ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ជាការលើកឡើងរបស់និយោជក យុវជនភាគច្រើនហាក់ធ្វេសប្រហែសក្នុងការរៀបចំប្រវត្តិរូបសង្ខេបរបស់ខ្លួន ពេលដាក់ពាក្យស្វែងរកការងារធ្វើ ដូចជាប្រវត្តិរូបវែងពេក រញ៉េរញ៉ៃ គ្មានសណ្តាប់ធ្នាប់ ជាហេតុធ្វើឱ្យនិយោជកមិនអាចជ្រើសរើសសម្រាប់វគ្គជម្រុះដំបូង (ShortList) សម្រាប់ការសម្ភាសន៍។ ដូច្នេះ តើយុវជន ក៏ដូចជាអ្នកស្វែងរកការងារធ្វើ ត្រូវប្រើភាពឆ្លាតវៃយ៉ាងដូចម្តេចក្នុងការរៀបចំប្រវត្តិរូប CV ដើម្បីអាចជាប់នៅក្នុងវគ្គជម្រុះដំបូង និងឈានទៅទទួលបានការងារធ្វើ?
កញ្ញា សៅ ចរិយា នាយកផ្នែកគ្រប់គ្រងធនធានមនុស្ស ក្រុមហ៊ុនឌីលីវើលរីហេរ៉ូ បានលើកឡើងថា ការរៀបចំប្រវត្តិរូបសង្ខេប ឬគេហៅដោយខ្លីថា CV ពិតជាសំខាន់ខ្លាំងណាស់សម្រាប់យុវជន ក៏ដូចជាអ្នកស្វែងរកការងារធ្វើ ។ បើតាមកញ្ញា ចរិយា ប្រវត្តិរូបសង្ខេប ឬ CV មិនគួរសរសេរវែង ពិបាកយល់ ឬរញ៉េររញ៉ៃនោះទេ ពោលគឺ CV ដែលអ្នកជ្រើសរើសបុគ្គលិកគេចង់មើល គឺជា CV ដែលខ្លី ស្អាត មានលំដាប់លំដោយ ហើយផ្តល់ព័ត៌មានដែលគេចង់បាន។
កញ្ញា សៅ ចរិយា នាយកផ្នែកគ្រប់គ្រងធនធានមនុស្សក្រុមហ៊ុនឌីលីវើលរីហេរ៉ូ
“អ្នកខ្លះដាក់១០០កន្លែង តែមិនមានអ្នកហៅម្តងផង, អ្នកខ្លះដាក់តែម្តង គឺគេហៅតែម្តង។ អញ្ចឹងសំណួរសួរថា ហេតុអ្វី? កន្លែងនេះត្រូវមើល CV របស់យើង តើ CV របស់យើងវែង ពិបាកយល់ សរសេររញ៉េរញ៉ៃ?”
បើតាមបទពិសោធន៍ក្នុងការជ្រើសរើសបុគ្គលិករបស់ កញ្ញា ចរិយា អ្វីដែលអ្នកជ្រើសរើសបុគ្គលិកតែងតែសួរច្រើនជាងគេទៅកាន់បេក្ខជន និងជាចំណុចដែលគួររៀបរាប់នៅក្នុង CV ដែរនោះ គឺ តើបេក្ខជនមានចំណេះដឹងអ្វី? បេក្ខជនមានបទពិសោធន៍អ្វី ? បេក្ខជនរៀននៅសាលាណា? ហើយមួយទៀតអ្វីដែលអ្នកជ្រើសរើសបុគ្គលិកពិនិត្យមើលនោះ គឺ តើបេក្ខជនរូបនោះ អាចបំពេញបេសកកម្មជាមួយក្រុមហ៊ុនរបស់គេបានដែរ ឬអត់?
