ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ការបរិភោគអាហារក្រៅផ្ទះ និងការផ្តោតលើគុណភាពអាហារចំពោះសុខភាព ហាក់មានភាពប្រទាញប្រទង់គ្នា, ការទទួលទានខាងក្រៅ អ្នកនឹងបាននូវបទពិសោធន៍រីករាយ និងការបង្កើតទំនាក់ទំនងសង្គម ប៉ុន្តែជាមួយគ្នានេះ ការជ្រើសរើសអាហារនៅខាងក្រៅឱ្យស្របនឹងតម្រូវការសុខភាព ហាក់ពិបាកបន្តិច ដូច្នេះចំពោះអ្នកឧស្សាហ៍ទៅទទួលទានអាហារនៅខាងក្រៅ គួរមានវិធីបែបណាខ្លះ ដើម្បីឱ្យការទទួលទានឆ្លើយតប នឹងតម្រូវការសុខភាព?
តាមរយៈគេហទព័រ Healthline បានបង្ហាញគន្លឹះមួយចំនួនដើម្បីរក្សាភាពឈ្លាសវៃ ក្នុងការទទួលទានអាហារខាងក្រៅ ដោយមានរៀបរាប់បន្ថែមនៅខាងក្រោម ៖
១. អានរាល់រាយមុខម្ហូបមុននឹងទៅកន្លែងណាមួយ ៖ ប្រសិនបើមិនប្រាកដថា នៅកន្លែងដែលត្រូវទៅញ៉ាំអាហារទាំងនោះថា តើមានអ្វីខ្លះទេ? គឺចាំបាច់ណាស់ ក្នុងការចូលទៅអានអំពីប្រភេទមុខម្ហូបដែលមានទុកជាមុន ព្រោះការអានទុកមុន គឺជាឱកាសក្នុងការដឹងអំពីប្រភេទអាហារអាល្លែកហ្ស៊ីនឹងខ្លួនឯង ឬក៏ការគិតទុកមុន អំពីអាហារដែលផ្តល់សារធាតុចិញ្ចឹមទៅកាន់រាងកាយក្នុងកម្រិតខ្ពស់! ក៏ដូចជាការកាត់បន្ថយស្រេ្តសក្នុងការគិតដែលមិនចាំបាច់នៅពេលទៅដល់កន្លែង ឬរួមចំណែកផ្តល់ភាពងាយស្រួលក្នុងការសម្រេចចិត្ត។
២. មានអាហារសម្រន់ទុកខ្លះ ៖ ប្រសិនបើធ្វើដំណើរទៅភោជនីយដ្ឋានទាំងអារម្មណ៍ឃ្លានខ្លាំង វាប៉ះពាល់ដល់ការសម្រេចចិត្ត នៅពេលជ្រើសរើសមុខម្ហូបដូចជា ការហៅម្ហូបច្រើនជ្រុល ឬជ្រើសរើសអាហារដែលមិនឆ្លើយតបនឹងការចង់បានរបស់ខ្លួនឯង ដូច្នេះវិធីសាស្រ្តក្នុងការការពារគឺស្តុកចំណីខ្លះ ដើម្បីទទួលទាន មុនពេលទៅដល់កន្លែងញ៉ាំអាហារ។
៣. ការពិសាទឹកមុន ឬអំឡុងពេលញ៉ាំអាហារ ៖ ទឹកជាជម្រើសដ៏ល្អមួយ! មិនថាមុនពេលទទួលទានអាហារ ឬក្រោយពេលទទួលទានអាហារនោះទេ! ជាពិសេសទម្លាប់ទទួលទានជំនួសឱ្យភេសជ្ជៈប៉ូវកម្លាំង ឬមានសារធាតុផ្អែម។ ការទទួលទានទឹកធម្មតា ជំនួសឱ្យទឹកដែលមានជាតិផ្អែម មិនត្រឹមតែកាត់បន្ថយកាឡូរី ដែលធ្វើឱ្យសុខភាពរាងកាយរឹងមាំប៉ុណ្ណោះទេ ប៉ុន្តែក៏បានរួមចំណែកទៅកាន់សុខភាពផ្លូវចិត្តផងដែរ។
៤. ទទួលទានអាហារដោយមានស្មារតីក្នុងខ្លួន ៖ កាលដែលមិនប្រញាប់ប្រញាល់ក្នុងការទទួលទានអាហារ ជាការជំរុញឱ្យមានអារម្មណ៍ផ្តោតទៅលើបច្ចុប្បន្នភាពបានច្រើន ក៏ដូចជាការសម្រេចចិត្តជ្រើសរើសបានត្រឹមត្រូវ មិនថាតម្លៃអាហារ បរិយាកាស និងគុណភាពចំណីអាហារ។ ហើយអំឡុងពេលទទួលទាន គួរចំណាយពេលគិតអំពីរស់ជាតិ ក្លិន និងអារម្មណ៍ដែលទទួលបានពីការបរិភោគអាហារទាំងនោះ ដើម្បីបង្កើនឱ្យការទទួលទានអាហារប្រកបដោយស្មារតីក្នុងខ្លួន៕
