ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
ភ្នំពេញ – ការបោះបាយបិណ្ឌ គឺជាទំនៀមរបស់បងប្អូនប្រជាពលរដ្ឋខ្មែរនៅក្នុងឱកាស នៃពិធីបុណ្យភ្ជុំបិណ្ឌ ដោយគេជឿថា ការបោះបាយបិណ្ឌ នៅវេលាជិតភ្លឺ ជាការបញ្ជូន ឬឧទ្ទិសកុសលទៅដល់ញាតិសណ្តានដែលបានចែកឋានទៅកាន់បរលោក។
សកម្មភាពនៃការបោះបាយបិណ្ឌនេះ មិនទាន់មានការឯកភាពគ្នានៅក្នុងសង្គមពុទ្ធសាសនិកនៅឡើយ ដោយអ្នកខ្លះបានចាត់ទុកថា ការបោះបាយបិណ្ឌជាកិច្ចដ៏សំខាន់មួយមិនអាចខកខានបាននៅក្នុងរដូវបុណ្យកាន់បិណ្ឌ ខណៈដែលអ្នកខ្លះបានអះអាង និងរិះគន់ថា ការបោះបាយបិណ្ឌជាទង្វើមិនត្រឹមត្រូវ ជាការខ្ជះខ្ជាយ ជាការធ្វើមិនគោរពទានជាដើម ។
លោក ហ៊ួន សាវន អនុប្រធាននាយកដ្ឋានអភិវឌ្ឍន៍វប្បធម៌ នៃក្រសួងវប្បធម៌ និងវិចិត្រសិល្បៈ បានមានប្រសាសន៍ថា នៅក្នុងពិធីបុណ្យភ្ជុំបិណ្ឌ ការបោះបាយបិណ្ឌ គឺជាទំនៀមដ៏សំខាន់មួយ ។ សម្រាប់រូបលោក មកទល់បច្ចុប្បន្ននេះ ពុំមានតួលេខ ឬស្ថិតិអ្វីមកទូទាត់ថា ការបោះបាយបិណ្ឌជាការខ្ជះខ្ជាយនោះទេ ហើយថា ប្រសិនបើប្រជាពលរដ្ឋយើងធ្វើទៅតាមទំនៀម ក៏មិនឃើញថា ខាតបង់អ្វីនោះដែរ។
លោក ហ៊ួន សាវន
“ការបោះបាយបិណ្ឌ គឺជាទំនៀមដែលខ្មែរយើងធ្វើតាំងតែពីខ្មែរយើងក្រ មិនដែលមានឡានជិះផង ក៏យើងធ្វើអាហ្នឹងបានដែរ មិនឃើញថា ក្រទៅណា វាអត់ក្រព្រោះតែរឿងប៉ុណ្ណឹង បើយើងឃើញថា ជាការខ្ជះខ្ជាយសម្រាប់រាល់ថ្ងៃនេះ គឺដូចជាការបរិភោគអាហារសល់នៅតាមហាង ពិសេសរឿងបុហ្វេអី អាហ្នឹងខ្ញុំយល់ថា ខ្ជះខ្ជាយ ជាការចំណាយដែលគ្មានប្រយោជន៍…”
បើតាមប្រសាសន៍របស់អ្នកស្រាវជ្រាវវប្បធម៌រូបនេះថា កាលពីសម័យដើម គេធ្វើបាយបិណ្ឌ ទៅតាមចំនួន នៃថ្ងៃបិណ្ឌ ដូចជាគេធ្វើបាយបិណ្ឌ១ដុំសម្រាប់បិណ្ឌ១ ហើយ២ដុំ សម្រាប់ថ្ងៃបិណ្ឌ២ រហូតដល់ថ្ងៃចុងក្រោយដែលគេហៅថា ភ្ជុំបិណ្ឌ គឺគេយកបាយបិណ្ឌទាំង១៥ដុំយកទៅជុំគ្នា ដែលគេហៅថា ភ្ជុំបិណ្ឌ។