នាយកផ្នែកគ្រប់គ្រងធនធានមនុស្សក្រុមហ៊ុនឌីលីវើលរីហេរ៉ូ ក៏បានផ្តល់ជាគន្លឹះដល់យុវជន ក៏ដូចជាអ្នកស្វែងរកការងារធ្វើ ដើម្បីអាចជាប់ក្នុងការសម្ភាសន៍ការងារ ។ ក្នុងនោះអ្វីដែលយុវជន ឬអ្នកស្វែងរកការងារធ្វើត្រូវចាប់អារម្មណ៍ គឺពេលដាក់ពាក្យចូលទៅកាន់ក្រុមហ៊ុន ឬស្ថាប័នណាមួយ ចាំបាច់ត្រូវមើលពី Job Description (បរិយាយភារកិច្ច) តួនាទីតំណែងដែលក្រុមហ៊ុន ឬស្ថាប័ននោះជ្រើសរើសសិនថា តើការងារនោះមានទំនួលខុសត្រូវយ៉ាងដូចម្តេច? ហើយមួយទៀតក៏គួរតែស្វែងរកព័ត៌មានមួយចំនួនដែលពាក់ព័ន្ធ ដូចជា ប្រវត្តិក្រុមហ៊ុន តើក្រុមហ៊ុននោះគេធ្វើអ្វី ? ក្រុមហ៊ុនចាប់ផ្តើមដំណើរការពីពេលណាមក? និង ហេតុអ្វីបានជាចង់ធ្វើការងារនៅទីនោះជាដើម ។ បើតាមកញ្ញា សៅ ចរិយា នៅពេលធ្វើការសម្ភាសន៍ការងារ អ្នកជ្រើសរើសបុគ្គលិកភាគច្រើននឹងមិនសួរហួសពីចំណុចទាំងនោះទេ ។
លោកស្រី ឈ គង្គា ប្រធានផ្នែកគ្រប់គ្រងធនធានមនុស្ស នៃក្រុមហ៊ុនព្រីនស៍រៀលអ៊ីស្ទេតគ្រុប ក៏បានលើកឡើងស្រដៀងគ្នាដែរថា សម្រាប់លោកស្រី ការជ្រើសរើសបុគ្គលិកមុខតំណែងណាមួយ អ្វីដែលត្រូវពិនិត្យមុនគេ គឺប្រវត្តិរូបសង្ខេប (CV) ដោយនឹងត្រូវពិនិត្យមើលថា តើអ្នកដាក់ពាក្យរៀនជំនាញពាក់ព័ន្ធនឹងតំណែងដែលជ្រើសរើសដែរ ឬក៏អត់? មានបទពិសោធន៍ ឬធ្លាប់ធ្វើការងារពាក់ព័ន្ធនឹងមុខតំណែងដែលជ្រើសរើស ឬក៏អត់?
បើតាមលោកស្រី ឈ គង្គា ក្រៅពីពិនិត្យមើលលើ CV ហើយ អ្វីដែលអ្នកជ្រើសរើសបុគ្គលិកនឹងពិនិត្យមើលបន្ទាប់ទៀត គឺជំនាញទន់ ថា តើអ្នកដាក់ពាក្យ ចេះប្រាស្រ័យទាក់ទង ចេះធ្វើការងារជាក្រុម មានភាពស្មោះត្រង់ រួសរាយរាក់ទាក់ និងមានភាពក្លាហានអាចប្រឈមមុខនឹងបញ្ហាបានដែរ ឬទេ? បើតាមលោកស្រី គង្គា ប្រសិនបើអ្នកស្វែងរកការងារធ្វើចេះរៀបចំ CV បានល្អ ហើយមានជំនាញទន់ដូចរៀបរាប់ខាងលើទៀត នោះក្រុមហ៊ុននឹងពិចារណា។
សូមជំរាបជូនដែរថា នៅថ្ងៃទី២៨-២៩ ខែតុលា ឆ្នាំ២០២២ ទីភ្នាក់ងារជាតិមុខរបរ និងការងារ នៃក្រសួងការងារ និងបណ្តុះបណ្តាលវិជ្ជាជីវៈ នឹងរៀបចំពិព័រណ៌ការងារ និងផលិតភាពជាតិឆ្នាំ២០២២ ដោយនឹងផ្តល់ឱកាសការងារប្រមាណជាង២ម៉ឺនកន្លែង ពីក្រុមហ៊ុនប្រមាណជាង១៥០ក្រុមហ៊ុន សម្រាប់យុវជន ក៏ដូចជាអ្នកស្វែងរកការងារធ្វើ។ ពិព័រណ៌ការងារ និងផលិតភាពជាតិនេះ គឺជាឱកាសសម្រាប់យុវជនដែលមានបំណងចង់ស្វែងរកការងារធ្វើ ត្រូវត្រៀមខ្លួនរៀបចំប្រវត្តិរូបសង្ខេប (CV) សម្រាប់យកមកដាក់ការងារដែលខ្លួនប្រាថ្នាចង់បាន៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសអាហារូបករណ៍រដ្ឋាភិបាលជប៉ុន MEXT ឆ្នាំ២០២៧ នៅសាកលវិទ្យាល័យ Osaka University
