ស្លៀកសម្លៀកបំពាក់ប្រពៃណីខ្មែរក្នុងឱកាសបុណ្យភ្ជុំបិណ្ឌ បង្ហាញភាពសមសួនរបស់ស្រ្តីខ្មែរ

សំឡេងត្រូវបានបង្កើតឡើងតាមរយៈប្រព័ន្ធបញ្ញាសិប្បនិម្មិត។

នាឱកាសបុណ្យកាន់បិណ្ឌភ្ជុំបិណ្ឌ ការស្លៀកសម្លៀកបំពាក់ប្រពៃណីខ្មែរ ពិតជាបង្ហាញភាពស្រស់ស្អាត និងសមសួនបំផុតសម្រាប់នារីខ្មែរ។ ទន្ទឹមគ្នានេះ ការស្លៀកពាក់ត្រូវតាមបរិបទ ក៏ជាការតុបតែងខ្លួនមួយបែប អាចបង្ហាញពីការយល់ដឹង និងការឱ្យតម្លៃដល់ខ្លួនឯង នៅតាមទីសការៈ ឬទីសាធារណៈផងដែរ។

កញ្ញា សាន ស្រីនិច បុគ្គលិកក្រុមហ៊ុនឯកជនមួយនិយាយថា កញ្ញាពិតសប្បាយចិត្ត និងមានមោទកភាពដែលបានស្លៀកសម្លៀកបំពាក់ប្រពៃណីខ្មែរក្នុងឱកាសបុណ្យភ្ជុំបិណ្ឌ ដោយសារតែក្នុងមួយឆ្នាំអាចស្លៀកសម្លៀកបំពាក់បែបនេះ មួយដង ឬពីរដងប៉ុណ្ណោះក្នុងឱកាសបុណ្យប្រពៃណីជាតិ។ កញ្ញាថា ការស្លៀកសម្លៀកបំពាក់ប្រពៃណីខ្មែរក្នុងរដូវបុណ្យ​ភ្ជុំ គឺជាការបង្ហាញភាពសមសួន និងអាចរក្សាអត្តសញ្ញាណជាតិជាខ្មែរ បើទោះជាស្ថិតក្នុងសម័យទំនើបដែលមានការវិវត្តិរបៀបស្លៀកពាក់ច្រើន ក៏យើងនៅតែអាចត្រឡប់មកស្លៀកសម្លៀកបំពាក់ប្រពៃណីខ្មែរនៅពេលមានពិធីបុណ្យជាតិបានដែរ។

ស្រីនិច បន្ថែមថា ទោះសម្លៀកបំពាក់ប្រពៃណីខ្មែរ ហូល ផាមួងខ្មែរ មានតម្លៃថ្លៃ ប៉ុន្តែក៏មិនមែនប្រើបានតែម្ដងនោះដែរ គឺអាចប្រើសម្រាប់ឆ្នាំក្រោយៗទៀត ហើយក៏អាចប្រើប្រាស់សម្លៀកបំពាក់ប្រពៃណីខ្មែរនេះ សម្រាប់ចូលរួមពិធីបុណ្យជាតិធំៗដទៃទៀតបានផងដែរ។

សម្រាប់ កញ្ញា នង យូឡាយ គ្រូបង្រៀនសាលាឯកជនមួយកន្លែង លើកឡើងដែរថា ការស្លៀកសំម្លៀកបំពាក់ខ្មែរក្នុងរដូវបិណ្ឌភ្ជុំ កញ្ញាយល់ថា បានបង្ហាញពីគុណតម្លៃ និងភាពជានារីខ្មែរដែលមានចរិយាសម្បត្តិរាបសា រម្យទម និងសមសួន។ កញ្ញាបន្តថា ការស្លៀកសម្លៀកបំពាក់ប្រពៃណីខ្មែរក្នុងរដូវបិណ្ឌភ្ជុំនេះ គឺដើម្បីចង់បង្ហាញពីទនៀមទម្លាប់ខ្មែរដែលមានតាំងពីយូណាស់មកហើយខ្មែរ ហើយក៏ចង់បង្ហាញពីទំនៀមទម្លាប់ខ្មែរទៅមនុស្សជំនាន់ក្រោយឱ្យបានយល់ពីវប្បធម៌ក្នុងការស្លៀកសម្លៀកបំពាក់ឱ្យត្រូវទៅតាមកាលៈទេសៈ និងចង់ថែរក្សាសម្លៀកបំពាក់ហូលផាមួងខ្មែរឱ្យបានគង់វង្ស។

