លោក សុខ សារិន ពីអ្នករត់តុភោជនីយដ្ឋាន ក្លាយជានិស្សិត

ភ្នំពេញ – ក្ដីស្រមៃបន្តការសិក្សាថ្នាក់អនុបណ្ឌិតនៅចក្រភពអង់គ្លេសមិនមែនកើតមានត្រឹមមួយថ្ងៃ មួយខែ ឬមួយឆ្នាំ ប៉ុន្តែជាសុបិន្តដែលដក់ជាប់ក្នុងចិត្តជាងមួយទសវត្សរ៍ ហើយក្ដីស្រមៃទាំងនេះកើតមានពីការទូន្មាន និងការផ្ដល់ឱកាសឱ្យបន្តសិក្សាពីលោកឪពុកអ្នកម្ដាយ ។ នេះជាការលើកឡើងរបស់លោក សុខ សារិន បេក្ខភាពអាហារូបករណ៍ Chevening របស់រដ្ឋាភិបាលចក្រភពអង់គ្លេសឆ្នាំសិក្សា២០២២ ជំនាញបច្ចេកវិទ្យាអប់រំ នៃសាកលវិទ្យាល័យ Huddersfield ចក្រភពអង់គ្លេស ។

លោក សុខ សារិន បានបន្ថែមថា ដោយមានពាក្យលើកទឹកចិត្ត និងផ្ដល់ឱកាសសិក្សាពីអ្នកមានគុណទាំងពីរ បញ្ហាហិរញ្ញវត្ថុមិនបានបញ្ឈប់ការសិក្សារបស់លោកឡើយ ដោយលោកសម្រេចចិត្តស្វែងរកការងារធ្វើក្រៅម៉ោងសិក្សាដែលធ្វើជាអ្នករត់តុនៅតាមភោជនីយដ្ឋាន និងធ្វើជាអ្នកចែកខិតប័ណ្ណតាមភ្លើងស្តុបចរាចរណ៍ដើម្បីបានប្រាក់កម្រៃទុកក្នុងការចំណាយប្រចាំថ្ងៃក្នុងកំឡុងពេលសិក្សាថ្នាក់បរិញ្ញាបត្រ ។

លោក សុខ សារិន

“បណ្ដាំលោកពុក៖ យើងកើតមកជាអ្នកក្រ បើមានឱកាសរៀនគួរតែរៀនឱ្យបានខ្ពស់បំផុត ព្រោះមានតែការសិក្សាទេដែលជាប្រទីបចម្លងយើងឱ្យរួចផុតពីភាពទីទ័លក្រ និងមានឱកាសចូលរួមអភិវឌ្ឍសង្គមរបស់យើងបានច្រើន រួមជាមួយការលះបង់ធំបំផុតរបស់អ្នកម្ដាយឱ្យបន្តការសិក្សានៅសាកលវិទ្យាល័យ បានជំរុញឱ្យខ្ញុំចាប់ផ្ដើមគិតបន្ថែមក្ដីស្រមៃបន្តការសិក្សានៅក្រៅប្រទេស”

លោក សុខ សារិន បន្តថា ក្នុងកំឡុងពេលសិក្សាថ្នាក់បរិញ្ញាបត្រ លោកធ្លាប់បានដាក់ពាក្យអាហារូបករណ៍ទៅក្រៅប្រទេសចំនួន៧ដង ក្នុងនោះបរាជ័យ៥ដងនៅជុំទី១ និង២ដងនៅជុំសម្ភាសន៍ ។ ការបរាជ័យជាច្រើនដងនេះស្ទើរតែធ្វើឱ្យយុវជនមានស្រុកកំណើតនៅខេត្តតាកែវរូបនេះសឹងតែបោះបង់ក្ដីស្រមៃ ប៉ុន្តែលោកបានឆ្លុះបញ្ចាំង និងស្វែងរកមូលហេតុដែលធ្វើឱ្យបរាជ័យក្នុងការដាក់ពាក្យនេះ ។ ហើយទីបំផុតលោក សុខ សារិន បានសម្រេចចិត្តផ្អាកបន្តដាក់ពាក្យអាហារូបករណ៍ និងព្យាយាមពង្រឹងសមត្ថភាពខ្លួនឯងបន្ថែមបើទោះបីជាត្រូវចំណាយពេលវេលាយូរ និងច្រើនក្ដីដើម្បីឱ្យខ្លួនឯងកាន់តែប្រសើរ និងត្រៀមខ្លួនសម្រាប់ការដាក់ពាក្យអាហារូបករណ៍ថ្នាក់បរិញ្ញបត្រជាន់ខ្ពស់ នៃចក្រភពអង់គ្លេស ឬសហរដ្ឋអាមេរិកវិញ ។

