fbpx

និស្សិតអាហារូបករណ៍បរទេស លោក ចេង បូរិទ្ធ÷ យើងគួរមកធ្វើការបម្រើជាតិ ប្រសើរជាងធ្វើការនៅបរទេស

ភ្នំពេញ៖ ការសិក្សានៅក្រៅប្រទេសគឺជាបំណងប្រាថ្នារបស់សិស្សនិស្សិតគ្រប់រូប។ ជារៀងរាល់ឆ្នាំនិស្សិតកម្ពុជាជាច្រើនបានប្រកួតប្រជែងគ្នាដើម្បីទទួលអាហារូបករណ៍ទៅសិក្សានៅបរទេស។ ក្នុងនោះ និស្សិតមួយចំនួនបានបន្តធ្វើការងារនៅប្រទេសដែលខ្លួនបានសិក្សា ខណៈនិស្សិតខ្លះទៀតសម្រេចចិត្តត្រឡប់មកប្រទេសកំណើតវិញ។

លោក ចេង បូរិទ្ធ អតីតសិស្សអាហារូបករណ៍សិក្សានៅប្រទេសថៃបានបញ្ជាក់ថា​ និស្សិតគួរតែធ្វើការបម្រើជាតិរបស់ខ្លួន ប្រសើរជាងធ្វើការងារក្រៅប្រទេស។

លោក ចេង បូរិទ្ធ បានលើកឡើងថា៖

“ខ្ញុំទទួលបានអាហារូបករណ៍សិក្សានៅប្រទេសថៃមែន ប៉ុន្តែខ្ញុំគិតថាយើងគួរតែត្រឡប់មកធ្វើការងារនៅប្រទេសរបស់ខ្លួនវិញទើបជារឿងមួយល្អសម្រាប់សង្គម និងប្រទេសជាតិ”

យុវជនដែលមានដើមកំណើតមកពីខេត្តកំពង់ចាមរូបនេះ បានបន្ថែមទៀតថា បើនិយាយពីប្រាក់ខែ ទោះធ្វើការងារនៅក្រៅស្រុកក្តី ឬក្នុងស្រុកក្តី មិនសូវខុសគ្នាប៉ុន្មានទេ។ ចំណុចសំខាន់គឺយើងចេះមើលពីជម្រើសថា មួយណាចំណេញជាងសម្រាប់ជីវិតយើង។ ធ្វើការងារនៅក្រៅស្រុក ពេលខ្លះថ្វីត្បិតតែទទួលបានចំណូលច្រើនជាងនៅក្នុងស្រុកបន្តិចមែន តែយើងមិនសូវបានជួយសង្គមយើងនោះទេ។ បន្ថែមពីលើនេះ ជីវិតរស់នៅស្រុកគេក៏ត្រូវការចំណាយច្រើនជាងនៅស្រុកកំណើតដែរ ហេតុនេះបើនិយាយពីរឿងលុយកាក់ទាល់តែត្បិតត្បៀតបន្តិច។  

អតីតសិស្សពូកែគណិតវិទ្យាទូទាំងប្រទេសរូបនេះបានបន្តទៀតថា បើនិស្សិតមានចំណេះដឹងល្អ បានបញ្ចប់ការអប់រំពីបរទេស ពួកគាត់អាចនឹងមានឱកាសការងារច្រើននៅក្នុងប្រទេសរបស់ខ្លួន ហើយតំណែង និងប្រាក់ខែក៏មិនអន់នោះដែរ។ លោកថា ការសិក្សានៅបរទេសអាចរៀនស្វែងយល់បានច្រើនអំពីបរិបទនៃការរស់ និងភាពខុសប្លែកនៅក្នុងសង្គមនៃជាតិសាសន៍ដទៃ រួមទាំងអាចជួបមនុស្សថ្មីៗដែលមកពីមជ្ឈដ្ឋានជាច្រើននៅជុំវិញពិភពលោក។

លោក ចេង បូរិទ្ធ បានបន្ថែមថា ការរៀនសូត្រពីគេដើម្បីក្រេបយកចំណេះ និងជំនាញមកអភិវឌ្ឍន៍ប្រទេសរបស់ខ្លួនគឺជារឿងមួយដ៏ល្អ។ យ៉ាងណាម៉ិញ លោក បូរិទ្ធ នៅតែចង់ឃើញយុវជនខ្មែរត្រឡប់មកធ្វើការនៅប្រទេសកំណើតរបស់ខ្លួន ដើម្បីផ្ដល់ប្រយោជន៍លើសលប់នៅក្នុងសង្គមខ្មែរឱ្យកាន់តែរីកចម្រើនលើគ្រប់វិស័យ។

