ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
មិនថាលេងកីឡាបាល់ទាត់ បាល់បោះ កីឡាប៉េតង់ រត់ លោតកម្ពស់ វាយសី ឬកីឡាហែលទឹកនោះទេ តាមរយៈសកម្មភាពកីឡាអាចធ្វើឱ្យមនុស្សមានសុខភាពល្អ និងមានអារម្មណ៍រីករាយស្រស់ស្រាយជានិច្ច។ សកម្មភាពលេងកីឡាជាសកម្មភាពពាក់ព័ន្ធនឹងរាងកាយដ៏រស់រវ៉ើក។ លេងកីឡារួមចំណែកដល់ការអភិវឌ្ឍសាច់ដុំ សម្រួលសុខភាពសរសៃឈាមបេះដូង ព្រមទាំងផ្តល់អត្ថប្រយោជន៍ជាច្រើន។
ការចុះផ្សាយរបស់ sportanddevelopment.org បានឱ្យដឹងថា សកម្មភាពលេងកីឡាអាចជួយកាត់បន្ថយជំងឺរ៉ាំរ៉ៃមួយចំនួន ដូចជា ជំងឺសរសៃឈាមបេះដូង ជំងឺទឹកនោមផ្អែម មហារីក លើសឈាម ជំងឺធាត់ ធ្លាក់ទឹកចិត្ត និងជំងឺពុកឆ្អឹងជាដើម។ លេងកីឡាជួយសុខភាពផ្លូវកាយ និងសុខភាពផ្លូវចិត្តបានយ៉ាងប្រសើរ។
១. កីឡាជួយដល់សុខភាពទូទៅ ៖ ទម្លាប់លេងកីឡាជួយឱ្យកុមារអភិវឌ្ឍន៍រាងកាយបានយ៉ាងប្រសើរ សុខភាពឆ្អឹងរឹងមាំ មិនងាយបញ្ហាផ្លូវចិត្ត ដែលជាផ្នែកមួយជួយឱ្យពួកគេមានស្មារតីសាមគ្គីភាព និងមានសុខភាពល្អ។ ទន្ទឹមគ្នានេះ សកម្មភាពកីឡាជួយយ៉ាងច្រើនដល់សុខភាពរបស់ស្ត្រីនៅវ័យអស់រដូវ ព្រមទាំងបញ្ចៀសបញ្ហាជំងឺពុកឆ្អឹង ឆ្អឹងស្ពោត ឬបញ្ហាឆ្អឹងត្រគាក។ មនុស្សមានទម្លាប់លេងកីឡា ជួយឱ្យរាងកាយរឹងមាំ សកម្ម ឯករាជ្យគំនិត និងចុះសម្រុងក្នុងចំណោមមនុស្សជានិច្ច។ មនុស្សមានកីឡាជាមនុស្សសកម្មភាព។
២. កីឡាជួយឱ្យរាងកាយមាំមួន ៖ លេងកីឡាអាចឱ្យមនុស្សរក្សាតុល្យភាពទម្ងន់បានល្អ កាយសម្បទាមាំមួន និងទប់ទល់ទៅនឹងភាពចំណាស់ នៃអាយុ និងវ័យ។ លើសពីនេះ លេងកីឡាអាចជួយឱ្យសាច់ដុំលូតលាស់សាច់បានល្អ ព្រមទាំងកាត់បន្ថយជាតិខ្លាញ់នៅក្នុងរាងកាយ។ ចំណែកកុមារដែលលេងកីឡាទំនងជាមិនសូវមានបញ្ហាធាត់ក្នុងវ័យកុមារទេ ហើយទម្ងន់របស់កុមារក៏សមាមាត្រទៅនឹងកម្ពស់កុមារផងដែរ។
៣. កីឡាជំរុញទំនាក់ទំនងរាងកាយ និងសុខភាពផ្លូវចិត្ត ៖ សុខភាពផ្លូវកាយមានចំណងទាក់ទងយ៉ាងជិតស្និទនឹងសុខភាពផ្លូវចិត្ត។ សកម្មភាពលេងកីឡាជួយកាត់បន្ថយបញ្ហាជំងឺធ្លាក់ទឹកចិត្ត ព្រមទាំងបង្កើនវិន័យផ្ទាល់ឱ្យមានរបៀប។ បុគ្គលចូលរួមសកម្មភាពកីឡាអាចទទួលបានអត្ថប្រយោជន៍ពីសង្គមជាច្រើន ដូចជា បង្កើតមិត្តភាពជាមួយមិត្តរួមក្រុម និងជាមនុស្សដែលមានស្មារតីក្រុមយ៉ាងល្អ។ ការលេងកីឡាជាយុទ្ធសាស្ត្រដ៏សំខាន់ ដើម្បីកាត់បន្ថយភាពតានតឹង ពីព្រោះរាងកាយអាចបញ្ចេញសារធាតុពុលមួយចំនួនចេញតាមរយៈញើស និងជួយឱ្យមនុស្សមានអារម្មណ៍ល្អបន្ទាប់ពីធ្វើលំហាត់ប្រាណ ឬលេងកីឡារួច។
