រាជរដ្ឋាភិបាល​បញ្ជាក់​ពី​ការ​ប្ដេជ្ញា​ចិត្ត​ក្នុង​ការ​លើកស្ទួយ​សុខុមាលភាព​ប្រជាជន តាមរយៈ​ការ​លើក​កម្ពស់​សុខភាព​សាធារណៈ និង​អាហារូបត្ថម្ភ

ក្នុង​សារលិខិត​ចូលរួម​អបអរ​ទិវា​អាហារូបត្ថម្ភ លើកទី១១ ក្រោម​ប្រធានបទ «អាហារូបត្ថម្ភ​ដើម្បី​ការលូតលាស់ និងកំណើន» សម្តេច​មហាបវរធិបតី ហ៊ុន ម៉ាណែត នាយករដ្ឋមន្រ្តី នៃ​ព្រះរាជាណាចក្រ​កម្ពុជា បាន​បញ្ជាក់​ពី​ការ​ប្តេជ្ញា​ចិត្ត​​ក្នុង​ការ​លើក​ស្ទួយ​សុខុមាលភាព​របស់​ប្រជាជន តាមរយៈ​ការ​លើក​កម្ពស់​សេវា​សុខភាព​សាធារណៈ និង​អាហារូបត្ថម្ភ ព្រមទាំង​ពង្រឹង​ប្រព័ន្ធ​គាំពារ​សង្គម និង​ប្រព័ន្ធ​ស្បៀង​ឱ្យ​កាន់តែ​រឹងមាំ ឆ្លាតវៃ ធន់ បរិយាប័ន្ន ផ្ដល់​នូវ​សន្តិសុខ​ស្បៀង និង​អាហារូបត្ថម្ភ​សម្រាប់​ប្រជាជន​គ្រប់រូប។

តាម​លទ្ធផល នៃ​ការ​អង្កេត​ប្រជាសាស្ត្រ និង​សុខភាព​កម្ពុជា ចាប់​ពីឆ្នាំ​២០០០ ដល់​ឆ្នាំ​២០២១-២០២២ បាន​បង្ហាញថា អត្រា​ក្រិស​ក្រិន​របស់​កុមារ​អាយុ​ក្រោម​៥ឆ្នាំ បាន​ធ្លាក់​ចុះ​ពី​៥០ភាគរយ មក​ត្រឹម ២១,៩០ភាគរយ អត្រា​ស្គម​ស្គាំង​បាន​ធ្លាក់ចុះ​ពី​១៧ភាគរយ មក​ត្រឹម​ ៩,៦០ភាគរយ អត្រា​កុមារ​មិន​គ្រប់​ទម្ងន់ បាន​ធ្លាក់ចុះ​ពី​៣៩ភាគរយ មក​ត្រឹម​១៦ភាគរយ ហើយ​អត្រា​មិន​គ្រប់​ទម្ងន់​របស់​ស្រ្តី​ក្នុងវ័យ​បន្ត​ពូជ ក៏​បានធ្លាក់ចុះ​ពី ២០,៦០ភាគរយ មក​ត្រឹម ១០,៥៥ភាគរយ។