ទន្ទឹមនឹងនោះដែរ លោកបានបន្ថែមថា ក្នុងចំណោមយុវជនខ្មែរយើង មានមនុស្សពូកែជាច្រើន ព្រោះតាមបទពិសោធន៍ផ្ទាល់របស់លោក ឃើញមាននិស្សិតខ្មែរយើងមិនតិចទេដែលទទួលបានលទ្ធផលសិក្សាល្អជាងយុវជនមកពីប្រទេសដទៃ។ លោកថា យុវជនខ្មែរបច្ចុប្បន្នចាប់ផ្តើមមើលឃើញពីតម្លៃនៃការតស៊ូ និងខិតខំអភិវឌ្ឍសមត្ថភាពរហូតក្លាយជាមនុស្សខ្លាំង ក្លាហាន និងលេចធ្លោក្នុងការប្រកួតប្រជែងនានាជាអន្តរជាតិ។​ គួរបញ្ជាក់ផងដែរថា លោក ចេង បូរិទ្ធ ធ្លាប់ទទួលអាហារូករណ៍សិក្សាផ្នែកគណិតវិទ្យាទៅសិក្សានៅប្រទេសថៃនៅកាលពីឆ្នាំ២០១២។ លើសពីនេះផងដែរ លោកក៏ជាអតីតសិស្សទូទាំងប្រទេសផ្នែកគណិតវិទ្យានៅក្នុងឆ្នាំ២០១១ផងដែរ។ សព្វថ្ងៃ លោក ចេង បូរិទ្ធ គឺជាគ្រូបង្រៀនផ្នែកគណិតវិទ្យា នៅសាលានារីហេបភីច័ន្ទតារា៕


បទយកការណ៍, យុវជនឆ្នើម, យុវជនឆ្នើម

កញ្ញា គឹម ឌីណា កំពុងតស៊ូប្រយុទ្ធប្រឆាំងក្នុងសមរភូមិលួចចម្លងស្នាដៃដើម្បីស្នាមញញឹមអ្នកនិពន្ធ

រូបភាពលួចចម្លងស្នាដៃដោយគ្មានការអនុញ្ញាតពីអ្នកនិពន្ធ ជាគោលដៅដែលកញ្ញា គឹម ឌីណា ចង់លុបបំបាត់បំផុតដើម្បីស្នាមញញឹមរបស់អ្នកនិពន្ធ…..
ព័ត៌មានអាហារូបករណ៍, ព្រឹត្តិការណ៍

ប្រទេសដាណឺម៉ាកផ្ដល់អាហារូបករណ៍គ្រប់កម្រិតថ្នាក់ឧត្ដមសិក្សាដល់និស្សិតអន្តរជាតិ ឆ្នាំ២០២២

រដ្ឋាភិបាលដាណឺម៉ាកប្រកាសផ្ដល់អាហារូបករណ៍ឱ្យនិស្សិតអន្តរជាតិដាក់ពាក្យស្នើសុំដើម្បី​បន្តការសិក្សាថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត នៅសាកលវិទ្យាល័យ…
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

លោក សោម រតនា ៖ សិស្សគួរពិនិត្យព័ត៌មាន ៣ចំំណុចមុនជ្រើសរើសសាកលវិទ្យាល័យបន្តសិក្សា

បច្ចុប្បន្ន​នៅ​​​កម្ពុជា​មាន​សាកលវិទ្យាល័យកម្រិតឧត្តមសិក្សា​ទាំងរដ្ឋនិង​ឯកជនប្រមាណជាជាង ១០០គ្រឹះស្ថានសិក្សា។ លោក សោម រតនា សមាជិកគណៈកម្មាធិការ​កណ្តាល​…
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

អតីតសិស្សនិទ្ទេស A ៖ រៀនជំនាញដែលខ្លួនស្រឡាញ់ទើបទទួលបានលទ្ធផលសិក្សាល្អ

និយាយពីការសិក្សានៅសាកលវិទ្យាល័យ បច្ចុប្បន្នមានជំនាញជាច្រើនដែលសិស្សានុសិស្សអាចជ្រើសរើសរៀនបន្តការសិក្សារបស់ខ្លួន ។ ទន្ទឹមគ្នានេះ មានសិស្សមួយចំនួនមិនដឹងថា …
ចំណេះជីវិត, ព្រឹត្តិការណ៍

៧ចំណុចរក្សាតុល្យភាពពេលវេលាឱ្យប្រសិទ្ធភាពសម្រាប់ការងារនិងការសិក្សា

បច្ចុប្បន្ននិស្សិតភាគច្រើនប្រឈមមុខនឹងសម្ពាធពេ​ល​វេលា ខណៈពួកគេចំណាយពេលរកប្រាក់នៅក្នុងពេលតែមួយ។ ប៉ុន្តែវិធីសាស្ត្រដ៏ល្អបំផុតដើម្បីដោះស្រាយបញ្ហានេះ …
ជំនាញ, ព្រឹត្តិការណ៍

អង្គការម៉ារីណុលប្រកាសជ្រើសរើសសិក្ខាកាមសិក្សាភាសាសញ្ញាផ្សារភ្ជាប់ទំនាក់ទំនងមនុស្សគថ្លង់

អង្គការ​ម៉ារីណុលបានឱ្យដឹងថាបច្ចុ​ប្បន្ននៅកម្ពុជា​មានមនុស្ស​គថ្លង់ចំនួនជាង ៥ម៉ឺននាក់កំពុងតែរស់នៅ​ក្នុង​សហគមន៍​នានា​ទូទាំងប្រទេស ។…
ទេពកោសល្យ, ព្រឹត្តិការណ៍, យុវជនឆ្នើម

ម្ចាស់ជ័យលាភីផ្នែកប្រព័ន្ធផ្សព្វផ្សាយ កញ្ញា ថេង បញ្ញា ចង់ឃើញវត្តមានផលិតករស្ត្រីកាន់តែច្រើននៅកម្ពុជា

ខ្ញុំចង់ឃើញផលិតករជាស្រី្ដមានចំនួនច្រើននៅកម្ពុជា ក្នុងនោះមានអ្នកដឹកនាំផលិតជាស្រ្តី ក្នុងប្រព័ន្ធផ្សព្វផ្សាយ ហើយធ្វើការទៅលើការផលិតវីដេអូ និងគ្រប់គ្រងទៅលើ…
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

ឯកឧត្តម សាយ សំអាល់ ៖ ការបង្រៀនសិស្សឱ្យមានចរិត និងចិត្តជាសហគ្រិនភាពជារឿងសំខាន់

លោកគ្រូអ្នកគ្រូមិនត្រឹមតែបង្ហាត់បង្រៀនកូនសិស្សឱ្យក្លាយជាមន្ត្រីរាជការស៊ីវិល កងកម្លាំងប្រដាប់ ឬបុគ្គលិកក្រុមហ៊ុនឯកជនប៉ុណ្ណោះទេ ប៉ុន្តែក៏ត្រូវបង្រៀនកូនសិស្សឱ្យចេះរក…
ព័ត៌មានជាតិ, ព័ត៌មានជាតិ និងអន្តរជាតិ, ព្រឹត្តិការណ៍

ភាព សុភ័ក ៖ ៤ចំណុច ក្នុងការជ្រើសរើសជំនាញសិក្សានៅសាកលវិទ្យាល័យឱ្យត្រឹមត្រូវ

ក្រោយលទ្ធផល​ប្រឡងសញ្ញាបត្រមធ្យមសិក្សាទុតិយភូមិ (បាក់ឌុប) បានប្រកាស មាន​សិស្សានុសិស្សមួយចំនួនធំដែល​បានប្រឡងជាប់ ប្រហែលជា​កំពុងតែ​ពិបាក​សម្រេច​ចិត្ត …
ព័ត៌មានអាហារូបករណ៍, ព្រឹត្តិការណ៍

ឯកឧត្ដម ស សុខា ផ្ដល់អាហារូបករណ៍១០០កន្លែង នៅវិទ្យាស្ថានអភិវឌ្ឍន៍អាស៊ីសច្ចៈ

ជាឱកាស​ដ៏​ល្អមួយសម្រាប់​សិស្សនិស្សិត​ដែល​កំពុងស្វែង​រក​ការ​សិក្សា​នៅ​ថ្នាក់ឧត្តម​សិក្សា ដោយ​ពេលនេះ ឯកឧត្តម ស សុខា បានប្រកាស​ផ្តល់​អាហារូបករណ៍ សិក្សា​ថ្នាក់បរិញ្ញាបត្រ …