ប្រយោគ «កូនអាចធ្វើបាន» ជាសំឡេងរបស់អ្នកម្ដាយដែលតែងតែលឺពីក្រោយខ្នង បានធ្វើឱ្យលោក សុខ សារិន កាន់តែមានកម្លាំងចិត្តក្នុងការតស៊ូអភិវឌ្ឍនសមត្ថភាពខ្លួនឯងឱ្យគ្រប់លក្ខខណ្ឌ និងបានចាប់ផ្ដើមដាក់ពាក្យអាហារូបករណ៍ Chevening នៅដើមខែសីហា ឆ្នាំ២០២១ ដែលជាអាហារូបករណ៍រដ្ឋាភិបាលចក្រភពអង់គ្លេស សិក្សាថ្នាក់បរិញ្ញាបត្រជាន់ខ្ពស់ ដោយបេក្ខជនត្រូវមានបទពិសោធន៍ការងារ ឥទ្ធិពលនៃភាពជាអ្នកដឹកនាំ ការបង្កើតបណ្តាញទំនាក់ទំនង ផែនការការងារនៅថ្ងៃអនាគត និងពិន្ទុភាសាអង់គ្លេសជាដើម។

បេក្ខជនជ័យលាភីអាហារូបករណ៍ Chevening រូបនេះបានបន្តថា ការដាក់ពាក្យអាហារូបករណ៍ត្រូវឆ្លងកាត់ដំណាក់កាលជាច្រើនដូចជា ការបំពេញពាក្យស្នើសុំ (ត្រូវសរសេរសំណេរ ជាភាសាអង់គ្លេសចំនួនបួនប្រធានបទ) ការសម្ភាសន៍ផ្ទាល់នៅស្ថានទូតអង់គ្លេសប្រចាំកម្ពុជា និងត្រូវដាក់ពាក្យសុំចូលរៀននៅសាកលវិទ្យាល័យចំនួន៣ដែលបេក្ខជនចង់សិក្សានៅប្រទេសអង់គ្លេស ។ លោក សុខ សារិន បានបញ្ជាក់បន្ថែមថា បេក្ខជនគួរតែត្រួតពិនិត្យសំណេរទាំងបួនឱ្យបានហ្មត់ចត់បំផុត សាកល្បងអនុវត្តការសម្ភាសន៍ដោយខ្លួនឯងឱ្យបានច្រើន ធ្វើការស្នើពាក្យសុំការសិក្សាទៅសាកលវិទ្យាល័យឱ្យបានលឿនបំផុត និងអានលក្ខខណ្ឌចូលរៀនរបស់សាកលវិទ្យាល័យនីមួយៗឱ្យបានច្បាស់លាស់ ។

លោក សុខ សារិន

“សូមថ្លែងអំណរគុណដ៏ជ្រាលជ្រៅដល់រដ្ឋាភិបាលចក្រភពអង់គ្លេស និងស្ថានទូតអង់គ្លេសប្រចាំកម្ពុជា ដែលបានផ្តល់អាហារូបករណ៍ដ៏មានតម្លៃបំផុតនេះដល់ខ្ញុំ សូមអរគុណដល់សាកលវិទ្យាល័យនៅកម្ពុជា ដែលបានផ្តល់ការបណ្តុះបណ្តាលប្រកបដោយគុណភាព”

ជារួមមក បើទោះបីជាអាហារូបករណ៍នេះមានការប្រកួតប្រជែងខ្ពស់ និងមានភាពស្មុគស្មាញ ហើយត្រូវចំណាយពេលស្ទើរពេញមួយឆ្នាំយ៉ាងណាក៏ដោយ ក្រោមការជ្រោមជ្រែងពីរៀមច្បង សាស្ត្រាចារ្យ មិត្តភក្តិ មិត្តរួមការងារ ក្រុមគ្រួសារ និងអ្នកពាក់ព័ន្ធទាំងអស់បានធ្វើឱ្យលោកអាចទទួលបានអាហារូបករណ៍ថ្នាក់បរិញ្ញាបត្រជាន់ខ្ពស់ទៅសិក្សានៅចក្រភពអង់គ្លេសនាពេលខាងមុខនេះ ។ ជាចុងក្រោយលោក សុខ សារិន សូមជំរុញនិងលើកទឹកចិត្តដល់បងប្អូនយុវជនខ្មែរដែលមានបំណងបន្តការសិក្សានៅចក្រភពអង់គ្លេសត្រៀមខ្លួនឱ្យបានល្អបំផុតដើម្បីដាក់ពាក្យស្នើសុំអាហារូបករណ៍ Chevening នៅឆ្នាំនេះ និងឆ្នាំបន្តបន្ទាប់ទៀត និងសូមជូនពរឱ្យទទួលជោគជ័យទាំងអស់គ្នា ៕