បើតាម​ការ​បញ្ជាក់​របស់​សម្តេច​នាយករដ្ឋមន្ត្រី ឈរ​លើ​បរិបទ នៃការ​រីកចម្រើន​ផ្នែក​សេដ្ឋកិច្ច និង​សង្គម​នៅ​កម្ពុជា​នា​ពេល​បច្ចុប្បន្ន បាន​ធ្វើ​ឱ្យ​​ប្រជាជន​ផ្លាស់ប្ដូរ​របៀបរស់នៅ និង​ផ្លាស់ប្ដូរ​ឥរិយាបថ​ក្នុង​ការ​បរិភោគ​អាហារ។ ការ​ផ្លាស់ប្ដូរ​ទាំងនេះ មាន​ឥទ្ធិពល​ជា​វិជ្ជមាន​លើ​ស្ថានភាព​អាហារូបត្ថម្ភ​របស់​ប្រជាជន។ ខណៈ​ពេល​ដែល​រាជរដ្ឋាភិបាល​បាន​និង​កំពុង​យកចិត្ត​ទុកដាក់​ដោះ​ស្រាយ​បញ្ហា​កង្វះ​អាហារូបត្ថម្ភ បញ្ហា​កង្វះ​មីក្រូ​សារជាតិ និង​បញ្ហា​ថយ​ចុះ​អត្រា​បំបៅ​កូន​ដោយ​ទឹកដោះ​ម្ដាយ​តែមួយ​មុខ​គត់ បញ្ហា​ធាត់ និង​លើស​ទម្ងន់ ក៏​មាន​និន្នាការ​កើន​ឡើង​គួរ​ឱ្យ​កត់សម្គាល់។

ទន្ទឹម​នេះ របប​អាហារ​មិន​ល្អ និង​ការ​ធ្វើ​លំហាត់​ប្រាណ​មិន​បាន​គ្រប់គ្រាន់ ក៏​ជា​កត្តា​ហានិភ័យ នៃ​បញ្ហា​សុខភាព​សាធារណៈ និង​ធ្វើ​ឱ្យ​ចុះ​ខ្សោយ​ប្រព័ន្ធ​ការពារ​រាងកាយ​ប្រឆាំង​នឹង​ជំងឺ​គ្រប់​ប្រភេទ។ ការ​ទទួល​ទាន​អាហារ​ដែល​មាន​ថាមពល​ខ្ពស់ ជាតិ​ខ្លាញ់ ស្ករ ឬ​អំបិល​ច្រើន និង​ការ​បរិភោគ​បន្លែ ផ្លែឈើ​មិន​បាន​គ្រប់គ្រាន់ គឺជា​ហេតុផល​ចម្បង​បណ្ដាល​ឱ្យ​មាន​ជំងឺ​មិន​ឆ្លង​នានា ដូចជា​ជំងឺ​ទឹកនោម​ផ្អែម ជំងឺបេះដូង ជំងឺ​ឡើង​សម្ពាធ​ឈាម​ខ្ពស់ ជំងឺ​ដាច់​សរសៃ​ឈាម​ខួរក្បាល និង​ជំងឺ​មហារីក។ល។ ឈរ​លើ​កត្តា​ទាំងនេះ រាជរដ្ឋាភិបាល​អំពាវនាវ​ឱ្យ​គ្រប់​តួអង្គ​ពាក់ព័ន្ធ ត្រូវ​ចូលរួម​ផ្លាស់ប្ដូរ​របៀប​ផលិត របៀប​កែច្នៃ របៀប​ធ្វើ​អាជីវកម្ម របៀប​របរ​ការ​បរិភោគ​អាហារ និង​ការ​រស់នៅ ដើម្បី​ថែ​រក្សា​សុខភាព និង​សុខុមាល​ភាព​ម្នាក់ៗ​ឱ្យ​បាន​ល្អ។

ជាមួយ​គ្នា​នេះ ដើម្បី​លុបបំបាត់​បញ្ហា​អាហារូបត្ថម្ភ​គ្រប់​ទម្រង់​នៅ​កម្ពុជា សម្ដេច​នាយករដ្ឋមន្ត្រី​បញ្ជាក់​ថា គឺ​ទាមទារ​ឱ្យ​មាន​កិច្ច​សហការ ការ​សម្របសម្រួល កិច្ច​អន្តរាគមន៍ និង​ការ​វិនិយោគ​នៅ​ក្នុងវិស័យ​កសិកម្ម សុខាភិបាល អប់រំ កិច្ច​គាំពារ​សង្គម ទឹក​ស្អាត និង​អនាម័យ និង​វិស័យ​ពាក់ព័ន្ធ​ផ្សេងៗ​ទៀត។

សូម​បញ្ជាក់​ថា ទិវា​ជាតិ​អាហារូបត្ថម្ភ​ត្រូវ​បាន​ប្រារព្ធ​ធ្វើ​ឡើង​ជា​រៀង​រាល់ឆ្នាំ នាថ្ងៃទី៦ ខែ​វិច្ឆិកា ក្នុង​គោលបំណង​ផ្សព្វផ្សាយ​អប់រំ​ និង​លើក​កម្ពស់​ការ​យល់​ដឹង​ជា​សាធារណៈ​ឱ្យ​បាន​ទូលំទូលាយ​អំពី​សារៈសំខាន់ នៃ​វិស័យ​សន្តិសុខ​ស្បៀង និង​អាហារូបត្ថម្ភ ក្នុង​ការ​ចូលរួម​ចំណែក​អភិវឌ្ឍ​មូលធន​មនុស្ស បង្កើន​ប្រសិទ្ធភាព​ការងារ ជំរុញ​កំណើន​សេដ្ឋកិច្ច និង​វឌ្ឍនភាព​សង្គម។ នៅ​ឆ្នាំ​២០២៤នេះ ទិវាជាតិ​អាហារូបត្ថម្ភ​បាន​ប្រារព្ធ​ឡើង​ក្រោម​ប្រធានបទ «អាហារូបត្ថម្ភ​ដើម្បី​ការ​លូតលាស់ និង​កំណើន» ស្រប​ពេល​ដែល​អង្គការ​សហប្រជាជាតិ​នឹង​រៀបចំ​សន្និសីទ​កំពូល​ស្ដីពី​អាហារូបត្ថម្ភ​ដើម្បី​ការលូតលាស់ និង​កំណើន​នៅ​ទីក្រុង​ប៉ារីស ប្រទេស​បារាំង នៅ​ខែមីនា ឆ្នាំ២០២៥ ខាងមុខ ដើម្បី​ផ្តល់​ឱកាស​ឱ្យ​រដ្ឋ​ជា​សមាជិក​បង្ហាញ​ពីការ​ប្ដេជ្ញា​ចិត្ត​ជាថ្មី​ស្តីពី​អាហារូបត្ថម្ភ ដើម្បី​ឈាន​ទៅ​សម្រេច​ឱ្យ​បាន​គោលដៅ​អភិវឌ្ឍន៍​ប្រកប​ដោយ​ចីរភាព​ឆ្នាំ​២០៣០ ពិសេស​គោលដៅទី២ គឺ​បញ្ចប់​ភាព​អត់ឃ្លាន សម្រេច​ឱ្យ​បាន​នូវ​សន្តិសុខ​ស្បៀង និង​អាហារូបត្ថម្ភ​មាន​ភាព​ប្រសើរ​ឡើង និង​លើក​កម្ពស់​កសិកម្ម​ប្រកប​ដោយ​ចីរភាព និង​គោលដៅទី៣ គឺ ធានា​ឱ្យ​ជីវភាព​រស់នៅ​របស់​ប្រជាជន​មាន​សុខភាព​ល្អ និង​លើក​កម្ពស់​សុខុមាលភាព​របស់​មនុស្ស​គ្រប់​រូប និង​គ្រប់​វ័យ៕




របាយការណ៍ថ្មី

មើលទាំងអស់ ➧

ព័ត៌មានទូទៅ

មើលទាំងអស់ ➧

អាហារូបករណ៍សម្រាប់និស្សិតថ្នាក់បរិញ្ញាបត្រនៅសាកលវិទ្យាល័យភូមិន្ទភ្នំពេញពី ធនាគា អ៊ូរី ឆ្នាំសិក្សា២០២៤-២០២៥

ព័ត៌មានអាហារូបករណ៍, ព្រឹត្តិការណ៍

• 12/03/2025

សាកលវិទ្យាល័យភូមិន្ទភ្នំពេញ ប្រកាសដល់សិស្សនិស្សិតដែលកំពុងសិក្សាឆ្នាំទី២ ទី៣ និងទី៤ ក្នុងឆ្នាំសិក្សា២០២៤-២០២៥ អំពីការផ្ដល់អាហារូបករណ៍សាច់ប្រាក់ពី ធនាគារ អ៊ូរី (ខេមបូឌា) ម.ក សម្រាប់និស្សិតនៃសាកលវិទ្យាល័យភូមិន្ទភ្នំពេញ។

អាហារូបករណ៍សាច់ប្រាក់ពី Education First Cambodia សម្រាប់និស្សិតស្រីរយៈពេល៣ឆ្នាំ

ព័ត៌មានអាហារូបករណ៍, ព្រឹត្តិការណ៍

• 11/10/2023

ឱកាសទទួលបានអាហារូបករណ៍សាច់ប្រាក់រយៈពេល៣ឆ្នាំពី Education First Cambodia ផ្ដល់សម្រាប់សិស្សស្រីកំពុងសិក្សាឆ្នាំទី២នៃឆ្នាំសិក្សា២០២៣-២០២៤ ។ អាហារូបករណ៍ផ្ដល់ជូនសម្រាប់និស្សិតកំពុងសិក្សានៅ...

អាហារូបករណ៍ រដ្ឋាភិបាលនូវែលសេឡង់ សិក្សា​ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត សម្រាប់ឆ្នាំសិក្សា២០២៧

ព័ត៌មានអាហារូបករណ៍, ព្រឹត្តិការណ៍

• 23/03/2026

ក្នុងឆ្នាំ២០២៦នេះ រដ្ឋាភិបាល នៃប្រទេសនូវែលសេឡង់ នឹងផ្តល់អាហារូបករណ៍ចំនួន ៣៥កន្លែង ដល់ពលរដ្ឋកម្ពុជា ដើម្បីទៅបន្តការសិក្សា ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត នៅ​តាម​សាកលវិទ្យាល័យ​នានា

ឱកាសសិក្សាអាហារូបករណ៍សិក្សាវគ្គខ្លីពី World Health Organization តាមរយៈ Online 

ព័ត៌មានអាហារូបករណ៍, ព្រឹត្តិការណ៍

• 05/06/2024

តាមរយៈ OpenWHO អង្គការសុខភាពពិភពលោកផ្ដល់វគ្គសិក្សាតាម Internet ដោយឥតគិតថ្លៃសម្រាប់សិស្សនិស្សិតអន្តរជាតិទូទាំងពិភពលោក។ វគ្គ...

ឯកឧត្តម​បណ្ឌិត​សភា​ចារ្យ​ ហង់​ជួន ​ណារ៉ុន ​ផ្តល់​អាហារូបករណ៍​ ១០០​%​ ​និង​ឱកាស​ការងារ​ចំនួន​ ​១០​កន្លែង​ សិក្សា​នៅ​សាកលវិទ្យាល័យ​បូណា​ម៉ារី ​(​BMU​)​

ព័ត៌មានអាហារូបករណ៍, ព្រឹត្តិការណ៍

• 09/09/2026

ជា​ឱកាស​សម្រាប់​យុវជន​សិស្សានុសិស្ស​ដែល​ទើប​បញ្ចប់​ការ​សិក្សា​ថ្នាក់​មធ្យមសិក្សា​ទុតិយ​ភូមិ​,​ ​ឯកឧត្តម​បណ្ឌិត​សភា​ចារ្យ​ ហង់​ជួន ​ណារ៉ុន ​

វិទ្យាស្ថានជាតិពាណិជ្ជសាស្រ្តផ្តល់អាហារូបករណ៍ សិក្សា​ជំនាញ​ក្នុង​វិស័យ​ធុរកិច្ច និង​ព័ត៌មានវិទ្យា ដោយ​ឥតគិតថ្លៃ