កញ្ញា នង យូឡាយ គិតថា ការស្លៀកសម្លៀកបំពាក់ខ្មែរក្នុងរដូវបិណ្ឌភ្ជុំនេះ មិនសូវចំណាយច្រើននោះទេ ពីព្រោះក្នុងរយៈពេលមួយឆ្នាំទើបចំណាយទៅលើការទិញឈុតប្រពៃណីខ្មែរម្តង ហើយយើងក៏អាចស្លៀកទៅចូលរួមពិធីផ្សេងៗពេលក្រោយបាន។

អ្នកស្រី សុខហេង អាជីវករលក់ដូរហូលផាមួងនៅផ្សារអូឬស្សី បានប្រាប់ឱ្យដឹងថា ការលក់សម្លៀកបំពាក់ប្រពៃណីខ្មែរនៅក្នុងឱកាសបុណ្យភ្ជុំបិណ្ឌ សម្រាប់ការលក់នៅតូបអ្នកស្រីផ្ទាល់ លក់ដាច់មួយៗតែប៉ុណ្ណោះ ប៉ុន្តែការបញ្ជាទិញតាមប្រព័ន្ធអនឡាញមានច្រើនគួរសម។ អ្នកស្រីបន្តថា ការលក់ដាច់ ភាគច្រើនជាប្រភេទសម្លៀកបំពាក់ប្រពៃណីខ្មែរ ប៉ុន្តែសាច់ក្រណាត់នាំចូលពីប្រទេសជិតខាង ដោយសារ​សាច់ក្រណាត់ដែលជាផលិតផលក្នុងស្រុកមានតម្លៃថ្លៃ។

សម្រាប់ អ្នកស្រី ណាវី អាជីវករលក់ដូរហូលផាមួងនៅផ្សារដើមគរវិញ ក៏បានលើកឡើងដែរថា ការលក់សម្លៀកបំពាក់ប្រពៃណីខ្មែរ អាវប៉ាក់ ហូលផាមួង មិនសូវដាច់ដូចឆ្នាំមុនៗទេ ដែលអ្នកស្រីគិតថា ប្រហែលមកពីបញ្ហាសេដ្ឋកិច្ចរបស់អ្នកទិញ។ អ្នកស្រី ណាវី បន្តថា អ្នកទិញភាគច្រើន ទិញតែសម្លៀកបំពាក់ដែលមិនមែនជាអាវប៉ាក់ ហូលផាមួងខ្មែរ ដោយសារវាមានតម្លៃត្រឹមតែ ៣៥ដុល្លារ ទៅ៥០ដុលារប៉ុណ្ណោះ ខណៈអាវប៉ាក់ ហូលផាមួងខ្មែរ គឺពួកគេ​ត្រូវចំណាយចាប់ពី ១០០ដុលារឡើងទៅ។

លោកបណ្ឌិត ឈត ប៊ុនថង មន្ត្រីស្រាវជ្រាវផ្នែកទំនាក់ទំនង វប្បធម៌ អប់រំ និងទេសចរណ៍ នៃរាជបណ្ឌិត្យសភាកម្ពុជា មានប្រសាសន៍ថា មនុស្សបច្ចុប្បន្ន មានការវិវត្តិម៉ូតសម្លៀកបំពាក់ ច្រើនធ្វើតាមលទ្ធភាព និងរស់និយមរបស់មនុស្សសម័យថ្មី។ សម្រាប់សម្លៀកបំពាក់ប្រពៃណីខ្មែរមានតម្លៃថ្លៃ ទើបប្រជាពលរដ្ឋខ្មែរមួយចំនួនទិញស្លៀកបំពាក់ប្រពៃណីដែលនាំចូលពីប្រទេសជិតខាងដោយសារមានតម្លៃទាប ហើយច្នៃមកទម្រង់ប្រពៃណីខ្មែរ។