កញ្ញា ឈឿង ប៉ូលីណា | Ms. Chhoeung Polina

ជីវប្រវត្តិ: ឈឿង ប៉ូលីណា ជាអ្នករាយការណ៍ និងសរសេរព័ត៌មាននៅស្ថាប័នព័ត៌មាន AMS Education ។

របាយការណ៍ថ្មី

មើលទាំងអស់ ➧

វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout

ចំណេះជីវិត, បទយកការណ៍, ព្រឹត្តិការណ៍

• 13/04/2026

ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង

បទយកការណ៍, ព័ត៌មានអន្តរជាតិ, ព្រឹត្តិការណ៍

• 13/04/2026

AI អាចបង្កើនផលិតភាពការងារ ប៉ុន្តែចំណូលមនុស្សនឹងកើនឡើងដែរឬទេ?

បទយកការណ៍, ព័ត៌មានអន្តរជាតិ

• 10/04/2026

អាណាព្យាបាល មានតួនាទីសំខាន់ក្នុងការអភិវឌ្ឍខួរក្បាល និងជំនាញសង្គមរបស់កុមារ

បទយកការណ៍, អប់រំកុមារតូច

• 10/04/2026

UNICEF ៖ Gen Z ចង់ក្លាយជាផ្នែកមួយនៃដំណោះស្រាយនៅពេលនិយាយពីសុខភាពផ្លូវចិត្ត

បទយកការណ៍, ព័ត៌មានអន្តរជាតិ

• 10/04/2026

ការសិក្សា ៖ លេងបណ្ដាញសង្គម លើស៣ម៉ោងក្នុងមួយថ្ងៃ ប្រឈមនឹងហានិភ័យជំងឺថប់បារម្ភ និងការបាក់ទឹកចិត្តខ្ពស់

បទយកការណ៍

• 10/04/2026

អក្ខរកម្ម AI ជំនាញទន់ និងការស្គាល់ពីខ្លួនឯង ជាជំនាញសំខាន់ សម្រាប់បច្ចុប្បន្ន និងអនាគត

បទយកការណ៍, ព័ត៌មានអន្តរជាតិ

• 10/04/2026

ប្រើស្មាតហ្វូន អាចនាំឱ្យកុមារអាយុក្រោម ១៣ឆ្នាំ មានបញ្ហាផ្លូវចិត្ត និងចរិតកោងកាច

បទយកការណ៍, អប់រំកុមារតូច

• 10/04/2026

ចិញ្ចឹមកូនទម្រើស នឹងធ្វើឱ្យកុមារក្លាយជាមនុស្សគ្មានទំនុកចិត្ត និងឯករាជ្យលើខ្លួនឯង

បទយកការណ៍, អប់រំកុមារតូច

• 10/04/2026

ព័ត៌មានទូទៅ

មើលទាំងអស់ ➧

វិទ្យាស្ថានបច្ចេកទេសឧស្សាហកម្ម ផ្តល់អាហារូបករណ៍ជាង១ពាន់កន្លែង ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ

ព័ត៌មានអាហារូបករណ៍, ព្រឹត្តិការណ៍

• 17/10/2025

វិទ្យាស្ថានបច្ចេកទេសឧស្សាហកម្ម នៃក្រសួងការងារ និងបណ្តុះបណ្តាលវិជ្ជាជីវៈ ប្រកាសផ្តល់អាហារូបករណ៍ចំនួន ១ ១៦០កន្លែង លើ ១៦មុខជំនាញ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ ព្រមទាំងផ្ដល់ប្រាក់ឧបត្ថម្ភប្រចាំខែ...

មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប ជ្រើសរើសសិក្ខាកាម៦០០នាក់ រៀនជំនាញបច្ចេកទេសឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 14/12/2023

មជ្ឈមណ្ឌលបណ្តុះបណ្តាលវិជ្ជាជីវៈខេត្តកែប បានប្រកាសផ្តល់អាហារូបករណ៍សិក្សាជំនាញបច្ចេកទេស និងវិជ្ជាជីវៈឥតគិតថ្លៃ ដល់យុវជនមកពីគ្រួសារក្រីក្រ និងគ្រួសារងាយរងហានិភ័យ សរុបចំនួន ៦០០នាក់។

អាហារូបករណ៍ថ្នាក់ឧត្ដមសិក្សាពីរដ្ឋាភិបាលអូទ្រីសសម្រាប់ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 11/07/2025

កម្មវិធីអាហារូបករណ៍រដ្ឋាភិបាលអូទ្រីស ប្រកាសបើកទទួលពាក្យស្នើសុំអាហារូបករណ៍សិក្សាថ្នាក់ឧត្ដមសិក្សានៅសាកលវិទ្យាល័យជាច្រើនក្នុងប្រទេសអូទ្រីស សម្រាប់ឆ្នាំសិក្សា២០២៦។