៤. កីឡាខុសគ្នា មានមុខងារផ្តល់អត្ថប្រយោជន៍ផ្សេងៗគ្នា ៖ ធម្មតាកីឡាទាំងអស់តែងផ្តល់អត្ថប្រយោជន៍ដល់សុខភាព ប៉ុន្តែអត្ថប្រយោជន៍ទាំងនោះ កើតឡើងអាស្រ័យលើប្រភេទកីឡាផ្សេងៗគ្នាដែរ ។ ជាឧទាហរណ៍ កីឡាវាយប៊ូល ឬកីឡាប៉េតង់ អាចជួយដល់សុខភាពឆ្អឹងឱ្យបានប្រសើរ ដោយសារដៃត្រូវលើកទម្ងន់ញឹកញាប់ ហើយដងខ្លួនត្រូវសម្របតាមចលនានីមួយៗ យោលទៅតាមលំនាំធម្មជាតិ។ ប្រសិនបើលេងវាយប៉េងប៉ុង អាចជួយឱ្យអ្នកលេងបង្កើនចលនាដៃ និងភ្នែកព្រមគ្នា ដែលមានរំញោចដល់ខួរក្បាល ជួយឱ្យមនុស្សគិត និងវិភាគព្រឹត្តការណ៍បានលឿនរហ័ស។
៥. កីឡាជាបែបបត់នៃការរស់នៅមនុស្ស ៖ ការស្រាវជ្រាវបានបង្ហាញថា សកម្មភាពលេងកីឡាអាចជួយដល់ការសម្រេចចិត្តផ្សេងៗរបស់មនុស្ស ព្រមទាំងបង្ហាញពីរបៀបរស់នៅបែបវិជ្ជមាន។ ការចំណាយពេលរាល់ល្ងាច ៣០នាទី ឬពេលវេលាចុងសប្តាហ៍ដើម្បីហាត់កីឡា ឬលេងកីឡាជាក្រុម គឺជាឱកាសដែលមនុស្សម្នាក់ៗ អាចបង្កើតបែបបត់ នៃការរស់នៅផ្ទាល់ខ្លួនឱ្យមានវិន័យ និងមានទម្លាប់ស្រឡាញ់សុខភាពខ្លួន។ មនុស្សម្នាក់អាចជ្រើសរើសកីឡាមួយប្រភេទ ឬច្រើនអាស្រ័យលើចំណង់ចំណូលចិត្តផ្ទាល់ខ្លួន៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
វិទ្យាស្ថានបច្ចេកទេស ហ្សឺ វ៉េ សេ ផ្តល់អាហារូបករណ៍ជំនាញជួសជុលរថយន្ត ៣០០កន្លែង
ព័ត៌មានអាហារូបករណ៍, ព្រឹត្តិការណ៍
• 20/03/2024
ឱកាសសិក្សាអាហារូបករណ៍វគ្គបណ្ដុះបណ្ដាលសញ្ញាបត្របច្ចេកទេស និងវិជ្ជាជីវៈ១នៅវិទ្យាស្ថានបច្ចេកទេស ហ្សី វ៉េ សេចំនួន៣០០កន្លែង។ អាហារូបករណ៍...
ឱកាសសិក្សាអាហារូបករណ៍ថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិ នៅវិទ្យាស្ថានស៊ីអ៊ីអូ ១០០កន្លែង
ព័ត៌មានអាហារូបករណ៍, ព្រឹត្តិការណ៍
• 14/09/2023
ឱកាសសិក្សាអាហារូបករណ៍ថ្នាក់បរិញ្ញាបត្រគ្រប់គ្រងពាណិជ្ជកម្មអន្តរជាតិពីវិទ្យាស្ថានស៊ីអ៉ីអូចំនួន១០០ កន្លែងសម្រាប់សិស្សានុសិស្សកំពុងត្រៀមបញ្ចប់ថ្នាក់ទី១២ និងនិស្សិត...