មន្ត្រីស្រាវជ្រាវផ្នែកទំនាក់ទំនង វប្បធម៌ អប់រំ និងទេសចរណ៍ នៃរាជបណ្ឌិត្យសភាកម្ពុជា បញ្ជាក់បន្ថែមថា ការថយចុះនៃការស្លៀកសម្លៀកបំពាក់ប្រពៃណីខ្មែរ គឺអាចបណ្ដាលមកពីរស់និយមរបស់ប្រជាពលរដ្ឋខ្មែរមួយចំនួន ដែលចូលចិត្តភាពងាយស្រួល និងមិនចង់ចំណាយច្រើន។ យ៉ាងណាលោកបណ្ឌិត ឈត ប៊ុនថង ក៏នៅតែលើកទឹកចិត្តឱ្យមានការស្លៀកសម្លៀកបំពាក់ប្រពៃណីខ្មែរ ទាំងបុរស និងនារីផងដែរ ប៉ុន្តែធ្វើទៅតាមលទ្ធភាពរបស់ខ្លួន ព្រោះអត្តសញ្ញណស្នូលរបស់ជាតិសាសន៍នីមួយៗមិនមែនផ្ដោតលើសម្លៀកបំពាក់នោះទេ គឺផ្ដោតលើផ្នត់គំនិត អត្តចរិក សីលធម៌ គុណធម៌៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Illinois Wesleyan នៃសហរដ្ឋអាមេរិក ឆ្នាំសិក្សា២០២៣-២០២៤

ព័ត៌មានអាហារូបករណ៍, ព្រឹត្តិការណ៍

• 19/10/2023

ឱកាសសិក្សាអាហារូបករណ៍ថ្នាក់បរិញ្ញាបត្រនៅសាកលវិទ្យាល័យ Illinois Wesleyan នៃសហរដ្ឋអាមេរិកឆ្នាំសិក្សា២០២៣-២០២៤។ អាហារូបករណ៍ផ្ដល់ជូនការសិក្សាដល់និស្សិតទូទាំង....

អាហារូបករណ៍ថ្នាក់បរិញ្ញាបត្រ​៦០កន្លែង​នៅ​សាកលវិទ្យាល័យ​ភូមិន្ទវិចិត្រ​សិល្បៈ​ ឆ្នាំសិក្សា​២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 08/11/2024

ដើម្បីគាំទ្រ និងបន្តលើកស្ទួយវិស័យអប់រំ សម្ដេចអគ្គមហាសេនាបតីតេជោ ហ៊ុន សែន និងសម្តេច​គតិព្រឹទ្ធបណ្ឌិត ផ្ដល់អាហារូបករណ៍​ថ្នាក់​បរិញ្ញាបត្រ​ចំនួន​៦០កន្លែង សិក្សានៅសាកលវិទ្យាល័យភូមិន្ទវិចិត្រសិល្បៈ សម្រាប់សិក្សា២០២៤-២០២៥។

CGTI ផ្ដល់អាហារូបករណ៍ចំនួន៥០កន្លែងសម្រាប់សិស្សថ្នាក់ទី១២

ព័ត៌មានអាហារូបករណ៍, ព្រឹត្តិការណ៍

• 20/08/2025

វិទ្យាស្ថាន​បណ្តុះបណ្តាល​ឯកទេស​សម្រាប់​ឧស្សាហកម្ម​កាត់ដេរ ឬហៅថា CGTI ប្រកាសជ្រើសរើសសិស្សានុសិស្ស ចូលសិក្សាក្នុងវគ្គបណ្ដុះបណ្ដាលចំនួន៥០កន្លែង។ អាហារូបករណ៍ផ្ដល់ជូនសម្រាប់សិស្សានុសិស្ស...

ឱកាសអាហារូបករណ៍ថ្នាក់ភាសាចិនរយៈពេល ១ ឆ្នាំ នៅសាកលវិទ្យាល័យ YUNNAN NORMAL UNIVERSITY ចំនួន ៣០ កន្លែង

ព័ត៌មានអាហារូបករណ៍, ព្រឹត្តិការណ៍

• 28/02/2025

ជាឱកាស​សម្រាប់សិស្ស​និស្សិត ជាពិសេស​គ្រូបង្រៀនភាសាចិន ពេលនេះ​តាមរយៈ​សមាគម​និស្សិត​កម្ពុជា​ប្រចាំ​សាធាំរណរដ្ឋប្រជាមានិតចិន បានប្រកាស​ពីការផ្តល់អាហារូបករណ៍​ថ្នាក់ភាសាចិន​រយៈពេល​១ឆ្នាំ...