ព័ត៌មានអាហារូបករណ៍, ព្រឹត្តិការណ៍

• 22/04/2024

វិទ្យាស្ថានជាតិពាណិជ្ជសាស្រ្ត បានប្រកាស​ផ្តល់អាហារូបករណ៍​ជាច្រើន​កន្លែង​ដល់​យុវជន​ ដែលមាន​បំណង​ចង់សិក្សា​ជំនាញក្នុងវិស័យ​ធុរកិច្ច និង​ព័ត៌មាន​វិទ្យា។

ឱកាសចូលរួម​កម្មវិធី​ទស្សនកិច្ច​សិក្សា​នៅ​សាកលវិទ្យាល័យ CHUO ទីក្រុងតូក្យូ ប្រទេស​ជប៉ុន

ព័ត៌មានអាហារូបករណ៍, ព្រឹត្តិការណ៍

• 21/07/2025

សាកលវិទ្យាល័យ​ភូមិន្ទ​នីតិសាស្រ្ត និង​វិទ្យាសាស្រ្ត​សេដ្ឋកិច្ច បានប្រកាស​ជ្រើសរើស​និស្សិត​ចំនួន១០រូប ដើម្បី​ទៅចូល​រួមទស្សនកិច្ច​សិក្សា​នៅ​សាកលវិទ្យាល័យ CHUO ទីក្រុង​តូក្យូ ប្រទេស​ជប៉ុន ដែល​នឹង​ប្រព្រឹត្ត​ទៅ​ពី​ថ្ងៃទី១៧-២៣ ខែវិច្ឆិកា ឆ្នាំ២០២៥។

ឱកាស​សម្រាប់ប្រជាពលរដ្ឋ និង​យុវជន​នៅ​ខេត្តបន្ទាយមានជ័យ សិក្សាជំនាញបច្ចេកទេស និង​វិជ្ជាជីវៈឥតគិតថ្លៃ​ចំនួន ១៦៥០នាក់

ព័ត៌មានអាហារូបករណ៍, ព្រឹត្តិការណ៍

• 13/03/2024

វិទ្យាស្ថាន​ពហុបច្ចកទេស​ខេត្ត​បន្ទាយមានជ័យ បានជូនដំណឹងថា វិទ្យាស្ថាន​នឹង​បើក​វគ្គបណ្តុះបណ្តាល​ដល់បងប្អូន​ប្រជាពលរដ្ឋ យុវជន កម្មករ កម្មការិនី និងជនចំណាកស្រុក ដែលមកពី​គ្រួសារក្រីក្រ គ្រួសារងាយរងហានិភ័យ...

ឱកាសអាហារូបករណ៍ថ្នាក់ភាសាចិនរយៈពេល ១ ឆ្នាំ នៅសាកលវិទ្យាល័យ YUNNAN NORMAL UNIVERSITY ចំនួន ៣០ កន្លែង

ព័ត៌មានអាហារូបករណ៍, ព្រឹត្តិការណ៍

• 28/02/2025

ជាឱកាស​សម្រាប់សិស្ស​និស្សិត ជាពិសេស​គ្រូបង្រៀនភាសាចិន ពេលនេះ​តាមរយៈ​សមាគម​និស្សិត​កម្ពុជា​ប្រចាំ​សាធាំរណរដ្ឋប្រជាមានិតចិន បានប្រកាស​ពីការផ្តល់អាហារូបករណ៍​ថ្នាក់ភាសាចិន​រយៈពេល​១ឆ្នាំ...



អាសយដ្ឋាន​អ៊ីមែល​របស់​អ្នក​នឹង​មិន​ត្រូវ​ផ្សាយ​ទេ។ វាល​ដែល​ត្រូវ​ការ​ត្រូវ​បាន​គូស *