ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សុខភាពផ្លូវចិត្តជាមូលដ្ឋាន នៃសុភមង្គលរបស់មនុស្សគ្រប់រូប រាប់ទាំងសុភមង្គលគ្រួសារដែលជាកោសិកាសំខាន់របស់សង្គម ។ មនុស្សម្នាក់ៗអាចមានវិបត្តិផ្លូវចិត្តកើតឡើងគ្រប់ពេល ប្រសិនបើស្ថានភាពផ្លូវចិត្តទន់ខ្សោយ ឬគិតច្រើនរហូតដល់ស្ថានភាពផ្លូវចិត្តរឹងមាំធ្លាក់ចុះ ។ ខាងក្រោមនេះ ជាសកម្មភាពវិជ្ជមាន ៤ចំណុចជួយបញ្ជៀសស្ថានភាពតានតឹងចិត្តសម្រាប់យុវជន ដែលអាចអនុវត្តបាននៅក្នុងដំណើរជីវិតប្រចាំថ្ងៃ ។
១.ទទួលស្គាល់ការពិត ៖ អ្នកជំនាញសុខភាពផ្លូវចិត្តបានបញ្ជាក់ថា មូលហេតុដែលនាំឱ្យមនុស្សមានបញ្ហាតានតឹងចិត្តកើតឡើងដោយសារកត្តាជីវសាស្ត្រ កត្តាចិត្តសាស្ត្រ កត្តាបរិស្ថាន ឬសង្គម ។ ប្រសិនបើមនុស្សជួបរឿងរ៉ាវណាមួយក្នុងជីវិតដែលជាកត្តាបរិស្ថានខាងក្រៅ ឬការរំខានពីខាងក្រៅ មធ្យោបាយដ៏ល្អបំផុតត្រូវស្វែងរកដំណោះស្រាយបញ្ហាទាំងនោះតាមដំណាក់កាលនីមួយៗ ។
បញ្ហាទាំងអស់សុទ្ធតែមានដំណោះស្រាយ ហើយដំណោះស្រាយទាំងអស់អាចមានប្រសិទ្ធភាពតិច ឬច្រើន អាស្រ័យលើស្ថានភាពដែលមនុស្សគ្រប់រូបបានជួប ។ មធ្យោបាយមួយដែលបញ្ជៀសអាការៈតានតឹងចិត្ត គឺដកឃ្លាបន្តិចទទួលស្គាល់ការពិត ទន្ទឹមនឹងការស្វែងរកដំណោះស្រាយ ។
២. បង្កើតសកម្មភាពវិជ្ជមាន ៖ មានវិធីសាស្ត្រជាច្រើនដែលអាចបញ្ជៀសចិត្តមិនឱ្យជាប់ជំពាក់នឹងរឿងសៅហ្មង ប៉ុន្តែវាមិនមែនជាមធ្យោបាយដោះទាល់មួយគ្រាៗនោះទេ ។ សកម្មភាពវិជ្ជមានសម្រាប់ថែទាំសុខភាពផ្លូវចិត្ត មានដូចជា សាកល្បងចិញ្ចឹមសត្វដែលខ្លួនចូលចិត្ត ដាំរុក្ខជាតិដែលខ្លួនស្រឡាញ់ តុបតែងផ្ទះដែលស្រស់ស្អាតសម្រាប់ជីវិត ដើរកម្សាន្តទៅកាន់កន្លែងដែលផ្តល់ភាពរីករាយដល់ខ្លួនឯង ។
ទន្ទឹមនឹងសកម្មភាពខាងលើនេះ វិធីថែទាំងសុខភាពផ្លូវចិត្តឱ្យល្អ គឺមានជម្រើសដូចជា ការធ្វើសមាធិ និងហាត់កីឡាជាដើម ។ ម្យ៉ាងវិញទៀត មនុស្សរក្សាគំនិត វិជ្ជមាន ធ្វើសកម្មភាពវិជ្ជមាន និងចែករំលែករឿងរ៉ាវវិជ្ជមានដល់អ្នកដទៃ នោះគឺសកម្មភាពពង្រឹងសុខភាពចិត្តរបស់ខ្លួនឱ្យមានថាមពលជានិច្ច ។