ឱកាស​សម្រាប់សិស្សកំពុងរៀនថ្នាក់ទី១២ ចង់រៀនជំនាញបច្ចេកវិទ្យា, ខេមតិច ផ្តល់អាហារូបករណ៍ ១០០%

ព័ត៌មានអាហារូបករណ៍, ព្រឹត្តិការណ៍

• 30/04/2026

សម្រាប់សិស្សានុសិស្ស​ដែលកំពុងរៀនថ្នាក់ទី១២ ហើយមានបំណងចង់បន្តការសិក្សានៅសាកលវិទ្យាល័យ លើជំនាញបច្ចេកវិទ្យា បន្ទាប់ពីចប់បាក់ឌុបរួច, ពេលនេះ សាកលវិទ្យាល័យ​ឯកជនក្នុងស្រុកមួយ...

ឱកាស​អាហារូបករណ៍​ថ្នាក់អនុបណ្ឌិត បរិញ្ញាបត្រ និង​បរិញ្ញាបត្ររង ១០០% ចំនួន២៣០កន្លែង ពី ស.ស.យ.ក. រាជធានីភ្នំពេញ

ព័ត៌មានអាហារូបករណ៍, ព្រឹត្តិការណ៍

• 27/09/2024

សហភាពសហព័ន្ធយុវជន​កម្ពុជា​រាជធានីភ្នំពេញ (ស.ស.យ.ក. រាជធានីភ្នំពេញ) ក្រោម​កិច្ច​សហប្រតិបត្តិការ​ជាមួយវិទ្យាស្ថាន​ខ្មែរជំនាន់ថ្មី ផ្តល់ជូនអាហារូបករណ៍​ថ្នាក់បរិញ្ញាបត្រជាន់ខ្ពស់ (អនុបណ្ឌិត) ចំនួន៣០កន្លែង ថ្នាក់បរិញ្ញាបត្រ និង​ថ្នាក់បរិញ្ញាបត្ររង ចំនួន...

ឱកាសសម្រាប់សិស្ស-និស្សិត RUPP ទៅបន្តការសិក្សាថ្នាក់បរិញ្ញាបត្រជាន់ខ្ពស់នៅ Sogang University

ព័ត៌មានអាហារូបករណ៍, ព្រឹត្តិការណ៍, អាហារូបករណ៍

• 29/05/2026

សាកលវិទ្យាល័យ Sogang (Sogang University) ដែលជាគ្រឹះស្ថានឧត្តមសិក្សាដ៏ល្បីល្បាញ និងចំណាស់ជាងគេមួយនៅក្នុងសាធារណរដ្ឋកូរ៉េ ក្រោមជំនួយកិច្ចសហការជាមួយអង្គការ Jesuit Service-Cambodia...

ស្ថានទូតអាមេរិកប្រកាសបើកទទួលពាក្យអាហាររូបករណ៍ Fulbright U.S.-ASEAN សម្រាប់អ្នកស្រាវជ្រាវ និងមន្ត្រីជំនាញ ឆ្នាំ២០២៦

ព័ត៌មានអាហារូបករណ៍, ព្រឹត្តិការណ៍

• 31/12/2025

ផ្នែកការទូតសាធារណៈនៃស្ថានទូតសហរដ្ឋអាមេរិក បានប្រកាសជាផ្លូវការនូវការបើកទទួលពាក្យសុំអាហាររូបករណ៍ Fulbright U.S.-ASEAN Visiting Scholar សម្រាប់ឆ្នាំ២០២៦ ដើម្បីផ្តល់ឱកាសដល់សាស្ត្រាចារ្យសកលវិទ្យាល័យ...

ឱកាសសិក្សាអាហារូបករណ៍ថ្នាក់ឧត្ដមសិក្សា ពីកម្មវិធីរដ្ឋាភិបាលអាស៊ែបៃហ្សង់ ឆ្នាំ២០២៤

ព័ត៌មានអាហារូបករណ៍, ព្រឹត្តិការណ៍

• 10/05/2024

ក្រសួងការបរទេស និងក្រសួងវិទ្យាសាស្ត្រ និងអប់រំនៃសាធារណរដ្ឋអាស៊ែបៃហ្សង់ប្រកាសបើកផ្ដល់អាហារូបករណ៍សិក្សាឆ្នាំ២០២៤ក្រោម...



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *