ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
តុបតែងផ្ទះ ដោយរួមបញ្ចូលការដាំរុក្ខជាតិលម្អ បានពង្រឹងនូវសុខភាពផ្លូវចិត្ត មានតួនាទីបន្សុទ្ធខ្យល់ល្អ កាត់បន្ថយស្រ្តេស និងភាពតានតឹង រួមទាំងជំរុញបាននូវផលិតភាពបន្ថែម។ ជាធម្មតាមនុស្សទទួលបានភាពរីករាយ នៅពេលរាងកាយអមដោយធម្មជាតិពណ៌បៃតងជុំវិញខ្លួន ហើយមូលហេតុមួយបង្ហាញឱ្យឃើញថា ដាំដុះរុក្ខជាតិនៅផ្ទះជះផលវិជ្ជមាន។ តាមរយៈគេហទំព័រ Healtline បានបង្ហាញហេតុផល៥ចំណុចដែលគួរតែមានទម្លាប់ ដាំរុក្ខជាតិ នៅទីតាំងដែលខ្លួនត្រូវចំណាយពេលយូរម៉ោង។
១. ដាំរុក្ខជាតិនៅបរិវេណបិទជិតជួយកាត់បន្ថយស្រ្តេស ៖ ចំពោះអ្នកចំណាយពេលធ្វើការនៅមុខកុំព្យូទ័រច្រើនម៉ោង ប៉ះពាល់សម្ពាធឈាម និងចង្វាក់បេះដូងអាចនឹងដំណើរការខុសប្រក្រតី ។ សកម្មភាពដាំផ្កា ដាំរុក្ខជាតិបន្តិចបន្តួច អាចធ្វើឱ្យសម្ពាធឈាមដើរល្អ រួមទាំងកាត់បន្ថយភាពសៅហ្មង ដែលសកម្មភាពនេះ ឆ្លើយតបភាគច្រើនចំពោះអ្នកចំណាយពេលអង្គុយធ្វើការយូរៗម៉ោង។
៣. រុក្ខជាតិដាំពិតៗអាចឆក់យកចំណាប់អារម្មណ៍ ៖ ចំពោះសិស្ស ឬមនុស្សដែលស្រូបក្លិនផ្ទាល់ ប៉ះផ្ទាល់ និងឃើញរុក្ខជាតិពិតៗ ពួកគេមានសមត្ថភាពផ្តោតបានល្អជាងអ្នកដែលប្រើប្រាស់រុក្ខជាតិនិម្មិត ឬការប្រើប្រាស់រូបភាពគំនូរ ជំនួសឱ្យរុក្ខជាតិ។
៤. ដាំរុក្ខជាតិជួយពន្លឿនជំងឺឱ្យសះស្បើយ ៖ តាមរបាយការណ៍ស្រាវជ្រានៃមន្ទីរពេទ្យមួយបានឱ្យដឹងថា អ្នកជំងឺដែលមកទទួលការវះកាត់ ហើយមានបទពិសោធន៍មើលធម្មជាតិច្រើន ពួកគាត់ប្រើពេលសម្រាកនៅមន្ទីរពេទ្យតិចជាងអ្នកដែលមិនសូវបានមើលរុក្ខជាតិបៃតង។
៥. ជំរុញផលិតភាព ៖ តាមរយៈការសិក្សាមួយចំនួនបានបង្ហាញថា នៅពេលកន្លែងការងារដាំរុក្ខជាតិ បានរួមចំណែកក្នុងកាជំរុញផលិតភាព និងភាពច្នៃប្រតិដ្ឋ៕
