់ពីធម្មជាតិ និងជាមូលដ្ឋានគ្រឹះនៃការរស់នៅ ប្រៀបដូចជាការបរិភោគអាហារ ការដកង្ហើម ឬការគេងជាដើម។ ហើយជាការពិតទៅ ជំនាញស្តាប់មានស្រាប់ពីធម្មជាតិរួចទៅហើយ ប៉ុន្តែក្នុងកាលៈទេសៈខ្លះ យើងហាក់ភ្លេចអំពីរបៀបក្នុងការស្តាប់ដោយមានប្រសិទ្ធភាព ដោយគិតតែអំពីសុវត្ថិភាពផ្ទាល់ខ្លួន ការបង្ហាញអារម្មណ៍ ឬក៏មិនបានចាប់អារម្មណ៍អំពីសកម្មភាពដែលកើតមាននៅជុំវិញខ្លួន។ គុណសម្បត្តិនៃការស្តាប់ ផ្តល់ប្រយោជន៍ចំពោះខ្លួនឯង និងអ្នកដទៃ ដូចជា ជំរុញឱ្យយកចិត្តទុកដាក់ជាមួយបច្ចុប្បន្នភាព ក្លាយជាដៃគូល្អ ជាមិត្តរួមការងារល្អ រួមទាំងអភិវឌ្ឍន៍សុខភាពផ្លូវចិត្តផងដែរ។
ការស្ដាប់ខ្លួនឯង ៖ ការចាប់ផ្តើមដំបូង គឺជាមួយខ្លួនឯង ការស្តាប់ទៅកាន់ការគិតរបស់ខ្លួនឯង ស្តាប់ទៅកាន់រឿងរ៉ាវជីវិតដែលខ្លួនបានជួបប្រទះ ស្តាប់ទៅកាន់រឿងរ៉ាវដែលខ្លួនត្រូវដោះស្រាយ រួមទាំងស្តាប់សម្លេងដែលខ្លួននិយាយឬច្រៀង។ នេះជាសកម្មភាពមួយដែលឆ្លុះបញ្ចាំង ឬការស្កែនខ្លួនឯង ពិនិត្យខ្លួនឯងរាល់មួយតួខ្លួនតែម្តង ដើម្បីជាការបណ្តុះស្មារតីនៃការផ្តោតចំពោះខ្លួនឯង។
អនុញ្ញាតិឱ្យខ្លួនឯងបានសម្រាកអារម្មណ៍ ៖ នៅពេលដែលអារម្មណ៍ខ្លួនឯងមិនល្អ នោះក៏នឹងពិបាកក្នុងការផ្ចង់អារម្មណ៍ទៅស្តាប់អ្នកដទៃដែរ! ដូច្នេះការដោះស្រាយជាមួយនឹងខ្លួនឯង ក៏ជាប្រសិទ្ធភាពមួយជួយបណ្តុះជំនាញស្តាប់ឱ្យកាន់តែប្រសើរជាងមុន។ ហើយដើម្បីឱ្យអារម្មណ៍ខ្លួនឯងល្អទៅបាន គឺត្រូវការសម្រាក គេងឱ្យបានគ្រប់គ្រាន់ ហាត់យូហ្កា រត់ ឬក៏ធ្វើសកម្មភាពបែបណាក៏បានឱ្យតែពង្រឹងសុខភាពទៅកាន់ផ្លូវកាយ និងផ្លូវចិត្ត សុទ្ធសឹងតែជាកត្តារួមចំណែកជំរុញដល់ការស្តាប់៕