ព័ត៌មានអាហារូបករណ៍, ព្រឹត្តិការណ៍
• 02/07/2026
សាកលវិទ្យាល័យ Osaka University ដែលជាគ្រឹះស្ថានឧត្តមសិក្សាដ៏មានកេរ្តិ៍ឈ្មោះល្បីល្បាញមួយរបស់ប្រទេសជប៉ុន បានប្រកាសបើកទទួលពាក្យសុំអាហារូបករណ៍ Osaka University MEXT Scholarships 2027 ហើយ។
អាហារូបករណ៍ថ្នាក់សញ្ញាបត្រជាន់ខ្ពស់បច្ចេកទេសចំនួន៥៥កន្លែងពី វិទ្យាស្ថានបណ្ដុះបណ្ដាលវិស័យកាត់ដេរ (CGTI) ឆ្នាំសិក្សា២០២៣-២០២៤
ព័ត៌មានអាហារូបករណ៍, ព្រឹត្តិការណ៍
• 14/11/2023
ឱកាសសិក្សាអាហារូបករណ៍ជំនាញបច្ចេកទេសពីវិទ្យាស្ថានបណ្ដុះបណ្ដាលវិស័យកាត់ដេរនៅកម្ពុជា ឬហៅថា CGTI ប្រកាស់ផ្ដល់អាហារូបករណ៍ថ្នាក់សញ្ញាបត្រជាន់ខ្ពស់ចំនួន៥៥កន្លែង...
វិទ្យាស្ថានពហុបច្ចេកទេសព្រះកុសុមៈ ជ្រើសរើសសិស្សចូលរៀនជំនាញវិជ្ជាជីវៈ និងបច្ចេកទេស ជំហានទី២ ជាង៣រយកន្លែង
ព័ត៌មានអាហារូបករណ៍, ព្រឹត្តិការណ៍
• 30/04/2024
វិទ្យាស្ថានពហុបច្ចេកទេសព្រះកុសុមៈ បានប្រកាសជ្រើសរើសសិស្សទាំងពីរភេទឱ្យចូលរៀនក្នុងកម្មវិធីបណ្តុះបណ្តាលជំនាញវិជ្ជាជីវៈ និងបច្ចេកទេស ដោយឥតគិតថ្លៃ ជំហានទី២ ចំនួន៣៦០កន្លែង។
អាហារូបករណ៍ថ្នាក់ Diploma បរិញ្ញាបត្រ និងបរិញ្ញាបត្រជាន់ខ្ពស់ នៅប្រទេសព្រុយណេ ឆ្នាំ២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 18/12/2025
ស្ថានឯកអគ្គរាជទូតកម្ពុជាប្រចាំប្រទេសព្រុយណេដារូស្សាឡាម បានប្រកាសថា រាជរដ្ឋាភិបាលព្រុយណេ នឹងផ្តល់អាហារូបករណ៍ដល់និស្សិតបរទេសទៅសិក្សានៅប្រទេសព្រុយណេសម្រាប់ឆ្នាំសិក្សា២០២៦-២០២៧
អាហារូបករណ៍សិក្សាថ្នាក់ឧត្ដមសិក្សានៅសាកលវិទ្យាល័យ Boston ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 10/11/2025
តាមរយៈអាហារូបករណ៍ Trustee Scholarship បានផ្តល់ឱកាសដល់និស្សិតអន្តរជាតិចំនួន២០នាក់ ឱ្យទៅសិក្សាថ្នាក់បរិញ្ញាបត្រ នៅសាកលវិទ្យាល័យ Boston នៃសហរដ្ឋអាមេរិក ក្នុងឆ្នាំសិក្សា២០២៦។ អាហារូបករណ៍ផ្ដោតសំខាន់លើថ្លៃសិក្សាពេញលេញ...