ដោយឡែកព្រះតេជគុណ ហ៊ុំ សុទ្ធា សាស្រ្តាចារ្យភាសាបាលី នៃពុទ្ធកសាកលវិទ្យាល័យព្រះសីហនុរាជ មានសង្ឃដីកាថា តាមពិតទៅការបោះបាយបិណ្ឌ មិនមាននៅក្នុងគម្ពីព្រះពុទ្ធសាសនាឡើយ ហើយនៅក្នុងវចនានុក្រមខ្មែរ ក៏មិនបាននិយាយពីរឿងបោះបាយបិណ្ឌអ្វីទេ គ្រាន់តែមានពិធីកាន់បិណ្ឌ ឬកាន់វេនក្នុងរយៈពេល១៥ថ្ងៃប៉ុណ្ណឹង។ ព្រះតេជគុណ ហ៊ុំ សុទ្ធា មានសង្ឃដីកាបញ្ជាក់ថា ពិធីបុណ្យកាន់បិណ្ឌរយៈពេល១៥ថ្ងៃ មិនមែនផ្តោតសំខាន់ទៅលើការបោះបាយបិណ្ឌតែមួយមុខទេ ពោលការបោះបាយបិណ្ឌ គឺគ្រាន់តែជាពិធីតូចមួយនៅក្នុងរយៈពេល១ថ្ងៃ ឬរយៈពេល១ព្រឹក ដែលប្រជាពលរដ្ឋយើងធ្វើតាមទម្លាប់មុនអរុណជិតរះ រួចទើបនាំគ្នារាប់បាត្រ ប្រគេនចង្ហាន់ព្រះសង្ឃតាមកិច្ចព្រះពុទ្ធសាសនា។
ជាការកត់សម្គាល់របស់ព្រះតេជគុណ ហ៊ុំ សុទ្ធា បច្ចុប្បន្ននេះ នៅតាមវត្តអារាមខ្លះនៅប្រកាន់ទំនៀមទម្លាប់បោះបាយបិណ្ឌ ហើយវត្តខ្លះទៀតដែលពីមុនធ្លាប់បោះ ក៏បានឈប់ ហើយក៏រៀបចំប្រារព្ធពិធីតាមបែបលក្ខណៈព្រះពុទ្ធសាសនាវិញ។
សម្រាប់ព្រះគ្រូសាស្រ្តាចារ្យ ពិធីបុណ្យកាន់បិណ្ឌ មានគោលបំណងតែមួយ គឺចង់ឧទ្ទិសនូវចំណែកបុណ្យទៅដល់អ្នកដែលស្លាប់ទៅតែប៉ុណ្ណោះ ហើយសម្រាប់ការបោះបាយបិណ្ឌ មិនមានឯកសារណាមួយបញ្ជាក់កាលបរិច្ឆេទច្បាស់លាស់ថា បានប្រារព្ធធ្វើពីពេលណាមកដែរ ដែលពិធីនេះ ទំនងជាពិធីកម្មក្នុងព្រះពុទ្ធសាសនា។
ព្រះតេជគុន ហ៊ុំ សុទ្ធា
“ពិធីបុណ្យកាន់បិណ្ឌនេះ មើលទៅគោលបំណងតែមួយ គឺចង់ឧទ្ទិសនូវចំណែកបុណ្យទៅដល់អ្នកដែលស្លាប់ទៅតែប៉ុណ្ណឹង… យើងអត់មានឯកសារដែលបញ្ជាក់ច្បាស់ពីកាលបរិច្ឆេទនៃការបោះបាយបិណ្ឌនោះទេ ប៉ុន្តែគ្រាន់តែថា អានេះជាទំនង ឬថា ជាបែបបទ នៃពិធីកម្មក្នុងព្រះពុទ្ធសាសនា…”
យ៉ាងណាក៏ដោយព្រះតេជគុណ ហ៊ុំ សុទ្ធា មិនបានហាមប្រាមថា មិនឱ្យមានការប្រារព្ធធ្វើពីធីបោះបាយបិណ្ឌនោះទេ ដោយថា ពិធីនេះពេលខ្លះធ្វើទៅមិនល្អ ដូចជាការបោះបាយបិណ្ឌដោយជន់ជោរ បាននាំឱ្យកង្វក់ដល់ទីអារាម ដែលជាទីសម្រាប់គោរពបូជា ហើយក៏ជាការខ្ជះខ្ជាយនូវបាយ ដោយប្រសិនជាគេយកបាយទាំងនោះទៅចែកជាទានដល់ជនកម្សត់ទុរគត ម្ល៉េះសមទទួលបានប្រយោជន៍ពីដុំបាយទាំងនោះ។