អាហារូបករណ៍ថ្នាក់បរិញ្ញាបត្រ ២០កន្លែង នៅសាកលវិទ្យាល័យវ៉ាន់ដា ពីកម្មវិធីអាហារូបករណ៍អភិសន្តិបណ្ឌិត ស សុខា សម្រាប់ឆ្នាំសិក្សា២០២៦-២០២៧

ព័ត៌មានអាហារូបករណ៍, ព្រឹត្តិការណ៍

• 11/09/2026

ក្រុមការងារអាហារូបករណ៍អភិសន្តិបណ្ឌិត ស សុខា ប្រកាសផ្ដល់អាហារូបករណ៍ថ្នាក់បរិញ្ញាបត្រចំនួន ២០កន្លែង សិក្សានៅសាកលវិទ្យាល័យវ៉ាន់ដា សម្រាប់ឆ្នាំសិក្សា២០២៦-២០២៧។

អាហារូបករណ៍ភាពជាអ្នកដឹកនាំអន្តរជាតិ នៅសាកលវិទ្យាល័យ Glasgow នៃចក្រភពអង់គ្លេស

ព័ត៌មានអាហារូបករណ៍, ព្រឹត្តិការណ៍

• 21/08/2023

ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់នៅសាកលវិទ្យាល័យGlasgow នៃកម្មវិធីអាហារូបករណ៍ភាពជាអ្នកដឹកនាំអន្តរជាតិឆ្នាំសិក្សា២០២៣-២០២៤ ...

អាហារូបករណ៍ទៅសិក្សាថ្នាក់បរិញ្ញាបត្រនៅសាកលវិទ្យាល័យ Kent State សម្រាប់ឆ្នាំសិក្សា២០២៦

ព័ត៌មានអាហារូបករណ៍, ព្រឹត្តិការណ៍

• 12/08/2025

ឱកាសសិក្សាអាហារូបករណ៍ថ្នាក់បរិញ្ញាបត្រ និងក្រោយបរិញ្ញាបត្រនៅសាកលវិទ្យាល័យ Kent State សហរដ្ឋអាមេរិក ឆ្នាំសិក្សា២០២៦ ពីកម្មវិធីអាហារូបករណ៍ Kent State University Global Scholarship 2026 ។

អាហារូបករណ៍ថ្នាក់បរិញ្ញាបត្រនៅរាជបណ្ឌិតសភាកម្ពុជា សម្រាប់សិស្សនិទ្ទេស A, B និង C

ព័ត៌មានអាហារូបករណ៍, ព្រឹត្តិការណ៍

• 09/12/2024

រាជបណ្ឌិតសភាកម្ពុជា បានប្រកាសពីការបណ្តុះបណ្តាលថ្នាក់បរិញ្ញាបត្រក្នុងឆ្នាំសិក្សា២០២៤-២០២៥ ដោយក្នុងនោះនឹងផ្តល់អាហារូបករណ៍ ១០០%, ៥០% និង ៣០% សម្រាប់សិស្សដែលមាននិទ្ទេស A, B និង C សម្រាប់ការសិក្សារយៈពេល៤ឆ្នាំ។

ក្រុមហ៊ុន Microsoft ប្រកាសផ្ដល់ការសិក្សាវគ្គខ្លីជំនាញព័ត៌មានវិទ្យាឥតគិតថ្លៃតាមរយៈ Online

ព័ត៌មានអាហារូបករណ៍, ព្រឹត្តិការណ៍

• 04/12/2025

ឱកាសសិក្សាវគ្គខ្លីតាម Online ពីក្រុមហ៊ុន Microsoft សម្រាប់ឆ្នាំសិក្សា២០២៦ ក្នុងផ្នែកព័ត៌មានវិទ្យា។ អាហារូបករណ៍ផ្ដល់ការសិក្សាដល់និស្សិតអន្តរជាតិជាច្រើនកន្លែង និងមានភាពបត់បែនទៅពេលវេលាសិក្សារបស់បេក្ខជន។

រៀនជំនាញបច្ចេកទេសឥតគិតថ្លៃ ១៣៥០កន្លែង នៅវិទ្យាស្ថានពហុបច្ចេកទេសខេត្តបន្ទាយមានជ័យ

ព័ត៌មានអាហារូបករណ៍, ព្រឹត្តិការណ៍

• 31/08/2026

វិទ្យាស្ថានពហុបច្ចេកទេសខេត្តបន្ទាយមានជ័យ កំពុងប្រកាសជ្រើសរើស យុវជន យុវនារី កម្មករ កម្មការិនី និងជនចំណាកស្រុក ដែលមកពីគ្រួសារក្រីក្រ គ្រួសារងាយរងហានិភ័យ