៣. ធ្វើខ្លួនជាមនុស្សសកម្ម ៖ រចនាខ្លួនឯងជាមនុស្សសកម្ម ឬមនុស្សមានថាមពលជានិច្ច នោះនឹងអាចកាត់បន្ថយកង្វល់ទាំងឡាយដែលបានជួបរាល់ថ្ងៃ ។ ជាក់ស្តែងនៅក្នុងជីវភាពរស់នៅ និងការចិញ្ចឹមជីវិត មនុស្សម្នាក់ៗមានបញ្ហាមិនតិចទេរត់មកចូលក្នុងដំណើរជីវិត ។ បញ្ហាខ្លះមនុស្សកាន់តែគិតរឿងស្មុគស្មាញកាន់តែកើតឡើង ប៉ុន្តែសម្រាប់មនុស្សដែលមានស្ថានភាពរាងកាយ និងផ្លូវចិត្តរឹងមាំ នឹងមិនងាយកើតមានអាការៈតានតឹងចិត្តឡើយ ។ ទម្លាប់លេងកីឡាអាចឱ្យរាងកាយ និងសុខភាពផ្លូវចិត្តដំណើរការល្អទន្ទឹមគ្នា ។
៤. ស្នើសុំការប្រឹក្សាយោបល់ ៖ ក្រៅពីគំនិតផ្ទាល់ខ្លួនដោះស្រាយបញ្ហា គំនិតបានពីអ្នកដទៃអាចជាផ្នែកមួយកាត់បន្ថយស្ថានភាពតានតឹងចិត្ត ។ ក្លាហានសុំជំនួយរាល់ពេលជួបបញ្ហា ក្លាហានបដិសេដរាល់ពេលលទ្ធភាពទៅមិនរួច និងក្លាហានបោះបង់ប្រសិនបើគិតថាវាចាំបាច់សម្រាប់ខ្លួន ។
សុំមតិយោបល់ប្រឹក្សាកង្វល់ដើម្បីគុណភាពជីវិតនឹងផ្តល់លទ្ធភាពជួយខ្លួនឯងទាន់ពេលវេលា ។ ផ្ទុយទៅវិញបើគ្រាំគ្រាចិត្តតែម្នាក់ឯងគ្មានអ្នកដឹង គ្មានអ្នកជួយដោះស្រាយ អាចជារឿងគ្រោះថ្នាក់ដល់សុខភាពផ្លូវចិត្តធ្ងន់ធ្ងរ ។ ខណៈសង្គមរីកចម្រើនគ្រប់វិស័យ ស្ថានភាពផ្លូវចិត្តជាចំណែកសំខាន់បំផុតដែលមនុស្សគ្រប់រូបត្រូវយកចិត្តទុកដាក់ ៕
ជីវប្រវត្តិ: លោក ម៉ៅ សំណាង ជាការីនិពន្ធផ្នែកអប់រំ និងជាផលិតករព័ត៌មាននៃ AMS Education ។ លោកមានបទពិសោធន៍ការងារជាអ្នកសារព័ត៌មានវិទ្យុ, ពិធីករ និងជាអ្នករាយការណ៍ព័ត៌មានទូរទស្សន៍, និងជាផលិករប្រព័ន្ធផ្សព្វផ្សាយចម្រុះ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
អាហារូបករណ៍សិក្សាថ្នាក់បរិញ្ញាបត្រជាន់ខ្ពស់ និងបណ្ឌិត នៅសាកលវិទ្យាល័យជាតិសេអ៊ូល
ព័ត៌មានអាហារូបករណ៍, ព្រឹត្តិការណ៍
• 27/06/2025
សាកលវិទ្យាល័យជាតិសេអ៊ូល (Seoul National University) កំពុងប្រកាសជ្រើសរើសនិស្សិតអន្តរជាតិ សិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ឆ្នាំសិក្សាថ្មី។ អាហារូបករណ៍ផ្ដល់ជូនតាមរយៈកម្មវិធីអាហារូបករណ៍ SNU
អាហារូបករណ៍ថ្នាក់បណ្ឌិតពីក្រុមហ៊ុន Meta ឆ្នាំ២០២៦
ព័ត៌មានអាហារូបករណ៍, ព្រឹត្តិការណ៍
• 27/01/2026
ឱកាសសិក្សាអាហារូបករណ៍រយៈពេល២ឆ្នាំសម្រាប់ថ្នាក់បណ្ឌិតពីក្រុមហ៊ុន Meta ឆ្នាំ២០២៦ នៅសហរដ្ឋអាមេរិក។ អាហារូបករណ៍ផ្ដល់ឱ្យបេក្ខភាពបន្តការសិក្សា និងស្រាវជ្រាវក្នុងវិស័យស្នូលរបស់ Meta ដូចជា ឯកជនភាព...
អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ ពាណិជ្ជសាស្ត្រ អេស៊ីលីដា ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 02/10/2025
សម្តេចមហាបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានផ្តល់អាហារូបករណ៍ដ៏ថ្លៃថ្លារបស់ សម្តេចអគ្គមហាសេនាបតីតេជោ ហ៊ុន សែន និងសម្តេចកិត្តិព្រឹទ្ធបណ្ឌិត (អ.ម.ត) នៅសាកលវិទ្យាល័យ...
អាហារូបករណ៍ថ្នាក់ឧត្ដមសិក្សាពីអាហារូបករណ៍រដ្ឋាភិបាលចិនប្រភេទ B នៅសាកលវិទ្យាល័យ Shanghai ឆ្នាំ២០២៥
ព័ត៌មានអាហារូបករណ៍, ព្រឹត្តិការណ៍
• 10/01/2025
កម្មវិធីអាហារូបករណ៍រដ្ឋាភិបាលចិនប្រភេទ B ប្រកាសផ្ដល់អាហារូបករណ៍ថ្នាក់ឧត្ដមសិក្សា សិក្សានៅសាកលវិទ្យាល័យ Shanghai សម្រាប់ឆ្នាំសិក្សា២០២៥ ដល់និស្សិតអន្តរជាតិជាច្រើននាក់។ អាហារូបករណ៍ផ្ដល់ការសិក្សា ថ្នាក់បរិញ្ញាបត្រ ថ្នាក់បរិញ្ញាបត្រជាន់ខ្ពស់...
ឱកាសសិក្សាអារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធី DREAM TOGETHER នៅប្រទេសកូរ៉េឆ្នាំ២០២៤
ព័ត៌មានអាហារូបករណ៍, ព្រឹត្តិការណ៍
• 26/02/2024
ឱកាសសិក្សាអាហារូបករណ៍ថ្នាក់បរិញ្ញាបត្រជាន់ខ្ពស់ពីកម្មវិធីអាហារូបករណ៍ DREAM TOGETHER នៅប្រទេសកូរ៉េឆ្នាំសិក្សា ២០២៤-២០២៥។ អាហារូបករណ៍ជាការ...
ក្រសួងអប់រំ ផ្តល់កន្លែងស្នាក់នៅដល់និស្សិតនារីក្រីក្រ ឆ្នាំទី១ ចំនួន៩០នាក់
ព័ត៌មានអាហារូបករណ៍, ព្រឹត្តិការណ៍
• 19/08/2026
ក្រសួងអប់រំ យុវជន និងកីឡា នឹងផ្តល់កន្លែងស្នាក់នៅបណ្តោះអាសន្នទៅដល់និស្សិតនារីក្រីក្រ ឆ្នាំទី១ ចំនួន ៩០ នាក់ ឱ្យស្នាក់នៅមជ្ឈមណ្ឌលអន្តេវាសិកនិស្សិតនារីរបស់ក្រសួង ដែលមានទីតាំង
អាហារូបករណ៍ថ្នាក់ឧត្ដមសិក្សានៅ University of Luxembourg ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 06/02/2026
ឱកាសសិក្សាថ្នាក់បរិញ្ញាបត្រ និងបរិញ្ញាបត្រជាន់ខ្ពស់នៅសាកលវិទ្យាល័យលុចសំបួរ ពីកម្មវិធីអាហារូបករណ៍ជាច្រើន សម្រាប់ឆ្នាំសិក្សា២០២៦។ អាហារូបករណ៍ផ្ដល់ការសិក្សាពេញលេញ និងអត្ថប្រយោជន៍ជាច្រើនសម្រាប់...
កម្មវិធីពិសេសរបស់ AMS EDUCATION
ព័ត៌មានសង្ខេប