ក្រសួងប្រៃសណីយ និងទូរគមនាគមន៍ ផ្ដល់អាហារូបករណ៍១០០% សិក្សាវគ្គខ្លីផ្នែកសន្តិសុខបច្ចេកវិទ្យា
ព័ត៌មានអាហារូបករណ៍, ព្រឹត្តិការណ៍
• 07/06/2023
ក្រសួងប្រៃសណីយ និងទូរគមនាគមន៍ប្រកាសផ្ដល់អាហារូបករណ៍ ១០០% ចំនួន៤០កន្លែងសម្រាប់ការសិក្សាផ្នែកសន្តិសុខបច្ចេកវិទ្យា ។ ជំនាញដែល...
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យក្យូតូពីកម្មវិធី ADB-JSP ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 16/07/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យក្យូតូពីកម្មវិធីអាហារូបករណ៍ ADB-JSP ឆ្នាំសិក្សា២០២៥។ អាហារូបករណ៍ផ្ដល់ជូនប្រជាជន...
អាហារូបករណ៍ខ្សែក្រវ៉ាត់មួយផ្លូវមួយពីរដ្ឋាភិបាលចិន សម្រាប់ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 30/01/2023
ភ្នំពេញ - កម្មវិធីអាហារូបករណ៍ខ្សែក្រវ៉ាត់មួយផ្លូវមួយ របស់រដ្ឋាភិបាល នៃប្រទេសចិន បានប្រកាសផ្ដល់អាហារូបករណ៍ថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់...
អាហារូបករណ៍ទេពកោសល្យស្ទែម ចំនួន១០កន្លែងនៅសាកលវិទ្យាល័យ CamTech
ព័ត៌មានអាហារូបករណ៍, ព្រឹត្តិការណ៍
• 20/08/2025
សម្រាប់សិស្សានុសិស្សដែលចាប់អារម្មណ៍ក្នុងការបន្តការសិក្សានៅសាកលវិទ្យាល័យទៅលើជំនាញស្ទែម ពេលនេះ សាកលវិទ្យាល័យ CamTech បានប្រកាសពីអាហារូបករណ៍ទេពកោសល្យស្ទែម របស់ឯកឧត្តមបណ្ឌិតសភាចារ្យ ហង់ជួន ណារ៉ុន...
វិទ្យាស្ថានជាតិពហុបច្ចេកទេសតេជោសែន ជ្រើសរើសយុវជនជាង២ពាន់នាក់ ចូលរៀនជំនាញបច្ចេកទេសឥតគិតថ្លៃ
ព័ត៌មានអាហារូបករណ៍, ព្រឹត្តិការណ៍
• 27/05/2026
ក្រោមកម្មវិធី TVET 1.5M វិទ្យាស្ថានជាតិពហុបច្ចេកទេសតេជោសែន កំពុងប្រកាសជ្រើសរើសយុវជន និងសាធារណៈជនទូទៅ សរុបចំនួន ២៣៤០នាក់ ឱ្យចូលរៀនជំនាញបច្ចេកទេស និងវិជ្ជាជីវៈ (TVET) ក្នុងកម្រិតសញ្ញាបត្របច្ចេកទេស
ស្ថានទូតអាមេរិកប្រកាសបើកទទួលពាក្យអាហាររូបករណ៍ Fulbright U.S.-ASEAN សម្រាប់អ្នកស្រាវជ្រាវ និងមន្ត្រីជំនាញ ឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 31/12/2025
ផ្នែកការទូតសាធារណៈនៃស្ថានទូតសហរដ្ឋអាមេរិក បានប្រកាសជាផ្លូវការនូវការបើកទទួលពាក្យសុំអាហាររូបករណ៍ Fulbright U.S.-ASEAN Visiting Scholar សម្រាប់ឆ្នាំ២០២៦ ដើម្បីផ្តល់ឱកាសដល់សាស្ត្រាចារ្យសកលវិទ្យាល័យ...
អាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យ Beijing Normal ឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 17/01/2025
សាកលវិទ្យាល័យភូមិន្ទភ្នំពេញ បានប្រកាសដំណឹងអំពីការជ្រើសរើសនិស្សិតទៅសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ នៅសាកលវិទ្យាល័យប៉េកាំង (Beijing Normal Universty) នាសាខា Zhuhai នៃសាធារណរដ្ឋប្រជាមានិតចិន ឆ្នាំសិក្សា២០២៥។
កម្មវិធីពិសេសរបស់ AMS EDUCATION
ព័ត៌មានសង្ខេប
