ព្រឹត្តិការណ៍ព័ត៌មាន
ចំណេះជីវិត
ជំនាញ
យុវជនឆ្នើម
អប់រំកុមារតូច
ព័ត៌មានអាហារូបករណ៍
មាតិកាឌីជីថល
អនាគត
ពន្លកបៃតង
កម្ពុជា 360°
សិស្សឆ្នើម សូរ សុខសេដ្ឋាវតី តំណាងមជ្ឈមណ្ឌលសិក្សា សាន់ សាញ និងជាសិស្សមួយរូបក្នុងចំណោមសិស្សជាង ៨០០០នាក់ ដែលត្រូវបានជ្រើសរើសជាសិស្សតំណែងជើងឯក នៃកម្មវិធី CashVille Kidz តាមរយៈកម្មវិធីអភិវឌ្ឍចំណេះដឹងហិរញ្ញវត្ថុ Moneytree បានធ្វើដំណើរទៅទទួលពានរង្វាន់នៅប្រទេសហ្វីលីពីន។
សម្រាប់ជោគជ័យថ្ងៃនេះ ប្អូនស្រីបានព្យាយាមក្នុងការថតវីដេអូដោយលើកឡើងពីប្រធានបទ និងខ្លឹមសារពីចំណេះដឹងហិរញ្ញវត្ថុដូចជា ការសន្សំ ការចាយឆ្លាតវៃ និងត្រូវខ្ទង់ថវិកា ការចេះរៀបគម្រោងថវិកាផ្ទាល់ខ្លួន ចេះការពារសម្រាប់ហានិភ័យហិរញ្ញវត្ថុនៅថ្ងៃអនាគត ព្រមទាំងចែករំលែកចំណេះដែលមានទៅគ្រួសារប្អូន និងបានប្រើប្រាស់យ៉ាងមានប្រសិទ្ធភាពផងដែរ។
កម្មវិធីនេះ ត្រូវបានដាក់ឱ្យសិក្សានៅមជ្ឈមណ្ឌលសិក្សា សាន់ សាញ ទាំងបីសាខា ដែលមជ្ឈមណ្ឌលសិក្សា សាន់ សាញ ជាមជ្ឈមណ្ឌលជំនាញក្នុងការអភិវឌ្ឍខួរក្បាលកុមារដែលបណ្ដុះបណ្ដាលកុមារជាង១ម៉ឺននាក់ក្នុងរយៈពេល១០ឆ្នាំ ដែលសេវាកម្មសិក្សារួមមានកម្មវិធី យូ ស៊ី ម៉ាស់ (UCMAS) និងកម្មវិធីអភិវឌ្ឍចំណេះដឹងហិរញ្ញវត្ថុ(MONEYTREE)៕