ឱកាសសិក្សាជំនាញវិជ្ជាជីវៈចំនួន២៧០កន្លែងនៅវិទ្យាស្ថានពហុបច្ចេកទេសខេត្តព្រៃវែង
ព័ត៌មានអាហារូបករណ៍, ព្រឹត្តិការណ៍, អាហារូបករណ៍
• 30/09/2024
វិទ្យាស្ថានពហុបច្ចេកទេសខេត្តព្រៃវែងប្រកាសជ្រើសរើសសិក្ខាកាមចូលសិក្សាជំនាញវិជ្ជាជីវៈវគ្គខ្លីក្រោមគម្រោង១លាន៥សែននាក់របស់រាជរដ្ឋាភិបាលកម្ពុជាសម្រាប់វគ្គសិក្សាថ្មី។ អាហារូបករណ៍ផ្ដល់ជូនការសិក្សាចំនួន២៧០នាក់ លើមុខជំនាញ៩ផ្សេងគ្នា។
វិទ្យាស្ថានជាតិវិជ្ជាជីវៈបាត់ដំបង ប្រកាសជ្រើសរើសសិស្សចូលរៀនជំនាញវិជ្ជាជីវៈ កម្រិត១ ឥតគិតថ្លៃចំនួន ៦៣០នាក់
ព័ត៌មានអាហារូបករណ៍, ព្រឹត្តិការណ៍
• 08/12/2023
វិទ្យាស្ថានជាតិវិជ្ជាជីវៈបាត់ដំបង ដែលជាគ្រឹះស្ថានសិក្សារបស់រដ្ឋស្ថិតក្រោមក្រសួងការងារ និងបណ្តុះបណ្តាលវិជ្ជាជីវៈ បានប្រកាសជ្រើសរើសសិស្សចំនួន ៦៣០នាក់ សម្រាប់កម្រិតសញ្ញាបត្របច្ចេកទេស និងវិជ្ជាជីវៈ១ (C1)...
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Khalifa សហព័ន្ធអារ៉ាប់រួម ឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 24/01/2024
អាហារូបករណ៍ថ្នាក់បរិញ្ញាបត្រជាន់ខ្ពស់ និងបណ្ឌិតនៅសាកលវិទ្យាល័យ Khalifa នៃសហព័ន្ធអារ៉ាប់រួម ឆ្នាំសិក្សា២០២៤ ។ អាហារូបករណ៍ផ្ដល់ជូនសម្រាប់និស្សិតអន្តរជាតិទូទាំងពិភពលោកដោយ...
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតចំនួន៥០០កន្លែងពីកម្មវិធីអាហារូបករណ៍ ANSO ប្រទេសចិន
ព័ត៌មានអាហារូបករណ៍, ព្រឹត្តិការណ៍
• 07/02/2024
អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតពីកម្មវិធីអាហារូបករណ៍ ANSO ចំនួន៥០០កន្លែងសិក្សានៅសាកលវិទ្យាល្បីៗក្នុងប្រទេសចិនឆ្នាំសិក្សា២០២៤។...
កម្មវិធីពិសេសរបស់ AMS EDUCATION
ព័ត៌មានសង្ខេប