ដោយឡែកចំណុចដែលល្អវិញ គឺ ទី១ នាំឱ្យមានសាមគ្គីភាពសម្រាប់ពុទ្ធបរិស័ទ្ទចំណុះជើងវត្ត, ទី២ ជាការផ្តល់ឱកាសដល់យុវជន ក្មេងជំនាន់ក្រោយឱ្យចូលវត្តអារាម ព្រោះថា មិនមានពេលវេលាណាផ្តល់ឱកាសឱ្យយុវជនបានចូលវត្តអារាមទេ និង ទី៣ ជាពេលវេលា នៃការកំណត់ពេលមួយសម្រាប់បុគ្គលដែលមានកត្តញូតាធម៌នៅក្នុងចិត្តបានបំពេញនូវកិច្ចកម្មទៅតាមបែបលក្ខណៈព្រះពុទ្ធសាសនាឱ្យបានល្អប្រសើរសម្រាប់ប្រជាពលរដ្ឋខ្មែរយើងទូទៅ៕
លោក សេក សត្យា មានបទពិសោធន៍ធ្វើការលើវិស័យសារព័ត៌មានរយៈ ពេលជាង ១០ឆ្នាំ និងជាផលិតករកម្មវិធីព័ត៌មានទូរទស្សន៍ ។
របាយការណ៍ថ្មី
មើលទាំងអស់ ➧
វិធីសាស្រ្ត ៤ ដើម្បីការពារ និងគ្រប់គ្រងអាការៈ Burnout
ចំណេះជីវិត, បទយកការណ៍, ព្រឹត្តិការណ៍
• 13/04/2026
ការប្រើគ្រឿងស្រវឹងអាចបំផ្លាញខួរក្បាល ដែលរួមចំណែកនាំឱ្យមានជំងឺវង្វេង
បទយកការណ៍, ព័ត៌មានអន្តរជាតិ, ព្រឹត្តិការណ៍
• 13/04/2026
ព័ត៌មានទូទៅ
មើលទាំងអស់ ➧
ឱកាសសិក្សាអាហារូបករណ៍រយៈពេលខ្លីនៅប្រទេសជប៉ុន នៃកម្មវិធីអាហារូបករណ៍ Amgen ឆ្នាំសិក្សា២០២៣
ព័ត៌មានអាហារូបករណ៍, ព្រឹត្តិការណ៍
• 18/01/2023
កម្មវិធីអាហារូបករណ៍ Amgen បើកផ្ដល់អាហារូបករណ៍ខ្លីរយៈពេល២ខែដោយមានការគាំទ្រពី Tokyo Scholarship សម្រាប់និស្សិតបរទេសដែលបានបញ្ចប់ថ្នាក់បរិញ្ញាបត្រ...
អាហារូបករណ៍ក្រោយឧត្តមសិក្សាជំនាញបរិស្ថាន កសិកម្ម និងគ្រូបង្រៀនភាសាអង់គ្លេស នៅប្រទេសនូវែលសេឡង់
ព័ត៌មានអាហារូបករណ៍, ព្រឹត្តិការណ៍
• 07/02/2025
កម្មវិធីអាហារូបករណ៍ Manaaki New Zealand Scholarships (MNZS) បានប្រកាសផ្តល់អាហារូបករណ៍ថ្នាក់ក្រោយឧត្តមសិក្សាចំនួន ៣៥កន្លែង ដល់ពលរដ្ឋកម្ពុជា (ទាំងក្នុងវិស័យសាធារណៈ និងឯកជន) លើមុខជំនាញពាក់ព័ន្ធនឹងការប្រែប្រួលអាកាសធាតុ...
អាហារូបករណ៍ថ្នាក់បរិញ្ញាបត្រចំនួន ៣៣០កន្លែងនៅវិទ្យាស្ថានជាតិសង្គមកិច្ចឆ្នាំសិក្សា២០២៥
ព័ត៌មានអាហារូបករណ៍, ព្រឹត្តិការណ៍
• 04/09/2024
ឱកាសសិក្សាអាហារូបករណ៍ចំនួន៣៣០កន្លែងថ្នាក់បរិញ្ញាបត្រនៅវិទ្យាស្ថានជាតិសង្គមកិច្ចសម្រាប់ឆ្នាំសិក្សា២០២៤-២០២៥។ អាហារូបករណ៍ផ្ដល់ជូនការសិក្សាលើមុខជំនាញដែលកំពុងមានតម្រូវការទីផ្សារការងារជាច្រើនមុខជំនាញ។
ឱកាសសិក្សាអាហារូបករណ៍ ៧៨កន្លែងនៅប្រទេសចិន ពី អ.ម.ត សម្រាប់ឆ្នាំសិក្សា២០២៥-២០២៦
ព័ត៌មានអាហារូបករណ៍, ព្រឹត្តិការណ៍
• 17/03/2025
គណៈកម្មាកិធិការអាហារូបករណ៍សិស្ស-និស្សិតក្រីក្រ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប្រកាសផ្ដល់អាហារូបករណ៍ ថ្នាក់ភាសាចិន ថ្នាក់បរិញ្ញាបត្រ និងបរិញ្ញាបត្រជាន់ខ្ពស់ ឆ្នាំសិក្សា២០២៥-២០២៦
ឱកាសអាហារូបករណ៍រៀនជំនាញ TVET ចំនួន ៦៦៥កន្លែង នៅវិទ្យាស្ថានពហុបច្ចេកទេសខេត្តកំពង់ឆ្នាំង
ព័ត៌មានអាហារូបករណ៍, ព្រឹត្តិការណ៍
• 30/05/2025
វិទ្យាស្ថានពហុបច្ចេកទេសខេត្តកំពង់ឆ្នាំង ដែលជាគ្រឹះស្ថានអប់រំបណ្ដុះបណ្ដាលបច្ចេកទេស និងវិជ្ជាជីវៈរបស់រដ្ឋតែមួយគត់ចំណុះក្រសួងការងារ និងបណ្ដុះបណ្ដាលវិជ្ជាជីវៈនៅខេត្តកំពង់ឆ្នាំង បានប្រកាសផ្ដល់អាហារូបករណ៍១០០%...
សាកលវិទ្យាល័យ Adelaide ផ្ដល់ការសិក្សាវគ្គខ្លីតាម Online ដោយឥតគិតថ្លៃ សម្រាប់ឆ្នាំសិក្សា២០២៦
ព័ត៌មានអាហារូបករណ៍, ព្រឹត្តិការណ៍
• 05/12/2025
ឱកាសសិក្សាវគ្គខ្លីតាម Online នៅសាកលវិទ្យាល័យ Adelaide ដោយឥតគិតថ្លៃសម្រាប់និស្សិតអន្តរជាតិ ពីកម្មវិធីអាហារូកបរណ៍ University of Adelaide edX សម្រាប់ឆ្នាំសិក្សា២០២៦។
ឱកាសសិក្សាអាហារូបករណ៍៥០% សម្រាប់វគ្គបណ្ដុះបណ្ដាលជំនាញវិជ្ជាជីវៈពន្ធដារជំនាន់ទី១៨
ព័ត៌មានអាហារូបករណ៍, ព្រឹត្តិការណ៍
• 26/10/2023
អគ្គនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុប្រកាសផ្ដល់អាហារូបករណ៍៥០% ចំនួន១០០កន្លែងនៅសាលាជាតិពន្ធដារ។ អាហារូបករណ៍ផ្ដល់ជូនសម្រាប់សិស្ស-និស្សិត ....
អាហារូបករណ៍ថ្នាក់បណ្ឌិតពី Hong Kong PhD Fellowship Scheme ឆ្នាំ២០២៦-២០២៧
ព័ត៌មានអាហារូបករណ៍, ព្រឹត្តិការណ៍
• 12/09/2025
ឱកាសសិក្សាអាហារូបករណ៍ថ្នាក់បណ្ឌិតពីកម្មវិធី Hong Kong PhD Fellowship Scheme (HKPFS) នៅទីក្រុងហុងកុង ឆ្នាំ២០២៦-២០២៧។ អាហារូបករណ៍ជ្រើសរើសនិស្សិតសិក្សាលើថ្នាក់បណ្ឌិតច្រើនជាង៤០០នាក់ទូទាំងពិភពលោក។
កម្មវិធីពិសេសរបស់ AMS EDUCATION
ព័ត៌មានសង្ខេប
